回覆 EVA222 的帖子
謝謝你明白我, 我係呢個家要忍老公, 忍奶奶, 忍姑仔, 真係無日開心, 仔讀書又唔好, 要勞心勞力
但出面既人以為我嫁得唔錯, 身活條件好好, 而不知道我背後既淒涼
我當年生第一個仔個時, 我媽以為我嫁得好好, 老公會安排好幫我坐月, 又怕我奶奶唔鐘意, 所以無主動來上我家探我.....但其實我老公咩都無安排, 奶奶咩都無煮野我食, 不過在我老公面前吹會煮好多野比我補身, 我老公信到十足, 當我告訴他無咁既事, 佢第一反應是我講大話屈個老人家
但實情係, 奶奶只煮過1次雞酒, 在我家吃, 但叫埋姑仔和姑仔個女, 咁我以為大家一起吃無所謂, 點知一開飯姑仔和女食晒d雞酒, 咁我想飲個雞酒湯汁, 準備用匙筆入碗, 姑仔個女 (當年9歲)大聲話: 唔好筆, 我架
咁成餐飯得雞酒和菜心和肉餅, 我又坐緊月, 我只敢食菜和肉, 明眼人都睇得出 我奶奶做表面野比老公睇佢有整野我食, 但實際上她無, 食既得佢個女和孫女, 我食既係肉餅, 之後仲屈我話我賺佢煮d野唔食, 所以一啖都無食
呢d只係冰山一角, 咁點解咁多人唔虾,只虾我呢....錯, 我奶奶和姑仔唔只對我差, 係對我老公既大哥老婆一樣咁差, 只係佢大哥好保護自己太太, 唔想太太受罪, 所以搬到遠一遠, 唔同奶奶, 姑仔, 我老公來往, 只會年初一和做冬回去食餐飯, 食飯後即走, 食飯期間唔講野
如果我老公肯好似佢大哥咁保護自己太太, 我可能都幾快樂, 不過, 我睇得出, 我老公和奶奶同佢個妹個格都好似
所以我係呢個家, 日日擔心唔知一陣有咩事發生, 一陣有d咩人黎攪事, 一陣唔知有咩屈辱要受
我個奶奶, 一唔順眼, 好興走去人地家到嘈, 我在 bk 都講過, 我奶奶試過走上我媽家不停數我要我媽向佢道歉
嫁得好, 和老公有無錢, 其實無關, 再比我選一次, 一定唔會選嫁中產, 嫁窮人, 可能小朋友得唔到好既資源, 但窮得來開心, 無錢, 不以申請津貼
嫁入中產, 老公唔理你, 自己又咩都唔可以同政府申請, 所以真係有苦自己知
我在爸媽面前扮無野, 但我爸有日問我是不是不夠錢用, 因為他發覺得幾年黎無咩靚衫著, 著黎著去都是 cheap 衫, 是不是經濟出了問題
我說不是呀, 我老公每年都換車, 我點會無買新衫 (我呢d大話點講得通 ), 我好多靚衫呀, 老公剛買了好多野送比我呀....
咁見他個樣安樂d, 我就唔再講下去, 不過爸成日問點解次次回外家得我一人帶2個小朋友, 我老公幾年都唔出現, 我只好推說他很忙, 點講得出口, 有人唔比面, 唔想同我爸媽打交道
如果各位媽咪, 你們有女, 一定要講明搵老公要搵d識尊重人既男人, 唔只個男人識, 係連佢家人都要有基本尊重人既修養, 唔係, 自己唔開心, 女兒也不會快樂
所有遇見，皆有因果
要是每個人都懂你，那你得有多平凡
發表於 
振作呀。好慘。。老實講。搵咁少就睇自己老婆唔起。好人有限。我姑仔同c6一個月搵3~4十萬個月。都對我呢個無業呀嫂恭恭敬敬。是個人修養問題。不要怕。而家社處有好多婦女支援既服務。可以帶c6去下婚姻輔導之類嗎？好心痛。有時言語既傷害加家暴。係非正常人可以容忍既。相信你為了兒子忍得好辛苦
走佬....!
返回列表
