吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 自由講場› 請大家俾d意見我.thanks~ 篇野好長....隔行出唔到,所以 ...

自由講場今日: 1854|主題: 1349991

收藏本版

發帖

返回列表

跳至頁

樓主: happyunun

請大家俾d意見我.thanks~ 篇野好長....隔行出唔到,所以唔隔行

[複製鏈接]

6 7 8910

happyunun

複式洋房

積分: 332

161^#

發表於 12-8-31 00:48 |只看該作者

回覆 happygirlyuki 的帖子

其實我睇返哂之前大家的回應,點解一開始你就會覺得我一毫子都冇拎過返屋企呢?
乜你同我一齊住個咩?你諗的就當係真?
我俾錢佢地果陣你有冇企喺我隔離呀?我次次都用利是封入住架~仲寫有祝身體健康之類的說話,你有冇睇到呀?冇的話你憑咩就一口咬定我冇俾錢屋企呀?
我做唔到每月俾,因為我自己連基本生活費都唔夠,我以前個ex見我成日冇錢開飯,佢做點心公司都拎唔少點心俾我帶返公司食,你可想而知我d生活係有幾好.
但我次次都將份糧的bonus(應該要用黎還重組的錢),申請左括免唔還俾銀行,就用黎俾哂佢地,幾千蚊架果度...我可以做的都已經做左,點解仲要俾人話?
我唔明囉~

私人傳訊

波波寶寶

大宅

積分: 2781

162^#

發表於 12-8-31 00:53 |只看該作者

回覆：請大家俾d意見我.thanks~ 篇野好長....隔行出唔到,所以唔隔行

樓主、其實睇得出你嘅痛苦、你媽咪對你影響好大、你亦都好容易被人牽動情緒、做乜令到自己吾開心呢？

前面有位JM叫你放下我唸個意思係叫你放下心中的恨、怨、怒、放下了就自然知道自己想吾想見？有無需要見？
陀BB時心情好、個B出世都易湊好多吖、所以你的心情好重要、試下自己出去海皮行下、呼吸下同BB講下嘢、你要話俾自己知你吾可以再糾纏喺呢件事上、吾好俾陰影拖住你走、所有喜怒哀樂源於你心、你有得揀㗎、最後希望你做一個開心的人

私人傳訊

happyunun

複式洋房

積分: 332

163^#

發表於 12-8-31 00:53 |只看該作者

回覆 pcbu 的帖子

而家,係初步聯絡過警方,冇正式落案,問意見者.
佢地都話要等私隱專員覆先知做唔做到野,所以我向其他保險業相關機構投訴佢,
我諗佢同佢公司而家都已經好煩...
不過連保險業的機構都幫我手出信投訴佢,佢地都覺得有問題.
我如果就咁算,就會助長佢有下一次.
所以我同老公都覺得要追究到底.
始終成件事,冇個agent搞搞震,好多野都唔會發生.

私人傳訊

happyunun

複式洋房

積分: 332

164^#

發表於 12-8-31 00:57 |只看該作者

回覆波波寶寶的帖子

多謝你.
我都好想放下,只要個agent,我d親戚,阿爸細佬肯收手,唔好再煩我,就一切都天下太平.

私人傳訊

lambing

水晶宮

積分: 66961

我的育兒心得勳章夏天玩到顛熱血勳章畀面勳章有「營」勳章陪月勳章爸B勳章大廚勳章

165^#

發表於 12-8-31 01:00 |只看該作者

呢D 親情唔駛恨啦

私人傳訊

波波寶寶

大宅

積分: 2781

166^#

發表於 12-8-31 01:02 |只看該作者

引用：回覆+波波寶寶+的帖子多謝你.我都好想放

原帖由 happyunun 於 12-08-31 發表
回覆波波寶寶的帖子

多謝你.

佢地咪係你身邊的陰影囉、你想象下你個影拖住你走咁又點放得下?你放下是因為自己、不是別人

私人傳訊

happyunun

複式洋房

積分: 332

167^#

發表於 12-8-31 01:17 |只看該作者

回覆波波寶寶的帖子

我明,我已經冇搵佢地,係佢地諗起我,得閒搵下我,去做佢地想要的畫面者.
冇佢地搞搞震,我一早放底左啦~

私人傳訊

stella816

珍珠宮

積分: 38945

畀面勳章親子王國15週年勳章

168^#

發表於 12-8-31 01:21 |只看該作者

引用：回覆+happygirlyuki+的帖子其實我睇返哂

原帖由 happyunun 於 12-08-31 發表
回覆 happygirlyuki 的帖子

其實我睇返哂之前大家的回應,點解一開始你就會覺得我一毫子都冇拎過返屋企呢?

樓主唔好咁勞氣啦對BB唔好㗎！
其實字裏行間好睇得出你好在意親情亦好想同家人和睦相處，但你要明白有時做親人或朋友也好都要講緣分，既然無緣亦無謂勉強希望你真係要明白這點個人先可以息懷，心結才可以真正放開！坦白講你想要的愛及關懷真係唔會有機會發生！
既然你現在巳經有自己家庭，你先生同99亦對你好好，唔好再對這班親戚傷神喇，係時候計劃下將來同BB一齊向前喇！至於你那些家人同親戚都唔好再聯絡喇佢地搵你都唔好往來喇，果四年你就當還晒俾佢地啦！俾自己行條生路吧！

私人傳訊

happyunun

複式洋房

積分: 332

169^#

發表於 12-8-31 01:35 |只看該作者

回覆 stella816 的帖子

多謝你~
係架,我好傻以為會有呢一日,點知原來仲衰過冇呢一日呀.
我寧願佢地一直冇對我好過,今日我就唔會咁hurt.
近排,的確為左agent又搞事,係令我好唔開心,好煩~
有質疑過自己當初放過佢係咪做錯左.
再見到細佬咁話我,又再唔開心,直頭傷心.
但經過大家開解,其實我開始接受,有d野係冇得勉強.
希望佢地都明白呢一點,明白大家已經冇可能回到從前,面對現實.
各自各繼續自己的生活.
我而家只想俾d教訓個agent,等佢收手.
其他人,已經唔再係我想理的範圍之內.
我都好慶幸,老公好明白我,支持我每一個決定,冇佢的話,我一早已經做左傻事.
我都希望,d調查報告快d返,快d得到合理的答覆,我可以快d去改簽名再加密我的保單,快快了結件事.
陀住bb成日病,我都唔想再煩其他野.

私人傳訊

happyunun

複式洋房

積分: 332

170^#

發表於 12-8-31 02:07 |只看該作者

回覆 march2012 的帖子

其實我睇返你之前講的野,我會以為你係我細佬添~
你好似知道哂我細佬諗乜咁.
連佢自己都講唔出理據的野,你可以幫佢講出口,利害.
我細佬見到我同阿爸阿媽相處的日子唔多,好多時我返黎見佢地,細佬都唔喺屋企.
好多野佢都唔知.佢對我可能有誤解都唔出奇.
以前阿媽講過d咩黎嚇我,話我以後都唔會有人要...之類的說話,我細佬都唔知.
喺佢眼中,阿媽係好好,好錫佢.
如果佢真係覺得有壓力佢可以同我講,但次次傾計佢都冇講,
冇人知佢諗乜,想溝通係要講出黎.
同埋而家大家的關係搞成咁,佢唔肯面對現實,一開波就想我返去當冇事發生.
我唔得囉~
呢家人就係欠缺溝通,先會做成今日咁的局面.
雖然我同細佬都係喺同一個環境生活的.不過我比佢地唔同,
我的世界係著重關心,而唔係著重物質上,唔係著重錢.
我記得細佬以前講過,對呢個屋企冇感覺,覺得錢係最重要.
我將回人的野回埋俾你睇~
回覆 happygirlyuki 的帖子

其實我睇返哂之前大家的回應,點解一開始你就會覺得我一毫子都冇拎過返屋企呢?
乜你同我一齊住個咩?你諗的就當係真?
我俾錢佢地果陣你有冇企喺我隔離呀?我次次都用利是封入住架~仲寫有祝身體健康之類的說話,你有冇睇到呀?冇的話你憑咩就一口咬定我冇俾錢屋企呀?
我做唔到每月俾,因為我自己連基本生活費都唔夠,我以前個ex見我成日冇錢開飯,佢做點心公司都拎唔少點心俾我帶返公司食,你可想而知我d生活係有幾好.
但我次次都將份糧的bonus(應該要用黎還重組的錢),申請左括免唔還俾銀行,就用黎俾哂佢地,幾千蚊架果度...我可以做的都已經做左,點解仲要俾人話?
我唔明囉~

私人傳訊

tobytang

侯爵府

積分: 24626

畀面勳章

171^#

發表於 12-8-31 09:02 |只看該作者

happyunun 發表於 12-8-31 00:05
回覆 tobytang 的帖子

我發覺講左幾日,我點做都俾人插,好無奈.

唔好唔開心, 因為每個人都有唔同既睇法, 冇可能要每個人都認同你既諗法/ 說法
依家最緊要係睇下你下一步想點? 心入面有冇一個答案?

私人傳訊

march2012

子爵府

積分: 11594

hashtag影視迷勳章

172^#

發表於 12-8-31 11:00 |只看該作者

回覆 happyunun 的帖子

樓主你串我扮晒好似好清楚你細佬呀? 我都係喺唔同角俾意見啫...
你細佬乜都唔知? 你地唔係一齊大KA?
喺佢眼中,阿媽好錫佢, 咁阿媽唔錫你甚至有D憎你(跟據你所講D野,我再估)..佢知掛!!??

樓主你話:
同埋而家大家的關係搞成咁,佢唔肯面對現實,一開波就想我返去當冇事發生.
我唔得囉~ (边果要你當冇事發生? 咁又太單純啦...但係報警解決果件事真係太無情.....你跟本無諗住同佢地和解...可能我一開始就唔理解樓主既意思...仲以為你想同家人和好..所以俾埋一堆廢意見)
我的世界係著重關心,而唔係著重物質上,唔係著重錢. (個個講呢句...D老人家食西北風啦,又唔見你老公俾家用時咁講?因為果D係責任,唔係額外既野....不過樓主可能要再深思下先會明家LA)
我記得細佬以前講過,對呢個屋企冇感覺,覺得錢係最重要. (其實你有D前言不對後語,如果你知細佬覺得錢係最重要...咁你應該知你細佬嬲乜啦, 但等陣你又話佢只想一家人齊齊整整...我好

)
我

點評

柏架山莊

發表於 12-9-3 18:15

Sumyeema1 算啦，樓主可能需要專業人士既幫助發表於 12-8-31 13:07

私人傳訊

Sumyeema1

象牙宮

積分: 223466

2024年龍年勳章

173^#

發表於 12-8-31 13:12 |只看該作者

回覆 happyunun 的帖子

樓主，

大家都俾曬意見，你岩聽就聽，唔岩聽就skip 啦。

你依家有左bebe, 好好休息，唔好太負面。

最重要，第時教好自己個小朋友，唔好重復上一代對你既傷害

私人傳訊

fbonhyc

複式洋房

積分: 319

174^#

發表於 12-8-31 13:35 |只看該作者

私人傳訊

happyunun

複式洋房

積分: 332

175^#

發表於 12-8-31 18:36 |只看該作者

本帖最後由 happyunun 於 12-8-31 18:40 編輯

回覆 march2012 的帖子

請你細心睇我寫的一字一句先好評論我~如果你理解唔到我寫的野,就當我寫外星文吧,不需理會~

我一早講過我好早就搬走左,之後我每次再返去探阿爸阿媽,細佬都未必見到.所以好多野佢都唔知.

佢今年年頭失戀,跟住就喺我fb度留言,話好羨慕我同我老公咁好,又話好想一家人齊齊整整.

佢話之前阿媽為左舅父呢一家人,影響到我地自己頭家四分五裂,佢覺得好唔值得,所以就好想我返去同佢地一齊食飯,好似以前咁.
但我唔肯,佢就開始變...過年想俾利是佢,佢就開始推三推四,到4月俾旅行手信佢,佢直頭唔覆我...

我咪之前講左,聽完大家的意見,決定唔報警囉...(又講返轉頭話我好報警...>.<)

我覺得你叫我深思家用問題,但你根本冇喺我的處境度諗野,我都花左好多字講我之前申請左債務重組(iva),你知唔知申請左之後,每個月得返幾多錢可以用?

佢地會計算你的日常生活開支,扣除左呢d基本開支,其他的收入就要用哂黎還債.

咁你話,我仲有冇錢俾屋企?

我都話左我成日都唔夠錢食飯返工,試過月中已經冇哂錢,要問朋友借錢,連ex bf知道我唔夠錢,都拎d點心俾我帶返工食.

咁點解你都係要堅持話我係有錢但唔俾家用?!

再者,我屋企人明白我申請左呢d野係咩境況,根本冇叫我俾家用.
佢地都知我自己搬出黎住個個月都冇錢淨,佢地都冇出聲,佢地都體諒,點解反而要俾你地話呢?

而家我出post的case根本與家用無關,點解回應的咁多人當中有一個人,佢自己幻想出黎的野,亂咁評論我,你睇左就要當真,跟住就係咁話我?對我好唔公平囉~

我好似唔識佢個喎~佢自己諗完的野就以為係真,搞到好似好了解我d野咁.

睇黎要搵專業人士幫忙果個應該係佢囉.

同埋,當有額外收入(雙糧或者bonus) iva會要你全數攞哂黎還債,但我當時就走去申請括免,將果d錢俾左屋企,果度都有幾千蚊,咁我仲係咪你講的咁不孝呢?

只係我唔可以好似其他人咁個個月俾者.(大家的處境唔同,做事的方法就會有分別)

所以請你唔好亂咁評論我!!!(我唔需要個個認同我對呢單case的睇法做法,但請唔好人身攻擊一d同呢件事無關的野!仲要係聽左個連我都唔識的人自己估出黎的評論就當係真!)

如果我係一個咁不知所謂的人,我老公咁乖仔,佢同佢d屋企人都唔會咁錫我!

我細佬的確有講過喺佢眼中,錢最重要,但佢今年突然咁想要家庭溫暖,我都覺得好怪,就因為失戀???

我都講過,呢個屋企個個都唔缺錢,係得我一個咁梅,仙都唔仙下,你唔好講到我唔俾果幾百蚊,佢地就要食西北風!我媽佢地成日出去食大餐架!成日去旅行,返大陸玩,唔係你地講到咁囉~

我同我老公買日用品都要買平的,幾百蚊對我地黎講可以食到好多日,買到好多野架啦~

唔好講到我好似好有錢,但好不孝唔俾家用的人!

私人傳訊

happyunun

複式洋房

積分: 332

176^#

發表於 12-8-31 18:37 |只看該作者

本帖最後由 happyunun 於 12-8-31 18:40 編輯

回覆 Sumyeema1 的帖子

我將回人的野回埋俾你睇~

請你細心睇我寫的一字一句先好評論我~如果你理解唔到我寫的野,就當我寫外星文吧,不需理會~

我一早講過我好早就搬走左,之後我每次再返去探阿爸阿媽,細佬都未必見到.所以好多野佢都唔知.

佢今年年頭失戀,跟住就喺我fb度留言,話好羨慕我同我老公咁好,又話好想一家人齊齊整整.

佢話之前阿媽為左舅父呢一家人,影響到我地自己頭家四分五裂,佢覺得好唔值得,所以就好想我返去同佢地一齊食飯,好似以前咁.
但我唔肯,佢就開始變...過年想俾利是佢,佢就開始推三推四,到4月俾旅行手信佢,佢直頭唔覆我...

我咪之前講左,聽完大家的意見,決定唔報警囉...(又講返轉頭話我好報警...>.<)

我覺得你叫我深思家用問題,但你根本冇喺我的處境度諗野,我都花左好多字講我之前申請左債務重組(iva),你知唔知申請左之後,每個月得返幾多錢可以用?

佢地會計算你的日常生活開支,扣除左呢d基本開支,其他的收入就要用哂黎還債.

咁你話,我仲有冇錢俾屋企?

我都話左我成日都唔夠錢食飯返工,試過月中已經冇哂錢,要問朋友借錢,連ex bf知道我唔夠錢,都拎d點心俾我帶返工食.

咁點解你都係要堅持話我係有錢但唔俾家用?!

再者,我屋企人明白我申請左呢d野係咩境況,根本冇叫我俾家用.
佢地都知我自己搬出黎住個個月都冇錢淨,佢地都冇出聲,佢地都體諒,點解反而要俾你地話呢?

而家我出post的case根本與家用無關,點解回應的咁多人當中有一個人,佢自己幻想出黎的野,亂咁評論我,你睇左就要當真,跟住就係咁話我?對我好唔公平囉~

我好似唔識佢個喎~佢自己諗完的野就以為係真,搞到好似好了解我d野咁.

睇黎要搵專業人士幫忙果個應該係佢囉.

同埋,當有額外收入(雙糧或者bonus) iva會要你全數攞哂黎還債,但我當時就走去申請括免,將果d錢俾左屋企,果度都有幾千蚊,咁我仲係咪你講的咁不孝呢?

只係我唔可以好似其他人咁個個月俾者.(大家的處境唔同,做事的方法就會有分別)

所以請你唔好亂咁評論我!!!(我唔需要個個認同我對呢單case的睇法做法,但請唔好人身攻擊一d同呢件事無關的野!仲要係聽左個連我都唔識的人自己估出黎的評論就當係真!)

如果我係一個咁不知所謂的人,我老公咁乖仔,佢同佢d屋企人都唔會咁錫我!

我細佬的確有講過喺佢眼中,錢最重要,但佢今年突然咁想要家庭溫暖,我都覺得好怪,就因為失戀???

我都講過,呢個屋企個個都唔缺錢,係得我一個咁梅,仙都唔仙下,你唔好講到我唔俾果幾百蚊,佢地就要食西北風!我媽佢地成日出去食大餐架!成日去旅行,返大陸玩,唔係你地講到咁囉~

我同我老公買日用品都要買平的,幾百蚊對我地黎講可以食到好多日,買到好多野架啦~

唔好講到我好似好有錢,但好不孝唔俾家用的人!

私人傳訊

happyunun

複式洋房

積分: 332

177^#

發表於 12-8-31 19:03 |只看該作者

回覆 tobytang 的帖子

我覺得講講下,大家都離哂題!

有一個回應者,佢自己諗左d野出黎,就當左我就係佢幻想的咁樣,講到我好不孝咁.

跟住又有d人會信佢講的野, 不停亂咁評論我!

仲要係一d同我打的文章冇關係的野.

離哂譜~

私人傳訊

寶貝Grace

別墅

積分: 659

178^#

發表於 12-8-31 21:03 |只看該作者

引用：回覆+tobytang+的帖子我覺得講講下,大家

原帖由 happyunun 於 12-08-31 發表
回覆 tobytang 的帖子

我覺得講講下,大家都離哂題!

佢D怨氣太重，你唔洗理佢La

你生氣，是因為自己不夠大度；你鬱悶，是因為自己不夠豁達；你焦慮，是因為自己不夠從容；你悲傷，是因為自己不夠堅強；你惆悵，是因為自己不夠陽光；你嫉妒，是因為自己不夠優秀……凡此種種，每一個煩惱的根源都在自己這裡。所以，每一次煩惱的出現，都是一個給我們尋找自己缺點的機會...

私人傳訊

happyunun

複式洋房

積分: 332

179^#

發表於 12-9-1 12:54 |只看該作者

本帖最後由 happyunun 於 12-9-1 13:06 編輯

俾我長氣埋呢一次.其實講黎講去都係三幅屁~

我的結論一早已經講左,明白我的人已經明白左,誤解我的人都會繼續誤解我.

如果大家覺得未清楚哂成件事就亂咁評論人係岩的,當事人解釋返詳盡d係錯的,咁你地會唔會對我好唔公平呢?
點解可以全部都係得你地講,冇我講?有冇咁野蠻呢?
你地唔認識我的背景,我好難將我做人做左呢幾十年黎,所有發生過的事都一一同大家講,亦都冇必要.有d問題都係你地問到我就答.
我只係想喺警方對今次事件的提議上,大家可以俾d意見我,教我應該點做,如果我一早已經有答案,如果我係你地講的咁冷血,我根本唔洗出呢個post,一早報警就得啦~.
或者喺你地眼中,我最後都冇損失,但你地知唔知,呢種創傷對我影響幾大,打擊幾大?
換轉係你地發生呢d事,你地又係咪可以講得咁輕鬆?

受左傷,明知個傷口未好返,d親人都冇體諒你,俾時間你復原,仲要不停逼你要當冇事,係咪就因為d傳統觀念,阿媽就大哂的,對仔女做乜都可以?包括犯法的行為都係岩?
生仔女唔係要黎錫唔係要黎愛護,而係生出黎,得閒喺出面心情唔好,返黎就折磨下佢,攞佢黎出氣,又完全唔俾機會佢同你溝通,佢係屋企的將軍,全部人就要聽命於佢,唔可以逆佢意.佢喺出面搞三搞四,搞埋返屋企,訓埋入主人房,我地兩姊弟見到要扮睇唔到,佢上黎搞事,即使我地俾果個男人鬧,我地都要原諒阿媽.因為佢大哂的,做乜都得.
當個女最失意自殺之後,表面好關心個女,實際上就希望個女快d自殺多次,佢就可以得到保險金,得到生仔女的回報,係咪咁???

我都係人,都會有接受唔到的事,喺呢件事上,我發覺我傷心係錯,我憎佢係錯,我唔想見佢係錯,我一定要忍受,接受,仲要當冇事發生過.
我唔知我究竟係乜野,係人定畜生?點解可以咁唔受人重視?一d尊嚴都冇.

我尋日對住婦科醫生提起我係有抑鬱,佢問我點解會咁,我講左成件事出黎,佢都好驚訝!
佢話我應該係創傷後的抑鬱,當某d事又被了起的時候就會再出現抑鬱.
所以佢都叫我遠離呢d人同事.而唔係好似果d所謂的親人,係咁逼我去見,完全唔理我感受.

我喺討論區打每段野,老公都有睇住,其實佢覺得我解釋多左,唔洗揭哂自己底牌出黎,d人唔明就算啦.

但我由細到大都俾人屈到大,我寧願講多兩句,都唔想人誤會我.
你地都試過有俾人誤會的時候,你地覺得好唔好受???

其實你地睇返我篇野,我一路都冇提過家用問題.
係有個回應者,自己幻想我同阿媽之所以搞成咁,佢今日咁對我係因為家用問題,自己諗完就當真,跟住去話我不是.
有d人睇完就覺得我真係咁不知所謂,又黎話我.
搞到我無啦啦要將自己成個生活狀況,包括欠債的事都攤埋出黎講,為左唔想人誤會,連自己最羞愧的事都要攤出黎講.
但講完d人好似冇睇過咁,你有你講,佢有佢繼續幻想落去.

如果你地覺得我要好似你地一樣咁的方式去俾家用先係岩的,我已經盡左能力喺有的時候俾左都係唔得的.你地唔識得解諒別人,唔識得感同身受,設身處地企喺人地的角度諗野,就唔需要再回我任何野.

每個人生活環境唔同,我自問對得住佢地,佢地亦清楚我的環境,從來冇要求我俾,係我自己一有鬆動就主動俾,如果咁都錯的,我無話好說.

如果大家知道我而家的經濟狀況,都覺得我俾唔到家用係不孝的,就當我不孝啦!
我指的不孝係我自己搞到自己幾十歲人都冇咩大作為,都儲唔到錢.做唔到有錢人,養唔起佢地.

今時今日發生左果件事,佢想要個女的死人金,傷透個女的心.
個女當日選擇同佢斷絕來往,放過左佢,佢仲要唱衰個女,要身邊的人排擠佢,佢先安樂.
大家身邊有個好媽媽,咁錫大家,一定要珍惜呀!
因為呢個福氣唔係必然的.

講完.

私人傳訊

march2012

子爵府

積分: 11594

hashtag影視迷勳章

180^#

發表於 12-9-3 14:33 |只看該作者

回覆 happyunun 的帖子

首先你冷靜D..你成日話我話你.好多野跟本係你自己諗出黎..你以為我會睇哂9版野? SORRY,我只看你跟我的对話,其他都無認真看過..
我都無話你有錢無俾...就算我要話,都係話你以後有錢都唔會俾...(唔係話以前)...我結論可能唔ARM...但你的回應的確俾我有呢個結論!!我都無办法

你唔報警咪好囉....我奇怪你有咁既意圖啫...

如果你覺得人地亂咁評論你, 你咪唔好睇LAW....!!!都唔知幾時有人身攻擊你...同你有仇咩?????????你寫乜我睇完咪按你寫既野作出意見及評論啫.....咁都唔明又接受唔到,下次就諗清楚係咪真係要出POST問人意見啦...

唔再回啦...廢事唔駁你,我自己又頂住...回你,又激親你.....總之祝你同B身心健康...