Tebing 發表於 20-7-17 12:33 
本帖最後由 Tebing 於 20-7-18 04:44 編輯
23,24 仍然拖呀
要認真挑bugs好多架，點只隨便闖入王府，我記得有一場戲對住監國，陸遠自稱我，而曹參軍係叫自己做下屬，而且好多場陸遠嘅態度都好傲慢，即使佢手握軍權，呢D規矩咁嚴嘅朝代，都冇可能可以變成監國怕佢怕到咁啩；而陸遠可以毫不掩飾自己野心打橫行，之後又咁輕易懶係扮低調。
陸遠對住太妃都係君臣，即使太妃係佢嘅姑母，都應該先行居臣之禮，之後就係後輩對長輩之禮，陸遠完全只係低下個頭話侄兒見過姑母就算，連彭城王同王妃對太妃都要行禮，對比上好突兀。
仲有驪歌入沈府之初只為避風頭，即使後來因為要接近彭城王，刺殺完之後佢都會消失，點解會一入府就咁高調去激嬲沈樂清？佢應該係越冇存在感越安全，但驪歌當正自己係真正嘅沈大小姐，之後又話唔想連累沈家，邏輯好唔掂。驪歌同彭城王、竟陵王交心得太快，佢做開殺手，訓練佢絕情冷血至係，佢卻成日都熱血上頭咁，反而顯得驕情。到佢以為只要靈犀指正樂清就可以置佢於死地（或成功趕走佢），有冇咁天真呀？靈犀雖然只係落手，但玉煙要死（被怨枉係主謀），靈犀只係打幾十棍趕出府，有冇咁雙標呢？驪歌晨早做低沈樂清咪得囉，又咩唔想沈母難過，樂清失踪，佢係生係死又邊個知？只係去警告佢有用咩？呢D人又點會警告完就收歛，係就唔會一而再再而三害你啦！
忠嘅冇智商低情商，奸嘅又係擺明係害人，跟住太妃唔知想點，佢好似玩嘢咁，唯一正常少少冇幾多個，真係因為李沁扮相靚加埋動作部份唔錯，再拖幾拖好易粉變路人架啦。
花旗太太生活在花旗國，留意時差，你問我未必即時答到。
發表於 
返回列表
