HIHI ALL,
我尋日下午出左院喇....因為依胎係催生...我果日原本要8:30入醫院ga...但係我遲左..所以9點先入到去...我諗住同姑娘講我登記完之後去食野..因為我冇食過野..一起身就入去喇....姑娘就話叫我入左去先...佢話再叫我老公買野俾我食...點知俾佢呃左...我一換完衫佢就要我去穿水喇....穿水都痛痛地ga..因為個唔知醫生定姑娘係甘篤都仲未穿到...之後攪掂就入左房等吊催生水...一吊我就黎陣痛喇..仲痛得幾密tim...果時11點到啦...我以為一痛子宮就會開啦....姑娘見我痛得甘密..所以都即刻cut左我d藥水...我就係甘痛...都好辛苦...又冇野食...最後姑娘都係俾左一碗粥水我飲咋>,<....我痛到1點...子宮1度都未開過....好慘...到2點都仲未開....但係已經痛到我死死下....仲要加上我又好胃痛...依2種痛痛到我暈暈地....我老公仲0係門口等緊陪產..我見甘耐都未開過1度...仲諗住叫佢返屋企等....之後換左姑娘啦..佢半個鐘先入黎睇我一次甘....我問佢幾時再幫我check啦..佢話我2點都未開..有排啦....會晏d會先check...我勁失望...又無助...佢俾個盤我去小便我都去唔到..結果我仲要佢幫我放尿tim...放完佢再幫我check我原來開左4度喇...果時3點10分lu...我即刻過左產房...不過果時我痛到抽筋甘滯...隻手都不停甘震..手軟腳軟...個姑娘仲要我自己打俾我老公叫佢入黎.....打完個電話...醫生話我開晒喇..可以生得...但係0岩0岩又有人過緊床....醫生又叫我等下先....好彩我都等到老公入黎....到我生果時...我都無晒力喇....好彩最後都俾我生到咋....bb 1529出左世..同嵐嵐時間差唔多..0岩0岩遲1分鐘...bb重2.96kg又係似晒我老公...同嵐嵐差唔多樣^^
sandy lam: ivybibi teach me to boil soup first, e.g. u can use Carrot, Potato, Tomato and pork to boil soup and then use this soup to boil ABC or Japanese noodles lor~~ sometimes u can add some cheese~~~
發表於 
返回列表
