BaBaPigTummy 寫道:
呈芝琴日半夜2點幾突然肚瀉同嘔，結果我地送左佢入院，琴日係醫院都仲係有肚瀉同嘔，朝早仲開始發燒，醫生同佢抽血同檢大小便，發現有輪狀病毒，係好常見既病毒，兩歲以下既小朋友得別容易中招，醫生話暫時都未有藥物醫治，之前試過有疫苗，但因副作用太大，無推出市面，新疫苗依家仲係試驗中。因為醫生話留係醫院都無特別野可以做，所以我地琴晚9點幾出左院。呈芝今日已經瀉左十幾次，燒就今朝退左，希望可以快排晒D病毒。
我地暫時比退燒藥同補電解質溶劑比呈芝，同埋一有時間就比水佢飲，止"呵"藥就無比，因為問過家庭醫生同查過網頁資料都係話醫輪狀病毒感染暫時都係要靠肚瀉將病毒排出體外，不過我地頭先比左止"呵"藥，因為呈芝今日已經"呵"到連轉身都無力，我地想佢今晚可以訓得耐D，補充返D體力。
唔知大家有無朋友有呢方面既經驗，有無方法可以令呈芝舒服D同快D好返。
發表於 
返回列表
