小manman 發表於 16-8-3 17:33 
見大家講開星座咪搭咀問下囉，知多樣野，了解多d呀嘛
天秤女+人馬男+獅子女
天秤係一個鍾意群體嘅星座，鍾意和諧，好肯配合他人，天秤一般合群性強，社交能力好，但鍾意抱怨自憐，討厭同人有不同意見，總結天秤係一個和平同外向嘅人，唔會講人是非，討厭暴力。天秤人唔習慣獨處怕寂寞，有人陪係好重要嘅，風象星座特質聰慧頭腦清醒，喜歡同聰明人一齊。天秤強調公平群體，佢地喺大我之前好肯去犧牲小我，係一個好好嘅team player，天秤細心體貼，但同時好注重公平公正，天秤女以和諧關係去體現自我價值，作為和平主意者，佢一般冇殺傷力，有時平靜到令人忘記咗佢存在。天秤最大問題就係冇主見，因為係和平主意者，太習慣去遷就人，要佢揸主意就往往猶豫不決，優柔寡斷。
人馬座好有幽默感，理想主義者，亦好慷慨，熱愛自由，喜歡運動旅遊，亦愛哲學沉思，人馬好學，有強烈好奇心，喜歡通過旅遊了解學習，探求風土人情及人生意義。同其他火象星象一樣，人馬熱愛生命，要通過接觸世界去豐富自己。但人馬往往承諾過大，冇耐性，說話唔經大腦，社交上要好多歷練，佢地太理想主義太樂觀，忽視咗細節，實踐時唔夠計劃唔夠持久性。人馬係好孩子，誠實無機心，但往往易講錯說話得罪人，唔夠世故，似個永遠長不大嘅孩子。
天秤女同人馬男係一個朋友為基礎嘅組合，大家互相配合互相了解，彼此都愛自由，需要空間，一個風一個火，好有互相吸引嘅本錢，雖然唔同屬性，但算係冇咩衝撞嘅原素。人馬任性自我，對於天秤唔夠主見嘅特質嚟講，係有種主從嘅魅力，人馬天生熱情浪漫，容易令響往浪漫嘅天秤感動。對於人馬，佢地要掌聲要自由，只要可能範圍縱容下佢崇拜下佢，如果佢太任性出亂子，千萬唔好常哦上身，佢地最怕人煩，只要技巧地暗示下令佢明白就夠。
至於獅子女呢，同人馬一樣係火象星座，雖然獅子女惡死，有時又野蠻，但佢好有領導才能，人馬因為同屬性，基本上好好感情，因為人馬鍾意嘅獅子都鍾意，因為人馬嘅多變飄忽，反而容易收伏獅子，多D陪個女就得架啦，獅子女要人重視，爸爸基本上錫個女，個女又嗲爸爸，無敵架啦。天秤對住人馬同獅子，你似乎係被食定果個，因為佢地有你欣賞嘅特質，你又隨便，鍾意配合，有人揸主意，你就開心，不過媽媽呢總係背後收拾打點果個，只要你開心滿足做個幕後，一家人應該係好和諧。
花旗太太生活在花旗國，留意時差，你問我未必即時答到。
，真係唔係咁巴閉，女人最值錢係能夠活得精彩，活得有智慧。。。呢個帖我原來貢獻咗過百回覆，而家去寫文答番其他其他JM先，今晚要早D瞓，聽日星期五，目標係可以早D收工，6點前同老公帶仔女去食飯。
發表於 
返回列表
