母乳餵哺 今日: 0 | 主題: 85707

積分: 174325

母親節2025勳章 2025勳章蛇年勳章 2024年龍年勳章虎到金來勳章牛年勳章 15週年勳章親子王國15週年勳章 2018復活節勳章畀面勳章有「營」勳章好媽媽勳章醒目開學勳章環保接龍勳章大廚勳章親子達人勳章王國長老 BK Milk勳章 hashtag影視迷勳章最關心BB問題熱投勳章開心吸收勳章

1841^#

發表於 09-2-13 16:01 |只看該作者

Eeee, 原來香港d鮮奶稀d咖?唔講真係唔知,不過我個兒科話要揀加維他命d嘅,因為人奶b要補充維他命d,佢直情叫我買俾豬扒妹食,不過要搵液體,因為bb食丸仔一定唔得,但市面上液體維他命d係只有加堆多種維生素,又好似唔駛補唔多,呢度d醫生唔主張bb食太多魚,因為水銀問題,所以叫我地俾dha,我兩個b係食專俾小朋友食嘅omega 3同維他命軟糖,豬扒妹太細個,太硬嘅或者太煙"un"嘅都唔敢俾住

其實,如果bb都健健康康,又肯食嘢,可以喺食物都吸收營養仲好,又天然又唔駛煩,我個仔太易傷風同咳,所以我地希望可以令佢身體好d,囡囡就因為食嘢太少,怕佢唔夠營養

講開身體,我都覺冇以前咁捱得,不過可能係年紀關係,唔關餵人奶事,最近扭到hip d肌肉,痛到cc吓,瞓都瞓唔好,上星期醫生仲俾咗一個星期假我,不過公司太多嘢做,只係放咗3日咋,真係日日冇停手

花旗太太生活在花旗國，留意時差，你問我未必即時答到。

私人傳訊回覆引用

李小B太太

積分: 4412

1842^#

發表於 09-2-16 12:37 |只看該作者

我本來都唔知0架, 係我朋友響英國留學返黎, 話發現英國的奶杰好多, 好好飲 (佢本身響香港一直唔飲奶的), 返到黎想繼續飲, 點知好難飲!

我估可能同天氣有關掛, 香港天氣熱0的, 0的奶唔駛咁 thick??

原帖由 rose-mag 於 09-2-13 16:01 發表
Eeee, 原來香港d鮮奶稀d咖?唔講真係唔知,不過我個兒科話要揀加維他命d嘅,因為人奶b要補充維他命d,佢直情叫我買俾豬扒妹食,不過要搵液體,因為bb食丸仔一定唔得,但市面上液體維他命d係只有加堆多種維生素,又好似唔駛補 ...

@ 如果有錢有社會地位先至會被人喜愛，呢個世界就太可悲了 @

私人傳訊回覆引用

積分: 174325

1843^#

發表於 09-2-17 06:39 |只看該作者

原帖由 李小B太太 於 09-2-16 12:37 發表
我本來都唔知0架, 係我朋友響英國留學返黎, 話發現英國的奶杰好多, 好好飲 (佢本身響香港一直唔飲奶的), 返到黎想繼續飲, 點知好難飲!

我估可能同天氣有關掛, 香港天氣熱0的, 0的奶唔駛咁 thick??

...

講起又好似係,我喺香港都唔多飲奶,只有十字牌好飲d,但又好似幾貴,到有咗bb,為佢好所以要飲,又發覺幾好飲,我一直以為係自己口味轉咗咋,

咁以前去旅行,飲過北海渡,瑞士,比利時d奶又真係好飲d

花旗太太生活在花旗國，留意時差，你問我未必即時答到。

私人傳訊回覆引用

積分: 2885

好媽媽勳章

1844^#

發表於 09-2-17 16:04 |只看該作者

Hello 樓主 & 其他媽媽:

大家好! 我終於睇咗你哋呢 93 pages 嘅 thread喇! 見到你哋呢個餵人奶過程真係好辛苦好堅忍, 我真係好佩服又好慚愧.

我bb而家兩個月大, 喺醫院時已經要補奶粉, 用杯餵, 返到屋企真係唔可能用杯餵, 轉用樽補奶粉, 佢口仔太細又唔識點埋身食, 食到好忟 lur 返我個奶之出嚟, 又食到我損, 加上我又唔夠奶, 埋唔到身, 去咗健康院姑娘都幫唔到我, 唯有半泵人奶半奶粉... 如是者到佢一個月, 我唔咁心埋唔到身, 又試吓埋身, 可能佢大個咗, 埋身又突然間好咗喎! 試咗幾日就可以減少咗奶粉次數, 到而家兩個月一日食六至七餐, 唯一係夜晚臨瞓前要補大約兩至三安奶粉. 我下個星期返工, 因為我唔多奶, 埋身之後已經儲唔到冰奶, 呢一兩日開始模擬返工咁, 只係早晚埋身(共三餐), 所以只係得返4包冰奶, 一日佢就已經食晒...

我個plan係咁:

0600 埋身
0830 一返公司即泵大約二十分鐘
1145 泵大約三十分鐘
1530 泵大約二十分鐘
1930 埋身
2300 埋身

因為我份工都要出site同埋有啲會要開, 同埋唔知老細點睇, 我好怕泵奶時間未必做得到, bb好乖一出世已經冇咩食夜奶, 多數我夜晚可以瞓到五六個鐘, 亦都令我呢個懶媽咪冇泵夜奶習慣, 如果而家佢半夜要食我都係比佢埋身. 我呢兩日試咗follow上面個schedule泵奶, 泵三次都只係夠佢食一餐 (約5安)... 下星期一返工, 睇嚟我一返工佢就要食奶粉喇...希望 keep 到埋身同埋我唔會發炎就好喇!

[ 本帖最後由 giftfromgod2008 於 09-2-17 16:11 編輯 ]

私人傳訊回覆引用

靖嵐

子爵府

積分: 11973

好媽媽勳章

1845^#

發表於 09-2-17 22:11 |只看該作者

唔怪得我大女細個時淨係飲十字牌啦, 佢真識揀... (其實我自己大肚時都係淨係飲得十字牌, 哈哈~)

但係我有朋友o係香港, 醫生都話1歲後可以以鮮奶代替奶粉... 咁其實有冇話奶粉"一定"要食到幾大?

咁如果飲北海道牛奶, 又可唔可以代替奶粉呢?

原帖由 rose-mag 於 09-2-17 06:39 發表

講起又好似係,我喺香港都唔多飲奶,只有十字牌好飲d,但又好似幾貴,到有咗bb,為佢好所以要飲,又發覺幾好飲,我一直以為係自己口味轉咗咋,

咁以前去旅行,飲過北海渡,瑞士,比利時d奶又真係好飲d ...

[ 本帖最後由靖嵐於 09-2-17 22:24 編輯 ]

我想要9999呀...

私人傳訊回覆引用

李小B太太

積分: 4412

1846^#

發表於 09-2-18 14:04 |只看該作者

歡迎你啊, 你真係睇曬 93 頁?? 哈哈, 我地「吹」左一1年幾0架啦喎, 睇 c 你啊~~~

我果陣都係幾乎日日清, 如果我亞媽見無乜存貨, 又或者小笨心急等唔切解凍冰奶, 就會喂奶粉, 所以叫做「怎住」都有冰奶食~

我果陣係返工前、lunch time 同放工返到屋企即刻泵, 一日泵三次, 每次如果單邊 (返工前同放工)泵 30min, 兩邊的話 (lunch) 就泵足一個鐘, 邊食飯邊泵。

你要加油啊~~~

原帖由 giftfromgod2008 於 09-2-17 16:04 發表
Hello 樓主 & 其他媽媽:

大家好! 我終於睇咗你哋呢 93 pages 嘅 thread喇! 見到你哋呢個餵人奶過程真係好辛苦好堅忍, 我真係好佩服又好慚愧.

我bb而家兩個月大, 喺醫院時已經要補奶粉, 用杯餵, 返到屋企真係唔可 ...

@ 如果有錢有社會地位先至會被人喜愛，呢個世界就太可悲了 @

私人傳訊回覆引用

積分: 174325

1847^#

發表於 09-2-18 14:33 |只看該作者

原帖由靖嵐於 09-2-17 22:11 發表
唔怪得我大女細個時淨係飲十字牌啦, 佢真識揀... (其實我自己大肚時都係淨係飲得十字牌, 哈哈~)

但係我有朋友o係香港, 醫生都話1歲後可以以鮮奶代替奶粉... 咁其實有冇話奶粉"一定"要食到幾大?

咁如果飲北海道牛奶 ...

呢度d醫生係話飲奶到6歲,咁一般5歲讀小學,之前喺daycare 或nursery,pre-school 都多數有奶俾小朋友飲,好似我老公呢d abc,到而家佢都有飲奶架,只係唔係日日飲,佢話以前細個係一日飲成半加侖

冇聽過奶粉要飲到幾大,但一般好似係可以去到3歲,我呢度係興1歲後飲牛奶架,你不如比較下奶粉同牛奶成份,睇下差幾遠

花旗太太生活在花旗國，留意時差，你問我未必即時答到。

私人傳訊回覆引用

積分: 174325

1848^#

發表於 09-2-18 14:48 |只看該作者

原帖由 giftfromgod2008 於 09-2-17 16:04 發表
Hello 樓主 & 其他媽媽:
大家好! 我終於睇咗你哋呢 93 pages 嘅 thread喇! 見到你哋呢個餵人奶過程真係好辛苦好堅忍, 我真係好佩服又好慚愧.
我bb而家兩個月大, 喺醫院時已經要補奶粉, 用杯餵, 返到屋企真係唔可 ...

hi 你好,歡迎加入奶媽行列

其實身體造奶係要適應,初初多數唔夠奶,我囡囡都係初初要補奶粉,到我枕住只係餵人奶之後,我d奶先至多,我係每次餵完都泵一泵,一來食唔晒唔好浪費,二來可以刺激做奶,又可以儲下奶,到我返工已經有成50幾包奶,奈何二小姐細食,有好多奶都係用嚟沖涼同益咗個垃圾桶

有人話邊食邊泵會多d奶,我因為次次餵兩邊,所以唔知係唔係,有個bk媽咪講過餵人奶係盡人事應天命,有好多嘢都唔係我地可以控制架,我估如果我仲喺香港做緊原來果位工,我莫講話餵人奶,可能連婚都未有得結,所以一切都係有安排,唔可以全人奶咩,咪半人奶囉,冇人話一定要全人奶格,有幾多餵幾多啦,有媽媽奶食,bb已經好幸福啦, 我大仔果陣都係半人奶半奶粉,而家都幾札實架,只係d濕疹麻煩d,咁世事邊有咁完美,凡事盡咗力已經好好,船到橋頭自然直,見招拆招啦

花旗太太生活在花旗國，留意時差，你問我未必即時答到。

私人傳訊回覆引用

積分: 2885

好媽媽勳章

1849^#

發表於 09-2-19 13:56 |只看該作者

係呀, 我睇晒93頁呀! 因為睇見你哋咁辛苦都堅持餵人奶, 真係好鼓勵到我呢啲新手媽媽呀!

下星期一我就開始返工喇, 之前咁辛苦咁教識咗bb埋身, 而家上奶又好咗, 到咗而家因為要返工呢啲咁現實嘅問題而可能keep唔到...我就有啲心up...

原帖由 李小B太太 於 09-2-18 14:04 發表
歡迎你啊, 你真係睇曬 93 頁?? 哈哈, 我地「吹」左一1年幾0架啦喎, 睇 c 你啊~~~

我果陣都係幾乎日日清, 如果我亞媽見無乜存貨, 又或者小笨心急等唔切解凍冰奶, 就會喂奶粉, 所以叫做「怎住」都有冰奶食~

我果陣係 ...

[ 本帖最後由 giftfromgod2008 於 09-2-19 13:58 編輯 ]

私人傳訊回覆引用

積分: 2885

好媽媽勳章

1850^#

發表於 09-2-19 14:31 |只看該作者

多謝你嘅安慰呀!

bb而家埋到身我又上到奶我已經好開心, 你講得啱, 佢食到兩個幾月人奶已經初步完成咗首個目標 (雖然有個半月都係半人奶), 我本來諗住最理想係餵六個月, 唔得就放產假期間餵, 最少最少都想餵初乳...証明人係貪心嘅, 目前嚟講我好想餵到六個月呀! 餵到而家真係唔措得, 見到bb隻手仔放喺我心口度真係好 sweet 呀!

一句"盡人事應天命"真係好啱, 我只係覺得盡人事呢樣嘢我未真係"盡"囉, 你哋呢啲先係叫做"盡"吖嘛! 我怕將來bb一病我就會後悔自己冇堅持...但係半夜我真係起唔到身呀...

儲冰奶呢樣嘢又係令我有啲後悔, 而家我先識埋身後再泵, 之前因為有朋友話一有時間就泵一泵嚟儲, 咁我就以呢個方向儲, 點知可能因為奶唔多, 餐與餐之間泵得好少, 囡囡每三個小時食一次, 每次45mins, 再泵30mins奶, 我真係冇咩空檔比身體造奶, 同埋擔心泵咗個女唔夠食, 所以少咗泵...如是者拖拖吓又兩星期...話咁快又要返工喇...而家先醒覺問題嘅嚴重性...就係bb要一日食四餐奶粉...

我唔制呀~~~~

原帖由 rose-mag 於 09-2-18 14:48 發表

hi 你好,歡迎加入奶媽行列

其實身體造奶係要適應,初初多數唔夠奶,我囡囡都係初初要補奶粉,到我枕住只係餵人奶之後,我d奶先至多,我係每次餵完都泵一泵,一來食唔晒唔好浪費,二來可以刺激做奶,又可以儲下奶,到我返工 ...

[ 本帖最後由 giftfromgod2008 於 09-2-19 15:50 編輯 ]

私人傳訊回覆引用

積分: 174325

1851^#

發表於 09-2-19 15:14 |只看該作者

原帖由 giftfromgod2008 於 09-2-19 14:31 發表
多謝你嘅安慰呀!
我bb而家埋到身我又上到奶我已經好開心, 你講得啱, 佢食到兩個幾月人奶已經初步完成咗首個目標 (雖然有個半個月都係半人奶), 我本來諗住最理想係餵六個月, 唔得就放產假期間餵, 最少最少都想餵初乳 ...

唔好咁傻,邊有bb唔病架?只係人奶b一般都有好d抵抗力,病都好得快d,我大仔都成日咳同傷風,咁都同天氣食物有關,加上佢去托兒所,就算唔病都會俾其他人傳染到,我囡囡食全人奶都兩個月就病,都係斷斷續續好幾個月先好番

六個月都唔算好貪心啫,餵吓餵吓唔覺又一個月架咋,到時你又唔會捨得唔餵, 半夜起身真係好辛苦架,大仔果陣因為唔夠奶,唯有努力d,我都係自然醒架,咁醒咗又有d谷奶咪泵吓囉,囡囡就因為佢好大個先戒夜奶,我想唔起身都唔得,佢會喊到拆天,費事佢嘈醒埋大仔啦

儲冰奶都係順其自然啦,都係果句"盡人事應天命",人人體質唔同,有時多奶少奶都有d天生,我唔夠奶仔仔偏偏餐餐食六7安,泵極最多得7成,其餘都係奶粉,囡囡果陣好多奶,點知佢又細食又唔肯用樽,餐餐都係三四安,d奶多到要倒,我覺得佢兩個好似玩我咁...唔好太擔心住,返咗工睇定d環境先,到時或者冇你諗得咁差呢! 你買晒嘢開工未呀?

花旗太太生活在花旗國，留意時差，你問我未必即時答到。

私人傳訊回覆引用

積分: 174325

1852^#

發表於 09-2-19 15:24 |只看該作者

giftfromgod2008,
唔記得講,你可以試吓學手搾唔用泵,方便你有時出site開會,唔可以定時喺公司泵奶,初初都幾難,但慣咗都幾方便,我自從乳腺炎之後,泵完都會再手搾到唔噴奶為止,原來點泵都唔清,手搾就可以,有時谷得勁我淨手搾都有兩三安

我都試過開全日會,只係拎個冰袋,乘breaks去手搾兩三次

係呢,你個係仔仔定囡囡,佢都幾好肉地喎~

花旗太太生活在花旗國，留意時差，你問我未必即時答到。

私人傳訊回覆引用

積分: 2885

好媽媽勳章

1853^#

發表於 09-2-20 14:08 |只看該作者

我個係囡囡嚟架, 今日去健康院磅咗有5kg (50線), 高度有59.5cm (75線), 佢一個月時體重係75線, 高度未到50線, 今個月反而冇重得咁快, 但係標高咗喎, 可能係因為冇食咁多奶粉喇, 不過我唔使佢太重, 因為佢daddy屋企都有偏肥嘅體質, 只要健康就得lu.

醫院都有教我用手搾, 不過幾累, 之前bb啜損咗我, 連泵都有啲痛, 咁我就用手搾嗰邊而另一邊就可以用泵. 不過我泵唔多奶, 而家bb食完一餐再泵得20-30ml. 返工之後泵三次先夠佢一餐 (150ml), 我怕到時冇得泵三次咋...而家我大約三小時就會谷谷地, 如果到時冇得泵係咪應該去幾分鐘toilet搾走少少倒咗佢, 不過搾唔清係咪第日都會少咗奶呢?

係囉, 好多嘢都唔到我哋control, 你個女食唔晒唔緊要呀, 至少唔使追奶吖嘛! 我會學習順其自然呀!

我星期一返工, 都未知帶幾多個樽好, 一日泵三次的話唔通要帶三個? 應該雪定係冰呢? 我估佢都係第二日就食, 咁應該係雪掛, 冇理由分三樽架嘛...仲要steam奶泵...點好呢? 聽日要去買microwave box steam奶泵先...

原帖由 rose-mag 於 09-2-19 15:24 發表
giftfromgod2008,
唔記得講,你可以試吓學手搾唔用泵,方便你有時出site開會,唔可以定時喺公司泵奶,初初都幾難,但慣咗都幾方便,我自從乳腺炎之後,泵完都會再手搾到唔噴奶為止,原來點泵都唔清,手搾就可以,有時谷得勁我 ...

[ 本帖最後由 giftfromgod2008 於 09-2-20 14:18 編輯 ]

私人傳訊回覆引用

積分: 174325

1854^#

發表於 09-2-21 15:01 |只看該作者

giftfromgod2008,

你個囡囡好得意呀,我囡囡初初兩個月好似個曼頭咁,到而家都係得個頭圓碌碌,但周身都冇肉（除咗個肚腩), 初初佢都係60線重25線高,而家應該得番50線重啦,高度唔記得問,我老公好高好大件(其實係肥,hehe),但我好細粒,同佢差成呎高,佢重量幾乎係我兩個,我個仔比其他同年齡嘅華人細佬高,但佢係一條猛咁瘦,d肉都算實,因為佢好鍾意食,由bb到而家都係;囡囡就細細粒,一粒ｓｉｘ咁,我希望佢第時高d唔好似媽咪咁迷你啦

初初手搾真係幾累, 習慣咗其實幾方便,我自從乳腺炎後,每次用電泵泵完都手搾一陣清d奶,你有冇試過冇餵囡囡泵,應該唔止20-30ml,不過唔駛太心急,都係果句,船到橋頭自然直,如果可以當然係泵出嚟拎番去俾囡囡食啦,唔得咪有幾多得幾多囉. 如果冇得泵我會用10-15分鐘去toilet搾走少少奶,當然搾唔清都會容易收奶或者乳腺炎

我都試過追奶,但係點都追唔到,咁一早已經接受要補奶粉,有壓力但不至於洩氣,咁有幾多得幾多,好過冇啦.

一日泵三次最少都要帶兩個樽,新鮮泵出嚟d奶唔好同雪涷咗嘅即時溝埋,要等雪涷咗先好倒入一個樽,所以你可以將第一次同第二次泵d奶等雪涷咗之後倒埋一齊,洗番其中一個樽泵第三次. 如果第二日食就唔好整冰奶啦,因為冰奶要成晚先可以解涷,最好係先一晚放入雪櫃上格解涷,第二日溶咗先再暖番餵. 有d媽咪用兩set喇吧,就唔駛咁麻煩,泵完又要洗同steam咁多次,我得一set,我個係雙泵,初初洗完我都係用microwave steam bag steam3分鐘,再放埋一邊乾,第二次又再用,囡囡大d之後,我只係用少少清潔液加暖水洗完就算,兩三日先steam一次,記得用冰袋加雪種將d奶帶返屋企,有時都覺自己似走難,特別係我每朝要同仔仔返托兒所,星期一最煩,又被又手袋又冰袋又bb車,加埋落雨就重lei　ｈｅｉ，好彩我公司有泵俾我地用，只係每人自備ｔｕｂｅｓ同ｓｅｔ喇叭

[ 本帖最後由 rose-mag 於 09-2-21 15:04 編輯 ]

花旗太太生活在花旗國，留意時差，你問我未必即時答到。

私人傳訊回覆引用

積分: 2885

好媽媽勳章

1855^#

發表於 09-2-22 08:17 |只看該作者

多謝你嘅意見同讚我bb呀! 我尋日去買咗tommee tippee嘅保冷袋連埋cool pack一包, 可以放兩個樽, 聽日就返工喇...唔捨得...

呢兩日出咗啲問題, 囡囡星期五打咗四合一針, 返屋企同尋日都少咗好多尿尿, 我估有時直情係冇但係我以為有, 因為用咗冇尿濕指示嘅片片, 所以唔sure, 尋晚用番有指示嘅片片, 今朝發現真係冇尿尿 (對上一餐相距7小時)!!!

星期五打完針果晚有朋友到訪, 尋日同囡囡出咗去行街, 究竟咩事呢?　因為打咗針定咩呢? 要唔要比水or奶粉佢食呢? 佢呢兩日食少咗, 餐數 (五餐, 每餐20 - 55mins不等) 好擔心呀...今晚仲要去奶奶度...比佢知道實擔心死呀...比我呀媽知道實叫我比奶粉呀...

點算好...

原帖由 rose-mag 於 09-2-21 15:01 發表
giftfromgod2008,

你個囡囡好得意呀,我囡囡初初兩個月好似個曼頭咁,到而家都係得個頭圓碌碌,但周身都冇肉（除咗個肚腩), 初初佢都係60線重25線高,而家應該得番50線重啦,高度唔記得問,我老公好高好大件(其實係肥,hehe) ...

私人傳訊回覆引用

方麗娟

珍珠宮

積分: 40343

好媽媽勳章醒目開學勳章陪月勳章

1856^#

發表於 09-2-22 11:39 |只看該作者

原帖由 giftfromgod2008 於 09-2-22 08:17 發表
多謝你嘅意見同讚我bb呀! 我尋日去買咗tommee tippee嘅保冷袋連埋cool pack一包, 可以放兩個樽, 聽日就返工喇...唔捨得...

呢兩日出咗啲問題, 囡囡星期五打咗四合一針, 返屋企同尋日都少咗好多尿尿, 我估有時直情係 ...

見到個topic浮咗上嚟, 又有新朋友加入, 即刻click入嚟睇吓先~ 好高興見到你一齊做人奶媽, 大家一齊努力呀!

囡囡冇乜尿濕, 唔駛咁擔心住, 觀察吓先. 如果佢冇乜特別唔舒服或者成日喊就唔駛太擔心. 仲有疑問才搵醫生, relax, 唔好自己嚇自己^^

多謝你咁努力睇晒我哋吹水吹咗年幾咁多嘢呀! 我係全職媽咪, 返工泵奶的事就未必幫到你, 亦有rose-mag, 笨媽和靖嵐詳盡解答, 相信比到你不少寶貴的意見, 我都係靠佢哋支持和幫忙, 才堅持得到全人奶直到而家個仔15個月大.

回想頭一個月, bb仲係奶粉多過人奶, 但我不甘心, 又唔係冇人奶喎, 點解唔可以全人奶? 加上阿仔食奶粉痾到七彩, 試過食豆奶, 更加令我的起心肝全人奶. 同你一樣, 開頭都係唔多夠奶, 又冇乜上奶湯水, 都幾氣餒! 飲完魚湯d奶又腥(難為阿仔又肯食喎), 鮮奶豆漿又唔敢飲得多, 驚bb"寒涼"...唯有每日勁飲水, 至少2升 (有說每日飲3升才夠...很難吧)和勁食飯...嘻嘻...我成日笑自己係"地盤佬"咁食量, 大食過我老公!

<泵奶>
我也試過泵奶...你用緊咩泵? 泵得舒服嗎? 奶泵都會影響泵奶量. 曾經用medela電單泵, 但可能唔係咁適合我, 泵得好少奶; 用avent手泵就好好多, 不過真係唔及得用手搾咁清和多. 所以好多時用完手泵最後會用手搾清佢, 咁身體就收到訊息要再造多d奶.

<儲冰奶>
呢段係痛苦時期! 可能你會問我, 又唔駛返工, 點解仲要儲冰奶? 當時係bb 3個月大左右, 因為我成日驚咩"猛長期", 突然間要食多d奶而我身體又造唔切, 佢咪會餓扁? 所以我好似d在職媽咪咁儲奶. 由於當時係全日埋身, 阿仔食得仲密過你囡囡, 往往2-2.5小時就要食奶, 又係自己一人湊, 日間根本冇咩時間泵奶. 而阿仔有食夜奶的, 仲要係2-3次...但有說半夜3點係造奶高峰期, 所以我會堅持2-4點呢段時間起身泵奶, 成日泵到一半阿仔又要食...冇計, 咪儲得幾多得幾多.

但其實咁都係好...泵完+阿仔埋身, 身體就知道唔夠奶, 下次會造多d. 如是者我試過最多儲咗二百幾安冰奶.

如果你唔怕辛苦, 可以試吓半夜起身泵奶, 叫做泵多一餐, 咁阿女就補少一餐奶粉. 不過大前提係: 「量力而為」. 唔好影響到精神和日間的工作.

rose-mag以前講過, 餵人奶只不過係小朋友成長的一小部份, 往後仲有更多嘢為小朋友做 (例如而家我已經煩緊好唔好比佢讀nursery, 定係返playgroup, 又要train佢坐potty (train唔到!), 阿仔又勁大食, 一日食3次固體都唔夠飽, 每日淨係忙於餵食咁...).

anyway, 加油呀!

私人傳訊回覆引用

mrschoy

積分: 4166

1857^#

發表於 09-2-22 14:06 |只看該作者

各位好
我bb的預產期係3月3, 我同公司拎左前一後九
希望bb出世後可以餵到耐d人奶

我真係覺得媽媽好偉大
尤其是堅持餵人奶的媽媽

我面對的困難相信起碼有三個

第一是坐月時媽咪來我家照顧我, 如果我太攰, 佢會"勸"我補奶粉;

第二係返工後, 我99幫手湊阿b, 我要泵出黎俾bb吃, 佢會怕要spoon fed / cup fed 麻煩

第三係返工後工作壓力大, 影響奶量; 同埋唔夠時間泵奶, 可能只可以lunch time 泵到一次... 可能會唔夠刺激造奶...

不過我真的很期待bb的出世
同埋餵bb的喜悅

私人傳訊回覆引用

積分: 2885

好媽媽勳章

1858^#

發表於 09-2-22 16:18 |只看該作者

方麗娟,

哈哈, 終於見到版主喇, 你好!

囡囡今朝食咗早奶之後終於有尿尿喇, 不過唔多...我諗嚟諗去可能係我飲水少咗喇, 咁即刻去飲多咗水, 希望一切正常返喇! 下午有返poo poo添 (早三日都冇poo poo)!

你雖然話冇返工泵奶啫, 不過你嘅un力好勁, 支持咗我好多呀!

半夜泵奶我諗我都係捱唔住...因為我份工都要成日走嚟走去, 而且老細好demanding, 好用腦, 唔夠休息我驚捱唔住呀...而家努力泵得一餐得一餐, 不過一邊泵一邊餵好高難度...我會「量力而為」嘅.

有一件事想請教吓你哋, 我囡囡一向食奶時間不定, 兩小時三小時四小時一餐都有, 咁我見佢多數3.5小時一餐咪set 3.5小時餵一次囉, 點知佢而家成日兩個幾鐘就喊, 我拖唔到去3.5小時架, 所以有時一日5 or 6 or 7餐...好煩...

佢而家大個咗次次喊都好鬼大聲, 嘈到我屋企人(包括我)都好心痛... 咁梗有人頂唔去抱佢...我唔知點教...佢細個嗰陣都幾乖架, 而家除咗肚餓會喊, 仲會扭抱喊...好大聲...好慘咁...

你哋已經去到另一個stage, 好多其他嘢煩, 我喺你哋身上學識好多嘢呀!

私人傳訊回覆引用

李小B太太