coolman008 發表於 16-8-4 21:39 
版主，我想問下我太陽星座是人馬，月亮星座是天蠍；而c6是水瓶，不知月亮星座，我們是否夾
...
至於典型水瓶之前都答過樓主，水瓶係一個風象星座，佢嘅特質就如風一樣，享往自由，唔鍾意受管束，如果佢心甘情願肯受你管束就即係對你好重視，但如果你要逼佢承諾要佢下下講出口，咁佢嘅自我保護模式就會啟動，唔係佢唔會做或者唔肯做，而係佢不屑咁做，其實水瓶對愛情有好高要求，佢注重精神交流，佢可以好學術。水瓶男爭唔落係佢太博愛，又冇拒絕人嘅意識，你話佢俾人讚兩讚就飄飄然又好，定話佢太老好人又好，事實水瓶男就係咁，諗下佢點解咁多朋友，因為佢係好人，又鍾意幫人，問題係佢對所有人都好，對自己所愛嘅好有時好似唔夠普通人好，所以好易被誤會，當水瓶男對你溫柔又肯傾聽你所講，佢已經係對你不同其他人，唔好強求D咩要生要死，水瓶男做唔到架。
人馬屬火象，水瓶屬風象，兩者都幾類似，都係比較理性，能夠溝通，好在乎對方又識得留番D個人空間俾對方。不過水瓶同人馬都有時較任性，水瓶比人馬更我行我素，固執程度又比你強，所以多數都係你讓老公。因為你有天蠍特質，你嘅固執度都唔低，但你冇水瓶咁死要面，又冇佢咁賴皮，所以你讓佢嘅情況較多。不過單純呢D去睇，多溝通係兩人關係長久嘅關鍵，水瓶最多水吹，你肯同佢傾，係可以令兩人更了解對方，知道邊度係大家底線，保留一D個人空間。
花旗太太生活在花旗國，留意時差，你問我未必即時答到。
發表於 
星座睇性格應該唔算迷信的，只係用多一個統計學角度去理解吧，我相信好多人有留言定無留言的都學到好多，希望樓主有一日會頑石點。
返回列表
