w.c.chong 發表於 21-11-11 17:35 
扶搖我都係睇咗三集已經睇唔落去，想睇古裝劇，但真係無套睇得落手，對上嗰套遇龍真係………
楊冪古裝真係 ...
遇龍造型差，男主演技尬，女主冇台型，故事更加乏善足陳，第一集開始果15分鐘已經勸退不少人。嘉南傳大女主劇，可惜女主只識得擺個靚樣出嚟，咁多年來，鞠靖禕只有化妝有進步，演技一言難盡，佢唱跳都唔得，樣係靚嘅，但冇人氣冇靈魂，硬照就一流，live就唔入流，故事又改到不倫不類。
最近好多IP改編劇都係魔改，君九齡以為有彭小冉，有靚女睇，點知金瀚醜出圈，成功令套劇冇人睇。國子監原本好多人因為趙露思捧場，點知一眾男角都唔得，肉思又演得麻麻。皎若雲間月女主靚又有演技，但可惜角色氣質唔啱佢，男主好似發水麵包咁，同慶餘年時冇得比，當然故事唔掂係最大問題。問天錄開播咗都冇熱度，完全冇人知咁。當家主母係于正嘅劇，我冇睇，所以不敢評論。
斛珠夫人又係魔改，加上原著係BE，仲有疑似係BL，最近負面話題度有D大。
時裝劇黑馬居然有星辰大海，開始俾人吐糟係中年版霸度總裁，點知可能真係冇咩劇好睇，反而呢套狗血劇好似收視唔差。和平之舟有少少令人失望，太多人物太多細節，劇情鬆散咗，女主人設同演技都唔討好，性格衝動，又唔覺佢作為醫生，知識同技術好出眾。一見傾心據聞男二粉絲開撕男一，但番位一早定好，角色係主係次好清楚，唔知有咩好撕。
好多觀眾期待嘅迷霧劇場反應麻麻，先出八角亭迷霧，懸疑不足，當倫理劇睇又嫌婆媽；剛播完致命願望口碑更不濟，男主范丞丞根本扛唔到戲。
花旗太太生活在花旗國，留意時差，你問我未必即時答到。
發表於 
近期真係無邊套有興趣追
返回列表
