大仔大女媽媽會 今日: 0 | 主題: 177861

積分: 831

1941^#

發表於 08-9-29 14:33 |只看該作者

原文章由 mythseason 於 08-9-29 14:26 發表

我都知,......... 但係唔關bb 事, 係我自己大食
唔知點解, 好似食極都唔夠咁

我依家已經160lbs, 足足重o左30lbs有多呀

到底有乜方法可以快d幫bb 減磅呀~~~ ...

算啦...唔好減啦.....其實佢健康咪得囉.....
你肚餓時食生果or梳打餅好啦 (指正餐時間外肚餓)....
唔係爭自己生時辛苦!!!!

私人傳訊

mythseason

積分: 953

1942^#

發表於 08-9-29 15:14 |只看該作者

原文章由 熊炳媽 於 08-9-29 14:33 發表

算啦...唔好減啦.....其實佢健康咪得囉.....
你肚餓時食生果or梳打餅好啦 (指正餐時間外肚餓)....
唔係爭自己生時辛苦!!!!

依家只係食正餐, 唔敢食其他野了,
我同老公都好想可以順產, 希望到40weeks 唔會真係8磅4咁勁啦

怕到時冇氣生唔到要開刀......

我唔怕辛苦, 只怕冇得同老公一齊睇住佢出世咋!!!!!

My Love, My Soul mate~~

私人傳訊

積分: 706

1943^#

發表於 08-9-29 16:00 |只看該作者

各位，我返來啦！剛過左十二朝，開始派薑醋，報告一下我的情況先，其實我阿ｂ係２９週出世，因為２８週幾時有流啡，之後第二日照４ｄ時，ｅ生話冇肚痛就冇事，跟住第三日半夜有輕微肚痛，但自己無為意，第四日照返工，但在學校就真係有幾次劇痛，所以一放工就返屋企瞓覺，點知晚上８：３０，發現半小時痛四次，所以立刻打電話比私家ｅ生，佢叫我唔好去仁安，因為阿ｂ早產要住深切治療部，而且，政府ｅ院應該會用藥同我試下阻止阿ｂ咁早出世，於是我就去了威院（星期五晚），跟住產科ｅ生，兒科ｅ生，麻醉科ｅ生同我講解所有風險後，就推了我到產房，當時我真的哭了，因為有肉隨針板上的感覺，最後佢地幫我用藥控制陣痛，盡量等阿ｂ留係我肚裏面耐ｄ，結果，星期一，阿ｂ都係要出來，在不知不覺間，子宮頸口原來已開到三度，我就被立刻推到手術室緊急開刀，因為阿ｂ頭仔未轉下，所以要同佢鬥快，唔可以比佢伸隻腳出來，所以阿ｂ係有２９周的

私人傳訊

anaBB

禁止發言

積分: 21629

醒目開學勳章畀面勳章

1944^#

發表於 08-9-29 16:02 |只看該作者

提示: 作者被禁止或刪除內容自動屏蔽

私人傳訊

anaBB

禁止發言

積分: 21629

醒目開學勳章畀面勳章

1945^#

發表於 08-9-29 16:24 |只看該作者

提示: 作者被禁止或刪除內容自動屏蔽

私人傳訊

積分: 706

1946^#

發表於 08-9-29 16:33 |只看該作者

當我照完４ｄ後，我當晚就收拾走佬袋，阿媽仲話我痴線，點知真係用得著，不過，因為我冇諗過係政府生，所以衛生巾，網褲．．．咩都冇買定，結果入到威院由阿媽去買，真係冇哂預算，阿ｂ咁早出世，對我來講，雖然要係政府生，但就放足前０後１０，而且仲唔駛蝕聖誕假，出院費仲節省三皮野，但我阿媽阿爸原本已經報左團去日本，好彩阿ｂ出世果日係退錢ｌａｓｔ　ｄａｙ，所以都可以退返一半，好過冇哂，不過阿ｂ自己就辛苦ｄ，又冇人抱，見到佢咁，我頭果幾日真係見到佢就忍唔住喊，不過而家就好好多，因為佢已經懂得自己呼吸，食奶都開始消化到，只係有時自己不能大便，希望佢快ｄ搞掂各種系統，體重快ｄ增加，快ｄ返屋企就好，因為到而家，我都未抱過佢

私人傳訊

luvbb

積分: 944

1947^#

發表於 08-9-29 16:38 |只看該作者

原文章由 mythseason 於 08-9-29 14:26 發表

我都知,......... 但係唔關bb 事, 係我自己大食
唔知點解, 好似食極都唔夠咁

我依家已經160lbs, 足足重o左30lbs有多呀

到底有乜方法可以快d幫bb 減磅呀~~~ ...

下, 唔好諗幫bb 減磅啦. 順其自然啦, 控制下以後的食量, 介甜。
最多都係生得辛苦少少姐, 唔怕na. bb 大隻d 都好, 好揍d 丫ma.

私人傳訊

luvbb

積分: 944

1948^#

發表於 08-9-29 16:53 |只看該作者

原文章由 anaBB 於 08-9-29 16:02 發表
雖然我bb中size, 但係我都決定開始食少d, 唔想太難生同自己太肥.
人地話, 哩個時候媽咪唔食bb都會大, 上一胎9個月開始食少d, 哥哥出世都7磅10安士, 我唔想細佬多過8磅
...

我個女37周5日出世, 都7 lbs 11安士, 我都唔想細女過8 lbs.

私人傳訊

luvbb

積分: 944

1949^#

發表於 08-9-29 16:57 |只看該作者

原文章由 remychrist 於 08-9-29 16:33 發表
當我照完４ｄ後，我當晚就收拾走佬袋，阿媽仲話我痴線，點知真係用得著，不過，因為我冇諗過係政府生，所以衛生巾，網褲．．．咩都冇買定，結果入到威院由阿媽去買，真係冇哂預算，阿ｂ咁早出世，對我來講，雖然要係政府生，但就放足前０後１０，而且仲唔駛蝕聖誕假 ...

remychrist,
坐月唔好cry na. bb 好快會出院無事ge. 你要養好身體, 遲d bb出院要照顧佢架！
開心d na!
得閒休息多d. 有時間先上黎報告一下你同bb 的情況。

私人傳訊

csy1601

男爵府

積分: 5686

1950^#

發表於 08-9-29 17:16 |只看該作者

知道你大小平安就好了，祝bb快d出院等你可以快d抱下佢，七星仔聰明d架~

自從自己有左之後，更加留意身邊其他媽媽的情況，真的覺得生仔呢件事不在自己掌握之內，我有朋友努力左好耐都唔成功，好多諗住順產到頭來因各種原因開刀，明明係靚女又因為陀bb變左肥腫難分．．．．所以我覺得自己有bb已經係上天比我既禮物，大小平安，bb健康已經無咩要求了

我老公長期不在港，我成日同bb講記住等爸爸放假回來陪產先好出世，希望佢聽話啦!

原文章由 remychrist 於 08-9-29 16:33 發表
當我照完４ｄ後，我當晚就收拾走佬袋，阿媽仲話我痴線，點知真係用得著，不過，因為我冇諗過係政府生，所以衛生巾，網褲．．．咩都冇買定，結果入到威院由阿媽去買，真係冇哂預算，阿ｂ咁早出世，對我來講，雖然要係政府生，但就放足前０後１０，而且仲唔駛蝕聖誕假 ...

私人傳訊

Gloria's

積分: 2081

1951^#

發表於 08-9-29 18:07 |只看該作者

原文章由 remychrist 於 08-9-29 16:33 發表
當我照完４ｄ後，我當晚就收拾走佬袋，阿媽仲話我痴線，點知真係用得著，不過，因為我冇諗過係政府生，所以衛生巾，網褲．．．咩都冇買定，結果入到威院由阿媽去買，真係冇哂預算，阿ｂ咁早出世，對我來講，雖然要係政府生，但就放足前０後１０，而且仲唔駛蝕聖誕假 ...

知道你同bb都平安就實在太好喇！咁你要自己保重，坐好月，養好身體，先可以好好照顧阿b。
你有冇唸過喂人奶呀？因為我前幾日聽左個講座，醫生話餵人奶對早產bb有好多好處，可以增強他們的免疫力，預防一些容易發生在早產bb身上的疾病，如中耳炎、一些敏感症等。所以你都可以考慮下。
希望你bb快d可以俾你抱抱！

[ 本文章最後由 Gloria's 於 08-9-29 18:08 編輯 ]

私人傳訊

Mira

積分: 1103

1952^#

發表於 08-9-29 18:21 |只看該作者

原文章由 luvbb 於 08-9-29 12:12 發表

MIRA,
係呀, 我經常提醒自己, 佢地係無聊人, 佢地係八婆, 人地生乜都要來講！

我而家番到公司, 見到個女人都唔想同佢講野. 早幾日, 係TOILET 見到佢, 佢仲同我講" 而家我可以手D鑽石來R痕！"
佢係講佢番大陸整左D 指 ...

真係好有問題喎....
對呢啲人, 花精神同時間係佢哋嘅說話真係浪費...
唔好理佢, 生咗阿b, 有成十個禮拜浄係對住阿b, 唔駛見到啲無謂人....
自己開心啲啦!

私人傳訊

熊炳媽

積分: 831

1953^#

發表於 08-9-29 18:29 |只看該作者

原文章由 remychrist 於 08-9-29 16:33 發表
當我照完４ｄ後，我當晚就收拾走佬袋，阿媽仲話我痴線，點知真係用得著，不過，因為我冇諗過係政府生，所以衛生巾，網褲．．．咩都冇買定，結果入到威院由阿媽去買，真係冇哂預算，阿ｂ咁早出世，對我來講，雖然要係政府生，但就放足前０後１０，而且仲唔駛蝕聖誕假 ...

恭喜你呀....好開心呀!!
阿b出世之後都算順利丫!!!!
努力湊b呀

私人傳訊

積分: 706

1954^#

發表於 08-9-29 18:39 |只看該作者

我每次見佢，佢都有唔同反應，真係想唔喊都幾難，第一次見佢，見佢插滿哂喉，手同腳都比人篤損哂，因為要搵血管，真係睇見佢就心痛，當時我只係識喊，一句說話都冇講過，第二次見佢，我一開聲同佢講野，佢立刻好辛苦咁睜大眼望下我，然後好辛苦咁喊，不過係有氣冇聲，但我老公同佢講咩，佢都冇反應，我又感動都喊，到第三次見佢，佢一聽到我把聲就開聲喊，今次係有聲既，好似想同我講佢好辛苦，所以我聽到佢喊，我又忍唔住喊，不過，而家我好左好多，因為見佢一日比一日好，我已經放心好多，所以都控制到自己冇咁易喊！

原文章由 luvbb 於 08-9-29 16:57 發表

remychrist,
坐月唔好cry na. bb 好快會出院無事ge. 你要養好身體, 遲d bb出院要照顧佢架！
開心d na!
得閒休息多d. 有時間先上黎報告一下你同bb 的情況。 ...

私人傳訊

Mira

積分: 1103

1955^#

發表於 08-9-29 18:51 |只看該作者

原文章由 remychrist 於 08-9-29 16:00 發表
各位，我返來啦！剛過左十二朝，開始派薑醋，報告一下我的情況先，其實我阿ｂ係２９週出世，因為２８週幾時有流啡，之後第二日照４ｄ時，ｅ生話冇肚痛就冇事，跟住第三日半夜有輕微肚痛，但自己無為意，第四日照返工，但在學校就真係有幾次劇痛，所以一放工就返 ...

見到你返嚟, 真係好喇...!
見到你咁講...真係有驚冇險, 又要同阿b鬥快, 真攞胆, 好彩母子平安...!真係一額汗...!
唔駛再喊啦, 阿b都好好, 好乖, 佢唔想你為咗佢唔開心, 佢見到你會feel到架, 比心機...!
試吓餵人奶比bb啦, 對早產bb好有益架, 比得幾多就比幾多啦..!

私人傳訊

積分: 706

1956^#

發表於 08-9-29 18:55 |只看該作者

真係估唔到架，我原本都想老公陪產，結果因為要緊急開刀而孤身作戰，係手術室時，個腦真係空白一片，只有肉隨針板上既感覺，心裏只想著：自己同阿ｂ既生命就交給那班ｅ生同護士了，不過時間過得好快，我只係知道自己個肚比人劏緊，兩隻手就成日比人篤針，唔知佢地同我吊咩藥，只係知道篤左好多下，篤唔中又再篤過，跟住個面好熱，好似發燒，後來感受到比人係個肚好大力向外扯一下，我覺得係攞左阿ｂ出來，我問：係咪攞左阿ｂ出來啦？但冇人答我，然後聽到有人報時，我自己肯定阿ｂ出世了，但冇人比阿ｂ我睇，又聽唔到喊聲，隔左一陣，有個姑娘在我耳邊同我講：手術已經做完，你生左個仔，有ｘｘ重，今日係９月１５日，佢係ｘｘ點出世，而家送左去兒科深切治療部，呢個過程，就只有我一個去面對，我老公見到既就只係我係產房推上病房後既辛苦情況，所以真係估唔到架！希望你老公可以順利陪住你生啦！

原文章由 csy1601 於 08-9-29 17:16 發表
知道你大小平安就好了，祝bb快d出院等你可以快d抱下佢，七星仔聰明d架~

自從自己有左之後，更加留意身邊其他媽媽的情況，真的覺得生仔呢件事不在自己掌握之內，我有朋友努力左好耐都唔成功，好多諗住順產到頭來因各種原因開刀，明 ...

私人傳訊

積分: 706

1957^#

發表於 08-9-29 19:10 |只看該作者

我而家每日都泵ｄ人奶，然後老公攞去ｅ院比阿ｂ，我成績都唔錯，每日泵三至四次，每次最少都有兩安，多就有三安半，第日你地諗住餵人奶，就記住唔好放過生完果兩日，我一生完第二日，我阿媽就攞條熱毛巾同我敷兩個乳房，最緊要係擦走乳頭上既死皮，唔好令到有阻塞，唔知點解生完之後個乳頭會有咁多死皮，擦乾淨後就試下按下有冇奶，我一按完，雖然得好少，但第三日就好明顯上奶，我就叫姑娘教我擠奶，但只係擠到十幾滴，點知第四日出院，返屋企用奶泵就已經泵到半安，跟住第五日仲因為谷奶而發燒，心口同個乳房好似比火燒既感覺，跟住我立刻將個奶泵教到好強既吸力，一邊吸，一邊狂推鬆ｄ硬左既乳線，點知泵到一安奶，跟住好快就退燒了，我非常贊成大家餵人奶，記住唔好放過頭兩日，因為你唔搞佢，好快就會回奶，到時想餵都冇得餵

原文章由 Gloria's 於 08-9-29 18:07 發表

知道你同bb都平安就實在太好喇！咁你要自己保重，坐好月，養好身體，先可以好好照顧阿b。
你有冇唸過喂人奶呀？因為我前幾日聽左個講座，醫生話餵人奶對早產bb有好多好處，可以增強他們的免疫力，預防一些容易發生在早產bb身上的疾 ...

私人傳訊

積分: 706

1958^#

發表於 08-9-29 19:13 |只看該作者

你是新面孔呀！我第一次見你，我都希望你同你個ｂ健健康康，你都要努力呀！

原文章由 熊炳媽 於 08-9-29 18:29 發表

恭喜你呀....好開心呀!!
阿b出世之後都算順利丫!!!!
努力湊b呀

私人傳訊

積分: 706

1959^#

發表於 08-9-29 19:23 |只看該作者

你點呀？執好走佬袋未呀？我而家開始脫離廢人生活，係ｅ院同最初出院時，成個廢人咁，第一次感到好無助，連起身都起唔到，要人扶，所以夜晚唔敢飲水，因為唔想起身去厠所，有一次，因為唔記得放個手提電話係床頭，搞到係睡房叫左好耐都冇人知，後來我老公發現時，我已喊到成枕頭濕哂，我阿媽仲講笑話估唔到我屋企大到要打電話先搵到人，唉！真係好辛苦呀！不過，而家好好多，自己可以行動自如，每日都係食，泵奶，睇電視同瞓覺，隔日去睇阿ｂ，希望你地生得果陣都係順順利利啦！

原文章由 Mira 於 08-9-29 18:51 發表

見到你返嚟, 真係好喇...!
見到你咁講...真係有驚冇險, 又要同阿b鬥快, 真攞胆, 好彩母子平安...!真係一額汗...!
唔駛再喊啦, 阿b都好好, 好乖, 佢唔想你為咗佢唔開心, 佢見到你會feel到架, 比心機...!
試吓餵人奶 ...

私人傳訊

Mira