大仔大女媽媽會 今日: 0 | 主題: 177860

積分: 2065

1941^#

發表於 05-2-19 13:19 |只看該作者

Re: 05年7月媽咪會

Hello, all mama!

wingksw，恭喜晒！7月小b個個健健康康長大！超人特工隊好睇嗎？

myrchan，my_tabo，我贊成你地，唔好理 9＿ 9點講，其實生仔生女都係自己既，經過4個多月，才知道要一個健健康康既小b唔係咁簡單，做媽咪又擔心呢樣個樣，之前我也想生仔，因為可以同爸爸玩嘛。不過而家我唔堅持了，只盼望小b7月健康地與我地見面。myrchan，你要跟醫生吩咐食d

私人傳訊

積分: 20300

1942^#

發表於 05-2-19 15:34 |只看該作者

Re: 05年7月媽咪會

wingksw,

我都希望我o地而家知錯都唔會太遲啦!

個天可能知我地咁, 要我地懂得珍惜, 所以比我地驚餐飽, 不過我地知錯能改一定無事

haileymama,

我已經幫你o係"一覽表"度更改預產期。

2cats,

我同你一樣都有兩隻貓貓, 兩隻都係英國短毛貓, 係一仔一女：仔仔叫做"Coffee", 女女叫做"Milky", 佢o地兩隻都係我o既心肝寶貝。我成日同佢o地講："Mami鍚到你o地燶喇!" Coffee遲d就會做"貓大哥", Milky遲d就會做"家姐仔"喇! 等到bb出世, 我就可以同佢o地影張全家福, 我老公都話好期待我o地一家五口一齊影相呀!

lokkit,

已經幫你更新"一覽表"上的資料。

myrchan,

我成日都提住自己：對於奶奶o既說話, o岩聽o既咪聽囉! 唔o岩聽o既就當冇聽過, 如果唔係, 攪到自己唔開心, 又影響埋bb咪好唔抵, 係咪?

ricfa,

你o既小b梗係怕羞喇! 特登夾住唔比你o地睇住。 :mrgreen:

私人傳訊

dorisfung

積分: 4702

1943^#

發表於 05-2-19 21:39 |只看該作者

Re: 05年7月媽咪會

myrchan，謝謝你關心。我已經成日提醒自己唔好同啲下屬勞氣，不過有時佢哋真係好唔爭氣，

私人傳訊

積分: 2558

1944^#

發表於 05-2-20 00:17 |只看該作者

Re: 05年7月媽咪會

my_tabo ＆ricfa，多謝你地既安慰。dorisfung，我同你同病相連，都係有個麻煩奶奶囉！老公之前已同奶奶講過話好大機會生女，咁尋晚佢知我去完產檢，又再追問，可想而知佢幾緊張啦。我見佢咁大希望，都唔想再比希望佢，咁咪好清楚咁講話會生女囉，你估奶奶咩反應呢？奶奶同我老公講，之前佢同我老爺返鄉下，同我老公求左籤，話我老公36~37歲至會生仔wor，馬後炮！咁又問我？！我老公都好好，由於我同老公同年，佢話咁大年記仲生，好危險，生左個有問題既，係仔都無用，我就講，老公你一定果時包二奶，所以到時有仔生囉，咁我奶奶至無再講d乜。唉∼佢自己都係女人，但就歧視女人，佢以前成日係我面前講，話無仔等於絕種wor ?-( 佢成日咁諗，可能個天就偏偏唔順佢意啦 :-x

ricfa，你個b好故作神秘，到而家都唔比你知佢係龍定鳳。尋日照US前，我叫醫生同我睇係仔定女，咁唔知係個醫生犀利定我好彩，佢一放個儀器響我肚皮上，個screen就從下向上顯示bb既pat pat位，好清楚咁睇到bb女既生殖器官，想睇錯都難呀

my_tabo，請update我個b係女女。

私人傳訊

積分: 2558

1945^#

發表於 05-2-20 00:40 |只看該作者

Re: 05年7月媽咪會

alicesidney，我都有係QE做產檢，醫生同我約左遲兩星期照一次特別既超聲波，呢次照US唔同平時做開既檢查，係醫院另一個部門做，所以要特別約，醫生仲提我一定要去，如果唔係，唔會補番比我照。我唔知呢次咁特別照超聲波，係唔係你講既結構超聲波？仲有，我無轉到健康院做檢查bor，點解要轉？QE都有好大既婦產科部門wor，不過，我唔知健康院會唔會少d人排隊，可能醫院想將人流分散，我有個朋友個朋友，初頭係健康院做產檢，到差不多生之前一個月，轉返去QE睇。

私人傳訊

積分: 20300

1946^#

發表於 05-2-20 00:46 |只看該作者

Re: 05年7月媽咪會

myrchan,

呢句說話我都講過

生左個有問題既，係仔都無用

我已經幫你update o左資料。

我未知係仔定女之前, 我都感受到奶奶比我o既壓力, 所以即使我而家知道o左係女, 都費事話比佢聽住, 唔使咁早就聽佢講咁多o野, 不過就算佢要講, 我都只會選擇性地聽。

根本就唔需要理會d封建o既奶奶諗乜o野、講d乜如果順佢o既意, 生完一個係女, 第二個又係女, 唔通一直為o左滿足佢而追落去咩? 根本就不設實制, 你諗o下, 生完邊個去湊, 邊個去教, 邊個比錢去養, 係自己兩公婆, 而唔係奶奶或者其他人。我以前有個同學, 佢係圍村人, 個爸爸媽咪為o左要生個男丁分田地, 生6個係女都仲要追, 點知生第7個都係女, 追到年紀大喇! 冇得再生先唯有放棄, 咁又何苦呢? 而家d奶奶又唔咪等住要有男孫去繼承佢o既千萬身家!

私人傳訊

preciousbb

複式洋房

積分: 482

1947^#

發表於 05-2-20 01:09 |只看該作者

Re: 05年7月媽咪會

係生仔定女方面,我老爺同奶奶又好似好開通甘!我地一照到係女的時候,就即刻話佢地知,佢地都好開心,只係話無論係男定女,最緊要係健康就得啦!

但係生幾多個bb方面,佢地就expect我地會生2個!講真我都知bb一個人會好悶,但都要睇我地的經濟能力mar!而且我初頭不打算生bb架,我同老公經過2年的相討先決定生一個bb jar!不過我同老公都不太理他們講咩,聽左就算,始終生幾多個bb都係我地自己話事!所以你們都不要將奶奶的話太放上心,始終個bb係你同你地個honey既,你地鍾意咪得lor!係咪?

私人傳訊

積分: 20300

1948^#

發表於 05-2-20 01:17 |只看該作者

Re: 05年7月媽咪會

preciousbb,

你今晚都咁夜o既?

我奶奶都唔expect我只生一個, 佢話最好係一仔一女, 兩對就更加好添! 我心諗：兩對...筷子咩? 你估話生就生到咩?

私人傳訊

積分: 2558

1949^#

發表於 05-2-20 01:23 |只看該作者

Re: 05年7月媽咪會

my_tabo，係啦，無人有千萬身家比我去繼承wor，就算唔好講錢啦，要培育佢都辛苦呀，而家d細路，仲係以前咁唔駛阿爸阿媽理都得咩？上一代為兩餐，點會得閒為仔女撲學校、搵補習、安排學興趣班發掘潛能？但d細路咪又係咁大，我奶奶就係咁諗，佢仲話學咁多興趣做乜，sai錢兼無樣叻，但佢唔會明白唔樣樣學下，點知佢邊樣叻？呢d都係需要錢、時間同心機，生多幾個真係唔駛透氣。

私人傳訊

積分: 20300

1950^#

發表於 05-2-20 01:53 |只看該作者

Re: 05年7月媽咪會

myrchan,

所以話o者...上一代o個套思想已經不合時宜喇! 既然如此, 我o地根本唔需要跟佢o地o個套, 更唔應該比佢o地牽住鼻子走。我o地有我o地o既諗法, 有我o地o既道理, 最緊要就係, 我o地老公都認同我o地呢一套o者!

私人傳訊

積分: 2558

1951^#

發表於 05-2-20 01:54 |只看該作者

Re: 05年7月媽咪會

preciousbb，你就好啦，老爺奶奶咁開通，羨慕死我啦

my_tabo，我有大半結左婚既朋友都唔生仔架，怕困身、唔自由、責任大囉，咁我地都肯生啦，仲要求最好生仔，你話人心邊有滿足架呢

私人傳訊

積分: 20300

1952^#

發表於 05-2-20 01:58 |只看該作者

Re: 05年7月媽咪會

myrchan,

我都係咁話, 我之前一直都冇諗過自己會生bb o架! 即使奶奶點催我, 我都冇理佢。不過個人大o左, 諗法唔同o左, 突然有一日o係度諗：如果呢世人都冇一個自己o既小朋友, 到冇得生o個時會好遺憾, 所以先至決定生, 呢個純粹係個人o既決定, 同奶奶比壓力我完全無關。

私人傳訊

積分: 2558

1953^#

發表於 05-2-20 02:03 |只看該作者

Re: 05年7月媽咪會

我奶奶新年時叫我同老公去佢死黨屋企拜年，但佢自己唔去wor，目的係借死黨把口，叫我地做佢想我地做既野，例如：生多一個、唔好干涉奶奶既湊仔方法。生多一個都算啦，我都係咁諗，雖然我唔鍾意佢落order既形式。但死黨話奶奶會當bb係寶貝，我地唔駛理佢點湊bb，咁就好頂心啦:-x 唔通我地做老豆老母既，就當自己既骨肉係草？我成日搵講座聽，搕書睇，學點生仔點湊仔，咪都係想bb好？佢究竟乜野心態架:-x 我好唔明呀！係咪一定要佢講既野佢幾十年前做既野至係arm:-x 係咪佢要霸住我個bb至安樂？好彩我唔係生仔，否則佢可能完全唔比我理，邊有咁發仔慍既人架，好恐怖呀

私人傳訊

積分: 20300

1954^#

發表於 05-2-20 02:07 |只看該作者

Re: 05年7月媽咪會

myrchan,

你奶奶咁樣, 無論生仔定生女, 都千祈唔好比佢湊o者!

私人傳訊

積分: 2558

1955^#

發表於 05-2-20 02:19 |只看該作者

Re: 05年7月媽咪會

my_tabo，依我平時觀察，奶奶既hygiene水平唔高，思想古老，你估我想比佢湊咩？但如果我唔比佢湊，佢一定會做好多麻煩既事，麻煩到我未必估得到，我奶奶脾氣好勁，我真係怕左，亦念在佢都係個心為我地好，加上我老公唔想阿媽唔開心，所以，我免得過唔會同佢直接衝突。

私人傳訊

積分: 2558

1956^#

發表於 05-2-20 02:21 |只看該作者

Re: 05年7月媽咪會

我知咁做可能犧牲左bb某d野，但我可以點呢？有人話，家有一老，如有一寶，我唔係完全唔同意，之但係，享受有老人家係屋企既好處之餘，要付出既代價都好巨大。 :cry:

私人傳訊

積分: 2558

1957^#

發表於 05-2-20 02:24 |只看該作者

Re: 05年7月媽咪會

我奶奶住我隔離屋，佢唔知係咪知有人講緊佢，剛打電話過黎問我地做乜仲唔瞓，煩死煩死煩死煩死煩死煩死 :evil:

私人傳訊

preciousbb

複式洋房

積分: 482

1958^#

發表於 05-2-20 11:10 |只看該作者

Re: 05年7月媽咪會

myrchan,
唔係mar,兩點幾你奶奶仲打比你?好搞笑wor!!佢唔比你地唔記得switch off d 燈 ge mei! 就算未瞓都唔好打電話黎啦!後生仔女,星期六夜d瞓都得jei!雖然我老爺奶奶唔係住我隔離屋,但佢屋企係望到我屋企,有時佢都會問點解尋晚甘夜都唔switch off d 燈呀?我老公話睇緊dvd lor!佢就會話仲乜唔早d瞓呀?老公就話第日又唔駛返工,甘早瞓仲乜?之後佢地就冇野好講!好彩我老公係乜都夠担同佢地講,佢地講得arm既就聽,唔arm的我老公一係同佢地講道理,一係鬧番佢地!總之我就當乜都聽唔到,唔會比意見,唔會有任何表示!

私人傳訊

積分: 2558

1959^#

發表於 05-2-20 12:16 |只看該作者

Re: 05年7月媽咪會

preciousbb，我奶奶老爺十點鐘就瞓，夜晚起身去小便，咪見到我地未熄燈囉，都唔係第一次啦。我奶奶唔係普通人等，好惡都得架，屋企無人把聲大得過佢，包括我老爺都唔會同佢嘈，因為後果好麻煩，咁我地呢d後生既，可以點wor，大家都怕左佢既脾氣。

私人傳訊

dorisfung