Re: 2003年12月媽媽 之 "慧兒雅聚" (part 7) - pizza
摛晚俾紫鈺激到差d爆血管(EQ低), 話說佢飲完奶仲唔瞓, 扭要出廳玩, 跟住又扭要入工人間房玩, 開頭我都俾佢玩一陣, 但實在夜了, 就叫返佢出來, 工人亦都熄燈瞓覺。
點知佢扭來扭去, 我越來越慶, 佢唔理我, 話要搵工人, 我瞓係床上唔理佢, 佢企係門邊係咁狂喊, 拍門, 足足有十分鐘以上, 我同DADDY忍無可忍, 我又心痛, 一來佢喊得好淒涼, 二來佢竟然要工人要到咁。
我抱起佢安慰佢唔好喊, 跟住同佢講數, 問佢係唔係想同工人瞓覺, 如果係就今晚開始搬晒D野過去瞓, 拆埋床仔, 以後無得過返來同媽咪瞓, 從今以后就係隔離瞓覺, 無得話一陣過來一陣過去, 佢開始無聲出, 係度諗, 最后都係堅持要過去, 仲抱住枕頭被袋。
我個心悲喜交集,個女大了唔要媽咪了, 不過以后有覺好瞓了。
吵醒工人我同爸爸一齊帶佢入去, 放佢落床, 擺枕頭, 佢開始狂喊, 開始捉實我, 又抱返個枕頭, 原來唔捨得我, 喊到CC下要返我, 唔俾擺低枕頭, 結果跟住我同爸爸返返房, 乖乖瞓覺。
搞到十二點幾先瞓著, 玩足我一晚。好彩佢最后都揀左我 :-( :-( :-(
您好！由於親子王國及教育王國已禁止用戶於簽名檔內張貼來自其他網站之網誌、facebook群組或相簿等之連結，因此閣下簽名檔內容已被刪除。
發表於 
返回列表
