大仔大女媽媽會 今日: 0 | 主題: 177861

積分: 2830

1941^#

發表於 06-12-5 00:14 |只看該作者

Re: 0310精伶寶寶爹

20,10,fi,bird,恩媽,yy.........&咁多位媽咪，好耐冇入

私人傳訊

fi-fi

積分: 9345

1942^#

發表於 06-12-5 08:08 |只看該作者

Re: 0310精伶寶寶爹

Kiss,
咁你又真係好耐無入黎喎....不過都估到你係超忙所致嫁喇

小鳥,
係喎,今日驗眼喎....一切順利喇

亞十,
呢2日好好天喎(香港),你地一家玩得開心嘛,入黎講下玩得幾咁開心先得嫁

http://lbyf.lilypie.com/ueJWp8.png

私人傳訊

birdbird

水晶宮

積分: 61627

1943^#

發表於 06-12-5 08:10 |只看該作者

Re: 0310精伶寶寶爹

kiss,
今朝一上BK就見到你芳蹤, 十分驚喜.

我地幾個在職媽, 返工果陣, 有抖下的時候, 但係你就要時時上足電, 照顧小朋友& 應付家長 & '老細', 你地份工, 真係唔易做, 少d熱誠 & 愛心都唔得. 努力加油呀. ?

謙謙近來點

私人傳訊

birdbird

水晶宮

積分: 61627

1944^#

發表於 06-12-5 08:12 |只看該作者

Re: 0310精伶寶寶爹

fi,
我仲未同個仔講今朝要驗眼. 唔知陣間佢合唔合作. 兼且驗完眼, 佢蒙查查, 去學校旅行, 可能覺得去o左 '仙境'. :mrgreen:

私人傳訊

outEST

積分: 7012

1945^#

發表於 06-12-5 08:50 |只看該作者

Re: 0310精伶寶寶爹

kiss:

做老師雖然放工早過我地
但睇落...忙過我地n倍

私人傳訊

outEST

積分: 7012

1946^#

發表於 06-12-5 08:51 |只看該作者

Re: 0310精伶寶寶爹

fi:

我都估妳琴日off

bird:
下午同大少玩得happy d啦

10:
快d講下妳地的行程啦

私人傳訊

積分: 9256

1947^#

發表於 06-12-5 08:59 |只看該作者

Re: 0310精伶寶寶爹

fi,
係呀, 番禺都好好天呀, 原本上網check番禺天氣預測果陣呢, 呢兩日最低氣溫係10-11度, 而最高氣溫都只係18度左右, 咁咪帶多少少衫畀阿女囉, 萬一早上同晚上凍起上唻, 都唔怕冷親佢吖嘛! 不過因為陽光普照, 所以阿女d衫呢, 真係由朝早著好多件, 跟住一路玩就一路除, 噚日最搞笑, 除淨d底衫!

今次去長隆, 影左二百幾張相, 同上次去迪迪仔有得fight呀!

先講酒店, 一去到check in, 好好彩, 啱啱有人退左房, 我地只係等左十分鐘左右就上到房, 唔駛寄存行李! 上到酒店房, 放好d野, 大家都洗個面, 去個廁所, 然後就去酒店中餐廳 (即酒樓) 叫點心食lunch, 食完至出去玩!...傍晚玩完返唻, 又去番酒店既日本餐廳食左個烏冬+拉麵+兩個手卷, 好飽...然後又上房休息下, 梳洗下, 跟住去睇免費大馬戲...睇完就返酒店沖涼瞓覺.
第二日, 響酒店西餐廳食左個早餐自助餐, 都幾多選擇, 不過食完有少少肚痛, 唔知係咪我食左d凍野溝熱野之類所致???? 食完上房收拾細軟, 搞check out手續, 搞寄貨行李, 然後又去玩個免費既歡樂世界! 玩完就返酒店攞行李, 坐穿所巴士去蓮花港, 回程返香港!

再講下第一日行程...
0545 我同佬起床
0615 阿女起床
0645 出門口
0745 到中港城
0840 開船往蓮花港
1040 到達蓮花港
1115 到達長隆酒店
1130 check in完上房
1215 lunch (酒店中餐廳)
1330 坐穿梭巴士去動物園
1700 坐穿梭巴士回動物園
1730 dinner (酒店日本餐廳)
1930 欣賞大馬戲表演
2100 回酒店休息
2300 晚安

第二日行程
0700 起床 (阿女唔知係咪肚餓, 醒左瞓唔番)
0730 食早餐
0930 響酒店範圍影下相, 參觀下
1030 免場入場玩歡樂世界 (由於一入場, 阿女就扭眼瞓, 所以隻佬抱佢埋一邊瞓, 我就走左去排隊玩摩托過山車同埋十環過山車, 超正, 好快, 好刺激既呢)
1530 食tea (歡樂世界入面的餐廳)
1615 回酒店取行李
1630 坐穿梭巴士往蓮花港
1700 到達蓮花港
1730 坐船回中港城
1930 到達中港城
2000 食dinner
2130 返到屋企

兩日行程完圓結束, 時間安排方便, 同我出發前plan既幾乎一模一樣, very good!

私人傳訊

BMW

積分: 3465

1948^#

發表於 06-12-5 09:06 |只看該作者

Re: 0310精伶寶寶爹

10,
行程好緊"臭"Wow!!TT玩得Happy無??
我暫時都吾打算同Chloe申請回郷証,以免ｄ無胃人要我地返郷下"出Show",無証件真係一個好好既籍口

私人傳訊

積分: 9256

1949^#

發表於 06-12-5 09:08 |只看該作者

Re: 0310精伶寶寶爹

20,
你咁心急做乜啫? 人地要打出唻架嘛, 要畀d時間我先得架!

好喇, 再講下動物園...
動物園分開兩個區, 一邊步行區, 一邊係坐車睇既!
我地去到換左入場券之後, 就先行步行區, 當然啦, 一路行一路影相, 真係講得出既動物都幾乎有架喇, 不過因為各種動物都睇得見, 所以佢地既臭臭亦都聞得到, 呵呵呵...

入面又有一個湖, 湖上面有好多黑&白天鵝, 阿女睇得好happy! 睇熊貓果陣, 見到隻熊貓食緊竹葉, 吖...卒之都見到d熊貓唔係睇緊覺! 又見有人餵長頸鹿, 阿女見到隻長頸度一口就咬左人地餵佢d葉, 本來都想試下餵的, 但都唔敢喇! 不過就真係好近距離接觸就真! 仲有睇到樹熊呀, 袋鼠呀之類, 我而家先知, 原來袋鼠都有全白色架!

我地又睇左一場大象表演, 阿女都睇得幾投入, 不過d音響就令阿女有少少不安, 因為太大聲喇!

步行區我地大約行左三個小時, 跟住過左去乘車區睇動物, 由於已經係四點半左右, 已經過晒阿女午睡時間, 所以佢一上車不久, 就已經...

好彩我佬帶左DV機, 咁我就抱阿女瞓, 佢就負責影VIDEO, 第時等我佬燒番隻碟畀佢睇番囉! 乘車睇動物既時間大約係三十分鐘! 阿女就足足瞓左1.5小時, 直到我地叫醒佢食DINNER為止!

私人傳訊

積分: 9256

1950^#

發表於 06-12-5 09:16 |只看該作者

Re: 0310精伶寶寶爹

BMW,
阿女好開心呀, 噚日玩機動遊戲, 幾乎玩到唔捨得走返香港!

繼續講下個大馬戲...眾所周知, 我小可愛係好驚強勁音響的, 但因為免費有得睇兼且個個都話值得睇, 唔睇好嘥, 所以唯有想盡辦法令阿女安坐位中, 陪我地睇晒成場大馬戲...

於是乎, 我準備左佢至愛既EDO餅餅...我佬就準備左佢雙大手掌, 幫阿女掩耳, 以便減低聲浪! 仲有就係, 我地買左隻白老虎, 畀佢攬住唻睇SHOW, 就係咁...阿女好乖咁陪我地睇晒成場大馬戲!

講真, 又真係幾值得睇的, 淨係個舞台, 都勁過TVB任何大SHOW, 個台既機關, 真係估唔到咁多! 可惜我地只係帶左一盒DV帶, 所以無錄到大馬戲, 下次有機會再去的話, 一定要錄番! (雖然話唔畀錄影, 但我見D人都照錄)

仲有, 因為我地係坐VIP席, 但後尾有幾條國內阿燦響度食煙, 頂佢吖...吹正我地方向, 搞到我地吸晒, 於是我就向工作人員投訴, 本來我話換位的, 但佢地都好有禮貌咁問我點解要換位, 我就同佢地講: 因為有幾條友仔食緊煙, 我唔想吸到應!

佢一聽到有人食煙, 就好大反應話: 食煙? 邊度? 我地呢度唔食得煙果喎!

呵呵...我話: 咁唔該你即刻叫佢地整熄支煙!

吖, 佢地D工作效率, 真係前所未見咁快, 好快趣, 我地就再聞唔到煙味, 兼且可以好安心咁睇晒成場SHOW喇!

私人傳訊

積分: 9256

1951^#

發表於 06-12-5 09:24 |只看該作者

Re: 0310精伶寶寶爹

最後, 講埋個歡樂世界...

果朝唔知阿女係咪太早起身, 所以十點幾就扭眼瞓, 但初初諗住佢無咁快眼瞓的, 所以就帶左佢去開心樂園度, 諗住畀佢玩下先啦, 點不知...佢響門口聽到類似冒險樂園既強勁音響聲, 就已經喊住話唔入去喇...當時我幾唔開心的, 心諗: 雖則唔駛錢入場玩啫, 但咁多野玩, 你樣樣都唔肯玩, 好嘥架嘛!

後尾諗下...佢可能眼瞓, 瞓醒再睇下點啦!

哈...當佢叉完電 (大約瞓左1.5小時), 食左D小食 (烚旦&曲奇餅)之後, 佢就成個人醒晒喇, 呢個時候, 我地先抱佢再睇清楚週圍環境, 佢唔敢玩既, 就我先玩一次畀佢睇, 等佢有晒心理準備先...就係咁, 佢除左D唔夠高度OR太刺激危險果D無玩之外, 其餘既, 都畀佢玩晒喇! 有部份仲要係玩完再玩, 又由於噚日歡樂世界唔係太多人, D比較低B既機動遊戲, 基本上都無乜人玩, D姐姐問阿女玩唔玩多次, 如果阿女話玩, D姐姐都畀佢玩完一轉又一轉, 總算盡興啊!

而我地就趁阿女瞓左, 我就先排隊玩摩托過山車, 跟住再玩埋個十環過山車; 而隻佬就淨係玩左十環過山車, 因為佢玩果陣, 阿女已經醒醒地, 到佢玩完返唻, 阿女連小食都食埋咯! 仲有就係...我覺得個摩托過山車, 唔太適合男士玩的, 因為好容易壓親男士們的重要部位啊!

私人傳訊

積分: 9256

1952^#

發表於 06-12-5 09:24 |只看該作者

Re: 0310精伶寶寶爹

所有行程, 報告完畢, 多謝收看!

私人傳訊

BMW

積分: 3465

1953^#

發表於 06-12-5 09:42 |只看該作者

Re: 0310精伶寶寶爹

10，
講到甘鬼正，真係令我有d心Yuk Yuk既Jack!!
見到亜女玩得甘開心，相信李同李件餅都開心埋一份La

私人傳訊

積分: 9256

1954^#

發表於 06-12-5 09:54 |只看該作者

Re: 0310精伶寶寶爹

BMW,
係呀, 真係唔知點解既, 見到佢唔開心喊果陣呢, 我都會好唔開心既; 但當見到佢玩得好開心呢, 就覺得點辛苦都係好開心既!

去啦去啦, 好玩的! CHLOE大膽咁多, 應該會玩得更加開心架!

私人傳訊

蕭夫人信箱

珍珠宮

積分: 32937

好媽媽勳章

1955^#

發表於 06-12-5 10:15 |只看該作者

Re: 0310精伶寶寶爹

10

你既行程真

好緊密呀, 1浪接1浪

我ed老人家真係冇咁好拍力, 佩服佩服

不過睇黎都好好反喎 ......

大少, 二小姐, 請問有乜FUN庫呀.

私人傳訊

BMW

積分: 3465

1956^#

發表於 06-12-5 10:19 |只看該作者

Re: 0310精伶寶寶爹

10，
其実...我好驚返大陸，次次上Ｆａｃｔｏｒｙ査数，我過関時都驚到有ｄ"便意"

仲有，上大陸一定要回郷Ｃａｒｄ，Ｒｉｇｈｔ? Ｃｈｌｏｅ係得ＰａｓｓｐｏｒｔＪａｃｋ。我真係好驚好驚有左回郷Ｃａｒｄ就成日比人足返郷下，加上我隻老係一等一既孝子，距一定聴Ｏ西距亜Ｍａ話，亜Ｍａ話要上，距一定同我反面都要帯Ｃｈｌｏｅ北上Ｌａ

想到Ｌｅｅ一度，我就

私人傳訊

積分: 9256

1957^#

發表於 06-12-5 11:53 |只看該作者

Re: 0310精伶寶寶爹

夫人,
唔係喎, 我個行程, 睇落好豐富, 但其實D時間好充足, 你睇我玩下又可以返酒店休息下, 就知我玩得幾他條啦!

仲有呀, 你仲有精力生第二名, 你老極都有限啦, 你係老人家? 咁我係咩呀???? 人瑞呀???????

私人傳訊

積分: 9256

1958^#

發表於 06-12-5 11:56 |只看該作者

Re: 0310精伶寶寶爹

BMW,
好明白的, 呢D孝子...畀著我係你, 我都唔會申請回鄉咭的, 我BUY你, 既然你家中有位孝子, 咁我就非常SUPPORT你唔攞回鄉證, 呢個世界好多地方玩的, 唔駛返大陸呀!

不過點解過關果陣會有"便意"既呢? 你過關果陣驚D乜呀?

私人傳訊

fi-fi

積分: 9345

1959^#

發表於 06-12-5 13:05 |只看該作者

Re: 0310精伶寶寶爹

BWM,
你身懷甚麼東西過關呀

走私呀,你

亞十,
玩得開心就好喇....但我唔明你點解會見到婷婷喊住唔入去玩而你會唔開心囉

http://lbyf.lilypie.com/ueJWp8.png

私人傳訊