母乳餵哺

跳至

首頁
12

尾頁
   0


洋房

積分: 39


發表於 07-6-17 14:18 |顯示全部帖子

剖腹生產可立即餵哺母乳嗎?

本人想進行剖腹生產,不知可否立即餵哺母乳嗎?
謝謝各位賜教!!


大宅

積分: 4381


發表於 07-6-17 15:16 |顯示全部帖子

Re: 剖腹生產可立即餵哺母乳嗎?

我朝早開完刀
只許周官放火 不許百姓點燈


大宅

積分: 3173


發表於 07-6-17 15:39 |顯示全部帖子

Re: 剖腹生產可立即餵哺母乳嗎?

當然可以, 生完後盡早俾 bb 啜, 可以快D上奶, 唔洗補奶粉. 我生完後4個鐘就餵bb, 第4日開始就全人奶唔洗補奶粉, 一直全人奶到宜家小b5個多月. 你生bb時記得同醫生姑娘講你會餵人奶, 叫佢地盡早安排bb俾你餵奶.


伯爵府

積分: 17739

魅力王子


發表於 07-6-17 15:42 |顯示全部帖子

Re: 剖腹生產可立即餵哺母乳嗎?

sure can~!!!!

i also 剖腹生產,my son breastfeeding new born to 13months......


大宅

積分: 3824


發表於 07-6-18 11:39 |顯示全部帖子

Re: 剖腹生產可立即餵哺母乳嗎?

可以,不過我比較遲上奶,第七日先上奶,但都一直全人奶到宜家快八個月啦...


大宅

積分: 2476


發表於 07-6-18 13:17 |顯示全部帖子

Re: 剖腹生產可立即餵哺母乳嗎?

[quote]
dogdogling 寫道:
我朝早開完刀
Pretty Princess Petite Prince


別墅

積分: 716


發表於 07-6-18 13:50 |顯示全部帖子

Re: 剖腹生產可立即餵哺母乳嗎?

Bergamot:

如果你揀佐半身麻醉,推番病房(即BB出世唔夠兩個鐘),已經可以請姑娘抱BB來俾你喂奶,咁你就會好快上到奶.之後每三個鐘左右就請姑娘抱BB來食奶.姑娘知道你喂人奶,通常都好肯幫你(我兩個B都係開刀生既,都係出世唔夠兩個幾鐘就開始幫我上奶,所以我上奶係又早又多).

不過因為你開刀,要盡量搵姑娘幫你抱BB,幫你擺好個位你先至喂,唔好自己來,因為一唔小心整到個傷口,會流血既(通常醫院expect開刀生既可以休息一日先至落床).

你如果好有決心要喂人奶,就要同姑娘講明唔可以bottle feed BB,通常佢地都會幫你既.

如果你想自己冇咁辛苦,而你自己又係唔會喂喂吓奶就瞓著既,咁你就可以請姑娘俾你瞓係度喂阿B而唔係坐係度喂.我坐係度喂佐大仔年幾先至敢轉瞓係度喂(當時因為成日抱大仔而搞到隻手筋膜發炎,無辦法唔轉),但細仔就同佢瞓係度飲佐兩年幾既媽媽奶,我隻手從來都冇出過事.

[quote]
Bergamot 寫道:
[quote]
dogdogling 寫道:
我朝早開完刀


大宅

積分: 2476


發表於 07-6-18 13:57 |顯示全部帖子

Re: 剖腹生產可立即餵哺母乳嗎?

thanks paulinevin

但係我係全身麻醉啵, 有咩辦法呢? 因為我在st paul開, 打左去問d 姑娘好似唔係太supportive咁...
Pretty Princess Petite Prince


大宅

積分: 3824


發表於 07-6-18 14:11 |顯示全部帖子

Re: 剖腹生產可立即餵哺母乳嗎?

PaulineVin

你果間醫院咁好,d姑娘可以拎個bb俾你餵?
我上年響浸會生,我都係即日落床,但因為唔夠床位,所以我上左去八樓雙人房,每次餵奶要由八樓落去二樓餵奶,所以好辛苦,姑娘又唔會幫我拎bb來俾我來...
搞到有時太累,都冇去到餵...但好好彩,我第七日真正上奶,囝囝又肯飲喎...,咁一直餵到宜家啦..

Bergamot

聽講好似自從沙士之後,姑娘就唔會幫人拎dbb俾媽咪餵...
係呢,點解你唔半身麻醉呢,因為我都係半身麻醉,都一樣一d都唔痛,重可以見dbb出世,同埋同佢即時影全家褔呢


大宅

積分: 2476


發表於 07-6-18 14:17 |顯示全部帖子

Re: 剖腹生產可立即餵哺母乳嗎?

birdchai
老實講, 半麻我都有諗過,但係老公話驚呀, 我自已都有d 驚,所以都係好似上次咁全麻好啦.... :lol: :lol:
Pretty Princess Petite Prince


大宅

積分: 3824


發表於 07-6-18 14:25 |顯示全部帖子

Re: 剖腹生產可立即餵哺母乳嗎?

Bergamot 寫道:
birdchai
老實講, 半麻我都有諗過,但係老公話驚呀, 我自已都有d 驚,所以都係好似上次咁全麻好啦.... :lol: :lol:


唔洗驚,我果時一d都唔痛喎..
我重要係臨時要開刀, 之前我係諗住會順產..., 都唔驚啦..
我老公重陪埋我入去,有傾有講,佢有佢開刀, 我有我地傾計, 話咁快就生左啦..
生完d姑娘即刻俾我bb我,個麻醉師重主重叫我地俾部相機佢幫我地影全家褔呢..,宜家諗起都好sweet...


大宅

積分: 2476


發表於 07-6-18 14:42 |顯示全部帖子

Re: 剖腹生產可立即餵哺母乳嗎?

birdchai
我係驚見到d 刀呀, 針呀, 果d 會好驚呀..... 同埋老公會帶埋阿女響出面等, 阿女見dadi有得入去佢可能又想入架...
Pretty Princess Petite Prince


大宅

積分: 4381


發表於 07-6-18 23:44 |顯示全部帖子

Re: 剖腹生產可立即餵哺母乳嗎?

只許周官放火 不許百姓點燈


大宅

積分: 1159


發表於 07-6-19 14:49 |顯示全部帖子

Re: 剖腹生產可立即餵哺母乳嗎?


在屯門醫院開刀(半痳),他們特別promo餵人奶 (入院時會問定)。一早生完推返上房兩個零鐘(約中午後)就抱BB埋來問餵不餵 。但當時下半身仍未有感覺,整個人動彈不得,所以第二次再抱來時才餵得到。之後每次都有嬸嬸抱來,讓我躺好整理好衣服,嬸嬸才放BB在我胸前,每次還問我餵哪一邊。

開刀初時最好用側躺式餵(兩邊輪流)。到我自己可以坐起後(約第三天)才用橫抱式。


大宅

積分: 3077

2019勳章


發表於 07-6-20 00:00 |顯示全部帖子

Re: 剖腹生產可立即餵哺母乳嗎?

開完刀,立即餵,唔驚床醉藥未過傳左比呀B?
我現在未到3個月,不過考慮會餵人奶。。。。
想問吓,埋身餵同用樽餵對BB有冇影響? 
我睇好多人都話會損,既然係咁點解唔用樽餵?是否對呀B唔好?


男爵府

積分: 8476


發表於 07-6-20 11:40 |顯示全部帖子

Re: 剖腹生產可立即餵哺母乳嗎?

我在C+生, 同政府會好唔同, 佢地唔會抱BB去你張床比你餵奶, so 我2胎都話要過24小時先可以落床餵奶; 我入院時吩咐醫院在我餵奶之前只可杯餵葡萄糖水, 我怕樽餵左佢唔肯埋身又怕佢食過奶粉唔肯食人奶.


大宅

積分: 1159


發表於 07-6-21 09:12 |顯示全部帖子

Re: 剖腹生產可立即餵哺母乳嗎?

littlespicy:

埋身餵有很多好處不是用樽餵可以取代的,例如:

對媽媽(這點很重要,尤其在初期未建立穩定的乳汁分泌時):

- BB的吸啜動作 (其實不同泵,因為食奶時BB的脷仔其實是在乳頭上 "賴" 下 "賴" 下的)會刺激乳房造奶,越給BB吸啜得多,奶量會越多的。

- BB啜的量其實會多過泵出來的量,尤其是初期奶水未是很多時,給BB啜他會吃到足夠的量,而且不會因為看見泵出來的少少奶量而擔心影响供奶

- 除非有特別心理障碍,否則抱著BB埋身吃奶時那份warm & sweet的感覺,是難以言傳的,除了是一種很寶貴的體驗,這份感覺更能進一步促進乳汁分泌

對BB:

- 埋身食媽媽的奶奶,令BB大量的吸啜需要 (口部運動而得到的安全感) 得到滿足

- 貼著媽媽胸懷吃奶時肌膚相親的感覺,大大滋養BB的小心靈

- BB可以吃到最新鮮的私家奶奶

如果沒有特別原因而棄埋身取樽餵,實在大大浪費了餵母乳的很多優勢。餵到損是BB姿勢不確所致,如果你有時間,生BB前多參加母嬰健康院舉辦的母乳講座及工作坊,事先好正確的認知,對你到時餵很有幫助。如果能力許可,可以聘用母乳顧問在你生BB後到醫院給你tailor-made的指導。 (如果在政府生也許不需;比如屯門醫院,也有姑娘一對一的很貼身給我指導)

不要輕易放棄埋身餵呀!樽餵只是無奈下的權宜之計。特別是越初生的BB。

麻醉葯問題不用擔心,開刀不會讓BB一生出來就立刻上身餵的,其實會隔一段時間,醫院己計算好麻醉葯的時間。


複式洋房

積分: 211


發表於 07-6-22 02:30 |顯示全部帖子

Re: 剖腹生產可立即餵哺母乳嗎?

我囡0係係 C+ 開刀生ga,我初初都同你一相甘擔心,我亦一樣係bk 問過同一個問題,當時好多母乳媽媽鼓勵我唔好甘擔心,只要你肯餵bb 就一定餵到。我係下午2點幾開刀,約4點就係手剩室返回自己床,不過個人真係好弱,而且隻腳都未有feeling,而且打左收子宮針亦令我好辛苦,到晚上八點左右先好少少,有番感覺,不過已經過左最後一餐餵奶的時間 (我係浸記生餵奶時間係 8:15, 12:00, 4:00, 8:00),當晚好擔心亞囡,因為佢出世甘耐我都無法去到佢身邊照顧佢。不過,我同自己講,我要好好休息,做好準備第二日一早去餵亞囡。第二日早上,我好辛苦先落到床,用左成20分鐘行去餵佢。第一次餵,亞囡有少少抗拒,我反而用左好多時間同佢講野,比安全感佢。到第二次埋身餵亞囡就好自然甘開始食啦!

所以,唔使甘擔心,只要你相信你要比最好的野你的bb,你就一定做得到,不論幾辛苦,不論天氣有多冷,你都會讓bb有最好的食物。

加油!
Hello! I am a happy girl!


別墅

積分: 716


發表於 07-6-22 09:38 |顯示全部帖子

Re: 剖腹生產可立即餵哺母乳嗎?

我兩個BB未生之前都係私家政府兩邊睇.生第一個BB之前,都未決定係私家依話政府生,問佐好多媽咪,結論係如果揀餵母乳,似乎係政府醫院生,會容易D成功,一來姑娘好支持,二來BB可以跟住自己,容易D喂.不過係私家生,有姑娘照顧BB,媽媽可以冇咁辛苦,但喂奶就要按時按候自己行去婴兒房喂.如果你開刀生,頭一兩日未必個個都可以落地行過去餵奶,就分分鐘錯過佐上奶既黃金時候.如果係政府生,BB係隔離,可以feed on demand. 如果初生BB一喊,媽媽就可以俾回應佢(例如換片,喂奶,或者抱吓佢安慰吓佢),咁佢就可以好快咁建立安全感 + bonding.不過媽媽就會幾辛苦.

SARS之前政府醫院既探病時間好長,可以搵屋企人來幫手輪流睇住BB,媽媽唔會太辛苦.SARS之後政府醫院既探病時間好短,剛剛生完小朋友的媽媽要照顧一個初生婴兒,都幾辛苦,如果係新生媽媽,就會更加辛苦.

我生大仔前,返贊育複診,醫生話BB心跳唔好而要emergency開刀,即刻call ambulance送我上瑪麗.我想等埋爸爸來都唔得.我揀佐半身麻醉,姑娘一路同我傾謁,BB出世後,初初冇喊,後尾我聽到佢喊,姑娘笑住話:"你個仔仔好貪靚."佢見我唔明,先至解釋話阿仔戴佐好多個頸圈 - 臍帶係頸度纏佐好多個圈.我記得成個開刀過程都好順利,因為半身麻醉,個人好清醒,可以見證BB出世既成個過程.

開完刀,會推到隔離房等麻醉藥過.姑娘會問你問題.當你兩隻腳漸漸有番感覺,麻醉藥大部份過佐,姑娘就會call人推你番病房休息.我番到病房,等BB抹佐身搞掂晒,就請姑娘抱佢過來飲奶.

生第二個仔爸爸可以陪產,都係開刀生.今次有爸爸陪我,所以冇姑娘陪我傾謁.我地兩個傾吓傾吓,阿仔已經出佐世.其實有簾遮住.我記得爸爸好奇想望吓簾後面,都俾姑娘話.所以手術過程你同先生都冇得睇.不過等BB出佐世,姑娘就可以第一時間俾你地望吓個B.如果揀全身麻醉,就感受唔到呢一幕,同埋爸爸都唔需要陪產.


男爵府

積分: 8476


發表於 07-6-22 10:46 |顯示全部帖子

Re: 剖腹生產可立即餵哺母乳嗎?

frankie_boy,
我都係住屯門 2個仔都係在浸會生 第一胎時未有咁多大6人, 服務好好多 你講果個餵奶時間表係比餵奶粉用架, 因為我唔補奶粉, 佢地會比我3個鐘餵一次, even半夜3點都可以去餵, 我仲request 左feed on demand, BB喊佢地就打我手提叫我去餵奶

無論C+ 或政府, 至緊要盡快餵, 盡快比BB學識揾食

首頁
12

尾頁

跳至
你需要登錄後才可以回帖 登入 | 註冊