吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 單親天地› 求各位姐妹幫幫手!

單親天地今日: 0|主題: 18277

收藏本版

發帖

返回列表

跳至頁

查看: 916 | 回覆: 5

求各位姐妹幫幫手! [複製鏈接]

古靈

大宅

積分: 1109

1^#

發表於 07-7-7 20:06 |只看該作者 |倒序瀏覽 |打印

我同佢要離婚了,我地有個17個月既仔仔,我一定要爭到!
我想問下各位,有D咩有用既資料可以比我?唔該大家幫幫手,因為仔仔對我真係好重要,再加上比佢既話佢都唔能夠好好地照顧佢!

我問過朋友,佢地叫我揾社會福利處先,但我有幾個疑問,因為可能我既問題比較複雜!

佢打過我一次,又成日半夜趕我出街,我真係忍無可忍了!因為佢份人從來唔覺得自已錯,有錯都只會係我錯！次次半夜趕我出街,佢明知我無地方去,完全無諗過我會唔會有咩事!但我都忍,趕左我出去,唔洗佢TUM,為左阿B我過幾日就返去,就連佢打我,打到口腫面腫流曬血我都原諒佢,一次又一次,但佢無珍惜過!更加地因為我既容忍,令佢更加覺得自已岩,我係罪有應得!

今次實在太過份了,我無辦法再忍!果晚嘈兩句佢再次趕我出街,我朋友飛的出黎接我,朋友叫我唔好咁傻次次自已返去,點都要佢TUM下我先好返,但佢完全唔覺得佢有錯,大大聲咁話佢無錯,而家佢仲過份到,唔比我見阿B,仲同D朋友講話次次都係我走出去唔理阿B,講到自已係受害者咁!我今次真係睇清楚呢個男人!我決定左要同佢離婚,但當務之急我要爭返阿B!

BB由存在係呢個世界,就一直跟住我,無離開過我太耐,今次佢趕我出黎,我拖左比較耐,以前就最多一星期就返去,今次就半個月都未見人,可能咁樣令佢做D咁既事黎逼我!

我真係好想爭返阿B,我好需要阿B,阿B亦好需要我,而家阿B係佢度由佢媽照顧,佢就返工,佢媽成六十幾歲人了,根本照顧唔黎,而且佢媽仲要湊個六歲既細路女!但我求左佢好多次,佢唔肯!態度仲好差!成日就鬧我唔係一個好老婆好媽咪!話我抵死,自已羅黎賤!

我想問大家既係,我而家咁既情況應該揾邊方面既人幫我較好?社會福利處?佢地會唔會幫我爭返阿B?另外想問既就係,佢扣左我既身份證,銀行薄仔係佢家唔肯比我,我係咪可以報警?另外如果報警,警方會唔會幫我爭返阿B?因為我暫時只想帶阿B返我度先,要上庭果D遲D先算,另外就係,如果我帶曬D人上佢度,因為要趁佢係度定唔係度上去好?因為我要帶阿B返大陸娘家,但我怕佢收埋左我地D證件,如果收埋左,有警方係度,佢點都要比返我既證件比我,但我怕警方唔理我地爭仔,點搞好?

以後離婚,或者佢唔服氣要打官司既話,法官會判比邊個多?佢要返工,佢媽年紀大湊唔到,佢又酒又煙又賭,佢仲爭出邊萬幾蚊卡數,但係佢有份工,有地方住,而我就一直做全職媽咪無返工,而且我無地方住,因我娘家係大陸,想問下邊個贏面會大D?

一直到早上,我都係想比多次機會佢,因為我愛BB我唔想BB做單親,另外我亦愛佢,我好希望佢有一日會改變,但我終於發現呢個男人無得救架喇!我越忍讓只會比佢越得寸進尺!而更咩既就係,佢家除左我同阿B同佢,仲有佢一個嫁唔出既家姐,另外一個離左婚但帶左個女既家姐,仲有佢媽,共七個人!但佢打我又好,用武力強行趕我出街都好,無人幫我!佢次次趕我出街,條鎖匙唔比我,證件唔比我,連錢都唔比我拎走!我真係好辛苦,真係無辦法,真係忍無可忍先做出呢個決定......

老公可以無,但BB係我生既,係我湊大既,憑咩連見都唔比我見????呢個世界上無人可以阻止媽咪見BB架!!!!

0 0 0

最愛你的笑容

私人傳訊

古靈

大宅

積分: 1109

2^#

發表於 07-7-7 20:16 |只看該作者

嫁左比佢呢兩年黎,我流既眼淚比過去20年流既仲要多!
佢打我,趕我出街,朋友話我咁蠢,做咩唔報警,我唔肯,因為我知道佢咁要面,如果我報警搞大件事,我地一定無彎轉...

我真係好辛苦,點解我對佢咁忍讓,付出咁多,佢都係要咁對我?
眼淚我已經流乾...我問點解點解,無人答我...

20歲嫁比佢,21歲生BB,22歲已經係湊仔婆...而家仲要搞成咁...我真係好辛苦好辛苦好痛苦好痛苦!但我唔可以放棄BB架!BB係我命根,如果萬一咁不幸爭唔到...我唯有去死!!就係佢住果度跳樓!!做鬼都唔放過佢!!死都唔眼閉!!

佢點解要咁對我呀?我咁愛佢?佢打我好趕我走好,我只講比一個朋友聽,仲叫佢唔好講比人地聽,連父母都隱瞞,怕大家對佢印象唔好,但佢成日咁對我,理由係我唔係一個好老婆好媽咪....

我為佢真係放棄左所有...錫自已既雙親,不錯既家境...嫁比佢..佢又窮..七個人住一間七百呎公屋..連裝修都無...間房細到.....成日連二千蚊家用(我同阿B既錢)都比唔到我,就算比到,買埋奶粉尿片就只淨下1千蚊,我都唔敢亂洗,留返比佢,因佢成日飲酒食煙,我怕佢唔夠錢洗又問人借,我寧願自已唔洗留比佢....為左佢..婚前成我自已既萬蚊積蓄..婚後又問左屋企人羅成萬蚊..又賣埋D金..通通用曬係頭家度..因為佢返工成日比人炒...平均半年換一次工....一比人炒..又成兩個月無工開....

我真係好絕望...好痛苦...但為左阿B..我要抹乾眼淚企起身...我而家只想爭返阿B,我22歲..但已經決定左就算一日返兩三份工,做二十個鍾,呢世唔再嫁都好..我都要留阿B係我身邊....

最愛你的笑容

私人傳訊

古靈

大宅

積分: 1109

3^#

發表於 07-7-7 20:20 |只看該作者

我唔可以話自已無錯...因為大肚時成日亂諗野..心情唔好,成日同佢嘈...有時嘈幾句我又會自已走出去..但只係幾個鍾就會返去,最耐都無超過一日....生完BB後好累,自已湊好辛苦,連坐月時都係自已湊無人幫手,佢屋企人又對我唔好,我時不時會發佢脾氣...

但係..係咪一定要咁對我??一次又一次??我真係死心..真係無辦法...求大家幫下我應該點做...

最愛你的笑容

私人傳訊

wingmonly

子爵府

積分: 10073

4^#

發表於 07-7-7 22:23 |只看該作者

原文章由古靈於 07-7-7 20:06 發表
我同佢要離婚了,我地有個17個月既仔仔,我一定要爭到!
我想問下各位,有D咩有用既資料可以比我?唔該大家幫幫手,因為仔仔對我真係好重要,再加上比佢既話佢都唔能夠好好地照顧佢!

我問過朋友,佢地叫我揾社 ...

http://www.hkfws.org.hk/new/chi/service01_family_ifsc.htm香港家庭福利會

http://family.caritas.org.hk/ser/family.html明愛家庭服務

http://www.poleungkuk.org.hk/plk/index.aspx?lang=t&id=20060809122136保良局婦女庇護中心

希望可以幫到你！

私人傳訊

腸腸媽

民房

積分: 28

5^#

發表於 07-7-7 22:54 |只看該作者

原文章由 wingmonly 於 07-7-7 22:23 發表

http://www.hkfws.org.hk/new/chi/service01_family_ifsc.htm香港家庭福利會

http://family.caritas.org.hk/ser/family.html明愛家庭服務

http://www.poleungkuk.org.hk/plk/index.aspx?lang=t&id=2 ...

之前佢打你有無去報警呀？如果有．．件事就會容易搞好多，另外，你可以搵啲區議員幫你架，最好搵啲係女人，因為至少會明白女人既心情．

私人傳訊

bbcherie

大宅

積分: 1724

6^#

發表於 07-7-7 23:41 |只看該作者

原文章由古靈於 07-7-7 20:06 發表
我同佢要離婚了,我地有個17個月既仔仔,我一定要爭到!
我想問下各位,有D咩有用既資料可以比我?唔該大家幫幫手,因為仔仔對我真係好重要,再加上比佢既話佢都唔能夠好好地照顧佢!

我問過朋友,佢地叫我揾社 ...

睇完你個故事個心好酸呀!! 我成日都係度唸點解d人會咁唔識得珍惜身邊既人架?? 至於係咪要離婚就你自己決定la,咩好爸爸好媽媽根本無一個定義既,唔好介懷佢點講la,我覺得你2+應該先報警,等佢地搵個社工幫你!! 個社工會比到意見你下一步要點做架la!! 最緊要2+要返屋企拎返啊b同你自己d身分證明文件先,所以一定要報警,等d差人同你返屋企會好d丫!! 叫你朋友陪你去la,多個人支持你會好d ga!! 希望你可以快d解決呢件事la!!