大仔大女媽媽會 今日: 0 | 主題: 177860

積分: 4929

2^#

發表於 04-1-9 11:31 |只看該作者

Re: ☆★☆★有冇預產期０４年９月準媽媽呀？☆★☆★

蛋蛋,

我預產期都係9月呀...我就9月12號...你早我dd

係呢...你係第幾胎呀? 我係第一胎呀....好緊張又好開心...

我老公佢仲誇張呀....而家已經乜都唔比我做...又唔比我自己一個人出街....唔知你老公有無我果個咁誇呢?

仲有...你有無諗過bb出世邊個照顧bb呀? 我而家煩緊呢個問題呀...請工人...又驚佢虐待個bb...就算唔係虐待...照顧得唔好都唔得啦....但係我屋企d老人家又唔肯幫我"湊"...真係好煩惱呀...

除左蛋蛋之外, 仲有無其他9月準媽媽呀? 入黎傾下計呀

hybb

私人傳訊

蛋蛋

複式洋房

積分: 346

3^#

發表於 04-1-9 11:44 |只看該作者

Re: ☆★☆★有冇預產期０４年９月準媽媽呀？☆★☆★

hybb,
我都係第一胎呀, 好緊張好緊張好緊張 :-P

我老公都好緊張呀, 但就冇你老公咁勁, 不過佢就成日叫我訓多d, 飲多d水, 搞到我覺得自己好似個痛人咁!

我同老公都傾過bb出世邊個照顧bb呢個問題呀, 我地應該唔會請工人, 因為驚佢湊得bb唔好, 所以或者會我自己湊返, 又或者比我媽咪湊呀!

私人傳訊

積分: 4929

4^#

發表於 04-1-9 11:57 |只看該作者

Re: ☆★☆★有冇預產期０４年９月準媽媽呀？☆★☆★

蛋蛋,

咁你有無諗過係邊間生呀? 你做左第一次既檢查未呀? (如果你係去公立醫院生既話) 我而家個bb都係大約得4個星期左右...所以未去做第一次檢查....但係唔知點解...成日都好驚個bb有事, 因為而家個bb未照到心跳....大約去到6個星期左右就會照到....但係我好驚個bb照到係無心跳呀.... :-( 我連去toilet....都會驚...驚會流血....可能係我岩岩有既時候...醫生同我講有可能係宮外孕既關係...所以而家好驚好驚個bb有事..

咁你有無我咁"騰雞"呀?

私人傳訊

蛋蛋

複式洋房

積分: 346

5^#

發表於 04-1-9 12:06 |只看該作者

Re: ☆★☆★有冇預產期０４年９月準媽媽呀？☆★☆★

hybb,

我仲未諗定係邊間生呀, 不過或者會係QE, 我仲未做第一次檢查呀, 因為怕未咁快照到bb呀, 其實而幾多週去做檢查先o岩呀?

我有時都會怕整親bb, 但就冇你咁緊張囉, 你放鬆d啦, 你咁緊張會對bb唔好架!

係呢, 你又話你未去做第一次檢查既, 咁點解你話醫生同你講有可能係宮外孕既呀?其實宮外孕要幾時先check到?如果早都可以check到既, 不如你快d去check下啦!

私人傳訊

積分: 4929

6^#

發表於 04-1-9 12:32 |只看該作者

Re: ☆★☆★有冇預產期０４年９月準媽媽呀？☆★☆★

蛋蛋

其實有左bb大約兩個月就可以去健康院登記做檢查ga la

點解之前醫生懷疑我宮外孕係因為....我d m黎得唔準...我見成兩個月無黎m...咪用棒棒check囉...點知第一次check...check唔到有....我隔左4日再買棒棒check...又check到有...跟住即日去睇醫生....醫生幫我照超聲波....乜都照唔到....醫生話有兩個可能性....一係宮外孕....一係我排卵期唔準....可能係個bb太細未照到......個醫生要我檢血....check清楚.....前幾日我去睇報告....報告出黎話係有左...跟住醫生幫我照超聲波...已經照到個bb係子宮入面

當我知道唔係宮外孕...真係鬆左口氣....不過...都係好擔心個bb有事.....

係呢...你話你知道有左bb...但係...你未照過超聲波ga?

私人傳訊

積分: 782

7^#

發表於 04-1-9 16:20 |只看該作者

Re: ☆★☆★有冇預產期０４年９月準媽媽呀？☆★☆★

Hello, 蛋蛋 & hybb

我都係剛剛有了BB, 係第一胎, 我預產期係9月5日, 後蛋蛋2日.

我同老公努力了幾個月, 真係好開心呀! 但係又唔講得比d 朋友聽, 我淨係講左比奶奶同媽媽聽詐!!

我上星期去左婦產醫生做超聲波, 還未看到心跳, 但見到一小點, 醫生叫我幾星期後再去照, 我睇書話8星期就有心跳架!

私人傳訊

積分: 4929

8^#

發表於 04-1-9 16:51 |只看該作者

Re: ☆★☆★有冇預產期０４年９月準媽媽呀？☆★☆★

Hihi Amy1388,

恭喜晒你呀 :lol: :lol:

唔知你有無我咁多問題擔心同埋老公有無對你好左呀? share黎聽下呀

(八掛)

hybb

私人傳訊

積分: 782

9^#

發表於 04-1-9 17:04 |只看該作者

Re: ☆★☆★有冇預產期０４年９月準媽媽呀？☆★☆★

hybb,

我老公冇你老公咁誇張, 不過最大分別係佢食煙要走入廚房開抽氣扇同關門, 費事影響個bb! 同埋好多家務都唔駛我做, 但係又唔會叫我唔好一個人去街, 因為好多時番工放工都係一個人啦!

我同老公一早諗住請工人先要bb架, but我都驚會虐待個bb, 但冇辦法啦! 唔通quit左份工咩!

係呢! 究竟幾時開始要找醫院架??

私人傳訊

積分: 4929

10^#

發表於 04-1-9 17:36 |只看該作者

Re: ☆★☆★有冇預產期０４年９月準媽媽呀？☆★☆★

Amy1388

唉...我都唔明我老公做乜咁緊張....我講比我d 朋友聽(曾經駝過bb既人) 佢地都話我老公太誇

不過可能我老公知我不嬲做野都係急...行又急...做乜都急...所以佢先驚我會有事...前幾日咪地鐵有個傻佬放火既...果日之後佢連地鐵都叫我唔好搭 :-P

我無諗過搵醫院呀...因為我諗住係政府醫院生...其實呢個bb係意外, 所以都無你咁有planning....而家好多野...都係烏下烏下

私人傳訊

積分: 782

11^#

發表於 04-1-10 09:10 |只看該作者

Re: ☆★☆★有冇預產期０４年９月準媽媽呀？☆★☆★

hybb,

其實, 我都考慮緊找私家定政府, 始終私家最少兩萬幾, 定係慳番這筆錢留作自己補身或瘦身??

私人傳訊

該用戶已被刪除

12^#

發表於 04-1-10 16:58 |只看該作者

Re: ☆★☆★有冇預產期０４年９月準媽媽呀？☆★☆★

提示: 作者被禁止或刪除內容自動屏蔽

私人傳訊

積分: 782

13^#

發表於 04-1-10 17:38 |只看該作者

Re: ☆★☆★有冇預產期０４年９月準媽媽呀？☆★☆★

hunglei,

Hi, 好開心你同我差一日預產期咋! 嘩! 不過你好犀利咁快有第二個baby啦, but anyway, 我都鄧你高興!

可唔可以講下你d經驗比我聽呀, 因為我始終係第一胎, 嘜都唔懂, 請問我要幾時去醫院報名呀?? 我諗你係順產的, 請問第一胎又要痛幾耐先生到呀??

私人傳訊

該用戶已被刪除

14^#

發表於 04-1-11 02:24 |只看該作者

Re: ☆★☆★有冇預產期０４年９月準媽媽呀？☆★☆★

提示: 作者被禁止或刪除內容自動屏蔽

私人傳訊

pc9

積分: 4221

15^#

發表於 04-1-11 10:39 |只看該作者

Re: ☆★☆★有冇預產期０４年９月準媽媽呀？☆★☆★

看到這個topic,真係覺得時光飛逝.
記得去年這個時候,我同大家的心情是一樣的.到了03年9月,我BB便出世了.現在我BB差不多四個月了.
希望大家都生個白白胖胖的寶寶.

記得小心身體.現在是懷孕初期,萬事都要份外小心.慢慢走路.注意飲食.

私人傳訊

積分: 4929

16^#

發表於 04-1-11 10:40 |只看該作者

Re: ☆★☆★有冇預產期０４年９月準媽媽呀？☆★☆★

Hunglei,

恭喜晒你^^不過你地真係好快手喎...咁快有第2個

我有個朋友都有bb...佢話佢果時..係去健康院登記...仲要等到2個月左右...先理你添ga...乜可以去醫院登記ga?

其實我之前因為肚痛而入過威爾斯...佢仲叫我1月19號返去覆診添....其實我都想係威爾斯生...唔知如果去醫院登記...係點做既呢...可唔可以教下我呀 :-P

係呢...你個bb岩岩出世時有無搵工人呀? 我仲煩緊搵人湊bb既問題

amy1388,

其實我都想係私家醫院生呀..不過真係好貴... :-( 因為聽過我家姐同朋友講係公立醫院生既恐怖事...所以...都好驚...不過無錢...無法啦 :-(

私人傳訊

積分: 4929

17^#

發表於 04-1-11 10:44 |只看該作者

Re: ☆★☆★有冇預產期０４年９月準媽媽呀？☆★☆★

hi pc9,

你已經係bb既媽媽啦...我想問...幾時要開始準備bb既野呢? 例如bb用品呀....或者其他野既安排....因為...我真係乜都唔識...唔知點做好呀

:-P

私人傳訊

pc9