自由講場今日: 648|主題: 1299727

收藏本版

發帖

返回列表

跳至頁

查看: 1402 | 回覆: 5

裝修前必讀 -- 黑店 [複製鏈接]

caly

別墅

積分: 761

1^#

發表於 07-9-24 20:15 |只看該作者 |倒序瀏覽 |打印

好耐冇上過黎,我剛剛先搞掂間新屋,好想話比大家聽講d激氣口野,5月買左樓好開心,諗住就搵間公司裝修整得靚靚地,經過馬頭圍道時見到有一間公司幾好,又見佢有兩間地鋪,而當時覺得價錢合埋(實情係價唔係好平,而係比市價還要高一些,但心諗一分錢一分貨,兼且佢地話係一條龍服務,又包設計又話裝條埋兼且設計埋傢倯),咁我咪5月尾落走左落比左裝條的3分2訂金, 而傢俬就落左一半訂金(而家諗番都好蠢),而對方承諾6月尾會交樓,交傢俬,我仲好開心咁諗住冇死,因舊樓交吉日期係7月13日,諗住有足夠時間預備,就算遲兩日都唔冇所謂,裝修的第一日去新屋睇下,望落去好似好ok,點不知遲兩日上去睇,
我祇見到一個亞叔師傅係度開工,亞叔大約50餘歲,而我間屋大約700幾-800呎,我心諗一個亞叔開工,究道掂唔掂,然後我又去問亞叔批左幾多層灰,亞叔答我話兩層灰(但係裝修公司張單係寫明話會幫我批三層灰),再望真d我已見到亞叔係度開始油緊油,仲係尾聲個隻添,而我亦發覺地用既油仲係一隻大陸不知名牌子的油,然後加上菊花牌的油一齊油,仲要撈埋駱駝漆,(問你死未),但我落柯打時明明張單係寫明會用日本的五合一乳膠漆,佢亦口頭上承諾用NIPPON呢隻牌子,因為呢隻油可以防水,兼可以用濕布抹.所以,我立即致電裝修公司問個明白,望真d顏色根本並不是我想要色辦上的顏色,因我指明要粉紅色,
而家就變成粉紫色,(簡直娘爆),再加牆上一些凹凹凸凸的窿,又冇填補,就照油,我再致,電同佢理論,佢承諾話會搞掂,

0 0 0

caly

私人傳訊

caly

別墅

積分: 761

2^#

發表於 07-9-24 20:16 |只看該作者

於是乎又過左幾日,我再上去睇,根本就冇人開工,問過看更,看更都話冇人上去開工,我再致電給裝修公司,佢先致搵人上去填窿 ,個d師傅見到邊度有窿就油邊度,搞到一忽忽,窗簾路軌都不用拆,就油油,(有冇聽過??),係咁意油下佢地就話搞掂.到6月中所有裝修,傢俬都未掂,我問佢,佢地話叫我放心, 到6月20日打後,裝修公司祇係打比我叫我找尾數,話比我聽間屋已搞掂,於是乎我立即走去睇下,但發覺貨不對辦,根本同之前沒大分別,有裂紋,顏色依然冇油過,依然係之前既模樣,我亦問過看更,看更話根本冇人上過去做裝修,佢地之刪應承的事依然沒有做,張order單上的工程大部份都未能妥善完成:
1.
如走廊門,祇係將舊的裝上去,
2.
我間屋有兩隻色,但佢地祇買了一隻色上黎油,都冇見過佢開 (我日日去監工,都唔佢用過)
3.
亞女間房有兩隻色,深深淺淺,就欺騙我做完,
4.
甚麼龍門框,鏡框一概沒有做,
5.
所謂番新的地方,一d都唔覺佢有做,唔覺得有番新過,

caly

私人傳訊

caly

別墅

積分: 761

3^#

發表於 07-9-24 20:17 |只看該作者

我再致電同佢理論,我告之他們要待他執番所有的地方先致會找尾數,傢俬一件都冇送過來,(佢解釋傢俬因為淋濕左,遲d先致有,當時已經係7月9日因情況依然惡劣, (而舊屋趕住要交吉),我再三同佢表態,我係唔會收樓,因因為舊屋要交吉,所以我無可奈何地,一定要焗住搬入呢間未裝修好的屋,我同佢地講,我要取回鎖匙(因要入住),亦同佢地講要他們做番好晒之前我的要求,我致肯驗收及比錢,跟住佢比番鎖匙我
,我亦有問太子女傢俬是否有一定有貨,佢當時答我話有,所以我又傻傻地等,到後期我再同佢聯絡,佢話做緊,要我等多幾日,直致7月20號,一件貨也沒有,我問太子女,她竟然同我講批傢俬的質素做得太差,祇得5至6成的水準,所以佢反過來說叫我cut左呢張單,佢話佢地會同銀行解釋不用找數(當時我都覺得好奇怪,為何會叫客人cut單,我仲諗住佢地老實啦),當時我亦再三問他是否不再幫我做,她答係的時候,咁我咪搵另一間公司做啦,誰不知同另一間公司傾談之間,先知道佢地都會有生意上往來,而呢間黑店比佢地的票亦曾試過彈票,(呢一間正一黑店)

:-(

caly

私人傳訊

caly

別墅

積分: 761

4^#

發表於 07-9-24 20:19 |只看該作者

之後我同佢講呢單工程的錢銀問題時,同佢理論若他們之前做唔到的地方叫佢地退番錢比我,拖到而家已經9月了都未搞掂,於是我同信用咭公司反映(我搬左入去唔夠一星期,亞女間方牆身已出現裂紋,門口天花亦都如是)而家反而係黑店老板娘,反咬我一口,話係我唔找數,調轉頭話我走數,但成個過程,唔單祇我同事,甚至黑店的員工(即之前幫我裝修的師傅)都話呢間公司的運作係有問題,反而係我要受呢d氣!!
老板娘話我走數,試問公理何在,冇做過野,點找數,我一件傢俬都冇收過,係佢叫我cut單,為何還要我付款.
我之後仲要搵其他人幫我再執,(大約再用了5000蚊先致搞掂)情況先得以改善,而家我間屋已搞好,但為何還要被呢件事困擾,我知道亦有其他人係咁,試問我一家四口因為佢冇傢俬送來,全部一家四口睡在地上一個多月,我都冇追究賠償,我仲叫人上門執漏,我仲要叫工人帶著我的兩個女兒係會所逼留4日比其他裝修師傅執漏,我都冇追究賠償,究竟係咪人善被人欺呢?? 我之所以將呢作事講出來,係唔想其他人再比呢間公司欺騙(錢是少,精神折磨是大),所以我(本人不善打中文)花左好耐時間決定要將呢件事(呢間黑店)公諸於世,希望大家避免重覆本人慘痛經歷,而這店鋪是位於馬頭圍道,ｘ發公司,大家要小心!!

caly

私人傳訊