母乳餵哺

收藏本版
回覆 發帖
返回列表
跳至頁

首頁
1

尾頁
   0
KaiHinMaMa


大宅

積分: 1304


1#
發表於 07-10-11 13:11 |只看該作者
女女係第二胎, 大仔食人奶食到5個月大, 但我都唔知應該點做, 希望有媽咪可以教下我啦
女女8號出世, 因為有少少超重要去兒科, 因為兒科唔可以成日入去餵人奶, 所以每次餵完人奶一定要補奶粉, 可能食慣奶瓶, 出黎之後就唔識埋身食奶了, 唔知係咪又因為女女個咀仔比較細, 食唔到奶, 好頭痛........

昨日早上7點食完奶(奶粉), 出院返屋企之後直到下午5點都無大,小便, 由7點至5點食左大約3次人奶,我一直都以為自己仍未上奶, 又因為女女太細啦, 只有2天大, 所以我都係補奶粉比他, 跟住到夜晚, 我知道我已經有奶了, 不過女女食完之後都仍然係好餓, 而且我可以按到奶, 不過d奶係好透明, 唔係奶白色的, 即是女女食唔到啦...........我唔係好想個PUMP媽呀, 我可以點做呀:-( :-( 仲有女女食到我個好痛呀:-(
私人傳訊回覆 引用

winnie108


別墅

積分: 501


2#
發表於 07-10-11 13:55 |只看該作者
首先唔好太擔心, bb 得兩日大, 仲有得教架。

我個女出世至 3 個月大至學識埋身食奶, 原因係 (1) 佢個咀超細 (2) 出世輕磅, 牙較冇力 (3) 我係平乳頭既 (4) 第一胎, 乜都唔識, 又要成 10 日至上奶 (5) 從醫院到返屋企 10 日都係食奶樽。

要成功, 妳首先要密密俾佢啜, 一來係幫妳上奶, 兩來係 train 佢既牙較要學用力。

有 d 專家教, 要補奶粉要用杯餵, 怕佢有 nipple confusion, 我本人就冇跟住做, 因為怕麻煩, 但我就用 nuk 既奶咀, 貪佢似人既乳頭。

如果 bb 真係啜唔到, 就密密泵, 唔好俾自己冇奶, 如果唔係, 惡性循環, 越冇奶, 個 bb 越唔肯啜。

餵奶樽既時候盡量要佢擘大 d 個口, 要佢食得個咀形似食人奶咁 (魚咀)。

抱佢返健康院, 搵姑娘執返好妳既餵奶姿勢, 通常 bb latch on 唔到, 最大機會就係抱得佢唔舒服。

祝妳成功

原文章由 KaiHinMaMa 於 07-10-11 13:11 發表
女女係第二胎, 大仔食人奶食到5個月大, 但我都唔知應該點做, 希望有媽咪可以教下我啦
女女8號出世, 因為有少少超重要去兒科, 因為兒科唔可以成日入去餵人奶, 所以每次餵完人奶一定要補奶粉, 可能食 ...
私人傳訊回覆 引用

KaiHinMaMa


大宅

積分: 1304


3#
發表於 07-10-12 00:27 |只看該作者
winnie108

多謝你的回應呀,你真係好叻呀, 可以堅持到咁耐 , 令我都覺得e+只係開始, 可以慢慢令女女食得好d

女女今日好好訓呀, 唔叫都唔起身食奶(之前食左奶粉訓), 今晚我都有比人奶他食, 真係唔知他食到幾多, 不過食完人奶仲成日要奶, 比左3次他食(係2-3個鐘內不停咁餵), 食完之後我仲按到有奶, 之後就再補奶粉, 他就訓到覺啦

我已經約左明日返健康院檢查, 順便會問下姑娘睇下係咪個姿勢唔啱, 希望有改善啦

原文章由 winnie108 於 07-10-11 13:55 發表
首先唔好太擔心, bb 得兩日大, 仲有得教架。

我個女出世至 3 個月大至學識埋身食奶, 原因係 (1) 佢個咀超細 (2) 出世輕磅, 牙較冇力 (3) 我係平乳頭既 (4) 第一胎, 乜都唔識, 又要成 10 日至上奶 (5) 從醫院到返屋 ...
私人傳訊回覆 引用

winnie108


別墅

積分: 501


4#
發表於 07-10-12 16:32 |只看該作者
點呀, 今日返完健康院, 姑娘執過個姿勢之後有冇好 d 呀?

hehe....初生 bb 真係好貪睡架, 妳一講起, 又令我想起隻女豬岩岩返屋企果陣, 我點搞佢都係寧願訓多過食

私人傳訊回覆 引用

clementying


男爵府

積分: 9461


5#
發表於 07-10-12 17:13 |只看該作者
原文章由 KaiHinMaMa 於 07-10-12 00:27 發表
winnie108

多謝你的回應呀,你真係好叻呀, 可以堅持到咁耐 , 令我都覺得e+只係開始, 可以慢慢令女女食得好d

女女今日好好訓呀, 唔叫都唔起身食奶(之前食左奶粉訓), 今晚我都有比人奶他食, 真係唔知他食到幾 ...


千祈唔好放棄，我仔仔初初都係唔識食，差唔多搞到滿月既時間先開始識得食，俾d時間bb，佢地都係學習中。

果時我都係pump出黎keep住有milk，bb咀咀又細又唔肯食，每次仲要只係食得5 mins，但係每個 hr就要食一次啦。

依家2個月，我返緊工啦，放到工就埋身餵，佢已經開始食到10mins啦，仲每2-3 hrs先食一次，真係進步緊。仲有就係就算放開左個咀仔，佢自己都識得食番。所以俾d時間大家啦。

加油呀，我得你都一定得啦~~
私人傳訊回覆 引用

KaiHinMaMa


大宅

積分: 1304


6#
發表於 07-10-12 23:02 |只看該作者
今日比姑娘執過個姿勢好似好d, 呀女好似食到d, 不過e生話呀女有d黃呀, 聽日要再返去check, 我好驚好唔開心呀, 因為他實在太少大, 小便啦, 所以一定要叫醒呀女食奶, 一至兩個鐘一次, 我諗今晚都無覺好訓啦:-(


原文章由 winnie108 於 07-10-12 16:32 發表
點呀, 今日返完健康院, 姑娘執過個姿勢之後有冇好 d 呀?

hehe....初生 bb 真係好貪睡架, 妳一講起, 又令我想起隻女豬岩岩返屋企果陣, 我點搞佢都係寧願訓多過食 ...
私人傳訊回覆 引用

KaiHinMaMa


大宅

積分: 1304


7#
發表於 07-10-13 07:58 |只看該作者
clementying

好多謝你的回覆呀, 昨晚埋身餵, 都知呀女已經食到奶了, 不過都仲有補奶粉(因為黃), 呀女都食到差唔多3oz (之前只係食奶粉都係3oz), 好似好誇咁
我會比心機架啦, 姑娘都好似你咁講, 要比d時間他去學點食人奶, 不過e+我個'空'好漲, 又未買到pump, 今日要去買個手pump啦(avent), 唔知揾唔揾到呢

原文章由 clementying 於 07-10-12 17:13 發表


千祈唔好放棄，我仔仔初初都係唔識食，差唔多搞到滿月既時間先開始識得食，俾d時間bb，佢地都係學習中。

果時我都係pump出黎keep住有milk，bb咀咀又細又唔肯食，每次仲要只係食得5 mins，但係每個 hr就要食一次啦。

依家2個月， ...
私人傳訊回覆 引用

clementying


男爵府

積分: 9461


8#
發表於 07-10-13 11:36 |只看該作者
原文章由 KaiHinMaMa 於 07-10-13 07:58 發表
clementying

好多謝你的回覆呀, 昨晚埋身餵, 都知呀女已經食到奶了, 不過都仲有補奶粉(因為黃), 呀女都食到差唔多3oz (之前只係食奶粉都係3oz), 好似好誇咁
我會比心機架啦, 姑娘都好似你咁講, 要比d時間他去 ...


咁就好啦，女女都開始食到d奶，你就更加要俾心機啦，佢都努力緊，你就要更加要堅持呀。

之後我仔仔都係黃，我都係時時餵，佢要就餵，等仔仔食多d，就會去多便便咁就快d退黃。你都會係黃既時間辛苦d，因為食密，到bb退左黃 &大多一、二個月你就輕鬆ｄ啦。

好似我仔仔昨天都食到25mins，我真係好開心呀，依份喜悅只有餵媽媽奶既媽媽先feel到，到時候回頭看你就覺得咁就捱過左，bb大d又會同你玩，好似我仔仔咁，已經成日同我依依呀呀講野呀，又係到成日笑，真係令人又愛又恨~~

加油啦，你pump左milk出黎會舒服d，又可以將pump出黎既milk係night既時候俾bb食，咁佢就會sleep得耐小小，你又休息下

仲有呀，你埋身餵完既時候試下pump清d milk出黎，咁都有助你上奶，我依家都係咁呀，慢慢試個自己會舒服d既方法啦~
私人傳訊回覆 引用

KaiHinMaMa


大宅

積分: 1304


9#
發表於 07-10-14 00:12 |只看該作者
我e+個'空'漲得好緊要呀, 呀女又食得慢, 食少少又訓(因為黃的關係成日都要訓), 啱啱pump左奶得安幾兩安, 但仲有谷左係個 '空' 到pump唔到, 都唔知點算, 我驚會發炎呀:-( :-(

另外又擔心他黃呀, 今日都無大大呀

原文章由 clementying 於 07-10-13 11:36 發表


咁就好啦，女女都開始食到d奶，你就更加要俾心機啦，佢都努力緊，你就要更加要堅持呀。

之後我仔仔都係黃，我都係時時餵，佢要就餵，等仔仔食多d，就會去多便便咁就快d退黃。你都會係黃既時間辛苦d，因為食密，到bb退左黃 &大多一、二 ...
私人傳訊回覆 引用


首頁
1

尾頁

跳至頁
返回列表
回覆
發帖
高級模式 | 發表帖子
B Color Image Link Quote Code Smilies
你需要登錄後才可以回帖 登入 | 註冊
Presslogic Logo
Baby Kingdom Logo
聯絡管理員 廣告查詢 使用條款 免責聲明 使用意見

Copyright © 2026 Baby-Kingdom.com Limited. | Privacy Policy