影視娛樂今日: 1|主題: 16171

收藏本版

發帖

返回列表

跳至頁

查看: 860 | 回覆: 0

嘉玲為偉仔「突破」感到驕傲 [複製鏈接]

christina

公爵府

積分: 29743

畀面勳章

1^#

發表於 07-10-17 08:56 |只看該作者 |倒序瀏覽 |打印

為藝術徹底奉獻超越100分

劉嘉玲前晚以主禮嘉賓身份，出席BMW旗艦陳列室開幕，兼全新雙門跑車揭幕儀式，當年首部座駕也是BMW，她坦言對這個品牌的汽車情有獨鍾，之後所有話題，都被問到有關梁朝偉在《色，戒》的演出，她讚口不絕，更評偉仔今次表現超越100分，並為男友感到驕傲。＜採訪＞維她＜攝影＞吳國明

　嘉玲前晚的裝扮雖然不及其他嘉賓如Ana R.等人袒胸露臂般性感，但恰如其分高貴大方，面對偉仔在《色，戒》的激烈情慾戲問題，她也從容回答。整部戲由宣傳到上畫焦點都集中在偉仔與湯唯的三場迫真上戲，問她看到可會妒忌？她笑說：「唔會啦！我有免疫能力，演員畀觀眾睇好真實，唔應該Focus度，佢辛苦大半年時間，我睇住佢由接到拍完部戲，辛苦、痛苦、瘦、脾氣差，成個人好陰暗，身邊人先體會到，到佢演出銀幕展現出，我好感動，佢為藝術徹底奉獻。」
扮漢奸脾氣變差　嘉玲表示，偉仔拍這幾場戲，事前毋須跟她講，大家做這一行都會明白，所以看完影片後，她第一時間傳短訊恭喜偉仔。她說：「由0做到90分好易，但由90去到100分，演員好難突破，佢係華人之光，已經超越100分。」再問到她覺得偉仔哪方面表現最好？她毫不保留說：「成個人物每個表情，佢都小說易先生更精采，我簡直佩服佢，做演員可以做到咁，自己人我都要咁讚。」
　嘉玲透露，偉仔為這部戲由頭到尾付出很多，事前大量準備工夫，由專人教講國語，模仿漢奸行路、眼神、身體語言等。問到當時偉仔脾氣變差，有否發洩在她身上？她則謂：「陣係比較差，依家睇明白晒，通常佢都係咁，拍《春光乍洩》時佢都性情變晒。（佢幾時先抽離？）拍完我就幫佢抽，見到我佢就會抽。」
無質疑過打真軍　對偉仔今次豁出去連重要部位都露了出來，嘉玲坦承：「中國人電影史上係比較突破，但又好睇，一都唔尷尬，好真實，又有需要。（有冇搵你心理輔道？）唔需要，佢好專業，佢只係叫我有心理準備。（但有報道佢拍完唔開心？）唔係Part戲，係成部戲籠罩住個氣氛。」有指該三場情慾戲逼真得似是真做，她仍是力撐說：「大家覺得係真已經成功。（你冇質疑過？）冇，冇乜所謂啦！睇得咁高興，拍戲係逐個鏡頭拍，現場又有好多人，點可能Enjoy。（睇到有冇震撼？）唔會，可能係中國人睇好特別，但歐洲戲，電影反映生活，生活有電影就會有。」

0 0 0

私人傳訊

跳至頁

返回列表

回覆

發帖

熱門搜尋：

影視娛樂 今日: 1|主題: 16171

瀏覽過的版塊

影視娛樂今日: 1|主題: 16171