＋
Baby Kingdom - 親子王國 香港 討論區 › 首頁 › 夫婦情感› 99成日喺我面前罵我亞媽

夫婦情感

收藏本版
發帖
返回列表
跳至頁

首頁
123

尾頁
   1
蜜棗


子爵府

積分: 11426

睛靈勳章 畀面勳章 BK Milk勳章


1#
發表於 07-11-29 02:12 |只看該作者
其實佢係我未來99.下個月先結婚.
我媽咪是一個睇錢好重嘅人.自從爸爸離開咗佢之後.佢認為錢先最可靠.我都試過好幾次因為錢而同我媽咪嘈.但最終都會冇事.我自問無能力改變媽媽這個思想.但我一直都認為我媽媽點睇錢重都係我媽媽.盡可能我也想滿足佢.
自今年7月,男女家食過一次飯(談婚事)我未來99都認為我媽媽睇錢重.不過也難怪,因為我媽咪竟然趁我同我男友行開時同人媽咪講叫佢早d比禮金.過咗冇幾耐我男友同我講返有件咁嘅事,但我男友唔係睇小我而係覺得:『你亞媽有冇搞錯!咁都可以講出口,12月結婚最遲未11月實會比倒你..』呢件事我又同我亞媽嘈過.但宜家都冇事啦!因為唔講都講咗都冇計.
但慢慢開始覺得我未來99比說話我聽.例如:『你亞媽都唔理你』『你將來唔好同你亞媽聯名開保險箱.』
聽到我都扯火,我亞媽點都係我亞媽,我同佢開聯名保險箱又好,聯名戶口又好關你Q事,就算我亞媽真係要扼我錢,我都心甘情願.做乜宜家又唔係要你同佢過人世,人哋睇錢重唔重關你咩事,佢仲要同埋D三姑六婆講我亞媽.我同我男友講:『你同你亞媽講唔好再講我亞媽.就算佢講都唔應該喺我面前講我亞媽不是』咁我唔知我男友有冇講過,但我已講明如果佢亞媽再咁講我就開火.到時唔好話我咁同你亞媽講嘢.
其實我一直都唔係咁鐘意我未來99.因為佢真係好煩.但佢又知我唔係善男信女.又唔敢罵出面.最慘係自己亞媽又唔多理我.
下個月就結婚..其實我男友知我同佢亞媽夾唔倒.不過我男友都好錫我.所以算是不幸之中的大幸.
爆愛車縫作
私人傳訊

晞玥


珍珠宮

積分: 34110

hashtag影視迷勳章 好媽媽勳章 畀面勳章 BK Milk勳章


2#
發表於 07-11-29 03:14 |只看該作者
唉.....呢d問題好難搞的
但係樓主你知唔知你媽咪係唔係只係同你未來奶奶講叫佢早d俾禮金,而有冇講到佢要收幾多?
照計只係叫佢早d俾禮金,應該唔會咁大反應丫
而家已經咁樣,咁如果仲未講個數目,到時男家問你地女家要收幾多o個陣,分分鐘咪仲大鑊?

講真如果你未來奶奶真係覺得你媽咪收得太多,你結左婚以後既日子都幾難過....事關我都曾經試過因為我奶奶嫌我媽收得太多禮金而俾面色我睇俾說話我聽!
當時我媽只係收3萬9港幣,但係計番台幣成十五萬,我奶奶當然覺得好多啦!(我嫁去台灣)
仲叫我問我媽可唔可以收少d添
不過你未來奶奶o係你面前講你媽咪不是,又真係好唔o岩~
私人傳訊

ioi


伯爵府

積分: 16559


3#
發表於 07-11-29 09:01 |只看該作者
禮金通常在過大禮果日, 連埋其他野一次過送去女家. 你媽咪的意思係唔係提醒佢地要在過大禮時俾, 不要等到結婚果日先俾, 咁呀?

但你奶奶在你面前駡你媽咪就梗係唔啱啦, 大家輩份一樣, 幾時論到佢駡呀! 各處鄉村各處例, 大家做法唔同啫. 即使覺得對方唔好, 都唔應該周圍向d三姑六婆唱, 同埋向你講. 佢可以向佢個仔(即係你老公)講, 但如果你老公識做, 聽完就算, 唔應該同你講番. 正所謂好仔兩頭瞞.

我奶奶無向我直接話我媽咪不是, 但有向我老公講, 我老公之後又同我講番... 淨係咁樣我已經好嬲我奶奶, 嬲埋我老公添. 話說我個仔出左世, 做婆婆的要送豬腳做禮, 用來煲薑醋的(一般廣東人的習俗), 點知我奶奶向我老公講, 點解我媽咪咁蠢, 唔叫豬肉檔斬件, 要累佢斬得好辛苦... 但係送禮當然係原隻, 就正如d舖頭買燒豬賀開張, d人買乳豬去拜山, 都係成隻, 唔會預先斬開. 我奶奶一d傳統規舉習俗都唔識, 都唔緊要, 但唔好自己唔識又去話人地啦!
私人傳訊

suma607


禁止訪問

積分: 1870


4#
發表於 07-11-29 10:14 |只看該作者
提示: 作者被禁止或刪除 內容自動屏蔽
私人傳訊

karemom


複式洋房

積分: 451


5#
發表於 07-11-29 10:18 |只看該作者
我99仲激, 佢上來探孫時, 當面批評我阿媽湊我囡囡的方法, 仲三番四次言語上挑釁我媽媽, 當時我都在場, 但我地都忍氣吞聲. 可能佢想成日上來湊孫, 而我阿媽又上來幫我掛. 不過事後想起來, 都好嬲佢, 佢話我就算啦, 唔應該"恰'我阿媽! 不過俾面我老公, 唔同佢計較.
私人傳訊

ringoivy


翡翠宮

積分: 76971


6#
發表於 07-11-29 10:33 |只看該作者
我覺得你要忍忍, 即使你未來99幾唔著都好, 都唔可以開火, 因為關係一差左就無辦法可以收復到:( 最多下次佢再數媽咪時, 你平心靜氣同佢講伯母個果更唔啱唔著既都係我媽咪黎, 佢無左個老公, 家陣連我都話要嫁, 咁試問一個無收入既女人, 有咩安全感丫 所以希望你大人有大諒, 唔好再為左佢睇錢重而話佢啦, 無一個人會開心聽到個亞媽比人數的, 掉返轉出面d人講你我都一樣會唔開心的, 因為你係我未來99即係我老公既媽咪, 大家都好似一家人咁, 應該互相體諒同幫忙, 而唔係互數不是囉:(
原文章由 蜜棗 於 07-11-29 02:12 發表
其實佢係我未來99.下個月先結婚.
我媽咪是一個睇錢好重嘅人.自從爸爸離開咗佢之後.佢認為錢先最可靠.我都試過好幾次因為錢而同我媽咪嘈.但最終都會冇事.我自問無能力改變媽媽這個思想.但我一直都認為我媽媽點睇錢重 ...
私人傳訊

Lumpy


大宅

積分: 2542


7#
發表於 07-11-29 11:53 |只看該作者
咁你未來奶奶,可能都係擔心你,不過,果個始終是你阿媽,將來佢的錢,咪又係留俾你.
你可以叫你老公同佢阿媽講返: "咁佢爸爸走左,得佢阿媽一個人,當然要睇住d錢啦,如果唔係點一個人養大個女喎. 算啦,你唔好再話人地阿媽了,到時老婆會好難做人的."

你自己都要留意呀,同阿媽有咩問題都唔好俾你奶奶知呀,若果唔係,奶奶知你同外家關係唔好,到時會蝦你的,真的,親身經歷. 因為,將來你兩公婆有咩嘈起上來,若要返外家,都有多個人(你阿媽)支持你,咁男家會無咁惡的.
私人傳訊

alvinchanmama


大宅

積分: 4233


8#
發表於 07-11-29 12:09 |只看該作者
我又唔担心, 你99只喺將心底話講出來.
你其實同咗你未婚夫講咗你要求, 報定案就ok
講到啲金器, 你99又敢講到, 你知媽媽情況敢, 你咪自己keep番, 一定金都唔過2佬手上, 你咪喺金錢上滿足下老人家.
老人講嘢喺敢. 有時自己阿媽都會講錯嘢. 所以阿囡又好, 做人新抱又好, 不是太大件事, 忍吓囉. 只喺難為咗老公炸.　攪到夫妻不和就不好啦．
王菀之年度創作專輯《On Wings Of Time (CD+DVD) 》現已上市
請支持正版...請支持唱作女皇
(隻碟要煲架--不是放落個煲道煲...)
click入去試聽下..月亮說
飯婦人Blog
私人傳訊

subb


男爵府

積分: 7606


9#
發表於 07-11-29 12:23 |只看該作者
講句老實話

係你媽媽在人面對咁講...叫人點睇得起她喎
又鬼x喎..你地唔在埸先講 !
而且你99都沒講錯, 開保險箱的問題上..

不過你99又唔太識做呀 ! 咁都唔好在人地/你面前講

重之自己take care小心d啦..唔喜歡咪小d接觸99囉
私人傳訊

RAA


珍珠宮

積分: 36981

2025勳章蛇年勳章 2018復活節勳章 好媽媽勳章 醒目開學勳章


10#
發表於 07-11-29 12:26 |只看該作者
你未來奶奶咁講嘢係唔啱, 但你咁樣諗同埋用咁嘅態度處理呢件事都唔係好正確.

媽媽梗係錫自己仔女的, 你未來奶奶睇見你媽媽嗰副狼相, 梗會聯想到將來你點處理d金銀珠寶同埋佢個仔d錢.

你宜家可能唔知我講乜, 或者唔認同. 等你將來有咗小朋友, 不過要等佢地大個咗, 甚至結埋婚, 你就可能會明白.

將心比己啦, 試下對調角色, 你可能會改變諗法.

就嚟結婚, 開開心心啦 .
私人傳訊

shanlam


大宅

積分: 3394


11#
發表於 07-11-29 14:17 |只看該作者
其實你亞媽咁嘅行為又真係好衰，但點都好自己亞媽咁比人講又真係幾難受，但如果我個仔個外母係咁，我估我都會忍唔住咁講囉
私人傳訊

星人mama


男爵府

積分: 7572


12#
發表於 07-11-29 16:39 |只看該作者
你咁為你阿媽諗, 但你阿媽都唔為你諗你, 佢係你奶奶面前表現得咁貪錢, 有無為你將來着想過... 唉!
私人傳訊

Vca


男爵府

積分: 5681


13#
發表於 07-11-29 17:03 |只看該作者
原文章由 Lumpy 於 07-11-29 11:53 發表
咁你未來奶奶,可能都係擔心你,不過,果個始終是你阿媽,將來佢的錢,咪又係留俾你.
你可以叫你老公同佢阿媽講返: "咁佢爸爸走左,得佢阿媽一個人,當然要睇住d錢啦,如果唔係點一個人養大個女喎. 算啦,你唔好再話人地阿媽 ...


我覺得唔係喎!你阿媽咁厲害~我話你未來奶奶擔心佢自己個仔將來比你阿媽"恰"就真...因為我同你情況一模一樣 - 我阿媽又係咁，傾禮金果晚我真係想C~~~~~
私人傳訊

kary512


別墅

積分: 739


14#
發表於 07-11-29 17:15 |只看該作者
我覺得最慘就係你..依家成日都俾人哦既又係你..!!不過我覺得你老公都會好似我阿哥咁,就算你叫到..佢都未必會話俾佢阿媽知.!!不過我覺得如果仲有下一次..!你就好同你99講:99,我知你對我好...但係我阿媽都係得一個女人..如果有多餘錢,我呢個做女既都應該俾佢架喇~!你點我係點,我明既..不過如果我阿媽o係我面前話99你..我都會唔開心囉~所以我咁大個人,我識分架喇~!"咁講..我估你99都唔會再好意思講你阿媽o的咩架喇掛?
私人傳訊

蜜棗


子爵府

積分: 11426

睛靈勳章 畀面勳章 BK Milk勳章


15#
發表於 07-11-29 22:43 |只看該作者
a...
多謝各位回應先.
先講,其實我都有忍.我的確喺我男友面前呻佢亞媽好話我亞媽.但都未去到同我未來99講.所以先借我男友把口講,唔希望有一日搞到我當面同我99開火.

我亞媽又唔係拎得多,佢只係要3萬.但佢開口問人早要又真係唔理我感受.但都係嗰句佢都講咗咯.但我有覺得我未來99有因為咁而開始想冶我.但呢個我唔會妥協.

記得當日食飯.大家除咗傾禮金之外.佢哋仲傾過唔過大禮呢個問題.兩位女士都講好話一切從簡用利是代替.點乜知未來99唔守承諾.突然間開口要乜要物.但比女家要的又話利是代替??搞乜??我哋唔介意去買.但如果佢覺得有需要應該喺食飯當日開口(估死佢之後又唔知聽埋d三姑六婆講話要買乜買乜)好喇!佢要求一次.幾樣嘢!好我買.但之後佢又走去訂男家過禮的套餐(老實講我哋冇用.)見倒有女家回禮嘅嘢賣.即刻打比我,話我女家呢邊唔止回咁少嘢...我已經忟..同佢講,如果真係想認認真真咁買.咁你唔好過利是嚟.大家認真咁跟傳統嘅嘢執(男家都會幾大單.起碼生雞大魚雙飛豬肉要買足)咁佢又驚要搞咁多嘢.就算數..

其實我成件事係嬲佢玩嘢.當日大家agree咗簡單.之後又要呢樣又要嗰樣.我哋女家從來冇叫佢買乜買物.講明咗一切係從簡就唔會要你張羅.
爆愛車縫作
私人傳訊

Vca


男爵府

積分: 5681


16#
發表於 07-11-29 22:51 |只看該作者
我亞媽又唔係拎得多,佢只係要3萬.但佢開口問人早要又真係唔理我感受.但都係嗰句佢都講咗咯.但我有覺得我未來99有因為咁而開始想冶我.但呢個我唔會妥協.

>>>>>>>>>>>>>>>>>>>>>>>>>

吓?你阿媽要3萬咋? 咁唔該你99快d收聲!!!!
私人傳訊

weima


禁止訪問

積分: 940


17#
發表於 07-11-29 23:15 |只看該作者
提示: 作者被禁止或刪除 內容自動屏蔽
私人傳訊

心滿意足


男爵府

積分: 8910

好媽媽勳章


18#
發表於 07-11-29 23:16 |只看該作者
我99都未見過我父母,佢都試過話我家人,話果d事件係佢自己幻想出黎既,佢見大嫂既家人係咁,佢又當我家人係咁
我即時同佢講 :
吓?你未見過佢地你都知佢地咁?我父母及親戚都唔會好似你所講咁喎,佢地勁鍚我,而且對你個仔好好,當佢貴賓咁招呼架...
但佢都好似失聰咁,下次又再講,講過4,5次,
不過好彩佢到宜家已無再講,
如果唔係我就要開口寸佢喇,我比佢單打都忍得耐喇,
仲話我家人我就唔可以再忍:tongue:
私人傳訊

anita_yps


侯爵府

積分: 23791

2024年龍年勳章 BK Milk勳章 畀面勳章


19#
發表於 07-11-29 23:38 |只看該作者
只係要3萬禮金, 就算早d俾又有咩問題呀????
我果時老公俾8萬, 我99都唔敢嘈啦~ (因為係我c6俾既)
私人傳訊

蜜棗


子爵府

積分: 11426

睛靈勳章 畀面勳章 BK Milk勳章


20#
發表於 07-11-29 23:48 |只看該作者
唉!~其實有好多時佢又係襯我男友唔在場喺度對我瞓話.其實我唔介意聽佢教我.只係我一直覺得佢講嘢好挖+佢語氣成日都好似罵緊人咁.所以有時真係會忍唔住頂撞佢.

佢會講話我加重佢個仔負擔.好似我宜家有咗,我4w時已經知到.但我都等到差唔多12w先同佢講,(佢真係好煩)佢一知道我有咗,好話我唔避孕(吓..雖然我唔可以話我冇責任,但會唔會男人責任大d,何況我同男友知道有咗不知幾開心,我男友仲接多咗job賺奶粉錢)因為我未來99縱到佢兩個仔燶.所以佢眼中就永遠自己個仔啱.好彩我男友聽我講.
我成日好驚有一日我忍唔住同我99傾.佢個仔大過喇!成家立室.如果佢再咁縱佢,會影響倒我同佢個家庭..
爆愛車縫作
私人傳訊


首頁
123

尾頁

跳至頁
返回列表
回覆
發帖
Presslogic Logo
Baby Kingdom Logo
聯絡管理員 廣告查詢 使用條款 免責聲明 使用意見

Copyright © 2026 Baby-Kingdom.com Limited. | Privacy Policy