大仔大女媽媽會今日: 0|主題: 177860

收藏本版

發帖

返回列表

跳至頁

樓主: BChiMa

[2006年] 樂樂仔感染咗輪狀病毒 [複製鏈接]

BChiMa

大宅

積分: 1237

1^#

發表於 08-1-2 23:56 |顯示全部帖子 |倒序瀏覽 |打印

樂樂仔早幾日感染咗輪狀病毒, 睇見佢真係好慘. 各位mami真係要好小心睇住bb.

初時病徵並唔明顯, 只係似輕微既腸胃炎, 一日痾咗兩次比較稀既ng ng, 有d攰, 胃口差咗少少. 到第二日, 可怕嘅事開始發生, 睇完醫生後已經無再俾樂樂食牛奶, 可惜佢每次食粥 / 粥水 / 桂花粉 / 字母粉都只食四至五小匙, 而且數分鐘後就會連埋d水好似噴泉咁全數嘔晒出嚟, 我每隔二至三小時再試比佢食少少, 結果都係一樣噴泉式咁嘔晒, 全日根本無嘢落過肚, 水亦唔敢飲得多, 腳仔都無晒力. 最慘到咗夜晚, 樂樂已經好肚餓, 見到d麵飽就係咁大喊, 又唔敢俾佢食得多; 佢就一路喊一路食麵飽, 我只可以抱全佢一邊喊住一邊慢慢逐少逐少俾佢食:-( . 到瞓覺前, 樂樂習慣要食d奶先瞓, 結過只可以喊咗成個鐘喊到嘔, 最後好攰咁瞓咗. 到半夜又餓醒, 粥 / 粥水 / 桂花粉 / 字母粉都唔肯食, 不停喊, 結果都要俾奶佢食先瞓.

之後兩日, 樂樂無再嘔, 只係一日兩三次稀ng ng, 心想佢已經清咗d菌, 好快會好番, 點知臨睡前又痾咗幾次水……. 跟住一日, 醫生話樂樂係感染咗輪狀病毒, 整日痾咗十次水又唔肯食嘢, 無辦法之下都俾佢食咗d豆奶嚟頂肚餓, 真係企都無力……:cry:

最後, 要六日至好番. 其實醫生話好難完全避免, 除非杜絕佢同外界接觸, 完全唔同佢出街. 尤其bb依家出牙, 成日放手入口咬, 好易感染到. 各位剛有咗bb or 準備再生bb 既mami, 真係要好好考慮俾bb食輪狀病毒疫苗. 因為若bb响6個月前染到輪狀病毒, 唔可以食奶又未食到固體食物, 好易會脫水. 樂樂因為已經食咗疫苗, 所以唔算嚴重 (我同樂樂爸都已經嚇c), 否則真係不敢想像.