美容扮靚

跳至

首頁

尾頁
   0


別墅

積分: 841


發表於 04-3-10 21:08 |顯示全部帖子

我終於參加左米絲洛!

希望可以在2個月減到20磅啦!!!!


大宅

積分: 2678


發表於 04-3-10 21:17 |顯示全部帖子

Re: 我終於參加左米絲洛!

先祝你成功,掂


大宅

積分: 2066


發表於 04-3-10 22:08 |顯示全部帖子

Re: 我終於參加左米絲洛!

我join了2week,體重由126lb去番119lb,都幾好,不過食多條蛋卷都唔得,真是要好忍得.其間有次要去飲,好多都唔吃得,成晚就吃了帶子,魚,節瓜和橙.最喜歡食糖水的我只好望梅止渴!大家努力!!!
http://i196.photobucket.com/albums/aa182/sandylaw2323/1086480846.gif


別墅

積分: 841


發表於 04-3-12 00:15 |顯示全部帖子

Re: 我終於參加左米絲洛!

今日剛剛收到個餐單...好似可以食好多, 但又好似只可以食好少...以午餐來具體說明吧...依據營養師指示我可以食2碗魚蛋粉+一碗菜+1個小蘋果 或1 1/3碗飯+6片叉燒+1碗菜.+1個小蘋果...但如果去飲茶, 就只可以食4粒燒賣 或一個叉燒包+2粒燒賣...
唉...我唔可以飲我最中意的奶茶....


別墅

積分: 626


發表於 04-3-12 00:26 |顯示全部帖子

Re: 我終於參加左米絲洛!

Mrs.Fong : 我都想參加, 妳減幾多磅及多少錢 ?
THX
祝妳成功


子爵府

積分: 11158

好媽媽勳章 醒目開學勳章


發表於 04-3-12 00:26 |顯示全部帖子

Re: 我終於參加左米絲洛!

應該只可以食魚蛋米粉 or 面, 河粉, 伊面係唔可以食. 魚蛋只可以食白魚蛋, 唔可以食有色魚蛋(因為炸過).
菜要全走(走油, 走豪油).
:-P


子爵府

積分: 11234


發表於 04-3-12 00:45 |顯示全部帖子

Re: 我終於參加左米絲洛!

Mrs. Fong,
祝你成功先! 我n年前都join過米記,當時年紀輕,真係幾work,而家生咗兩件,都好有需要減肥,但記得當年減肥時好麻煩,嗰樣又吾食得,好似吾可以同朋友食飯咁,好吾想過番嗰段日子,其實而家米記係點? 你洗咗幾多錢? 可否詳細d講個plan係點? 麻煩晒!

小白,
你記得我嗎? 你就好la,都瘦咗好多囉,辛苦嗎?
努力! 加油! 支持你!


別墅

積分: 841


發表於 04-3-12 09:37 |顯示全部帖子

Re: 我終於參加左米絲洛!


我有朋友refer, 所以有75折, 2個月減肥加一個月監察共$4088. 佢地plan我兩個月減16磅...其實我意志唔係好強, 好擔心係一個失敗個案... :-P


侯爵府

積分: 23327

2019新春慶豚圓 2019勳章


發表於 04-3-12 13:40 |顯示全部帖子

Re: 我終於參加左米絲洛!

我啱啱琴日想話post 上BK問下米絲洛係點樣幫人減肥, 係咪正係跟住佢比D餐單就得? 咁佢會唔會包減到? 我試過去修身堂問, 減20磅(唔包減到) 要五萬蚊., 真係比佢嚇死.
生完個仔(兩年)肥咗20磅, 一D都減唔到, 本身係好容易肥果隻. 平時巳經唔係鐘意食嘢, 咩零食都唔好, 糖水, 朱古力, 糖更加唔啱, 一日3餐, 正係懶做運動, 最好笑係個修身堂sales話我咁嘅食量都咁肥, 好唔底. 喺lunch 見到其他女仔食哂成碟炒嘢,但係就好瘦, 你話上天幾唔公平吖.
其實我都試過結婚前係兩個月減15磅, 但係好辛苦, 做gym, 所有嘢食都唔落油同糖, 基本上係將D嘢全Boil, 係屋企就食雞胸, 魚塊同大量菜, 出街食飯正係去D粉面舖叫正米同油菜走油., 連最愛嘅奶茶都戒埋(而家每朝飲半杯), 瘦得好快, 但個人就冇哂energy , 面色凔白, 有一日仲差D暈咗係街度, 醫生話我血糖過低, 叫我唔好再咁食法. 而家要湊仔, 冇可能再試.
睇住D friend 個個生完唔洗點減, 幾個月就瘦返哂, 真係好jealous.



大宅

積分: 1758

BK Milk勳章


發表於 04-3-12 22:10 |顯示全部帖子

Re: 我終於參加左米絲洛!

其實我信食少d就可以減到肥,我記得我試過一個月減左10磅,我本身165cm,果時有118磅,其實唔叫肥,但因為有個肚腩,所以想減,後來join唐安琪,從飲食著手同做機,磅數無咩減到,但d線條就firm左。後來我台灣一個朋友介紹我食當時台灣好興的「早四晚二」減肥葯,哇,勁有效,個葯會令你有飽肚感,我果時可以一日只食一餐,但個口會好渴,我會不停飲水,但就有廁所去,一個星期個肚已經平哂,一個月就減左10幾磅,去到得103左右,後來我老公唔鍾意我咁瘦,我至再放縱自己食野去番108左右,生完bb到而家有114啦,我都想減多5磅,不過我已經好難忍口,我估我食少d零食就應該可以得。
[img][/img]


民房

積分: 90


發表於 04-3-13 00:42 |顯示全部帖子

Re: 我終於參加左米絲洛!

Mrs Fong,

祝你成功,要對自己有信心呀!

o係米施洛減肥係得架,我生完bb後從120磅增加到133磅, 3個月前決定join米施洛減肥, 佢地建議我3個月減20磅,我初時都唔覺得自己會做到,不過諗住盡力而為啦. 過左3個月,我不驚不覺輕左19磅到114磅,而家係保養期,會慢慢加添每餐食量至normal.

我既心得係一定要花些心思在設計多款menu, 才不會令自己覺得好慘甚麼也不能食的感覺.  在外邊食午/晚餐我會有以下選擇:

- 魚旦米粉 + 灼菜一碟/2碗(全走) + 生果一份(=蘋果/橙一個or香蕉半隻)
- 牛丸烏冬 + 灼菜一碟/2碗(全走) + 生果一份
- delifrance或super sandwiches 三文魚法飽三文治 or 燒牛肉白麵飽三文治 2/3份 + 灼菜一碟/2碗(全走) + 生果一份
- 自備吞拿魚三文治 (水浸吞拿魚半罐 + 低脂沙津醬1湯匙) + 灼菜一碟/2碗(全走) + 生果一份
- 粥麵店的牛肉粥或豬潤粥一碗 + 灼菜一碟/2碗(全走) + 生果一份
- 壽司6件 + 沙津菜 (走醬) + 生果一份
- 瘦叉燒6-7片 / 燒肉(去皮去肥)4-5件 + 白飯2/3碗 + 灼菜一碟/2碗(全走) + 生果一份

以上每個menu都會令我有好飽肚&好豐富的感覺 . 另外每日要飲8杯水, 新陳代謝率才會保持得高, 容易分解脂肪.

如果約朋友食飯我會去食日本菜, 因為我可以食壽司or魚生&白飯, 而朋友就可點其他日本食物. 另一個選擇係自助餐, 可以食生生蠔, 魚生, 沙津, 燒牛肉等. 不過份量就要適可而止喇.

大家努力呀!!!

小雲女


子爵府

積分: 11234


發表於 04-3-13 22:10 |顯示全部帖子

Re: 我終於參加左米絲洛!

小雲女,
極羨慕你的成績! 恭喜你咁成功!
我想問吓:
1. 3個月計劃,你付出幾多錢?
2. 每星期要見營養師幾多次?
3. 你已瘦咗咁多磅,咁d肉咪鬆囉,咁點算?

sorry,我有咁多問題,麻煩晒!


民房

積分: 90


發表於 04-3-13 22:44 |顯示全部帖子

Re: 我終於參加左米絲洛!

PpiMa,

我join果個係4個月計劃, 頭3個月減磅, 第4個月maintenance, 合共$52xx. 初期每星期見營養師3次, 中期時就每星期2次, 間中進度唔理想或體重反彈就可能見3次. 現在只每星期1次.

我都覺d肉鬆架, 營養師講過在這階段保持運動是很重要的, 所以我上星期買了對啞玲, 準備一邊睇電視時, 一邊可做下結實肌肉既運動. 我o係HMV買左黃佩霞教keep fit運動隻VCD(好平, 好似係15, 一定少過$20), 會試下跟住做.

我去開果間美容見我瘦左咁多就勁sell我做D firming treatment, 不過我而家都係信自己&營養師多D, 唔係好信'訓'響度會'不勞而獲'.

小雲女


PpiMa 寫道:
小雲女,
極羨慕你的成績! 恭喜你咁成功!
我想問吓:
1. 3個月計劃,你付出幾多錢?
2. 每星期要見營養師幾多次?
3. 你已瘦咗咁多磅,咁d肉咪鬆囉,咁點算?

sorry,我有咁多問題,麻煩晒!
小雲女


別墅

積分: 522


發表於 04-3-13 23:22 |顯示全部帖子

Re: 我終於參加左米絲洛!

Mrs. FONG
預祝減肥成功

我在99年尾join過米記, 當年要用3個月減30磅($7xxx), 減
Angela


別墅

積分: 841


發表於 04-3-14 20:29 |顯示全部帖子

Re: 我終於參加左米絲洛!

ANGELAIP, 小雲女,
謝謝你們的支持, 我會努力的!
但...我想問...你地係唔係跟到足的???比如MENU說大蘋果半個算一份, 但有時真係忍唔住想食哂成個...得唔得呢?

另,至於做機減肥...我試過啦, 密集式咁做...果段時間確係得...但完左個COURSE唔夠1個月...嚴重反彈...淪落到今日的地步... :cry:


別墅

積分: 730


發表於 04-3-14 20:52 |顯示全部帖子

Re: 我終於參加左米絲洛!

請問係咪減磅愈少愈平架??


大宅

積分: 2678


發表於 04-3-14 21:15 |顯示全部帖子

Re: 我終於參加左米絲洛!

Mrs Fong,

營養師有無話吃得太少返為會影嚮新陳代謝,減唔到架???兩餐之間肚餓可以食d mug呢? :-P


別墅

積分: 522


發表於 04-3-15 09:58 |顯示全部帖子

Re: 我終於參加左米絲洛!

有時都冇根足, 不過以少油走汁為主, 同家人一起吃飯好難要佢地倍我食清淡, 以水走油照食.

另每餐之間可食梳打餅(1小包), 不過脕餐要減少少飯
Angela


男爵府

積分: 5872


發表於 04-3-15 12:11 |顯示全部帖子

Re: 我終於參加左米絲洛!

我冇參加米施洛, 不過都好想知道係乜野東東點樣幫人減肥, 其實都係控制飲食, 其實離不開 "少油走糖少澱粉質多水", 我生完之後就已經咁食法, 真係有效, 其實都唔使比幾千蚊人使, 因為佢只係教你點食野而已。開頭好唔習慣食幾啖飯, 慢慢開始習慣, 睇番你地個餐單, 其實每餐都有澱粉質, 都幾飽下架啦喎。 而家我都係逢星期一到星期五就減下肥, 星期六、日就食番正常, 例如都會去食下魚蛋河, 炸魚皮。 可能食慣左清淡, 而家飲凍檸茶少甜都嫌佢甜得滯。
美甲達人俱樂部私家BlogHERE

Judy's Nail 美甲相集HERE

Judy's Nail Web PageHERE


洋房

積分: 509


發表於 04-3-15 17:47 |顯示全部帖子

Re: 我終於參加左米絲洛!

我想問o下曾經參加米施洛 (MSL) 的各位, 減肥期間, MSL 係唔係會要求做運動配合o架? 做咩類型運動? 同埋每日要做幾耐?
請多多包涵 & 指教 :mrgreen:

首頁

尾頁

跳至