少年成長

跳至

首頁
12

尾頁
   0


男爵府

積分: 8247


發表於 04-3-13 09:56 |顯示全部帖子

如何訓練幼童獨睡

賢賢細個時要抱先肯訓覺,後來到佢7個月時就"的"起心肝要訓練佢一個人係床到自己訓.但我地就全程陪佢至訓著為止.用左1個星期就搞掂.直至最近,睇到一本書.書內提及要訓練幼童自己獨自睡覺.原來係應該要小朋友自己一個人訓.唔係要父母陪至佢入睡.起初2天,都好順利.但到左第三天,賢賢就唔肯.一直喊到我地入房為止.結果,失敗左.但聽工人講,賢賢中午訓覺仲可以自己訓.但點解到晚上我陪佢入房訓覺反而唔得呢?佢訓前我已經做埋所有指定動作.飲奶->刷牙->kiss dad & mummy ->入房聽歌->床邊講故仔->收起所有故仔書->比平時佢中意既公仔&被佢攬住->我拉好窗簾,留下來約2-5min->say goodnight to 賢賢 -> 離開房 -> 賢賢大喊!!!!!!!!!!!!!!!!:-( :-(

究竟我邊part做錯左呢? 大家有冇呢個經驗可以分享下?


伯爵府

積分: 15707


發表於 04-3-13 12:24 |顯示全部帖子

Re: 如何訓練幼童獨睡

我仲慘!
我大女今年4歲,自出娘胎都係同我地一間房,bb時因為貪方便便同佢同床,到佢瞓著先搬回bb床,到了一歲多d就完全同我地一張床tim,到了我有了妹妹差唔多生先比佢有自己的房(以前係書房),妹妹未出世前就我全程陪瞓(上下隔床),到了妹妹出世後因為方便餵奶同埋唔想嘈住老公就變咗daddy全陪瞓.差不多半年的時間我都係同老公在分房的 :-( 最近終於可以叫個女自己瞓一間房,但都係要陪到瞓著先離開,但到半夜醒了都係走來我房叫我過去陪佢,最顛的一晚是每個鐘醒一次,所以我好似無瞓過咁 :-(
所以大家千祈唔好貪方便同bb同床,後患無窮呀!
沒有醜嘅女人, 只有懶嘅女人!


大宅

積分: 1429


發表於 04-3-14 01:41 |顯示全部帖子

Re: 如何訓練幼童獨睡

hi , I would like to share my experience. My daughter she is now 1 year old. She sleep in her own room/ own bed since she born. I never slept with her in our bed even one night coz I know it will 後患無窮!!!

Before I put her to bed I will feed her, bush her teeth, change diaper, put her pj on, sometime sing a song (if still have time), say goodnight and put her to her crib, turn off the light and close the door, then walk away. She will sleep by herself althought she may play a little bit in bed but she will sleep finally.
Do that everynight!

What happen if she cry (i have the monitor on), I will go to check if she is ok WITHOUT holding her, then say "thats ok, mama is here", then walk out again... if she still cry, wait for 5 mins before go to check her again....still cry? wait for another 10 mins....

Have to be let her cry (i know it hard to do but you have to, otherwise it wont help), thats what i've learn from my communcity nurse. try try!

elly


伯爵府

積分: 15707


發表於 04-3-14 15:08 |顯示全部帖子

Re: 如何訓練幼童獨睡

Elly,

如你所分享,訓練小朋友自己瞓要由baby開始,大咗就無辦法?
有無其他媽咪係小朋友大咗(2yrs up)開始訓練而又成功的呢?

沒有醜嘅女人, 只有懶嘅女人!


男爵府

積分: 6497


發表於 04-3-14 21:10 |顯示全部帖子

Re: 如何訓練幼童獨睡

vivienmak~
得架! 不過"一定"要有"決心"!
男子可能好d,我朋友個女,自小就自己訓,不過搬屋呀,旅行呀...就都要對戰一輪(唔係一兩日喎)我哥時未生仔,親眼見到佢 "決心"的重要,佢女就唔夠薑出房,只係係房哭叫,又話要飲水,又話要尿尿,最後仲話"您入嚟打我啦!"咁話 又試過哭兩個幾鍾... :-( 不過我朋友都好堅定,您"she"一次就無架啦!d細路咁醒
後來我生咗仔,就好有信念分房睡,由兩個月開始....我仲喟咗11個多月人奶,您唸吓我要出入佢房幾多次...不過去完旅行番嚟係會差d....都係要"決心=忍心"對我嚟講 :-P 不過為家庭好,要做!由細到大,下午覺就可以在我床(要先講好),天光6-7時佢會過嚟,可能再訓一陣,可能攪醒我地,我都由佢,哥段時間我地會好溫馨.... :-P
2yrs好細,只要您辛苦d,比d時間&"決心=忍心",一定得架!
如果您兩公婆有工作,仲一定要攪好佢添啦!您可以試吓同佢一齊買d佢好鍾意的床上用品,講"得您有架咋"/買d發夜光貼紙同佢一齊貼滿間房/同佢講(媽咪等您"訓著"後,都"一定"會再入嚟鍚您,睇您架!不過您唔知姐....)
不過您出房後,就站時安靜d,等佢訓咗先再活動 :-P
最好唔好習慣開燈比佢,唔係第時出外都要有燈先訓到,佢身邊d朋友就慘啦! :-P
我睇過一本書話,就算小朋友病,都係要辛苦d去佢房同佢一齊(什至同佢訓),而千其唔好怕辛苦比佢去您房訓!
以上都只係個人意見,希望唔好介意!


複式洋房

積分: 330


發表於 04-3-15 02:36 |顯示全部帖子

Re: 如何訓練幼童獨睡

各位Hello:

各位所經歷過的我也差不多經歷過,我囝由出世至現在兩歲半都是自已獨睡一張床(初生至3-4個月睡bb籃但同房,直至一歲半於大床等訓著才抱回另一張單人床),經過數天爭鬥,可直接到單人床,但要媽咪陪至訓著。兩歲時賓賓走,新工人未到倨然可自已上床訓,但只維持了十多天。新印印上工,媽咪陪了一個月以上訓著才走(晚晚半夜cry, 而印印又handle唔到,媽咪又要抱)。終於習慣了新工人,但要指定由誰陪-如爸爸or姐姐(因我個肚現在8個月,坐佢床尾都好辛苦),但要好耐先訓著,好在他多數可睡至天光。依家工人又話要反老家陪佢媽媽,一個月就走,到時又新姐姐,又弟弟,可能大囝又要由頭開始。希望到時老公同工人都合作d,將音量收細,等我都可以訓番好D。


珍珠宮

積分: 30642

2019新春慶豚圓 2019勳章 2018復活節勳章 畀面勳章 BK Milk勳章 hashtag影視迷勳章 開心吸收勳章


發表於 04-3-15 19:47 |顯示全部帖子

Re: 如何訓練幼童獨睡

我個囡依家3歲半, 佢3歲前因為屋企環境關係, 一直都係同我地兩夫婦一齊訓 (佢訓中間), 仲一定要人陪到佢訓著先俾行開。到佢3歲時, 因為搬屋, 佢自己有間房, 於是我地就帶佢去睇傢俬, 問佢中意咩公仔的床, 然後跟佢意思做了張hello kitty公仔床俾佢, 仲要一路同佢講自己有一間房、一張床有幾咁好,到搬屋後第一晚,就開始分房訓,出奇地順利,亦冇扭計。過左三日左右,佢就要求我地陪佢一陣,於是我地又陪佢一陣,但亦因為衰心軟,結果自此之後, 佢要我地講完故事要陪到佢訓著先准走,仲要拖住你隻手。後來有一次,陪住佢成粒鐘佢都未訓著,但又要捉住你隻手唔俾你走,我忍唔住就好嬲好大聲咁鬧佢,話佢自私,自己唔訓要媽咪罰坐陪佢,媽咪返工好累,好想訓覺,佢喊得好犀利, 但因為我當時好嬲,所以只係叫佢自己收聲,自己訓,媽咪同爸爸以後都唔會再陪你訓,結果佢可能知我真係嬲,乖乖地自己訓左,但係自此之後,佢真係唔駛我地陪訓,只要講完故事,佢就會自己訓。我同爸爸講,我地終於都成功幫佢戒掉”陪訓”這個壞習慣了!


男爵府

積分: 8247


發表於 04-3-16 11:41 |顯示全部帖子

Re: 如何訓練幼童獨睡

多謝咁多位同我分享"陪訓"既故事..哈.估唔到大家既小朋友都係咁鬼馬!

我都同意要由細訓練.但事到如今,只好睇下大家有冇好提議去解決"陪訓"呢個問題.

呢幾日,我都仲係衰心軟.佢已經好眼訓,但仲要959望我係咪真係仲係間房.可能佢已經知道左我一定走左.所以攪到佢咁好長時間先至訓得著.我尋晚已經唔理佢,由得佢喊成5min.但..最後都失敗.又要做"陪訓"小姐.唉..真係唔忍心佢喊咁耐.我都唔知自己幾時先會成功.定我要放棄呢........ :cry:


男爵府

積分: 8217

2019勳章


發表於 04-3-16 15:18 |顯示全部帖子

Re: 如何訓練幼童獨睡

雖然「陪目訓」很累,但我覺得這是很溫馨的事,試想摰愛的爸爸媽媽拖住自己的小手,伴著我入睡,是何等幸福?

所以我繼續心甘情願地做「三陪阿媽」。 :-P (陪上playgroup、陪玩耍、陪睡覺)


大宅

積分: 4143


發表於 04-3-17 13:17 |顯示全部帖子

Re: 如何訓練幼童獨睡

各位,

我就剛剛先開始"訓練"個女(差唔多3歲)"獨睡",今日第2 日,唔成功,禽晚前晚我都要陪佢訓(側邊)。一貫佢都係同賓姐姐一齊訓(大床),因為睇左好多書藉 & 有經驗人仕話:小朋友要由細培養"獨睡"的習慣,唔係大個先train, 個小朋友仲加難適應!(以下都有位媽咪分享左大D 既小朋友"luck" 唔到身既經驗.......)

希望我會成功,由大床變細床(6 呎變3 呎),需要時間& 人(=我)既配合 - 要實行就要加點耐性......耐性 & 耐性! 祝各位"心想事成"!
  Love your family!


等待驗證會員

積分: 4440


發表於 04-3-17 13:42 |顯示全部帖子

Re: 如何訓練幼童獨睡

cpy,
你太心軟,喊5分鐘小問題.
我既情況係甘: 寶寶自出世就獨立房訓,所以一向都無問題,但有時都會失控,我會又佢喊一陣,check過無問題(片濕之類),拍拍佢我就走人,佢實狂喊,我會由佢喊,寶寶最長一次試過喊一個鐘,通常都會喊20分鐘,之後自己訓著.我地唔會理佢,連繼2日之後就回復正常.係咪好殘忍呢? :-P
所以賢賢喊5分鐘小問題,你忍心D.


男爵府

積分: 6497


發表於 04-3-17 19:37 |顯示全部帖子

Re: 如何訓練幼童獨睡

cpy~
先唔好嬲吓! :-P 如果連哭5分鐘您都忍唔到心,小朋友咁醒,好快佢就會同您角式轉換,做您"波士"架啦!
不過,有晚訓覺,囝囝問我,壞人會唔會打穿牆壁,入去足佢,因佢間房係大門邊,哥時我先明白小朋友有自己未知世界的不安,我就同佢好好咁解釋,比佢知道家的安全 & 我都有解釋比佢知,人點解一定要休息,如果佢&我唔休息會有嘜嘢後果....小朋友好醒&其實會明白事理的,您一定要話比佢知,只有除了傾計,哭係解決唔到任可問題的.. 加油啦,比小朋友睇吓您的決心!


男爵府

積分: 7324


發表於 04-3-17 23:02 |顯示全部帖子

Re: 如何訓練幼童獨睡

YY(芝芝媽咪),

我同你一樣甘願做三陪亞媽........我都覺得應該要珍惜可以三陪的日子........唔陪得幾耐嫁窄........到時想陪........都未必可如願得賞啦.

小朋友大大下.........就自然可以獨立.........好似我哥個仔咁.........以前都係好裙腳.........一樣到左6歲咪可以自己訓.........無需勞氣


複式洋房

積分: 209


發表於 04-3-18 05:26 |顯示全部帖子

Re: 如何訓練幼童獨睡

我同你地一樣甘願做三陪亞媽........我都覺得應該要珍惜可以三陪的日子........唔陪得幾耐嫁窄........到時想陪........都未必可如願得賞啦.


複式洋房

積分: 330


發表於 04-3-19 03:06 |顯示全部帖子

Re: 如何訓練幼童獨睡

各位醒目媽咪:

前兩晚下定決心訓練我大囝(兩歲半)自己上床睡覺。分享一下:

第一晚同佢傾一陣走開已訓著。

昨晚佢自己行去找工人陪佢;仲要工人抱,結果我連工人都鬧埋 (我已事前講好,叫佢咪理我囝,因我囝可以自已訓,而佢則經常唔配合我教囝和家居安全的守則,只為方便自已及浪費時間) 再同我囝講道理約3分鐘無再扭計,但就俾我老公鬧話晤關工人事。

到今晚我囝覺得有機可乘,扭完我抱又唱完歌(佢仲記得我由細 um 佢訓個隻歌,好 sweet 咁 kiss 我幾啖) 都仲要daddy 陪。佢不知幾醒:一cry我老公又抱佢、但話比佢聽唔陪佢個陣又唔敢行開、佢就一直唔肯訓,仲越來越鬥氣,越來越想話事、硬要拉daddy入房陪,結果又係我堅持時比老公鬧 (話驚佢喊到嘔) ,經過一番折騰,我囝都比我說服到自已上床訓(佢話叫我唔好走,但我話要出去飲水,一陣會睇佢),咁過一陣睇佢時未訓著又再細細聲讚佢乖可以自己訓,我會再出去一陣。到再返去時已睡了。

係我呢個case,我覺得父母及家人(包括工人)要一致,因現今的小孩是非常醒目的,事實上他們很想自已作主,佢會知可蝦那人同誰人會就範於他的眼淚(開頭假哭、後來真哭、再來大大地哭)。我也並非想扮姦角,只認為一時一樣的話,我囝會更無所適從,而且雖然我的態度是堅持,但語氣並無責備我囝,反而因老公唔配合,激到我喊時我囝仲來kiss我。我唯有時時提自己教囝時不可傷親子關係,時時話比我囝聽媽咪好愛佢。做媽咪真不易,如果有家人支持和認同的話應可輕鬆d吧!

別輕易放棄!有志者事竟成!

CeciliaChg 寫道:
各位Hello:

各位所經歷過的我也差不多經歷過,我囝由出世至現在兩歲半都是自已獨睡一張床(初生至3-4個月睡bb籃但同房,直至一歲半於大床等訓著才抱回另一張單人床),經過數天爭鬥,可直接到單人床,但要媽咪陪至訓著。兩歲時賓賓走,新工人未到倨然可自已上床訓,但只維持了十多天。新印印上工,媽咪陪了一個月以上訓著才走(晚晚半夜cry, 而印印又handle唔到,媽咪又要抱)。終於習慣了新工人,但要指定由誰陪-如爸爸or姐姐(因我個肚現在8個月,坐佢床尾都好辛苦),但要好耐先訓著,好在他多數可睡至天光。依家工人又話要反老家陪佢媽媽,一個月就走,到時又新姐姐,又弟弟,可能大囝又要由頭開始。希望到時老公同工人都合作d,將音量收細,等我都可以訓番好D。


洋房

積分: 84


發表於 04-3-19 15:26 |顯示全部帖子

Re: 如何訓練幼童獨睡

CPY

你可否給我書名﹐因為我正準備幫BB學習自己睡覺。

BIBIMON


複式洋房

積分: 212


發表於 04-3-19 15:55 |顯示全部帖子

Re: 如何訓練幼童獨睡

如果我仔仔20個月大, 家


男爵府

積分: 8247


發表於 04-3-22 14:40 |顯示全部帖子

Re: 如何訓練幼童獨睡

芝芝媽咪,babyjerry,haaumi
我明白同認同做三陪阿媽係好幸福.但如果我只諗自己幸福而放棄訓練佢地既獨立既機會我又過唔到自己.正如好多人都話唔好一出世就抱bb.都係同一道理.我唔係唔愛我既bb.我都好想時時刻刻攬佢地.但始終有一日佢地都要離開母親.我唔敢講細個開始訓練定大個d先訓練係好d.所以呢個問題,我就想同大家係度分享下!希望你地唔好見怪!

kilam
我其實可以忍耐d.但我唔知我咁做,會否對佢有傷害?

wspencer
傻啦,點會嬲.如果我唔接受人地意見既話.我就唔應該post問題出來問嘛,係咪?

bibimon
我果本係講少少關於兒童心理學既書.要返到屋企先可以話你知.

CeciliaChg
我絶對同意全家人既態度要一致.就係因為呢個原因,我先至實行得唔順利.

或者等我update下我既資料先.
係過去既一個星期.如果係我同賢賢入房訓,佢都係喊到7彩.咁於是乎,我就叫老公同佢訓.老公就用兇少少既語氣同佢講要合埋眼訓.佢當然偷睇.跟住老公就輕力打佢pat pat.開頭就15min到,就訓左.呢2晚,唔知係因為佢本身已經好眼訓定係乜原因.居然5min就搞掂左.但.....我就覺得係撞彩多.

我諗而家會叫老公同佢訓多.事關我已經唔夠power去叫佢訓.佢會"媽媽"咁叫.叫到我耳仔軟.

我同意唔可以太心軟.但有幾多父母真係做得到呢? 我就係失敗既其中一個 :-P


男爵府

積分: 6934


發表於 04-4-1 10:08 |顯示全部帖子

Re: 如何訓練幼童獨睡

CPY

仔仔房有冇放部BB監察器?妳可以同囝囝講佢有乜事大聲叫,媽咪會聽到,所以唔使驚,同時可以係頭床裝燈,如果無位,買個圓型的按按燈,等佢有安全感.我會俾囡囡臨瞓前選兩張貼紙,佢將d貼紙貼滿床既四週,等佢對間房有歸屬感.雖然佢不時要求我陪瞓,但我一次都無答應,除非佢發燒,要睇實佢,我才瞓下格床.妳同囝囝講,就黎要入幼兒園啦,大個囝,要學習一個瞓,咁先至叻叻.慢慢黎啦,只要忍心,遲早都會成功.
~~~~~~~~~~~~~~~~~~~~


男爵府

積分: 8247


發表於 04-4-2 10:33 |顯示全部帖子

Re: 如何訓練幼童獨睡

zen
賢賢間房有BB監察器架.所以佢一喊我就會知.但唔得架...

講返尋晚呀.我老公已經呢2個星期都係同賢賢訓.佢好犀利呀.次次都唔駛10min就出返來.話賢賢已經訓左啦 咁尋日老公話

首頁
12

尾頁

跳至