吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 夫婦情感› 有冇人是來自單親家庭, 會唔會唔開心呀! ...

夫婦情感今日: 17|主題: 42440

收藏本版

發帖

返回列表

跳至頁

查看: 4707 | 回覆: 29

有冇人是來自單親家庭, 會唔會唔開心呀! [複製鏈接]

tung

大宅

積分: 1345

1^#

發表於 04-3-26 11:01 |只看該作者

有冇人是來自單親家庭, 會唔會唔開心呀!

如題!
我想知如果知道自己是單親, (即爸爸走左) , 你地會有什麼感覺! 會唔會唔開心或怕比人知呢?

私人傳訊

PinPin

珍珠宮

積分: 34788

2^#

發表於 04-3-26 14:10 |只看該作者

Re: 有冇人是來自單親家庭, 會唔會唔開心呀!

我就黎自單親家庭,我媽果陣要搵食,我婆湊大我ga!
我覺得我同我媽似朋友多d law!
我對我媽冇咩好感,因為太多野喇!
反而我同我姨感情好d,我跟佢大~
細細個既時候唔敢話比人知我媽同阿爸離左婚,因為果時d人唔接受ga!
所以我婆教我同人講爸爸死左~我照講~因為我爸爸真係好衰!!所以到而家我都唔覺以前咁話佢有咩問題!
到中學,我媽先同我講點解同爸爸分開,我覺得我媽做得岩!
不過單親家庭既小朋友好睇個mammy點教~
可能我媽又唔多理我,我中學好反叛,離家出走,逃學,成日唔返屋企,偷野,好多衰野我都試過!因此我一定要做個關懷我小朋友既mammy,我唔想d小朋友好似我咁,壞左先知錯~

私人傳訊

stkyo

象牙宮

積分: 206242

牛年勳章 HiPP勳章(1) 2018復活節勳章 15週年勳章親子王國15週年勳章玩具勳章畀面勳章環保接龍勳章大廚勳章親子達人勳章 wyeth冷知識勳章 BK Milk勳章 hashtag影視迷勳章育兒性格勳章認識瑞士牛牛第一回認識瑞士牛牛第二回最關心BB問題熱投勳章開心吸收勳章

3^#

發表於 04-3-26 16:55 |只看該作者

Re: 有冇人是來自單親家庭, 會唔會唔開心呀!

我記得細細過個陣，媽咪成日帶我地三兄妹返大陸搵爸爸，個陣唔知咩事，成日問媽咪，爸爸幾時返屋企，有一晚夜闌人靜個陣，我比媽咪既咸聲嘈醒o左，個陣應該讀緊一年班，後期搬o左屋，某一日，爸爸終於返o黎，我好開心，逗留o左一段時間又唔見人，我記得佢走個晚，我仲問佢，佢當期時縛緊鞋帶，我問"爸爸，你聽日會唔會返屋企架"，佢答"會"，之後一去不返，再事隔幾年，佢又返屋企，我已經無以前咁開心，但係都未知發生咩事，直至有一日發現我媽咪一張要求得到我地三兄妹既扶養權既信之後先開始知道發生咩事，以後既日子我覺得好辛苦，我親眼睇住我亞爸點樣打我亞媽，我亞爸係出面受o左氣就打我o地黎出氣........(不能盡錄)，到我再大D，我好憎恨佢，因為我從親戚口中知道哂佢所有D衰野，細細過我亞媽湊住我o地返大陸搵佢既原因係佢借o左人錢唔還走路，仲衰到係上面包二奶，第一次返屋企，係佢係香港無地方落腳，之後再返屋企，係想我同我亞媽離婚，要同大陸個女人結婚，..............到我未嫁之前，佢都斷斷續續咁有返屋企，因為我亞媽份人好心軟，所以令到我o地三兄妹有一個不一樣的童年，我而家諗返起都想喊，好唔開心，唔開心既原因係我亞媽點解咁唔果斷要咁心軟比呢條友返屋企，令到我好憎恨我亞爸，佢從來無養過我o地，而對我長大後既影響係，我唔會容許有第三者出現係我婚姻，我唔會衰心軟，因為我知道咁樣反而會害o左下一代。
:-( :-( :-( :-( :-( :-(

私人傳訊

南瓜

大宅

積分: 1698

4^#

發表於 04-3-27 10:14 |只看該作者

Re: 有冇人是來自單親家庭, 會唔會唔開心呀!

我都係!
細個成日見到父母嘈交,呀媽推我落街,飲滴露,呀哥比呀媽除晒衫褲推出門外......
無乜見呀爸
我就好缺乏安全感,好早拍拖,也算早婚.但係成日會擔心婚姻不如意(事實無事).
吾太知道點同另一半相處先叫"好"到依家想有下一代,就
越來越發現被童年陰影影響.
細時吾覺,後來越大越覺得影響好大.

不過,就算有D家庭完整無缺,子女感受吾到愛也不是一樣?

私人傳訊

mwtang

大宅

積分: 2899

好媽媽勳章

5^#

發表於 04-3-27 11:16 |只看該作者

Re: 有冇人是來自單親家庭, 會唔會唔開心呀!

我都係差吾多我細時好記得我媽爸成日吵又打交阿媽好多時都會攞我地出氣我地又成日搬屋阿媽又成日拖住我地三姊妹去阿爸公司攞錢後來先知係因為我爸賭欠左人好多錢又無錢比家用所以要成日搬屋避債雖然阿爸對我地無乜點但最終佢都係自己一走了之我好記得佢走果朝我同我家姐番學時打開書包大家都見到一封信但信中內容真係吾記得只記得自果次起就無再見到我阿爸但到而家我無恨我爸爸吾理我地我反而同我媽感情係好差因我媽成日話自己因為有甘婚姻又捱窮今到佢今日最重要係錢乜都錢行先佢話親身子不如近身錢所以我一直都吾喜歡佢

私人傳訊

markli

別墅

積分: 734

6^#

發表於 04-3-28 18:31 |只看該作者

Re: 有冇人是來自單親家庭, 會唔會唔開心呀!

吾開心一定有,我既感覺大約由小學開始,會比較自卑,會諗如果爸爸係度就吾會比人婽我媽媽,係細個既時侯比人婽,成日都諗爸爸係度就好!
係單親長大對兒女既影響一定會有,但每個人有自己成長既過程,影響都吾會一樣!(至於影響有幾大幾多,相信都會吾少,但請記住....吾等於一定吾好^_______^)
現在我有了兩個女後,我既家庭觀念比較重,我會把細個無爸爸既感覺投射佐係兩個女度^____^
最後講既係.....單親媽媽對子女既態度會真接影響子女既成長,請不要在子女面前說太多負面既事,例如爸爸很差,某些人很對不住妳....千萬不可給太多既抱怨,可以的做多些正面既事情,最重要係(愛)........那樣妳的子女也會是一個開樂的人^____^

私人傳訊

祉翱媽咪

別墅

積分: 853

7^#

發表於 04-3-29 00:28 |只看該作者

Re: 有冇人是來自單親家庭, 會唔會唔開心呀!

我的單親家庭係無媽咪,
細個聽到"世上只有媽媽好"會眼濕濕,
我細個果時,我媽咪成日離家出走,
我麻麻照顧我兩姊妹,爸爸日日放工就會第一時間接我地,
之後佢會帶我地去買"送",返屋企煮飯,
但爸爸從沒怨言,亦沒說媽媽不是.

在我9歲,家姐11歲,我爸爸,媽媽正式離婚,
我兩姊妹都是跟著爸爸生活,
家教十分嚴,出入爸爸都要接送,
差不多15歲至可以和朋友出街,
學業方面更嚴謹,不過我家姐就能做到,
我就不可以了.
但他也是一個慈父!很少鬧我們.
我從來都無同同學談論過我的家庭,
我覺得好似好異族咁.
而我媽媽一年只見一,兩次.....
我們的感情不太深!
最羨慕就是其他人可以一家人食飯,
過時過節堂兄弟姊妹都有個媽咪挾"送"!
就會感到自己很孤獨.
現在有了自己的家庭,覺得十分幸福.
感到有家庭溫暖,希望我BB也可在此環境成長.
我會珍惜這個家庭!
而我爸爸亦已有新家庭,
我又多兩個細佬妹妹,
而後母都當我地係親生女咁~

私人傳訊

biebie

別墅

積分: 581

8^#

發表於 04-4-3 22:13 |只看該作者

Re: 有冇人是來自單親家庭, 會唔會唔開心呀!

自我出世我阿爸就o係外地工作, 一年先返來一次
我父母係屬於盲婚啞嫁o既, 都冇拍拖因父母之命結婚
我阿爸其實係有自己心儀對象o既, 所以無論點樣佢都
覺得我媽唔好。我阿爸又係重男輕女, 媽咪生左我之後
佢都好唔like, 常假借裝修, 修水管之名去個女人度, 我
媽都仲隻眼開隻眼閉。後尾佢可能自己都好自責, 搞到
有精神病。好多時我夜晚醒左會突然見到佢坐o係床尾
眼金金睇住我, 都好驚o架。記得有次我發燒, 佢餵我
食左藥就出左門, 之後就冇再返來了。我當時9歲。媽
媽一直都冇同佢辦離婚, 到最後因為申請綜援有問題
先的起心肝去辦單方面離婚, 了左呢個結。

我細個都唔敢同人講阿爸o既事, 覺得會俾人歧視, 但
係大個左又覺得冇咩所謂囉。不過我對婚姻都冇咩抗
拒, 反而係要結婚時擔心阿媽o既睇法。我同媽咪感情
好好, 我覺得佢係一個好好o既媽媽(到而家做左人媽媽
都以佢為目標, 不過距目標仲好遠), 我地咩都傾, 不過
對感情o既事我地就好少傾, 我始終都驚會令佢諗到d
傷心事。好彩佢都好星戈我高興, 佢同我見證時我好感
動o架! :cry:

而家我同媽咪分隔兩地, 作為人地媽媽o既自己先知
骨肉分離係好痛苦o既事。

孩子是我人生最大支柱 - 工作累透時會想起他的可愛; 肚子喊餓時想到他吃得飽就好。也許當父母的就是這樣子 ... site at babyhome

私人傳訊

bandband

子爵府

積分: 11510

9^#

發表於 04-4-3 22:30 |只看該作者

Re: 有冇人是來自單親家庭, 會唔會唔開心呀!

我父母响我六歲嗰陣己經分開咗,但我又無話怕講俾人知,不過至唔開心就係我老豆成日响我地面前鬧媽咪係垃圾婆,又話佢係雞,又周圍同人講我媽咪係衰媽咪,細個又唔俾我見媽咪,我覺得好唔開心囉,同埋我一偷偷地見媽咪,番到屋企一定俾老豆打,係又打唔係又打,搞到我好憎我老豆,細個直頭想佢快啲死!不過依家大個咗,可能真係化(我),同埋我老豆己經老,同埋我都明白佢既感受,佢俾我媽咪拋棄既感受又真係幾hurt佢(雖則我都知佢當年唔醒目,做咗好多傷我媽咪心既事,包括打),算啦,都係大人既事,再加上依家自己都結咗婚做人老婆,都明白都兩個人相處並唔係一件簡單容易既事,所以我以佢地既事為警愓,同自己講唔好舖佢得後塵!

老公VOICEMAIL 1 2 3

私人傳訊

melvinma

大宅

積分: 1644

10^#

發表於 04-4-4 00:51 |只看該作者

Re: 有冇人是來自單親家庭, 會唔會唔開心呀!

或多或少都梗有D吾開心!
我8歲呀媽便搬走了,不過間吾中都會番屋企,只為了吾想比人知佢地以經分開,但爸媽二人成日為了"雞毛小事"而嘈!我地做o左夾心餅,好煩好煩!好累好累!
10年後以為好爸爸的,原來當日媽媽出走之真相!.....內心難受之餘還要去面對他......那位"大話王"!所以我們也很早婚!吾再面對!......小朋友的一生,便要看我們如何去寫,加一筆少一筆,也有不同的結局,希望我們也努力!

私人傳訊

chinghimma

大宅

積分: 3592

11^#

發表於 04-4-4 00:56 |只看該作者

Re: 有冇人是來自單親家庭, 會唔會唔開心呀!

PinPin

"可能我媽又唔多理我,我中學好反叛,離家出走,逃學,成日唔返屋企,偷野,好多衰野我都試過!因此我一定要做個關懷我小朋友既mammy,我唔想d小朋友好似我咁,壞左先知錯"

What a GREAT MUMMY you are! Your kids are so lucky to have YOU as their mummy.

Chinghimma

私人傳訊

bandband

子爵府

積分: 11510

12^#

發表於 04-4-4 00:56 |只看該作者

Re: 有冇人是來自單親家庭, 會唔會唔開心呀!

melvinma,

我都同你一樣,我早婚既原因除咗係有咗亞B之外,其實個MAIN POINT係我頂唔順自己既屋企...想快啲脫離佢,連我大佬都話我結咗婚之後開朗咗好多,至少識得講笑~! :-P 所以我覺得我依家真係好幸福!EVEN依家仲愁緊屋企無錢...

老公VOICEMAIL 1 2 3

私人傳訊

bandband

子爵府

積分: 11510

13^#

發表於 04-4-4 00:59 |只看該作者

Re: 有冇人是來自單親家庭, 會唔會唔開心呀!

我都同意!

PinPin,

我都會覺得你會係一個成功既媽咪!至少你仔女都有一個愛鍚同重視佢地既媽咪!

chinghimma 寫道:
PinPin

"可能我媽又唔多理我,我中學好反叛,離家出走,逃學,成日唔返屋企,偷野,好多衰野我都試過!因此我一定要做個關懷我小朋友既mammy,我唔想d小朋友好似我咁,壞左先知錯"

What a GREAT MUMMY you are! Your kids are so lucky to have YOU as their mummy.

Chinghimma

老公VOICEMAIL 1 2 3

私人傳訊

祉翱媽咪

別墅

積分: 853

14^#

發表於 04-4-4 01:15 |只看該作者

Re: 有冇人是來自單親家庭, 會唔會唔開心呀!

我中七時有個同學佢爸爸媽媽正搞離婚,
佢同我細個一樣,覺得夾在中間好辛苦,
父母不和,子女一定難受,不論年齡,男女,

做兒女的要習慣破碎家庭,
並非學校課程能提供的教育,
必須自己慢慢理解,領悟,
甚麼是親情?甚麼是愛情?為甚麼一個好好的家要改變?
自己扮演甚麼角式?

面對以上種種問題,別說是小孩,即使成人也會被難倒,
總覺得成人事,孩子牽涉愈少愈好!

所以我最討厭人在感情有糾紛時,
利用子女做人肉籌碼~

私人傳訊

moonhome

男爵府

積分: 5107

好媽媽勳章 BK Milk勳章

15^#

發表於 04-4-4 10:18 |只看該作者

Re: 有冇人是來自單親家庭, 會唔會唔開心呀!

我到而家先知咩叫做母愛!
自從我做左人阿媽,我才摸索緊點樣去愛眼前既bb,
原來係咁呀,有媽咪既bb的確唔同d呀
有次阿女比雨水沾濕了頭髮,我就好緊張咁幫佢整返乾

我好多時蒙受童年陰影,有時更覺得自己好似步緊後母既後塵
當我一嬲既時候d脾氣,語氣,發洩方法都好似佢咁呀,
但我又係咁叫自己唔好,會影響到呀女呀,會點點點,
但我既行為又冇改善
好辛苦呀呢種交戰,對住阿女有好大既壓力,我驚我d脾氣影響到佢,我好驚傷害到佢
===========
祉翱媽咪:你提醒了我,過時過節堂兄弟姊妹都有個媽咪挾"送"就會感到自己很孤獨.係好唔開心呀!
畢竟我都遺忘了呢種感覺咁多年了
===========
而我既背景就複雜呀
首先係親生阿媽生左我就走了
(聽聞佢大過我老豆好多年,我老豆當時只得16歲,之前仲同前夫生左2件,後來因為有個金山阿伯肯同佢結婚,咁就走了)
咁我就交左比阿麻揍
2,3年之後我老豆就識左一個好惡既女人(影響深遠),之後仲同居 ,那個女人我對了佢足足11年,佢對我好差,成日打同罵,
似足以前果種刻薄女人,我阿麻和親人都怕怕佢
我老豆+惡既女人好似黑社會呀,同80年代果種飛仔好似
11年之後離婚,後來我係報紙見到我後母比大陸公安拉左,
那個報紙標題係:香港女馬伕,在深被捕

當時離婚既原因係我老豆有左第2個女人,仲有埋bb,生左2件,
我個女仲大個佢個仔,我19歲就生阿女

曾經被我d姑姐佢地開玩笑(佢地冇惡意):
你就好啦,同父異母既兄弟姊妹又有
同母異父既兄弟姊妹又有
不同老豆老母既都有

私人傳訊

melvinma

大宅

積分: 1644

16^#

發表於 04-4-5 22:56 |只看該作者

Re: 有冇人是來自單親家庭, 會唔會唔開心呀!

看著小朋友一天天的成長,就好像把我們以前的路從新行一次,雖然過往的不快,會為我們帶來一些影響,當與上快要放棄的時侯,我仍然會比別人更堅持,因為我不要我的孩子,和我一樣不快樂,希望我們也努力,過去的終會過去,攘我們和小朋友一同迎接燦爛的陽光!

私人傳訊

birdbird

水晶宮

積分: 60529

17^#

發表於 04-4-6 00:13 |只看該作者

Re: 有冇人是來自單親家庭, 會唔會唔開心呀!

我在中五時, 爸媽分開. 我阿媽粒聲唔出離家出走, 阿爸以為我地3姊妹知道媽咪去了那裡. D親戚又叫我打電話問姨媽, 問佢D朋友, 那時又預o岩要搬屋, 真的好煩好煩. 到過o左好耐, 我阿媽在學校門口等我, 話佢冇能力同阿爸爭撫養權, 叫我好好睇住兩個妹,…我真的喊到豬頭咁.真的有點兒不知所措. 雖說已聽過爸媽無數次的鬧交, 冷戰. (每次都是為錢), 但始終難以想像個家會變得唔完正.

好在當時識諗, 冇比件事影響到會考, 因為我知道成績唔好,雖然可以以爸媽分開為籍口. 但倒頭來, 是冇人會可憐的. 我地3姊妹都好識諗, 冇話因為呢件事而變成反叛少女(我要多謝阿媽,因佢o既家教什嚴, 又訓練到我地好獨立), 我地個個都大學畢業, 我地常常說, 爸媽分開都唔係1件壞事, 起碼我地3姊妹多了自由. 少了父母鬧交的煩.

我覺得爸媽基本上係同1類人 – 自私. 樣樣都以錢同面為出發. 但係外人會覺得佢地係24孝爸媽. 我仲記得考完會考, 幫人補習, 有少少錢, 走去報了個computer course, 餘下的錢還要捱成個暑假. 但我阿爸竟然話我出來做o野唔比錢番屋企.我地有好多事都唔會同佢地講, even我地同阿爸同一屋簷下, 同阿媽1個月見1 次. 近半年, 我都冇見我阿爸, 而我其中1個細妹更加同阿爸反晒面. 為的就是錢. 而阿媽呢, 感情疏離.雖然如此, 我地3姊妹依然有比家用佢地.

有時, 會感到唏噓, 好想同爸媽修好, 同佢地飲茶食飯, 閒話家常, 好似一般正常家庭咁, 奈何, 我地3姊妹冇1個有勇氣去make commitment. 我地唔想我地o既生活比佢地打擾, 唔想加重自己o既burden.

到自己有個仔, 我好想比最好o既o 野佢, 我以前冇o既, 我都想比佢. 我好在意我點對個仔, whether control him too much or 我又會唔會好自私呢?. 因仔女同父母感情疏離, 其中實有D事發生, 父母亦都有責. 我唔想我個case再1次在我身上發生.

私人傳訊

什果

大宅

積分: 3555

18^#

發表於 04-4-6 01:19 |只看該作者

Re: 有冇人是來自單親家庭, 會唔會唔開心呀!

來自單親家庭o既人, 又點會開心?

我好細個...未讀書..已經見過我老豆同我阿媽打交..
我阿媽當年過o既日子都好苦, 辛辛苦苦同我老豆捱生捱死..但換到o既唔係一個開心o既家庭生活.
我阿媽由大陸出黎同我老豆結婚, 生左3個女, 我大家姐大我2年,二家姐大我一年, 到我返k1,有一日, 我阿媽抱住我同我2個家姐講話落街買, 我2個家姐都意識到有d 野,即刻喊住叫我阿媽唔好去...後來,我阿媽就抱住我..過另一種生活

我阿媽將我交比唔同o既人湊, 一直教我, 有得食,有地方訓,有書讀,已經好滿足. 我亦都唔貪心,好耐都唔見到佢一次, 我都忍忍忍忍,好聽話,每次見到阿媽都唔想佢走,有時發夢會見到阿媽黎睇我...呢d 回憶令到我覺得無得見爸爸媽媽o既小朋友係好慘架

後來到大個左d,6歲, 我阿媽有另一個新家庭,而佢個新屋企亦都接受我o既存在;或者你會覺得我好幸福, 但係原來唔係果回事.
我o向呢個新屋企, 無錯,生活上係比較富足
但係心靈上一直覺得好空虛, 我覺得自己唔係佢地o既一份子
人地問我爸爸叫咩名..我...從來都唔會答

我唔會恨我阿媽當年同我阿爸分開,呢d 事我管唔到, 但係可能因為我阿媽同我阿爸分開都係因為錢,所以我真係好討厭佢成日同我講錢

到今日, 我有自己o既家庭, 我21歲結婚, 22歲生bb,當日我阿媽勁反對,仲話"如果我係你, 我就走去落左去"
其實我聽到呢d 說話好心痛.
坦白講, 我愛我阿媽, 但我實在接受唔到同佢一齊生活o既壓力, 所以我決定結婚. 我都知我阿媽某程度上都鍚我.但係方法不對.

我自己依家都有呢個煩惱..自己個bb無人湊,比奶奶湊,佢又話無本事;請個工人,負擔會大,又驚奶奶比晒d 野工人做又唔幫我睇住個女; 比自己阿媽湊,又覺得會多問題發生..;自己又唔想bb過d 見唔到爸爸媽媽o既生活...

點算?
我可以點做?

:-) :-) :-)

私人傳訊