醫護健康

跳至

首頁
1

尾頁
   1


珍珠宮

積分: 38813


發表於 14-10-22 00:16 |顯示全部帖子
個多星期前,我媽跌斷骨,入瑪嘉烈,做了手術後一星期轉去明愛,但我媽整體情況都差,手又軟,我哋覺得佢似中風(之前已中過兩次,但仍行得到),叫醫生幫佢check,照完話佢無事,但明顯佢係有問題,連物理治療師都話,佢似係中風,所以跌傷,但醫生唔理,姑娘同我講,唔洗理佢是否中風,個媽唔係佢嘅,梗係話唔洗理啦!

做了一日物理治療,姑娘已話要約物理治療師,講解出院護理,連社工都話佢哋嘅意思係想快D比病人出院,社工叫我哋快D約醫生傾.

我媽而家仲係唔多活動到,老人家要好返當然要時間架啦,連少少時間都唔想比個病人盡力試下康復多D,就叫我哋放棄!唔想理病人,掉返比屋企人就算!又話轉院係做復康,做嗰兩日就話唔得,根本佢哋就唔想做!進出咁多次醫院,真係最失望今次,而家我家人話,情願返去瑪嘉烈,瑪嘉烈D醫生姑娘好好多.


男爵府

積分: 7397


發表於 14-10-22 08:16 |顯示全部帖子
醫院有無做過咩檢查?可以証實你媽無因為中風跌親...

如果你認為醫院處理欠佳, 好多情況都係溝通問題, 要再追查, 轉醫院晤係晤得, 不過會浪費左你媽之前既時間, 去到新既醫生手上, 亦要再跟過, 除非你轉私家(貴!!)...

政府醫院既服務係要追, 一日追到黑, 建議家屬同病患者都要調整自己心態, 了解情況, 早日出院.


複式洋房

積分: 278


發表於 14-10-22 10:36 |顯示全部帖子
是否可以轉去日間療養?


大宅

積分: 3528

親子王國15週年勳章


發表於 14-10-22 10:46 |顯示全部帖子
明愛係咁,係咁趕人出院,又話冇復康病房,老人家做完手術唔係個個都咁快復原。我阿爸係威爾斯就唔同,好番8,9成都重話可以安排去大埔醫院復康病房。
可唔可以安排去老人日間醫院做物理治療,等你媽媽可以做多d運動快d好,我親戚都係咁好咗好多。


珍珠宮

積分: 38813


發表於 14-10-22 23:12 |顯示全部帖子
rebreather 發表於 14-10-22 08:16
醫院有無做過咩檢查?可以証實你媽無因為中風跌親...

如果你認為醫院處理欠佳, 好多情況都係溝通問題, 要再 ...
今日個醫生都轉咗口風,話有機會係中風跳跌親,但而家就係唔想咁快出院,出咗院要做物理治療就難.


珍珠宮

積分: 38813


發表於 14-10-22 23:16 |顯示全部帖子
珍珠米 發表於 14-10-22 10:36
是否可以轉去日間療養?
日間療養一星期都只係兩三日,無一至五,亦唔會可以長時間,社工話最多一,兩個月,但都會考慮嘅一個方法.


珍珠宮

積分: 38813


發表於 14-10-22 23:23 |顯示全部帖子
wendy貓 發表於 14-10-22 10:46
明愛係咁,係咁趕人出院,又話冇復康病房,老人家做完手術唔係個個都咁快復原。我阿爸係威爾斯就唔同,好番 ...

今日個醫生好坦白話我知,其實根本唔想收我呀媽,話佢情況差!
唉!醫院要揀病人來醫!無話可說!要佢出院即是唔比機會佢再可有好轉,但我信我媽多少都仍可以有進步,只係慢!
日間醫院都係可以選擇,最少仍可以做復康運動.返咗屋企就真係唔洗再旭得返.


珊瑚宮

積分: 105522


發表於 14-10-23 11:09 |顯示全部帖子
你媽住的區是否深水埗?所以一定去明愛?

馬嘉烈就有自己康復大楼
玩具萬歲!


珍珠宮

積分: 38813


發表於 14-10-23 15:30 |顯示全部帖子

引用:你媽住的區是否深水埗?所以一定去明愛?馬

原帖由 fitfish 於 14-10-23 發表
你媽住的區是否深水埗?所以一定去明愛?

馬嘉烈就有自己康復大楼
我住青衣,係瑪嘉烈要我哋去明愛


首頁
1

尾頁

跳至