自從有左bb以來，有3次有人讓座比我，第一、二次都係40歲以上師奶，第三次竟然係個抱住bb嘅外藉女人讓比我（我都唔好意思，最後都冇坐）
其他無論學生、後生男女、濃妝港女、大隻佬、西裝友、地盤佬，全部都望一望就擰轉面，個個一見到我就好忙，有人玩電話，有人即刻訓著左，有人dup低頭搵野…最好笑有個女人不停望我個肚又合埋眼，再望一眼又合埋眼，重複左廿幾次，其實呢我唔係事必要你讓，我知道大肚唔係大晒，過得自己過得人，你咪唔好讓囉，唔洗見到大肚婆就驚驚架，唔洗係我面前同隔離位朋友講：「今日好攰呀可？」，我其實搭幾個站架咋～^_^;
有bb前真係未見過，我覺得好好笑
我相信好多媽媽都有遇過。五次如果有一次有人讓座，你已經好好彩啦。我都唔係一定要人讓座o既人，但有一次一個中年男人讓我座之後，我同佢同一個站落車，先發覺原來佢係拖住隻腳行架。見到之後十萬個唔好意思
更加覺得其他後生o既真係........
發表於 
我見過一次坐巴士 , 有個優先坐既伯伯起身讓坐比人坐 , 可惜無人讓返比個伯伯坐羅.
返回列表
