嬰兒食譜

跳至

首頁
1

尾頁
   1


別墅

積分: 933


發表於 04-3-30 11:15 |顯示全部帖子

煲粥仔用甚麼煲最好?

係唔係用細個的電子瓦撐用來煲粥最方便又唔使睇火呀?的粥仔又會綿的同無咁熱氣? bb第一個星期食粥,係咪只落南瓜,bb幾大先可以落肉,魚同菜? 請多多指教!


禁止訪問

積分: 4238


發表於 04-3-30 14:31 |顯示全部帖子

Re: 煲粥仔用甚麼煲最好?

提示: 作者被禁止或刪除 內容自動屏蔽


禁止訪問

積分: 1163


發表於 04-3-30 15:23 |顯示全部帖子

Re: 煲粥仔用甚麼煲最好?

提示: 作者被禁止或刪除 內容自動屏蔽


別墅

積分: 610


發表於 04-3-30 16:32 |顯示全部帖子

Re: 煲粥仔用甚麼煲最好?

我用過電飯煲, 真空煲, 電子燉盅. 但最後買咗個用細細個既電子瓦撐. 因為唔駛睇火, 又唔怕滾哂出嚟. 小小哋唔駛煮咁多, 食唔哂.

唔好日日食南瓜呀. 南瓜同紅蘿蔔一樣, 唔可以日日食, 唔係bb會吸收太多胡蘿蔔素, 會面黃. 一星期一至兩次好啦.


別墅

積分: 933


發表於 04-3-30 16:45 |顯示全部帖子

Re: 煲粥仔用甚麼煲最好?

多謝晒咁多位媽咪意見呀,因為平時只得工人同bb在家,我個工人又好大頭蝦,試過幾次唔記得熄火,煲"火農"晒的食物之餘,仲好危險,所以我想我都係叫佢用電子瓦撐會安全的.

RuiRui, 如果唔好日日食南瓜,咁仲可以落的甚麼材料俾初吃粥仔既bb呀?唔該教下我啦,因為我個bb樽裝的bb food 同juice一的都唔鍾意! :-(


別墅

積分: 610


發表於 04-3-30 17:06 |顯示全部帖子

Re: 煲粥仔用甚麼煲最好?

我都係因為要個工人煲粥先要揾啲又簡單又安全既方法.
我俾好多料, 因為怕粥仔唔夠糊仔咁有營養. 我會落菜 (如菠菜葉, 節瓜, 露荀, 紅蘿蔔, 菜心葉, 蕃薯), 豆腐, 魚 (如三文魚), 蛋黃 (初初只係1/4隻), 牛肉, 豬瘦肉, 紅扁豆, 等等. 緊係唔係全部都落哂, 左搭搭, 右搭搭.


別墅

積分: 677


發表於 04-3-30 17:48 |顯示全部帖子

Re: 煲粥仔用甚麼煲最好?

電子瓦撐係邊隻牌子,咁落水係咪少過用火煲.


別墅

積分: 567


發表於 04-3-30 19:34 |顯示全部帖子

Re: 煲粥仔用甚麼煲最好?

RuiRui

請問係唔係磨茸後才煲粥呢??

題外話, 請問幾時由食糊仔轉食粥仔呢? 仔仔現在就黎六個月大, thx


伯爵府

積分: 18452


發表於 04-3-30 21:21 |顯示全部帖子

Re: 煲粥仔用甚麼煲最好?

我用緊電飲煲(細)來煲粥仔給bb食。
世間最美妙的事情,就是擁有一個溫馨的家庭。我們可自然從容地回到家中,無拘無束地被家庭接納為其中的成員。 ;-) (維斯各特)


別墅

積分: 610


發表於 04-3-30 22:12 |顯示全部帖子

Re: 煲粥仔用甚麼煲最好?

最初我將所有材料啄碎,係好碎。好似整肉餅咁. 亞B肯食就俾佢食,唔肯就食味算了。開始時可能唔習慣,現在佢可以咬野,咪切細粒。 太稀可以加糊仔, 咁重有營養。我唸無話最好時侯, 只要亞B適應咪得。 我先係兩餐糊仔。習慣之后就一餐糊仔, 一餐粥。現在兩餐粥了。再者我亞仔係大碼BB, 我唔想佢太肥,所以咪8個月左右巳食兩餐粥。


別墅

積分: 567


發表於 04-3-31 01:04 |顯示全部帖子

Re: 煲粥仔用甚麼煲最好?

RuiRui

咁你bb食兩餐糊仔 , 一餐粥仔....咁一日飲幾多餐奶同幾多安奶呀?? 唔好意思, 咁多野問


別墅

積分: 610


發表於 04-3-31 10:07 |顯示全部帖子

Re: 煲粥仔用甚麼煲最好?

唔緊要, 我都係新手, 都要成日問人.
我亞仔一日有五餐. 現在午餐同晚餐都食粥仔. 之前係午餐食糊仔, 晚餐食粥仔. 其餘一日三餐奶 (起身, 下午茶, 睡前). 所以我叫工人用多少少水煲粥, 咁可以加啲糊仔落啲粥度.
早餐支奶大約8oz, 餓足一晚喎.
下午茶就5.5oz, 怕佢太飽唔肯食晚餐
睡前都係5.5oz, 因為食完粥無幾耐, 太飽瞓覺唔係幾好.
記住個個bb都唔同, 呢個時間表未必適合你亞B. 况且我亞仔係"大肥仔", 姑娘話食少啲都唔緊要.


別墅

積分: 567


發表於 04-3-31 20:26 |顯示全部帖子

Re: 煲粥仔用甚麼煲最好?

RuiRui , thx....u are so nice!!

咁你地d 糊仔有冇加baby food 架?? thx


別墅

積分: 610


發表於 04-3-31 22:10 |顯示全部帖子

Re: 煲粥仔用甚麼煲最好?

ctf1029: 我隻電子瓦撐係啲雜嘜牌, 百多蚊. 因為唸住用幾個月, 唔買咁貴. 用電子瓦撐唔駛落咁多水, 最初我會睇住啲水, 唔夠就加熱水. 煲幾次就預到份量. 從失敗中學習嘛.

hei_jai_bb: 我啲糊仔係無味既 (唔係奶米粉), 所以我會加其他材料和水去開. 如果蓉, 菜蓉等等.


大宅

積分: 1528


發表於 04-4-1 12:55 |顯示全部帖子

Re: 煲粥仔用甚麼煲最好?

Rui Rui:

請問蕃薯粥怎樣煲及有什麼好處。


別墅

積分: 610


發表於 04-4-1 14:11 |顯示全部帖子

Re: 煲粥仔用甚麼煲最好?

我只係將所有材料一開始就放哂落去煲. 懶呀嘛!
我將蕃薯切細細粒, 跟其他材料一齊煲, 煲完會焾哂. 蕃薯好甜同好香. 我亞囝好鐘意架. 蕃薯都有豐富胡蘿蔔素.


複式洋房

積分: 486


發表於 04-4-1 15:54 |顯示全部帖子

Re: 煲粥仔用甚麼煲最好?

Hello RuiRui,

嘩, 你真係識好多野呀. 我真係要向你學習下囉. 我個囡食極都唔肥架. 有咩辦法呢.


別墅

積分: 610


發表於 04-4-1 16:49 |顯示全部帖子

Re: 煲粥仔用甚麼煲最好?

你抬舉啦. 都係全靠我有個好好同事幫手, 我成日問佢野.
你亞囡肯食野但又唔肥咪好囉. 始終係女仔嘛.


民房

積分: 99


發表於 04-4-2 14:37 |顯示全部帖子

Re: 煲粥仔用甚麼煲最好?

RuiRui 寫道:
我都係因為要個工人煲粥先要揾啲又簡單又安全既方法.
我俾好多料, 因為怕粥仔唔夠糊仔咁有營養. 我會落菜 (如菠菜葉, 節瓜, 露荀, 紅蘿蔔, 菜心葉, 蕃薯), 豆腐, 魚 (如三文魚), 蛋黃 (初初只係1/4隻), 牛肉, 豬瘦肉, 紅扁豆, 等等. 緊係唔係全部都落哂, 左搭搭, 右搭搭.


hi RuiRui,
請問如粥仔加了蛋黃你還會再加肉嗎? 我曾睇bb雜誌話
加其中一樣便足夠,因蛋白質過高引起便秘。
所以之前都係落其中一樣,不過我囝囝現有16個月大了。

謝謝!


別墅

積分: 610


發表於 04-4-2 16:28 |顯示全部帖子

Re: 煲粥仔用甚麼煲最好?

展望b媽媽:

呢方面我唔係咁清楚. 因為我想啲粥好味啲, 所以落多啲料. 我只係俾1/4 至1/2 個蛋黃. 一星期只係食兩日蛋黃. 佢暫時未有便秘的問題. 如果佢啲臭臭比較硬, 我會比多啲生果同水俾佢.

首頁
1

尾頁

跳至