夫婦情感

跳至

首頁
1

尾頁
   0


大宅

積分: 3875


發表於 04-3-31 12:30 |顯示全部帖子

如果老公咁同妳講, 妳會點?


老公話: 以後唔駛妳應酬我屋企人, , 我以後又唔會應酬妳屋企人.

呢幾日我好唔開心, 好在老公要返工好夜先放工返黎, 我係佢返屋企前就上床訓, 避開唔想同佢講野. 佢可以好似冇發生過任何事咁, 平日都有打電話返屋企問下個女o既野, 但我此終都記住佢講過呢句說話, 唔想同佢講咁多野, 只係一問一答, 再無同佢講其他野.

有冇人可以俾 d 意見我, 我應該點呀?


複式洋房

積分: 201


發表於 04-3-31 12:33 |顯示全部帖子

Re: 如果老公咁同妳講, 妳會點?

WW,

你地係咪屬於"冷戰"緊呀? 咁等大家消消氣再傾啦!兩公婆床頭打交床尾和


象牙宮

積分: 203154

2019新春慶豚圓 2019勳章 HiPP勳章(1) 2018復活節勳章 15週年勳章 親子王國15週年勳章 親子王國15週年勳章 玩具勳章 畀面勳章 環保接龍勳章 大廚勳章 親子達人勳章 wyeth冷知識勳章 BK Milk勳章 hashtag影視迷勳章 育兒性格勳章 認識瑞士牛牛第一回 認識瑞士牛牛第二回 最關心BB問題熱投勳章 開心吸收勳章


發表於 04-3-31 12:33 |顯示全部帖子

Re: 如果老公咁同妳講, 妳會點?

如果我老公咁樣同我講,我會答"實在太好喇!",跟住佢要冷戰既話就由得佢。

不過我諗你o地先前應該係有野發生,所以你老公先咁樣講。


大宅

積分: 2331


發表於 04-3-31 12:51 |顯示全部帖子

Re: 如果老公咁同妳講, 妳會點?

曾幾何時, 我都同husband有呢個問題, 但後來有個朋友同我講佐以下既對話:

扶心自問, 每一個人都會對自己的屋企人偏心, 對husband/wife的family一定會無甘好, 唔多唔少一定有分別, 所以, 唯一的方法係, 任何人愛錫屋企人係應該的, 但方法人人會唔同, 所以請不要過問對方如何對待佢自己的family, 而他同樣不可以干涉你. 同時絕對不要批評佢d屋企人的對與錯.

自此之後, 我同husband從未在因為呢d問題而有爭執.

希望你和husband好快無事啦!

Grace


水晶宮

積分: 72442

2019新春慶豚圓 2019勳章


發表於 04-3-31 14:21 |顯示全部帖子

Re: 如果老公咁同妳講, 妳會點?

WW:
點解你老公會咁樣同你講既???你地係咪出現左d問題呀???
如果我老公咁樣同我講,我都會唔開心喇!!!
真係有問題既咪講清楚囉,如果唔係好影響兩夫妻的感情架,一日唔解決左佢,一日你都會把你老公個日講個句說話而唔開心,除非你好放得開,真係覺得唔使應酬佢屋企人,你又唔使應酬佢屋企人係ok既,咁就相安無事,但你唔開心已經表示左你唔係咁放得開,咁就有必要同你老公去解決呢個問題喇~
我都係架,我好鍾意我honey帶我見佢屋企人,亦都鍾意佢同我一齊出席我屋企人的活動
該用戶已被刪除

發表於 04-3-31 16:44 |顯示全部帖子

Re: 如果老公咁同妳講, 妳會點?

提示: 作者被禁止或刪除 內容自動屏蔽


王國長老

積分: 55182

2019新春慶豚圓 2019勳章 好媽媽勳章 王國長老


發表於 04-3-31 17:47 |顯示全部帖子

Re: 如果老公咁同妳講, 妳會點?

我相信你地之前一定發生左一啲嘢而你只係講個結果出嚟。係咪你之前好唔願意見佢屋企人又或者見完面又唔高興咁呢?其實有時我諗男人比我地女人無咁小氣,所以好少有女婿同外母唔啱反而掉轉婆媳之間既問題就代代都發生。所以如果老公對你屋企人好,你都嘗試下接受佢屋企人,我地由細到大都同自己父母相處慣,一定覺得無問題的,但另一半的父母係我地眼中就一定有所不是的,只是男人多數唔會好似我地咁出聲,怕煩丫嘛!如果佢開到口話以後互不應酬雙方父母的話,即是佢已經好不滿架喇!我奶奶有時都有D麻煩嘢的,但我好少係我老公面前complain的,因為我好錫我媽咪,將心比己我亦唔鍾意人話我媽咪的。


大宅

積分: 2807


發表於 04-3-31 19:04 |顯示全部帖子

Re: 如果老公咁同妳講, 妳會點?

我會點? 咪話「噢,好呀」囉。
laughin' to keep from cryin'


男爵府

積分: 5053


發表於 04-3-31 19:55 |顯示全部帖子

Re: 如果老公咁同妳講, 妳會點?

簡直求之不得呀!
直明月耀安
極星輝照長


民房

積分: 123


發表於 04-3-31 23:37 |顯示全部帖子

Re: 如果老公咁同妳講, 妳會點?

me too,正頭拍攔手掌!!


男爵府

積分: 6787


發表於 04-4-1 03:10 |顯示全部帖子

Re: 如果老公咁同妳講, 妳會點?

WW,
不要不快!
試想想你先生的優點!
當初你因何與他一起...
用愛包容他!


大宅

積分: 2707


發表於 04-4-1 14:41 |顯示全部帖子

Re: 如果老公咁同妳講, 妳會點?

唔洗理佢屋企,咩唔係仲好咩!
我而家都係我有我返娘家(因為佢返兼職),佢有佢返自己屋企(我就去做facial),我一d都唔覺得好有問題,唔洗再討論雙方父母的煩事,永遠都聽唔到佢屋企既冷嘲熱諷,我覺得同老公既感情仲好左呢!


子爵府

積分: 11510


發表於 04-4-1 15:25 |顯示全部帖子

Re: 如果老公咁同妳講, 妳會點?

prettywife 寫道:
WW,
不要不快!
試想想你先生的優點!
當初你因何與他一起...
用愛包容他!


我完全同意!
WW,講真你呢件事其實只係一件好細好細既小事嚟,無謂因大家一次失言/無心既晦氣說話而冷戰咁耐囉!人總有缺點架,有時我都係俾我老公激到噴哂火...但之後又點?事後我會响心度鬧完佢一輪之後,條氣順番啲,就會諗吓佢既優點...講真,佢無理由乜優點都無既,否則你都唔會要呢條友做你老公啦!貪浪'慢'咩!無女人會無啦啦嫁俾一個十惡不赦,係人見都佢都會嘔心既男人,你試諗吓你當初點被佢吸引,佢對你有幾好,幾粗魯粗線條既男人,總會有溫柔細心既一刻,你諗清楚啲,佢都只係因為覺得有壓力先至無心快語講埋啲小朋友既說話(咁係嘛,佢果句同小朋友不嬲講既:"我唔同佢地玩!"有乜分別啫???),有時女人就係咁,唔好以為未生仔女就唔駛湊仔!哩...你隔離咪有件大大個既細路仔要湊囉! 男人十個有九個半都係細路嚟,無女人咁識處理呢啲問題,番工就話叻過你啫,你叫佢點令你同佢亞媽'相愛',己經一嘢難到佢,細路仔遇到難題點做?咪避鬼咗佢發埋爛渣詐埋你嬌添!咪又係一樣!男人就係咁鬼白痴@! 明知自己衰咗都無勇氣面對甚至認錯,同細路仔一樣,以為第日扮哂無野亞媽唔提,咁就咩事都無!有時對男人係要用亞媽教仔方式去教! :-x

總之一句,原諒佢既幼稚吧啦!無謂放响心度搞到自己咁唔開心!佢扮無野,你咪扮無野囉!如果真係知道佢都想公平,想你鍚奶奶多啲啲,如果奶奶唔係太難接近既話,當做戲又好,直頭試吓接受去愛你奶奶都好,等你老公知你有在意佢既感受,你係鍚佢既,佢都會仿效你去學習愛鍚你多啲囉! 有時兩個人點對對方,都係雙互影响既,何不自己先做啱果邊先??女人係要用行為去點醒隻佬,你唔咁做,佢成舊豬油咁,郁都唔郁,你想佢自己變通?難LU~!


複式洋房

積分: 306


發表於 04-4-2 10:56 |顯示全部帖子

Re: 如果老公咁同妳講, 妳會點?

愛一個人要互相遷就 ... 其實一齊耐左,大家都會遺忘左呢個非常簡單既道理。唔好為左呢 d 咁小既事,傷左大家感情,你地仲有幾十年既路要一齊行!


珍珠宮

積分: 33190


發表於 04-4-2 11:28 |顯示全部帖子

Re: 如果老公咁同妳講, 妳會點?

ww,

我都試過啦, 1個星期後咪又咪一樣. 初初都會唔開心架, 久而久之就唔記得lu.

你老公可能係呻下, 唔駛咁介懷.


版主

積分: 52091

2019新春慶豚圓 好媽媽勳章 醒目開學勳章 畀面勳章 版主 大廚勳章 BK猜猜猜慶中秋 15週年勳章 親子王國15週年勳章 親子王國15週年勳章


發表於 04-4-2 13:33 |顯示全部帖子

Re: 如果老公咁同妳講, 妳會點?

大家都會偏袒自己屋企人架啦,一人讓一步,唔好冷戰咁耐喇!


複式洋房

積分: 263


發表於 04-4-2 18:33 |顯示全部帖子

Re: 如果老公咁同妳講, 妳會點?

我覺得兩夫妻唔好企咁硬,一人讓一步la,冷戰越耐,越影響大家感情,我覺得好多時鬧交會乜野說話都講得出,又好多時會好mind人地衝口而出既一句話,仲有好多時會其實自己後悔講既說話但又唔好意思開口,但係你諗下點解今日你會同你老公一齊,望下d相,諗下同佢開心既野,就會冇咁嬲


大宅

積分: 3875


發表於 04-4-3 10:14 |顯示全部帖子

Re: 如果老公咁同妳講, 妳會點?


多謝晒妳地o既意見呀, 我講左出黎, 又睇到你地o既意見, 個人舒服好多喇. :lol: :lol:


首頁
1

尾頁

跳至