家庭理財 今日: 2 | 主題: 46209

積分: 11405

好媽媽勳章

1^#

發表於 04-3-31 18:23 |只看該作者

買居屋好定私人樓好?

大家好!

我同老公打算出年年底買樓(o岩O岩完晒租約), 現有以下比較喜歡的屋苑:
(1) 帝后華庭 - 供會比較辛苦, 但都ok, 佢校網好(我地打算過2年要bb)同埋近老公返工. 樓齡新. 要200萬.
(2) 大圍富嘉花園 - 係居屋, 近我地父母屋企, 供就會好輕鬆, 會有多d$去下旅行, 投資咁. 樓齡十幾年. 100萬多d就得.

我地結左婚幾個月, 廿幾30歲, 月入都ok, 兩個加埋月入有3, 4萬元, 請問大家會如何選擇? (因為我地第一次買樓, 驚make錯decision.)

私人傳訊

SKW

積分: 734

2^#

發表於 04-3-31 19:45 |只看該作者

Re: 買居屋好定私人樓好?

加我是你, 我會買平D和大的樓, 供又平D, 因有細路會支出比以前多, 另一優點是近父母, BB出世行開行埋方便照顧

另外, 以我過來人, 我會買三房, 因將來有細路, 需要多地方 !

私人傳訊

hinhinmummy

侯爵府

積分: 21395

3^#

發表於 04-3-31 21:39 |只看該作者

Re: 買居屋好定私人樓好?

有d人鍾意住新樓, 私人樓, 因為靚同埋有club house.

我自己鍾意住舊樓, 因為地方大同見駛.

我自己依家住緊果度雖然不係好大, 但係可以間到3間房同埋每間房都有床, 衣櫃(5呎)同埋書檯.

自己覺得, 買樓最好買3房(如果有能力的話), 萬一將來多一件, 兩個小朋友不同性別, 始終要分開房的, 又或者你只會生一個, 但係依家d新樓d房甘細, 多一間愛黎做書房都好.

我會揀居屋, 因為平同埋地方會比私人樓見駛. 又近父母, 自己供都無供得甘幸苦, 依家就話利息低, 萬一幾年後利息上升, 甘供樓條數就會大左或者長左, 到時又有bb都幾係野.

供一個bb到成長, = 供一層樓, 你諗下要用幾多錢??

儲下錢先啦!

私人傳訊

mjzz

積分: 900

4^#

發表於 04-3-31 22:38 |只看該作者

Re: 買居屋好定私人樓好?

唔好介意直言.... 4萬家入係一般家入, 如果你們打算買樓, 先預一筆30%首期, 200萬 x 30% = 60萬, 攪裝修20萬唔少得, 仲要供呢 , 差餉地租, 管理同水電煤.....

我係過來人, 我明白一旦失業, 到時真係會出事, 所以你仲諗住之後有b, 我可以講, 你一定要準備好好~ 否則會有好多問題~

我們應該感恩神的話語令人清醒

私人傳訊

Mandy.Yip

積分: 714

5^#

發表於 04-3-31 23:30 |只看該作者

Re: 買居屋好定私人樓好?

我覺得如果負擔到, 始終都係私人樓保值d, 管理得好d(當然管理費都貴d). 但係你如果預計將來唔會換樓, 保值與否就變得無咁重要.

但係如果會供得吃力, 真係要三思, 尤其要bb之後, 你要預計當時可能要請工人, bb日常生活開支, 大d仲要學費等.

私人傳訊

hinhinmummy

侯爵府

積分: 21395

6^#

發表於 04-4-1 09:53 |只看該作者

Re: 買居屋好定私人樓好?

其實真係搵層自己負擔得起的, 我不駛供樓, 但係一個月的支出都要18000-19000度,

工人, 小朋友學費, 課外活動, 有時看醫生, 看幾次已經成千元, 還有差餉, 水, 電, 媒, 管理費, 一個父母生日, 奶奶老爺生日, 又一筆.

要預埋呢d, 不好只計搵40000, 供樓可以比10000黎計.

你試下, 由依家開始, 將屋企的開支, 記錄下來, 看下平均每個月要用幾多錢, 然之後有幾多係多餘的錢可以用來供樓, 再看下自己可以負擔幾多錢樓價的樓.

私人傳訊

charlene

積分: 1152

7^#

發表於 04-4-1 10:52 |只看該作者

Re: 買居屋好定私人樓好?

hinhinmummy 和 mjzz 講的都好正確:
"你要先預一筆30%首期, 裝修,差餉地租, 管理費,水電煤.....

由依家開始, 將屋企的開支, 記錄下來, 看下平均每個月要用幾多錢, 然之後有幾多係多餘的錢可以用來供樓, 再看下自己可以負擔幾多錢樓價的樓."

另外補充一點,最好唔好用得咁盡,盡量預留起碼3個月的流動現金,係足夠起碼的生活開支(水電煤,管理費,基本膳食,交通...等等)和供樓的.萬一大吉利是,失起業上黎,都有儲備,唔駛荒失失.專家教係要預留9個月的生活費.不過我覺得比較難.3個月係起碼要做到的.今時今日,真係失業的話,隨時唔止3個月.

計完哂條數,如果負擔到的話,我會揀私人和新樓. 舊樓會有很多的問題,而且居屋的管理....

條數係咪好甘呢?....

:-P

私人傳訊

sara

積分: 2734

8^#

發表於 04-4-1 14:16 |只看該作者

Re: 買居屋好定私人樓好?

如果唔要細路,供新樓緊係好d,但係有左細路開支好多!而家d人40歲已經好易無野做,唔儲番一筆真係唔得!
我二十幾歲時你問我搵4萬蚊供層200萬既樓,我會覺得無問題,因為那時諗住遲d會有機會換層新d大d既樓,遲d份工會加人工,所以無問題;但係如果而家問我,我就一定唔會,因為會令你儲唔到太多錢,而且人工唔係年年加,仲唔係太穩定呢!
另外,我覺得儲備最少要有半年!
如果俾我,我都覺得大d好d,因為有左細路之後地方真係唔見洗!
如果住既支出佔人工的25%以下就好了!

私人傳訊

Mummy

男爵府

積分: 5872

9^#

發表於 04-4-1 16:39 |只看該作者

Re: 買居屋好定私人樓好?

睇你而家既情況, 兩個廿零三十歲, 月入約4萬, 兩年後要BB, 我建議你暫時唔好計自己份人工, 單靠你老公份人工頂唔頂得住先。除非你手上舊錢幾大, 可以十年內供甩層樓, 如果供廿年的話, 真係唔好預女人做野既能力可以去到50歲。

我唔係話自己唔使做野就覺得人地都唔使做, 絕對唔係咁既意思, 我意思係, 一個女人出來工作既 "壽命" 其實唔係好長, 頂多做到30多歲, 仲有, 到你有BB時, 家庭角色自然重左, 例如BB病左, 帶BB睇醫生既責任通常都落在媽咪身上, 就係咁樣, 比人lay off既機會又大左, 萬一, 做女人既真係冇人請既時候, 話係咪要剩係睇老公既收入足唔足夠維持開支?

雖然人人都想有個安樂窩, 如果一個窩唔能夠比到自己同家人安樂的話, 就會係一個包袱, 我諗暫時都係再租住樓先比較穩陣, 一來可以儲多d彈藥, 二來我覺得而家個樓市並不是入市好時機, 三來, 而家兩個人鐘意住邊度都得, 唔需要太早有個包袱箍住自己, 最後係有左BB生左先諗, 到時仲要考慮埋校網問題, 所以大圍果個居屋, 其實唔好咁急諗住買, 雖然係平, 但可能買左之後你又後悔校網唔夠好。

美甲達人俱樂部私家BlogHERE

Judy's Nail 美甲相集HERE

Judy's Nail Web PageHERE

私人傳訊

charlene

積分: 1152

10^#

發表於 04-4-1 17:24 |只看該作者

Re: 買居屋好定私人樓好?

係呀,如果你打算兩年後要BB,暫時唔好計自己份人工, 單靠你老公份人工都供得起層樓,自己個份只是用來幫補吓,咁就 very good 啦. 因為生完隨時會唔做或無得做.
另外如果你係要BB又好計較校網的話,咁呢個絶對係一個問題.到你揹住層樓才去諗就好麻煩.
如果你有睇過”窮爸爸富爸爸”這本書,你會明白買樓其實係一個負債(支出)而不是資產直至你供完為止.
不過,人人都會嚮往有一個安樂窩.你倆慢慢諗清楚應該點做吧.

私人傳訊

積分: 11405

好媽媽勳章

11^#

發表於 04-4-1 21:54 |只看該作者

Re: 買居屋好定私人樓好?

嘩!!!!好彩入黎問下喳.....原來供樓加bb係一筆天文數字.....真係要多謝大家!!

唔......我諗穩陣d都係買大圍居屋好d.....其實我都有d擔心如果有bb, 可能無左份工(或者辭工自己湊)!

再諗校網問題, 我今日問朋友, 佢住沙田, 囡囡都入到九龍塘讀幼稚園.....我諗住大圍都收o卦?????

私人傳訊

遙遙爸爸

伯爵府

積分: 15074

12^#

發表於 04-4-1 22:56 |只看該作者

Re: 買居屋好定私人樓好?

大圍幾好住架, 富嘉好方便, 馬鐡又就黎通車, 將來仲可以坐火車過海! 有樣野要考慮, 將來火車站上蓋好多新物業, 富嘉就開始舊, 升值能力有限.

私人傳訊

積分: 11405

好媽媽勳章

13^#

發表於 04-4-2 12:27 |只看該作者

Re: 買居屋好定私人樓好?

謝謝你, 遙遙爸爸, 我地......真係無諗過呢個問題 (弊傢伙!!!).

私人傳訊

多記

洋房

積分: 194

14^#

發表於 04-4-5 10:05 |只看該作者

Re: 買居屋好定私人樓好?

阿早,
i have the same situtation with you. the family income is almost the same and my husband's income is not stable too.(coz his company always lay-off!). we want to have BB as the end of this yr. we also consider whether we buy private estate or 居屋. but we decided to buy a 3-bedrm居屋.because we have no ability to have a 3-bedrm private estate. we also want to have more money to invest. until now, we know our decision is right cause there are some business opportunities for us and we have some money in hand to invest. but if we own a private flat. we always intent to finish the mortatge so as to release our stress. as we are still young, we better to have more money for invest or other purpose. it is my opinion.

私人傳訊

mak

積分: 1375

15^#

發表於 04-4-6 12:02 |只看該作者

Re: 買居屋好定私人樓好?

it's not a problem....Tai wai is good & u are not
buy for sale.....is it?

私人傳訊

積分: 11405

好媽媽勳章

16^#

發表於 04-4-6 18:30 |只看該作者

Re: 買居屋好定私人樓好?

大家有無去睇過樓呀?????? 我噙日去睇一個大圍富嘉盤, 睇完既comment係..........唔想買!
我睇個盤五百幾呎, 間屋內籠爛溶溶, 仲要開價145萬呀!!!! 如果要六百幾呎3房開價180萬.....
跟住同老公去睇欣廷軒, 係新地樓, 2年咋, 好靚好靚, 不過問價最低消費180萬(銀行估價都係一百六十幾萬), 都係五百幾呎..........個市係咪痴左線?
同同事講開, 佢地個個都話而家買就傻o勒, 不如等埋10月美國大選先啦, 到時分分鍾七國咁亂, 個市頂唔住會趺翻落o黎喎!

有無人都睇過下樓呀?

私人傳訊

LFC

積分: 635

17^#

發表於 04-4-6 21:25 |只看該作者

Re: 買居屋好定私人樓好?

阿早! 寫道:
大家有無去睇過樓呀?????? 我噙日去睇一個大圍富嘉盤, 睇完既comment係..........唔想買!
我睇個盤五百幾呎, 間屋內籠爛溶溶, 仲要開價145萬呀!!!! 如果要六百幾呎3房開價180萬.....
跟住同老公去睇欣廷軒, 係新地樓, 2年咋, 好靚好靚, 不過問價最低消費180萬(銀行估價都係一百六十幾萬), 都係五百幾呎..........個市係咪痴左線?
同同事講開, 佢地個個都話而家買就傻o勒, 不如等埋10月美國大選先啦, 到時分分鍾七國咁亂, 個市頂唔住會趺翻落o黎喎!

有無人都睇過下樓呀?

阿早,

富麗係否近舊單車公園果頭??
$140萬2房!!! 叫人唔好買冇分別

私人傳訊

Fatty