少年成長

跳至

首頁
1

尾頁
   0


侯爵府

積分: 21910

2019新春慶豚圓 2019勳章 好媽媽勳章


發表於 04-4-3 16:27 |顯示全部帖子

我個阿仔既班主任係咪有問題 ? -- 今日見老師收評估表 !

我個仔panpan 由上年九月開始入讀將軍澳區某幼稚園, 一直以來久唔久都聽見班主任話panpan 比其他家長投訴, 原因係panpan手多多攪小朋友, 拉手拉腳果類, 一直我都係聽完就回家教panpan 唔好攪小朋友, 上課乖一d 安靜一d.

有一次, 我又問班主任panpan 近況, 佢話有一個家長投訴panpan(但原因我忘了,都係一d 少事), 果個小朋友就懶係一個正義朋友, 幫老師維持秩序, 有次我觀課睇住佢同另一個小朋友掙執, 繼而推個小朋友落地.

依個正義朋友回家同媽媽講話panpan 點點點, 媽媽問佢做咩唔第一時間話比老師聽, 正義朋友答怕老師辛苦教小朋友所以唔講出來,
媽媽聽完回來講比老師知, 老師又再講比我知.
咁當中究竟panpan 有幾錯冇人知, 而家老師只知正義朋友係乖仔.

近來panpan 成日都話唔返學, 個個小朋友都唔鐘意同佢玩, 我問佢好多野, 亦估計只係同組既女同學唔同佢玩(因為panpan 好鐘意同女仔玩),
我解釋佢知: 若小朋友唔鐘意panpan 唔緊要, 家裡好多人鐘意panpan, 而且返學係開開心心學習, 你乖乖地唔好攪小朋友, 咁d小朋友就會慢慢咁同你玩.
panpan 話講過比老師知小朋友唔同佢玩唔鐘意佢, 老師只答panpan : 小朋友係咁ga la,
咁就了事.

今日我又走去問老師, 又係話家長投訴panpan, 拉手拉腳之類, 我亦都話佢知panpan 連發開口夢都話唔開心, 唔知自己有咩唔乖.
阿老師就話我同老公太維護panpan, panpan 只係講返學唔開心, 我地就好緊張咁走去問, 其實係好平常冇咩特別.
我話我比個仔返學當然想佢開開心心, 佢唔開心我當然要走來了解清楚.
阿老師話 : 咁其他小朋友來學校都係想開開心心, 但係若有個小朋友成日另其他小朋友唔開心, 咁又對佢地公平咩.

當堂講到我慶, 我問 : 咁panpan 情況如果係咁差, 佢需唔需要轉校 or 轉班.
阿老師又話 : 唔使, 唔使. 佢都係社交能力比較差, 慢慢大個d 升左班就會好轉.

總括來講我覺得老師心態---> d 家長成鬼日走來話panpan 攪佢地d 仔女, 每次老師又要講一大輪比家長知,panpan 好較活躍, 可能每個week 都要講兩三次, 佢有d 煩, & maybe 佢又怕d 家長覺得佢教導能力有問題, 所以張所有野推在panpan 頭上.

咁你地又覺得, 依個老師如何?


My name is Phoebe 我用手機上BK , 麻煩唔好點評問我野哦


男爵府

積分: 9827


發表於 04-4-3 23:19 |顯示全部帖子

Re: 我個阿仔既班主任係咪有問題 ?

睇完.......不過都無乜結論...........有啲唔明?!heheeeeeee

你係唔係以前係chat room.......唔記得個網係乜名...........
我係mm呀.........你記唔記得呀!係唔係你呀!!!!!
因我覺得你個仔個名同你個名都好熟~~~~~~~~~
heheeeeeeee


侯爵府

積分: 21910

2019新春慶豚圓 2019勳章 好媽媽勳章


發表於 04-4-4 00:00 |顯示全部帖子

Re: 我個阿仔既班主任係咪有問題 ?

hinhei,
我咪係apple 囉, phoebe 囉, hehehee.
我緊係寫得好複習, 所以有人睇得你回應, 仲係話唔明我講咩..hehheeee.

你近來點呀 ? 我又搬左住啦, 不過今次係買新樓, 都係將軍澳呀.
你個小b 都好大個囉. 大b 乖好多嗎?
我個panpan 成日叫我生個妹比佢, 佢講得好易, 好似生瘡咁
My name is Phoebe 我用手機上BK , 麻煩唔好點評問我野哦


別墅

積分: 622


發表於 04-4-4 23:38 |顯示全部帖子

Re: 我個阿仔既班主任係咪有問題 ?

apple,

我係 kingmama ar, 記得嗎?? 最近點啊? so miss you!! hehe

如果是我, 就會試下比佢轉校, 換下新環境 panpan 可能會開心d, 成日比老師話 佢會知&唔開心.

話時話生個妹比佢 等佢學下同同伴相處, 我想這不是一件好事ar d獨生子性格可以改善吓ar :idea: :idea:

我個"得意" 越來越難搞!! :-o :-o :-o :-o


侯爵府

積分: 21910

2019新春慶豚圓 2019勳章 好媽媽勳章


發表於 04-4-5 12:41 |顯示全部帖子

Re: 我個阿仔既班主任係咪有問題 ?

Hi Polly,
好耐冇見啦, 係咪仲教緊書呀?
King 仔有冇肥d 呢?

panpan 而家讀緊間校學係幾好, 只不過我覺得個老師好偏見, 雖則panpan 就真係好曳, 唔聽指導, 每每都要講上三四次先會聽, 但我絕對唔相信全班 or 老師教學以來panpan 係唯一一個"麻煩小朋友".

轉校我都有想過, 但係正如我地返工咁, 間間公司都有d 衰上司衰同事, 唔通每次遇到都轉工咩?
而且返到七月都放暑假升中班, 到時換班主任希望會好d 啦.

我成日都教panpan 在學校乖乖地, 唔好激老師, 有時panpan 會話 : 我知ga la, 你仲成日講.
所以我覺得其實佢個弱少心靈已經比我地傷害到.
有時佢都會話: 我最鐘意比人罵, 最鐘意人地唔同我玩.
我估就係佢唔開心所以唱返調.

生多個.. 我都想..但點樣點教??? 而家教佢一個都另到我兩公婆頭都爆,
所以panpan 一講要個妹, 我就話你成日唔聽我話, 到時阿妹又唔聽我話, 咁我咪好激氣囉.
My name is Phoebe 我用手機上BK , 麻煩唔好點評問我野哦


複式洋房

積分: 201


發表於 04-4-7 15:27 |顯示全部帖子

Re: 我個阿仔既班主任係咪有問題 ?

phoebepanpan,

我明白你講乜,因為我仔仔也曾這樣

其實好簡單,你仔可能係太好動,坐唔定,成日要撩人玩,咁其他小朋友唔鐘意就會投訴俾班主任或父母聽,如果小事咪唔通知你囉,不過個老師處理上做得唔係咁好又係真既,佢應該將panpan既實則問題同你講解一次, 等你了解個仔平日係班房既情況 , 又解釋一下其他小朋友對panpan既情況

個老師有樣野講得岩, 等panpan大的會有改善, 急都急唔黎, 不過我好明白同學仔唔接受佢, 老師又做得唔好, 會令家長好難受架, 我都試過, 所以我一方面教導仔仔返學要定的, 乖的, 另一方面加強同老師溝通, 係的節慶日子, 例如:生日會/聖誕聯歡...等等, 我會特別整的食物或買的糖果呀咁, 請小朋友同老師食, 久而久之情況會有輕微改善, 最快係的同學仔, 因小朋友好簡單, 有得食有得玩就有朋友做


侯爵府

積分: 21910

2019新春慶豚圓 2019勳章 好媽媽勳章


發表於 04-4-7 20:34 |顯示全部帖子

Re: 我個阿仔既班主任係咪有問題 ?

timtim-mame,

多謝你明我講咩呀. hehheee.
據我了解, 係d 女同學唔鍾意同panpan 玩,
其實我發現佢唔開心已經幾個月了.
係由佢轉組開始的, 因學校每半年轉一次組等d 小朋友互相了解學習.
maybe 佢果組d 女仔比較"串", 而panpan 又真係多手多腳d. 因平日在家得佢一個小朋友. 所以佢返學同同學玩就唔太識點樣相處.

依幾日假期我好多時都同佢傾計, 叫佢唔好掛住同d 女仔玩, 同下男仔玩. 因為panpan 都話佢一返學個個小朋友都叫佢個名同佢打招呼.

我老公一早都話老師好有問題, 我個心仲話老公懶緊張.
老師都講, 成日要口話話咁叫住panpan 安定d, 唔好曳.
講真呀, 我地大人比人不停口咁叫住煩都煩死啦.
更何況小朋友.

希望快d 過埋七月升班,
My name is Phoebe 我用手機上BK , 麻煩唔好點評問我野哦


大宅

積分: 1243


發表於 04-4-9 17:28 |顯示全部帖子

Re: 我個阿仔既班主任係咪有問題 ?

hello pheobe,

仲有3個月左右就可以升班,希望到時彬彬可以遇到個有愛心既班主任啦,你唔好咁唔開心啦!

今年暑假你地會去邊處旅行呀?
raindrop


侯爵府

積分: 21910

2019新春慶豚圓 2019勳章 好媽媽勳章


發表於 04-4-9 18:33 |顯示全部帖子

Re: 我個阿仔既班主任係咪有問題 ?

Hi Kit,
好耐冇見啦. 星雨近來點呀?
而家唯有keep 住panpan 返學既情況囉.
我下個月去日本自由行呀, 有冇tips 比我呀.
我而家好頭痕d 坐車問題呀.
My name is Phoebe 我用手機上BK , 麻煩唔好點評問我野哦


大宅

積分: 1243


發表於 04-4-9 18:48 |顯示全部帖子

Re: 我個阿仔既班主任係咪有問題 ?

hi phoebe,

星雨較好彩,佢學校既老師大部份都好鍾意佢!可能佢個名容易記,佢地成日星雨前星雨後咁叫佢,其他家長都識得佢。至於同學仔,佢最鍾意既兩個同學都係女仔黎!

我上次去日本係自由行,不過係果d去過好多次既同事plan行程,唔駛自己煩!你今次係去日本邊處呀?

日本坐車6歲以下免費bor!
raindrop


侯爵府

積分: 21910

2019新春慶豚圓 2019勳章 好媽媽勳章


發表於 04-4-9 19:22 |顯示全部帖子

Re: 我個阿仔既班主任係咪有問題 ?

我仲以為panpan 要買票tim, 慳返囉...hehee
我去八日七夜東京呀, 最遠去到disney, 八景島, 而家想去埋富士急, 仲研究緊..好煩.
My name is Phoebe 我用手機上BK , 麻煩唔好點評問我野哦


侯爵府

積分: 21910

2019新春慶豚圓 2019勳章 好媽媽勳章


發表於 04-4-16 22:44 |顯示全部帖子

Re: 我個阿仔既班主任係咪有問題 ? -- 今日見老師收伻估表 !

今日由我老公去見老師, 昨晚我地都傾過, 今日見老師既題目,
講真, 我極之不滿依位老師對待panpan 既做法.
但諗深一層, 我冇打算轉校, 七月又放暑期九月升班.
所以我叫老公講少句, 淨係話比個老師知, 我地由12月開始就發現panpan成日話唔返學,脾氣亦變差.
想等佢關注下.

前日放學回來, 我媽發現panpan鼻樑位有少少血痕(指甲痕), panpan話係比兩個小朋友整到. 到我再問panpan 點樣整到, 有冇講比老師知.
panpan 答我 : 我又攪下同學. 佢地又攪下我所以整親.
我問點解唔講比老師知, 係咪怕老師話你講大話,
panpan 話係!

今日我老公講左依件指甲痕事件比老師知, 老師再當面問panpan 一次, 又話依樣又話果樣. 總之講完一輪都似乎唔相信同學整到panpan.

跟住另一個話題...經典囉...
老師easter 去馬來西亞旅行, 回來講比學生知, panpan聽到即刻話自己都去過馬來西亞.
老師當時仲問panpan 講真定講假(老師當panpan 吹水)
頭先老師問我老公panpan係咪真係去過馬來西亞(擺明諗住panpan講大話)

個老師講完, 我同老公聽完直頭心死, 唔會再對依個老師有咩祈望.....

我媽同我妹仲好笑..話我老公做咩當時唔即刻罵個老師, panpan 講既野唔通全部都係大話. 到底佢識唔識教小朋友!!!!


My name is Phoebe 我用手機上BK , 麻煩唔好點評問我野哦


大宅

積分: 2307


發表於 04-4-19 13:19 |顯示全部帖子

Re: 我個阿仔既班主任係咪有問題 ? -- 今日見老師收評估表 !

Hi, phoebepanpan ,

PanPan最近好d吗?还有说不想上学之类的话吗?我觉得你和你丈夫都是很细心的人,同意转校不是最好的选择,你们的关怀一定可以大大地削弱panpan 的困扰,就当这一年是panpan对挫败的考验吧!

PanPan的老师会否眼红anPan比他早到过马来西亚呢?(开玩笑)

cheers


侯爵府

積分: 21910

2019新春慶豚圓 2019勳章 好媽媽勳章


發表於 04-4-19 15:48 |顯示全部帖子

Re: 我個阿仔既班主任係咪有問題 ? -- 今日見老師收評估表 !

蜻蜓,
我地問親panpan 都仲係話冇同學鐘意佢,
我地唯有叫佢安安靜靜唔好攪同學, 小朋友自然會同你玩.
希望平平安安咁過埋七月.

拎評估表果日個老師, 我老公亦講個老師知除左去過馬來西亞之外, korea 都去過滑雪,
咁老師就叫panpan 拎d 相返去同同學分享.
今日已經拎左d相返去, 等個老師唔好以為只有自己個bb 去過旅行.
My name is Phoebe 我用手機上BK , 麻煩唔好點評問我野哦


別墅

積分: 818


發表於 04-4-23 00:34 |顯示全部帖子

Re: 我個阿仔既班主任係咪有問題 ? -- 今日見老師收評估表 !

Hi, Phoebepanpan,

No wonder you are not in the good mood. If panpan likes to play with a giril, I cam bring Alison over to your place this weekend.

Polly> Long time no see, how's King now??


大宅

積分: 2678


發表於 04-5-3 20:22 |顯示全部帖子

Re: 我個阿仔既班主任係咪有問題 ? -- 今日見老師收評估表 !

我仔仔兩歲時讀過4個月幼兒園,當時班主任和主任都時時投訴我個仔,我都以為佢好洩,之後學校連我工人都投訴,個仔好唔喜歡返學,見到陌生人變得好無禮貌,唔叫人,好驚人,工人話其他小朋友也常常遇投訴,有媽咪因此哭,最後我


大宅

積分: 2807


發表於 04-5-4 18:17 |顯示全部帖子

Re: 我個阿仔既班主任係咪有問題 ? -- 今日見老師收評估表 !

個人覺得involve大人會唔會令事情更複雜呢?d老師向家長投訴,又想家長點做呢?

從小朋友角度睇,會唔會係變左可以利用家長control老師呢?

對不起,我純粹係依兒童心理學書直說,有理論無實際。
laughin' to keep from cryin'


大宅

積分: 2174


發表於 04-5-6 00:59 |顯示全部帖子

Re: 我個阿仔既班主任係咪有問題 ? -- 今日見老師收評估表 !

I think the teacher is inexperienced or doesn't know how to handle the child.
I had a similar experience, the teacher in the previous school of my son also complained about him like hitting classmates, not paying attention, not initiative etc. from time to time. I asked in my heart what could I do at home excepting nagging him if you could do nothing at school?
The school he attends now is much much better. My son is still naughty. But the teachers are very experienced and handle him nicely.
Once my son told me he played water and messed up with the toys at school himself, when I started to talk about what is right and wrong, he said, " OK la, teacher has already talked to me, I understand la."
The teachers seldom complain, they only tell me about my son's naughtiness if I ask them myself, and they reassure me that they will help him and teach him how to play with and join the other classmates.
And I can tell you that my son improves everyday, now he tells me that he likes his classmates very much.


侯爵府

積分: 21910

2019新春慶豚圓 2019勳章 好媽媽勳章


發表於 04-5-6 13:17 |顯示全部帖子

Re: 我個阿仔既班主任係咪有問題 ? -- 今日見老師收評估表 !

zimba,

Agree with u {The teacher is inexperienced or doesn't know how to handle the child}.
My name is Phoebe 我用手機上BK , 麻煩唔好點評問我野哦

首頁
1

尾頁

跳至
熱門主題