夫婦情感

跳至

首頁
1

尾頁
   0


男爵府

積分: 7469


發表於 04-4-6 17:46 |顯示全部帖子

朋友check老公手電,被他發覺......

我朋友和他老公之前發生一些小問題,近兩日我朋友check他手電,覺得有一個電話有可疑。今日我朋友喺公司打咗兩次這個電話(是手提號碼),沒有人接聽。一小時後,他老公打電話給我朋友,話我朋友好唔專重他.......
點解他老公會知道我朋友打電話給這個人?有時有人打錯電話或電訊公司銀行.....等打電話來都唔出奇,但這個人無接聽電話又知道是我朋友打來。
現在都不知這個人是男/女是甚麼人,我猜這個人是否他老公同事,而咁啱他老公楂住這個人的電話而看見來電顯示。
你們對這件事有甚麽意見


珍珠宮

積分: 34779


發表於 04-4-6 17:52 |顯示全部帖子

Re: 朋友check老公手電,被他發覺......

點解你朋友打之前唔禁133?!
老公緊係睇到個電話no.認得係你朋友公司電話la!~


伯爵府

積分: 17548


發表於 04-4-7 11:50 |顯示全部帖子

Re: 朋友check老公手電,被他發覺......

1.是坦白,老實說,去解决他们之間的問題。

2.是死口不認,叫他拿証據出來,不過關係可能會變懷。
Pet Society Email : [email protected]
Login Name : Wensi
Pet Name : Sweet


水晶宮

積分: 72404

2019新春慶豚圓 2019勳章


發表於 04-4-7 19:11 |顯示全部帖子

Re: 朋友check老公手電,被他發覺......

實在有太多疑問喇~好難比意見你~
只有係叫你朋友問清楚佢老公,不過,你朋友未問過佢老公就打電話比個個人,實在係一個好唔明智的做法,依架有痛腳比人揸住,仲比佢老公反咬佢一口,係咪蠢左呢???


子爵府

積分: 11510


發表於 04-4-8 00:12 |顯示全部帖子

Re: 朋友check老公手電,被他發覺......

嘩~!你同我老友嗰單嘢差唔多一樣~~~!!!

事緣我朋友今日上過bk度睇咗個topic,係討論老公睇咸網一事,原本我老友都覺得男人睇咸碟/網係好正常既事,都可以接受到,但係佢就話佢男友唔止睇呢啲嘢,仲睇埋啲'一樓一鳳'既色情網頁,我老友本身都有check開(當然係偷偷地架啦)佢男友部腦(icq)同手提電話,點知就俾佢發現隻佬噚日打咗個不尋常電話,因為剩得呢個電話係有打'133'(即係無來電顯示),咁我老友就靜靜雞抄低個電話,然後自己打去聽吓係邊個嚟,點知打去就有個女人聲聽,咁我老友就專登問電話裡面個女人:"呢度係咪請人呀?"個女人聲即刻'流'口答:"...吓...係卦..."然後我老友就收線,我老友就懷疑自己隻佬真係走去一樓鳳度'嗌外賣',但又唔肯定,咁佢今朝專登當住隻佬面前扮'禁'錯隻佬電話,然後扮傻問隻佬:"咦?呢個咩電話嚟架?點解要打'133'先既???"隻佬就答佢話唔記得係咩電話,咁我朋友更係唔信啦:"噚日打過既電話,今日己經唔記得咗喇???係咪呀?"佢隻佬仍然都係話唔記得,跟住我老友就'幫佢打圓場':"係咪見工既電話嚟(佢隻佬依家搵緊工)?"跟住佢隻佬就答得好勉強:"...係卦..!!!" 跟住我老友就耿耿於懷,覺得隻佬唔坦白有野暪住佢,但苦無証據...跟住佢今日同我呻,又話佢隻佬之前已經係有啲問題,佢地同居,用同一部電腦,但分開唔同window(XP 係可以分幾個登入名稱),我老友只可以開佢自己嗰個,但佢隻佬就好mind亦唔准許我老友登入佢嗰邊睇佢啲file,有次我老友偷偷地登入隻佬嗰邊,開隻佬啲file嚟睇,但被隻佬入房揭發咗,隻佬即刻好大反應咁大聲喝我老友:"喂!你做乜睇我部腦?"我老友都差啲俾佢嚇親,因為知隻佬好mind我老友check佢,所以我老友就勁兜,轉移話題叉開嚟講:"你駛唔駛咁大聲喝我呀...(下刪數十句)"跟住我老友先至無繼續被質問,但我老友又嬲,心諗:"講真佢裡面啲file,icq啲嘢我都睇過哂啦!啲file咪又係啲咸野同埋icq識既朋友啲相!"我老友因為以前有個男友都試過瞞住佢去滾女,所以呢次我老友真係好擔心依家果隻佬又會係咁既人,我老友仲話,唔介意佢未同自己拍拖之前去叫過雞,但就接受唔到佢同自己拍拖時仲叫雞去滾...但佢依家得個估字,又無証據,但又唔可以當面質問隻佬,因為唔可以俾隻佬知道佢check過部電話同電腦(反面都似), 你地睇完之後,有無計可以幫到我老友???依你地角度睇,佢隻佬有無咩古惑???請各位俾吓意見[email protected]~~~!!!


水晶宮

積分: 72404

2019新春慶豚圓 2019勳章


發表於 04-4-8 10:57 |顯示全部帖子

Re: 朋友check老公手電,被他發覺......

bandband:
睇完你老友呢個case,令我覺得兩個人相處真係一門學問,真係要好夾先得~
在我黎講如果我男朋友唔比我睇(唔想用到check呢個字眼)佢的手提同icq的野,我已經好唔鍾意,因為我覺得無野點解唔比得我睇呢,而且,唔比我睇佢的野我已經覺得兩個人相處好似好有隔膜咁,仲有呀,我覺得用睇呢個字眼會比較貼切d,因為如果男朋友無唔比我睇佢的野,咁我又使乜check呢???我男朋友同我都係一樣,無乜野唔比得對方睇,我地隨時睇對方的icq同攞對方的手提都係好隨便的事~
所以,我覺得你老友係咪接受唔到佢男朋友唔比佢睇的野呢???如果佢睇佢男朋友的野,佢男朋友咁大聲鬧佢,佢接受到嗎???(係我就接受唔到囉)其實,你老友比佢男朋友咁大聲話佢睇佢的野,咁你老友點解唔大番佢姐,咪直情同佢講係擺明睇佢的野呀,係無野點解唔比得我睇呀???順便講埋知道佢的野,睇下佢仲會唔會咁惡???仲會唔會惡人先告狀???最好問清楚佢男朋友,有乜野唔好因為怕佢鬧而估估下,揾一樓一鳳喎,容乜易有病呀?係BK都有個topic係講介唔介意男朋友叫過雞喇,好多女人都話係識佢之前唔會介意,但其實好人好姐點會去叫雞呀?有得第1次,就會有第2次,你老友就係一個好例子!!!


子爵府

積分: 11510


發表於 04-4-8 11:36 |顯示全部帖子

Re: 朋友check老公手電,被他發覺......

小man man,

查實我都有同我老友講過,叫佢大番佢隻佬轉頭,但係我老友話佢偷睇隻佬啲嘢,隻佬已經好mind,如果再大佢,我老友話怕隻佬即時反面都似!咁我同佢講,既然你已經俾佢食住,咁就真係無哂計囉~!我都同佢講我同老公既例子,我都話我兩公婆係無私隱,我老公可以隨時睇我响電腦同人講乜,我又隨時睇佢電話,我老公都係無所謂,聽到我老友講話佢隻佬大聲喝佢,我都話轉咗發生响我身上,我一定即時第一時間大番隻佬:"你咁大聲喝我做乜啫?電腦做乜唔睇得?又唔見你lock鬼住佢...(下刪數百個字)",但我老友既諗法係,如果即時揭發佢,俾隻佬知道佢個電腦icq俾我老友偷睇咗,咁隻佬下次仲唔收得再密啲,咁佢點古惑,我老友都會好難知到囉@!咁你話,我老友應該點做?實情我老友都唔firm佢隻佬有無上一樓鳳風流,只係曾經見過隻佬上呢啲一樓鳳開既網站,上徵友網站識女仔,响icq度同啲女網友傾偈,稱呼人地做:"靚女",個女網友撩我老友隻佬搵日出嚟見面,我老友隻佬就好圓滑咁話:"好呀,睇吓邊日得閒咪出囉!" :-x 我老友即時噴火~~~!!!所以,請教佢點樣做好...查實佢都睇緊bk,但佢無account,佢要求我幫佢打字上嚟搵大家幫忙...家吓佢已經好煩惱~~~!!!


子爵府

積分: 11397

好媽媽勳章


發表於 04-4-8 13:37 |顯示全部帖子

Re: 朋友check老公手電,被他發覺......

bandband,

我其實對呢樣野唔熟, 不過知道有d電話係齋講咸濕野, 無野搞既(好似什麼173173個種形式收費).

如果你想confirm係咪有野搞, 可唔可以搵個男性friend打去, 問佢"呢度係咪有野搞呀? 係齋講定有得埋身先? 幾$響邊度呀, 咩名呀".....等等套多d料先啦.

雖然齋講我都唔係好接受, 但如果真係只係齋講我諗你個friend會舒服d.

查實bandband你都講得o岩, 就算真係搞左, 咁又點?唔通質問佢呀? 佢唔認你又咬佢咩?返過黎佢話你check佢盞搵交嗌. 其實我都聽過d前輩講, 就算發現老公有2奶, 佢唔認就算, 扮唔知, 唔好同佢嘈, 除非你想同佢一刀兩斷.. 佢呃你起碼代表佢仲想同你一齊......唔知呢個諗法響而家呢個年代仲o岩唔o岩駛.


大宅

積分: 4464


發表於 04-4-8 17:30 |顯示全部帖子

Re: 朋友check老公手電,被他發覺......

睇呢個topic我都好有興趣,有次個佬
聽完電話,我問佢係邊個,佢都無正面
咁答我,但係有好多次我問佢邊個搵
佢 佢都會好快咁答屋企人/朋友囉~
我覺得有古怪~咪諗住偷偷地睇~不過
都唔成功~!!!!!
[size=x-small]囡囡 出世~重


複式洋房

積分: 306


發表於 04-4-8 17:39 |顯示全部帖子

Re: 朋友check老公手電,被他發覺......

咁又真係有古怪喎 ... 無事不可對人言嘛!


大宅

積分: 4464


發表於 04-4-8 17:49 |顯示全部帖子

Re: 朋友check老公手電,被他發覺......

你又講得對喎~無事不可對人言!
不過都無法,我又唔可以下下都問
到佢去牆個嘛~咁樣係辛苦自己~ :-(
[size=x-small]囡囡 出世~重


複式洋房

積分: 222


發表於 04-4-8 18:11 |顯示全部帖子

Re: 朋友check老公手電,被他發覺......

各位,
大家係女人, 我都好同意你地既講法, 自己亦試過類同既事, 但我用o左自己既方法去處理, 就係直接問佢打(難沙盤問到( )扮無知,扮白痴 得閒又問下,好彩2 日後佢自動講晒出嚟, 雖然係好唔開心但我都話願諒佢比一次機會佢沒下次. 直到現在都相處得幾好
我覺得有事出現最好直接問攪清楚唔使自然估估下


水晶宮

積分: 72404

2019新春慶豚圓 2019勳章


發表於 04-4-8 19:59 |顯示全部帖子

Re: 朋友check老公手電,被他發覺......

bandband:
聽完你咁講你老友同佢男友的野之後,我個人覺得你老友的容忍度都好高,佢男友一d安全感都無,唔明白點解你老友都仲可以忍佢~
其實,佢男友都算花心,成個女朋友棟係度,都仲可以上網識女仔,係我就無辦法忍受,就算唔見面都唔可以,因為咁只係肉體上無花心,但其實已經係花心的表現~
既然佢男友係咁的人,而你老友又唔想同佢反面,咁真係無乜辦法架喎,擺明佢個男友就唔係好男人,佢都係要叉隻腳埋去,你做朋友既都無辦法改變佢,既然唔可以直接揭穿佢,依架唯有唔好打草驚蛇,繼續偷偷地check佢架咋喎!!!


子爵府

積分: 11510


發表於 04-4-8 20:08 |顯示全部帖子

Re: 朋友check老公手電,被他發覺......

小man man,

我老友都無計!因為除咗呢樣惡頂之外,佢隻佬平日都好鍚佢對佢好好,冧到我老友暈,佢地係計劃今年年底結婚架,早前佢隻佬個初戀女友單嘢已經搞到我老友好煩,啱啱成功fight低嗰個"初戀",依家佢又煩呢樣問題,所以連我都俾佢問到口窒,都唔知點幫佢好,所以咪代佢上嚟問問大家意見囉,睇吓幫唔幫到佢...


男爵府

積分: 7469


發表於 04-4-9 11:45 |顯示全部帖子

Re: 朋友check老公手電,被他發覺......

我朋友同佢老公傾咗,他認了這個電話是個女人,她說過喜歡我朋友老公,朋友老公話與她只是傾電話並沒其他,他老公解釋當日這女人打電話給他話頭先有個(讀出電話號碼出來)打來,所以他老公就知道我朋友check他手電。

首頁
1

尾頁

跳至
熱門主題
del ... 2 3 4 5 6
結婚為咩 ... 2 3 4 5 6 .. 8