夫婦情感 今日: 19 | 主題: 42420

積分: 1308

1^#

發表於 04-4-8 17:33 |只看該作者

點算啊?????

我老公家中有奶奶&4個家姐&3個大佬&1個細佬 , 由拍拖至結婚快9年啦 , 拍拖4年間與他的家人關係良好 , 結婚後與奶奶住左半年 , 開始出現問題 , 於是同老公搬出來住 , 但現在老公的家人越來越過份 , 我每做一樣野佢0地都多多意見 , 說三道四 , 例如 : 我和2個仔囡的衣著(次次都唔同衫or成日去大公司買名牌亂使錢) ; 仔囡我食物(買5蚊魚腩都食2日啦 , 駛唔駛買三文魚&游水魚甘貴) ; 請工人(甘巴閉 , 唔駛自己做叫工人做啊) ; 買樓(搬去甘遠特地避開我0地唔番來) ; 工人做錯野我訓話(黑口黑面擺晒款 , 要我0地全家睇佢面口咩) ........ , 老公聽得多就好怒氣 , 話我唔識做人 , 話佢家人講到明要搞到我地離婚 , 於是我同老公講"甘我俾你選擇 , 要你屋企定要我們的屋企 , 如果你選擇你屋企既我冇異議 , 只要你唔同我爭2個仔囡 " , 之後有2-3個月我們冇番奶奶度 , 清明去拜完山又有野講 , 因為我換樓 , 真是企有此理 , 又唔駛佢地養我 , 我自己有做野既 , 頭家我都要分擔架 , 難道我冇選擇居所的權力 , 老公話好煩 , 叫我以後唔駛番去 , 由佢湊2個仔女番去俾奶奶睇 , 講真 , 我真的好嬲 , 好嬲自己我老公甘冇用 , 俾人烚到頭頂都唔反抗 , 有咩都係自己老婆錯 , 個D全部都係長輩 , 要尊重 , 甘自己老婆就可以冇尊嚴 , 又話我迫佢離開佢屋企人 :-( :-( :-(

私人傳訊

tt2001

積分: 1111

2^#

發表於 04-4-8 17:38 |只看該作者

Re: 點算啊?????

男家D人(incl. yr husband)咁過份都得ger？

私人傳訊

積分: 65672

HiPP勳章(2) HiPP勳章(1) 2018復活節勳章育兒性格勳章好媽媽勳章畀面勳章 BK Milk勳章

3^#

發表於 04-4-8 17:48 |只看該作者

Re: 點算啊?????

嘩，嵐嵐媽咪，
簽名相度係你兩個寶貝仔女？
好似樣呀！仲好靚仔、靚女o忝！

唔好男女男啦！盞激親自己！
望住亞仔同亞女都甜番晒啦！
佢地人多勢眾，一人一把口，
一人一滴口水都浸死你啦！
你又何必為左佢地傷你同你先生o既感情呢！
以後一於佢地有佢地講，你就問亞陳借定對耳，
聽到唔岩聽o既都自動過濾，仲要笑笑口咁，
實行激番佢地轉頭！
開心d啦，人地媽咪，
有對咁可愛o既寶貝，又換樓o各，
應該飲得杯落至真！

私人傳訊

積分: 1308

4^#

發表於 04-4-8 17:57 |只看該作者

Re: 點算啊?????

babyhowie :
你太過獎啦 !我都想唔嬲架 , 不過老公唔爭氣 , 剛吵完咋 , 佢話我唔俾奶奶見孫 & 迫佢離開佢屋企 & 要佢屋企甘多人就我啊 , 痴線 :-x

私人傳訊

a1712hk

積分: 1003

5^#

發表於 04-4-8 17:58 |只看該作者

Re: 點算啊?????

你老公都有d過份, 佢屋企人有問題有錯, 就將全部責任賴晒你, 如果我係你, 我一定好嬲, 而家仲要叫你唔駛番去 , 由佢湊2個仔女番去俾你奶奶睇, 你千其唔好比你老公咁做呀, 要返去就你老公自己返, 你同2個仔女唔返, 又或者全家一齊返(大不了佢地講嘜野都當聽唔到, 借聾耳陳隻耳), 千其唔好比佢淨係帶2個仔女番去, 如果唔係佢個d屋企人一定係你2個仔女面前講你是非, 咁樣會好影響d小朋友.

私人傳訊

積分: 65672

HiPP勳章(2) HiPP勳章(1) 2018復活節勳章育兒性格勳章好媽媽勳章畀面勳章 BK Milk勳章

6^#

發表於 04-4-8 18:15 |只看該作者

Re: 點算啊?????

咁你問下你老公，
佢老左邊個最後陪住佢走埋人生o既路？

聖經都有話啦，兩公婆先係最親密o既關係，
兩個人互相信任、互相依靠、
互相付出去建立個真正屬於你地o既家！
父母係要尊重同孝順，但唔係愚孝；
兄弟姊妹情更薄，長大左各有各家庭；
唯獨係兩公婆先能夠玉帛相見，毫無保留，
係父母面前都唔可以啦，係米？

好好地同你老公傾下啦！
無謂為左d咁o既人同事，破壞你地之間o既感情嘛！

Best regards!!

私人傳訊

tt2001

積分: 1111

7^#

發表於 04-4-8 18:28 |只看該作者

Re: 點算啊?????

嵐嵐媽咪：
1/仔囡的衣著(次次都唔同衫or成日去大公司買名牌亂使錢)
2/(駛唔駛買三文魚&游水魚甘貴)
3/請工人(甘巴閉 , 唔駛自己做叫工人做啊)
4/(搬去甘遠特地避開我0地唔番來)
5/(黑口黑面擺晒款 , 要我0地全家睇佢面口咩)

以上幾樣野，你估有冇邊d可能你老公都係咁唸，不過忍左好耐吾話你咋？而家咁多人講就開好發你難渣？冰封3尺非1日之寒！

私人傳訊

ABCD媽咪

伯爵府

積分: 16016

好媽媽勳章

8^#

發表於 04-4-8 18:49 |只看該作者

Re: 點算啊?????

嵐嵐媽咪：
我同你也近似...不過我就無奶奶..係d姑奶作怪..
我老公唔同意佢地罵我的野...
但就怪我唔忍佢地...佢話佢地係長輩喎
我話.."佢係你家姐...係平輩乍"..."佢係亞水呀..我要忍佢"...
我老公已經失敗左一次婚姻...有次佢地話我時
我駁兩句..."哦...無所謂啦...你地唔喜歡咪叫你細佬換老婆囉...反正又唔係第一次...不過我生的果對仔女一定會跟我兼改姓"

私人傳訊

stkyo

象牙宮

積分: 206241

牛年勳章 HiPP勳章(1) 2018復活節勳章 15週年勳章親子王國15週年勳章玩具勳章畀面勳章環保接龍勳章大廚勳章親子達人勳章 wyeth冷知識勳章 BK Milk勳章 hashtag影視迷勳章育兒性格勳章認識瑞士牛牛第一回認識瑞士牛牛第二回最關心BB問題熱投勳章開心吸收勳章

9^#

發表於 04-4-8 20:01 |只看該作者

Re: 點算啊?????

你要同你老公講清楚，你嫁既係佢唔係佢屋企人，擺到明唔就佢屋企人又點呀？佢哋唔鍾意可以唔見你D仔女，你對仔女係你生既，你鍾意點安排都得，如果你老公咁聽佢屋企人話，咁咪叫佢揀離婚囉！(嚇佢) 以後唔駛見你D仔女咪唔駛煩囉！

你對仔女好似樣！一個餅印咁！^_^

私人傳訊

積分: 1308

10^#

發表於 04-4-8 23:30 |只看該作者

Re: 點算啊?????

好多謝大家的回應 , 其實經過幾次的是是非非都令我睇清楚咩叫做憎人富貴厭人貧 , 原來可以連自己親人都甘樣 , 真的太可怕了 , 或許我來自簡單的家庭 , 只有父母和妹妹(外國留學) , 雖然父母曾經反對我們來往 , 但在婚後十分痛鍚我們 , 每逢老公來食飯都會煮佢喜愛的送菜 , 又俾首期我們買樓(老公家人唔知 , 因為佢地成日話驚外家拿錢撻老公)及照顧我兩個仔囡 , 希望我們有個安樂窩 , 但相反老公的家人呢?就算千錯萬錯的是我 , 會否為免自己細佬難做而出少句聲 , 在雞蛋裡挑骨頭 , 也令我開始對老公心淡了 , 相反佢d大佬 , 如果有人踩到佢老婆既話 , 就力撐自己老婆 , 而我老公亦知道佢家人的麻煩 , 但只會叫我要照做封住別人的口 , 例如:之前我post過帶工人回去話我唔駛自己做叫工人做 , 老公居然要我做野俾人睇 , 工人陪bb玩 , 想死 , 連工人都唔駛得 , 唔通佢地打工唔駛做有糧出 , 笑話 :-x
回應tt2001的問題 :
1/仔囡的衣著(次次都唔同衫or成日去大公司買名牌亂使錢)
- 因為佢d家人只會在街市/街邊買or穿n手既舊衫 , 我都只是買chickenduck or hipo 等 , 減價都係幾拾元 , 覺得不是很貴 , 街邊貨都要啦 , 點解唔買質量好d既俾bb著
2/(駛唔駛買三文魚&游水魚甘貴)
- 個人的生活習慣唔同 , 我家人喜歡買游水魚 , 絕少買大魚 , 我都係想d小朋友營養好d , 唔通有飯唔食啃樹皮

3/請工人(甘巴閉 , 唔駛自己做叫工人做啊)
- 上面講左啦
4/(搬去甘遠特地避開我0地唔番來)
- 我有權選擇自己的居所吧 :-x
5/(黑口黑面擺晒款 , 要我0地全家睇佢面口咩)
- 唔開心都要e起排牙笑 , 唔出聲都唔得 , 相反佢地就可以對我黑口黑面 , 到底係邊d人擺晒款 :-(

私人傳訊

積分: 65672

HiPP勳章(2) HiPP勳章(1) 2018復活節勳章育兒性格勳章好媽媽勳章畀面勳章 BK Milk勳章

11^#

發表於 04-4-8 23:45 |只看該作者

Re: 點算啊?????

aiya.......原來你老公係細仔(omit左呢個point)，
咁難怪佢唔敢出聲啦！
大石"摘"死蟹呀！你老公都好慘喎！
你地更加應同一陣線，
唔好再破壞你地之間o既感情啦！
你地又唔係日日對住佢d屋企人，
以後冇咩特別日子米避免見咁多囉！
say一個月一次，米做場戲了事囉！
為左其他"無謂人"影響日日係身邊o既伴侶，
係米好唔抵呢！

私人傳訊

積分: 1308

12^#

發表於 04-4-8 23:54 |只看該作者

Re: 點算啊?????

我都想佢同我同一陣線，但佢總令我失望 , 有咩事佢都係聽完人講不分青紅皂白就鬧我 , 我好似孤立無援甘 , 又唔敢俾爸媽知甘多 , 佢地實會去同奶奶理論 : :cry: :cry: :cry:

私人傳訊

ABCD媽咪

伯爵府

積分: 16016

好媽媽勳章

13^#

發表於 04-4-8 23:58 |只看該作者

Re: 點算啊?????

我也好同意babyhowie
我老公後尾也知佢地屋企人點對我唔好
雖然他嬲我唔對佢d家姐奉盛佢地
但他睇諒我同佢地係兩個不同的家庭環境成長
我現在一年見佢地屋企人十次八次...當係比面派對
(次次我也有骨入耳架...不過上來訴下苦又忍一次)
做下戲又好...當係比面老公
(我老公又係孻仔...佢大姐大佢十幾年的)

嵐嵐...我也試過為佢地屋企人差d鬧離婚.
當日兩公婆終于坐下來傾點樣做一個平衡點
我某程度上比面
佢亦某程度上幫我擋
不過如果過火...我也開始學識反擊!

私人傳訊

積分: 65672

HiPP勳章(2) HiPP勳章(1) 2018復活節勳章育兒性格勳章好媽媽勳章畀面勳章 BK Milk勳章

14^#

發表於 04-4-9 00:04 |只看該作者

Re: 點算啊?????

如果真係冇計傾，
咁唯有愛屋及烏，投其所好啦！
老實講，真係要睇下你兩公婆本身感情好唔好，
如果好，就更加無謂為左佢地攪到自己，係米？
相反，你就要睇下藉唔藉得為你老公改變自己去遷就佢地，
其實你地幾耐會見一次？
我睇怕你地都要想下辦法，
一方面見少d，你地兩公婆之間又講少d有關o既topics，
最緊要係你地感情好，問題就會好解決d架啦！

私人傳訊

tt2001

積分: 1111

15^#

發表於 04-4-9 00:59 |只看該作者

Re: 點算啊?????

I think (guess), basically, your husband's image/position in his family is very low, he is not respected by his family members from the very beginning (maybe he is the youngest one, maybe he earns less than his siblings....) Whatever u do, his family members talk and talk and talk, your husband may not feels they are talking about u but TEASING him, he is stressed from it and turn out he prefers not going with u in his family gathering.

BTW, I try to guess more (based on your message): Are u the one highly control everything and your husband has NO SAY in your family? Has he overcame for his father-in-law 俾首期買樓? Do u think he also feels upset/no position in your own family? and therefore he keeps going to his home?

Do u think about these before?

私人傳訊

小manman

翡翠宮

積分: 81233

16^#

發表於 04-4-9 11:50 |只看該作者

Re: 點算啊?????

我個人就覺得如果唔係同埋一齊既,有乜野唔鍾意或者唔順眼,咪當乜都聽唔到睇唔到囉,當比面個老公囉!!!
又唔係一齊住,間唔中見面姐,咁都忍唔到咩???只要你諗下返到屋企就唔使對住佢地咯,有乜野唔鍾意既咪返到屋企攞個老公黎出下氣囉,同佢傾掂佢,傾唔掂既咪揾個老公發下佢脾氣囉!!!
你調番轉諗下,你同老公返到外家,你都希望你老公表現大大方方,佢的行為同講每句野都要令人地覺得你老公係好好既,對你都係好好既,咁你先有面呀!!!咁點解唔可以做假d當比面個老公呢???而要佢咁難做做乜呢???
你覺得佢屋企人惡頂係因為你自細都唔係同佢地一齊生活,要你容入人地的生活習慣,當然有好多野係同自己唔同,而你老公都可以一樣,可能佢去到你外家時,佢都可能有好多野係唔習慣,但點解佢可以做到唔令你難做,而你唔可以呢???
需知道兩個人相處係要互相遷就、體諒同包容,講就個個都識講,但又有幾多人可以做到呢???我依架都學習緊,係好難學,但要同自己的另一半融洽咁相處,難學我都要學,如果唔係點同佢過埋下半世呀???你認真諗下係咪要因為佢屋企人而搞到你地離婚,你先安落呀???難度你唔想一家大細開開心心咁帶住自己的小朋友返麻麻爺爺度過下d家庭生活咩???唔通你想你老公自己一個返屋企咩???感情慢慢淡的時候,就好容易出現問題,再唔積極改善你地的關係,唔通你想你老公第日帶第2個女人返屋企咩???

私人傳訊

stkyo

象牙宮

積分: 206241

17^#

發表於 04-4-9 12:11 |只看該作者

Re: 點算啊?????

我都想愛屋及烏，但係人哋對你未必係，好似我奶奶咁，佢由我同我老公拍拖個陣開始已經唔鍾意我，成日周街唱衰我，所以我做咩佢都唔鍾意，睇唔上眼，如果你哋唔鍾意一個人，我諗佢對你哋點好你哋都唔鍾意佢，呢D可能叫"人夾人緣"掛！所以我對佢係採取隔離政策，遠離佢，佢講咩我都只會答"啊"、"係"、"唔".....等單字，好少傾偈。

而且嵐嵐媽媽既奶奶係講到明要攪到佢哋兩公婆離婚為止，可想而知佢對嵐嵐媽媽既觀感係點，真係單單用愛心/忍耐可以去改變佢哋？如果關係唔好，盡量避免直接見面會比較好，可以先改用電話多D聯絡，我諗真係要嘥好多時間先可以改變佢哋。

babyhowie 寫道:
如果真係冇計傾，
咁唯有愛屋及烏，投其所好啦！

私人傳訊

finger

男爵府

積分: 9521

醒目開學勳章畀面勳章

18^#

發表於 04-4-9 13:58 |只看該作者

Re: 點算啊?????

叫我以後唔駛番去 , 由佢湊2個仔女番去俾奶奶睇 ,

嵐嵐媽咪 : 千其唔好呀, 你要企硬, 你老公開始受佢地既擺佈, 如果你咁做將來你會好蝕底架~~

http://jackylau.com/FreePhoto/PhotoData/U0047102.gif

私人傳訊