嬰兒食譜

跳至

首頁
1

尾頁
   0


伯爵府

積分: 18521


發表於 04-4-10 14:41 |顯示全部帖子

19個月大,唔識吞飯???????

囝囝19個月大啦,一路都係食糊糊同食粥粥,我上個星期開始餵佢食飯飯,但佢都唔吞,我餵左佢4啖,要一個鐘,幾日都係咁,我發哂顛啦,都唔知點好,我媽咪話我囝囝咁瘦,都係因為唔食飯,有冇辦法呢 :-( :-(


大宅

積分: 3032


發表於 04-4-10 23:23 |顯示全部帖子

Re: 19個月大,唔識吞飯???????

hihi 奀豬mami,

可能你囝囝係鐘意含飯呀, 有好多小朋友都係咁. 我呀仔現在 21 個月大了, 但奶奶都仲係堅持餵粥比呀囝食, 奶奶話怕呀囝含d 飯, 我真係無奶奶計, 但係好多時我地食飯呀囝都會走埋黎食下大人


大宅

積分: 2950


發表於 04-4-11 00:46 |顯示全部帖子

Re: 19個月大,唔識吞飯???????

奀豬mami: 首先, bb 唔係一定要在18個月之後就開始要食飯, 只係我地會在bb 15個月大之後就開始試, 如果佢都係唔多鐘意食o既, 食返飯仔都係冇問題架.

至於含飯都係正常架, 因為當bb含住d飯果陣, 口水同starch會產生糖份 , 即係有d甜味, 如果你係見到bb含飯, 你在佢面前, 佢一啖, 你一啖, 然後你口旭旭, 趙下趙下咁, 佢會摸仿你架. 佢做得到o既, 當然要俾d鼓勵.

至於你話伯母話bb瘦, 不如你拎返健康院本手冊出黎, 睇下你bb的體重在邊一條線先, 唔好自己嚇自己.

仲有, 你bb 出齊牙仔未呀? 出齊牙仔又會食飯食得好d架喎.
居天下之廣居,立天下之正位,行天下之大道;得志與民由之,不得志獨行其道;富貴不能淫,貧賤不能移,威武不能屈:此之謂大丈夫。


別墅

積分: 762


發表於 04-4-11 20:09 |顯示全部帖子

Re: 19個月大,唔識吞飯???????

nnfonder 寫道:
仲有, 你bb 出齊牙仔未呀? 出齊牙仔又會食飯食得好d架喎.


我都係想同囡囡由粥仔轉飯仔, 但佢唔鐘意食飯, 佢唔係含, 而係吐出來, 可能佢覺得一粒粒好奇怪. 我 d 粥仔已經好杰, 係咪可以溝埋飯一齊比佢呢?佢都只得八隻牙, 未出後面大牙, 咁定佢出左大牙仔至轉飯仔, 係咪會好 d ?

珍惜生命、把握今天,因為仍活著不是偶然,也不是必然! :-P


大宅

積分: 2950


發表於 04-4-13 01:25 |顯示全部帖子

Re: 19個月大,唔識吞飯???????

jimvan: 咁我估你囡囡暫時仲係未接受食大人飯o既口感, 最好都係等佢出多d牙仔先啦. 出左大牙就成功機會高好多架, 因為大牙可以有力地磨碎食物丫嘛.

在飯仔之中加入大人飯, 我自己就未試過, 但如果俾我選擇的話, 我就會選用一d穩陣d o既方法, 都係等佢出埋大牙先啦.

居天下之廣居,立天下之正位,行天下之大道;得志與民由之,不得志獨行其道;富貴不能淫,貧賤不能移,威武不能屈:此之謂大丈夫。


伯爵府

積分: 18521


發表於 04-4-13 01:32 |顯示全部帖子

Re: 19個月大,唔識吞飯???????

hi nnfonder ,
但係我唔係好明,點解我bb一見我地大人食飯佢就走埋黎,都係飯,佢可以食左我半碗,但自己坐定定就唔食呢??
我有乜計呢???


大宅

積分: 2950


發表於 04-4-16 01:25 |顯示全部帖子

Re: 19個月大,唔識吞飯???????

因為BB心散囉, 都係過左兩歲啦, 你想餵佢都唔SHOW你, 佢會想自己食架喇. 當然又係心散, 食一陣又想去玩, 咁到時就要你再餵囉.

咁睇返你第一個問題, 你BB唔係因為含飯, 只係想同大人一齊食, 咁你可以簡單D, 煮D BB岩食O既送, 俾佢同你一齊食 (都係你餵囉), 食到半碗都叫好叻架喇, 算係成功轉左食大人飯架喇.

居天下之廣居,立天下之正位,行天下之大道;得志與民由之,不得志獨行其道;富貴不能淫,貧賤不能移,威武不能屈:此之謂大丈夫。


別墅

積分: 958


發表於 04-4-16 17:34 |顯示全部帖子

Re: 19個月大,唔識吞飯???????

hello, 奀豬mami~~
我個仔都係同你個仔一樣19個月大呀:">:">, 我前個排都有你o既問題, 仔仔又係食唔夠5啖飯就坐唔定, 要落地, 後尾我發現佢原來鍾意我一時用下筷子, 一時用下匙, 另外d飯菜唔好撈埋晒一齊, 飯還飯, 餸還餸, 咁佢會食得好d(唔會啖啖都一樣味囉), 雖然唔係個個細路都一樣, 不過你可以試下丫 :">:"> (提外話: keke你個仔會唔會夠兩歲就返學??)

首頁
1

尾頁

跳至