Re: help: how to handle one new born baby and one trouble two kid at the same ti
cowcowmama,
先恭喜你生左個新 bb, 一個湊兩個一 d 都唔容易, 而你又要休息。你有工人幫手料理家務同煮飯, 其實已經好好多, 你囡囡而家係夜晚返你度訓, 定係日頭o係你度呢?如果你真係擔心佢既情緒問題, 我建議你, 如果可行的話, 在你坐月期間, 畀佢多 d 係你身邊, 一來佢而家做左家姐, 小心靈可能覺得自己已失寵, 所以行為表現會希望得到你既注意, 多 d 畀佢係你身邊, 等佢睇下你點照顧 bb, 同時解釋畀佢知點解你要多 d 時間照顧 bb ; 二來, 初生 bb 好多時都訓, 趁呢 d 時間, 多 d 同大女玩, 傾談, 等佢知道你仍然好珍惜同佢一齊, 又一樣好錫佢。如果佢一向都係由你媽咪照顧, bb 出世後, 佢既感覺唔同左, 會以為你唔理佢......
我細女出世時, 大仔兩歲半, 妹妹出世前, 我已經同大仔洗腦咁, 話佢知妹妹出世後既各樣情況同轉變, 但小朋友始終未必完全明白, 到妹妹出世後, 真係要更多時間畀大仔, 至能令佢唔會覺得媽咪畀妹妹搶左去!
珍惜生命、把握今天,因為仍活著不是偶然,也不是必然! :-P