夫婦情感

跳至

首頁

尾頁
   0


男爵府

積分: 7836


發表於 04-4-11 02:54 |顯示全部帖子

我今日報咗警 - 告老公打我

我今日搬入新屋,老公同我講,叫工人以後唔準關門瞓覺。我話,咁點得呢,人地後生細女(工人廿幾歲)面皮薄,始終唔係咁方便架嗎。老公話我縱個工人。我話唔係縱,呢 d 係基本人權。佢話總之我鍾意,唔通我唔駛入去睇個女呀 (個女同工人同房)。我話,我可以叫工人唔好閂門瞓,你要睇女咪敲門入去囉,呢 d 係好基本的禮貎黎,冇理由人地訓覺要隨時隨地俾你睇住格。就係為咗呢句說話,老公摑咗我兩巴。

我好慶,即刻打電話報警 - 因為我要攞佢打我的證據日後搞離婚。差人黎到,老公仲屈我,話我話佢入房搞工人。

差人一走,我老公即刻去抄醒個女 (個女當時係 bb 床熟睡緊),抱去大床同佢瞓。

你見過 D 咁o既老公/老豆未?


大宅

積分: 4533


發表於 04-4-11 03:00 |顯示全部帖子

Re: 我今日報咗警 - 告老公打我

點解會咁架??


子爵府

積分: 10932


發表於 04-4-11 03:07 |顯示全部帖子

Re: 我今日報咗警 - 告老公打我

你個工人新請??or 做左好耐???


男爵府

積分: 7836


發表於 04-4-11 03:09 |顯示全部帖子

Re: 我今日報咗警 - 告老公打我

佢郁手打人同郁下就搵個女黎要脅我,已經唔係第一次。搬之前我同佢傾過,話唔想同佢一齊搬,大家分開下,到佢成熟d 控制倒自己先再算。咁對 bb 會好d。佢叫我俾最後一次機會佢。我話即管睇下你 keep 唔 keep 到一個星期唔發脾氣。

結果係點?哈!

我而家只係覺得好對個女唔住,累咗佢~~~


男爵府

積分: 7836


發表於 04-4-11 03:12 |顯示全部帖子

Re: 我今日報咗警 - 告老公打我

我個工人做左岩岩3個月,湊我個女好好,個女好鍾意佢。肯跟佢多過跟我。有時我抱住個女,工人係面前行過,我個女都會目不轉睛跟住佢轉。有時個女喊,我都搞唔掂,一過工人手,兩下就收聲。
remy 寫道:
你個工人新請??or 做左好耐???


子爵府

積分: 11510


發表於 04-4-11 03:14 |顯示全部帖子

Re: 我今日報咗警 - 告老公打我

但係佢同你未結婚之前有無前科打過你???你今日報咗警,咁差佬點講??駛唔駛開file同驗傷??? 點解佢咁易就郁手打人架???


男爵府

積分: 7836


發表於 04-4-11 03:29 |顯示全部帖子

Re: 我今日報咗警 - 告老公打我

未結婚前都試過一個膠箱車過黎,打到我"權"骨流晒血呀,結婚前有一段好長的時間佢好咗好多,我先肯嫁比佢。差人頭先有問我駛唔駛驗傷,我話唔駛,我講到明係想攞張報案紙搞離婚做證據。差人同我講,有兩種做法,一我只係想警告下佢,唔追究的,佢地可以俾張落案紙我,但係一有下次呢,佢地就會正式charge個衰人;二就係我想即刻告佢刑事。我揀咗第一。佢地比咗張"家庭事件通知書",我同個衰人各一份,又問我同唔同意轉介比社署跟進。我話冇所謂。跟進差人又分開我同個衰人各自傾計,同佢我唔知傾mug,同我個女警就主要係勸我以家庭和睦,睇 bb 份上,一人少句,諸如此類.......


伯爵府

積分: 18521


發表於 04-4-11 03:46 |顯示全部帖子

Re: 我今日報咗警 - 告老公打我

你先生都好火爆喎,佢好後生嫁???


男爵府

積分: 7836


發表於 04-4-11 03:47 |顯示全部帖子

Re: 我今日報咗警 - 告老公打我

30幾啦,不過心智行為似細路仔多 d。


子爵府

積分: 11510


發表於 04-4-11 03:59 |顯示全部帖子

Re: 我今日報咗警 - 告老公打我

通常差佬都係咁做架喇,一定係勸我地响度和解就算.咁依家你老公點樣?有無向你道歉??講真,就算佢份人點細路法,我諗佢都唔想就咁無咗個屋企既!睇吓佢呢期守行為守成點啦!


男爵府

積分: 7836


發表於 04-4-11 04:05 |顯示全部帖子

Re: 我今日報咗警 - 告老公打我

仲話道歉?佢第一時間走去搶個女(個女係 bb 床熟睡緊),抱去大床同佢瞓。

佢次次都係要搵個女黎玩,迫我投降格。我坐緊月時,嘈親交,唔理三更又好,半夜又好,佢都搶咗個女話要抱佢出街散心架。點解我用搶字?因為佢真係出"行"力黎搶,一d都唔駛就住架。


複式洋房

積分: 263


發表於 04-4-11 06:13 |顯示全部帖子

Re: 我今日報咗警 - 告老公打我

Are you still love him? I don't think he do that like a child, he just look like has some problem. Becareful yourself and your baby, you never know next time what he do. I you can, I thinks you move out will be better.


水晶宮

積分: 72371

2019新春慶豚圓 2019勳章


發表於 04-4-11 11:32 |顯示全部帖子

Re: 我今日報咗警 - 告老公打我

咕怪媽媽:
點解咁的老公你都仲可以忍佢???男人打女人你問十個,十個都會答絕對忍唔到~
如果你話佢結左婚之後先係咁,都無得好講,因為佢有心隱瞞佢的火爆性格,但你話佢拍拖時已經打過你,仲打到流血添,難聽d講句當局者迷,比人打過都仲要嫁比佢,邊個幫到你???
其實,你地拍拖個時,佢打你,你屋企人知唔知架???佢地無勸過你叫你唔好同佢一齊架咩???男人打女人打得1次就一定會有第2次架,佢根本自己控制唔到自己,呢d其實係一種病黎架,叫做"燥狂症",你諗下你仲要同一個唔知會幾時會爆的計時炸彈過埋下半世,問你可以忍佢忍到幾時???呢種肉體同心靈的虐待,可以話係一種折磨,難度你想你同你個女將來都生活係呢種徨恐的生活之下嗎???你希望等奇積出現定自己去決定你同你個女的未來,你自己選擇吧!!!


象牙宮

積分: 202989

2019新春慶豚圓 2019勳章 HiPP勳章(1) 2018復活節勳章 15週年勳章 親子王國15週年勳章 親子王國15週年勳章 玩具勳章 畀面勳章 環保接龍勳章 大廚勳章 親子達人勳章 wyeth冷知識勳章 BK Milk勳章 hashtag影視迷勳章 育兒性格勳章 認識瑞士牛牛第一回 認識瑞士牛牛第二回 最關心BB問題熱投勳章 開心吸收勳章


發表於 04-4-11 11:46 |顯示全部帖子

Re: 我今日報咗警 - 告老公打我

男人有兩樣嘢一定唔可以忍,有第三者同埋打女人,我老豆呢兩樣嘢都做齊,佢哋係唔會改架,你有無諗過,而家你老公打既係你,第時佢會連你個女都打埋,我老豆就係D咁既人,佢係出面受咗氣,就搵我媽咪同我哋幾兄妹嚟出氣,我哋不知幾慘,我老豆一返屋企我哋幾兄妹盡量係房唔出去,所以為咗你個女著想,你真係要諗清楚,一陣間佢發起顛上嚟,搶走你個女威脅你仲麻煩,假若你哋分開,只要話佢有暴力傾向,個女一定歸你所有。


複式洋房

積分: 121


發表於 04-4-11 12:04 |顯示全部帖子

Re: 我今日報咗警 - 告老公打我

我以前都試過好以你咁(不過我比佢打頭2次都唔係好傷)到佢打我第3次我先報警(個次比佢打到入e院)我諗你而家仲比機會佢係為左對仔女(唔想佢地變成單親家庭),,但我覺得2睇啦..你覺得佢打你(比的仔女見到)佢地點諗呢..個心理發展會點呢...佢地會唔會有樣學樣呢..仲有喎,,,佢今次打你..如果下次打埋的細路咁點呢(我個個就係衰到咁)....仲有呀..(大吉利士)佢再打你你要去驗傷呀...等到時攪離婚比個官知道佢係咁暴力,,連見都唔比佢見,,不過我希望你先生會真心改啦..你叫佢為下的小朋友啦...唔好咁自私喇,,

我係1個唔係好識講野既人有乜講得唔岩唔好怪我,謝謝


男爵府

積分: 7836


發表於 04-4-11 18:41 |顯示全部帖子

Re: 我今日報咗警 - 告老公打我

好多謝咁多位的關心,有些媽咪甚至 PM 來安慰我,實在令我很感動。多謝晒!

事實上,我今日又再報多次警,因為佢喺我囡囡食緊奶的時候要搶佢帶出街,仲推撞我媽咪。差人來到,又係勸下就算,比咗張和諧之家的咭片我,叫我有需要就搵佢地。帶住個2個月大的BB,點走?

後來我搵個朋友(乙水)個衰人出去,即刻換埋鎖。我唔打算比佢返入屋,如果冇其他幫到手的人在場的話。

點講呢,佢打過我,佢屋企人都知,勸有勸過,鬧有鬧過,但可以點,唔通次次嘈交搵佢屋企人來(佢地都唔幫佢)?人地都煩啦。佢好起上來都好好架,但唔知點解耐唔耐就會發作一次。我曾經好婉轉咁叫過佢去睇精神科或心理醫生,佢梗係唔會覺得自己係有病啦,咪冇去囉。

我而家覺得好對個女唔住,累咗佢,好心嗡。


水晶宮

積分: 65305

2019新春慶豚圓 2019勳章 HiPP勳章(2) HiPP勳章(1) 2018復活節勳章 育兒性格勳章 好媽媽勳章 畀面勳章 BK Milk勳章


發表於 04-4-11 18:52 |顯示全部帖子

Re: 我今日報咗警 - 告老公打我

咕怪媽媽,

見到你BB張相,佢真係好得意!
為左對仔女,如果你地仲愛對方,
仲想保住個家,
我諗你地實實在在去尋求d專業意見,
搵社工幫手,或者會轉介你先生去做心理輔導。

老實講,三十幾歲人,做左兩任daddy,
都唔可以藉口仲好細路,仲可以亂發脾氣打人。
如果佢仲愛你同對仔女,希望佢可以跟你一齊去見社工。

睇住咁可愛o既小朋友,又點可以俾佢地受傷害/驚嚇呢?!
你話你先生有時係BB熟睡o既時候夾硬抱走佢,
咁BB好容易會嚇親,小朋友嚇親可大可少架!
為左對仔女,希望你地徹底解決個問題啦!

Best regards!!


民房

積分: 4


發表於 04-4-11 19:23 |顯示全部帖子

Re: 我今日報咗警 - 告老公打我

我真係唔明白,佢咁樣對妳,妳係用咩心態去接受同佢做愛??過程會開心嗎??仲生埋BB添!!妳真的要保重自己,祝妳好運!大小平安!


侯爵府

積分: 23484


發表於 04-4-11 21:11 |顯示全部帖子

Re: 我今日報咗警 - 告老公打我

其實換銷都唔係辦法
可唔可以找社工協助呀
不論結果是合是離都要處理得好d
畢竟,他即使不是你的終身伴侶,卻是bb的父親呀


大宅

積分: 1272


發表於 04-4-11 23:21 |顯示全部帖子

Re: 我今日報咗警 - 告老公打我

咕怪媽媽
你老公真係好有問題,我係指"精神病",不如睇下佢有冇咩朋友可以勸下佢...傾下計叫佢去睇下醫生呢!!!
仲有...你老公係咪男人黎架....打女人呢家野都做得出,實在睇唔過眼,係呢...你塊面冇咩事呀,你真的決定離婚?如果係你要諗下日後的路,例如真的攪離婚後的生活問題,囡囡的問題,你可唔可以同囡囡搬住返去外家先呢..始終你一個女人+囡囡,唔知個衰人黎梗又會發嘜顛的,報警都報唔到幾多次,所以你要小心d,唔好咁自責覺得累左個囡,你自己都唔想咁的,冇人會諗到今時今日佢會因d咁少事而郁手打你,你仲要保護囡囡的,我地會支持你!!!

首頁

尾頁

跳至
熱門主題