夫婦情感

跳至

首頁

尾頁
   0


大宅

積分: 4042


發表於 04-4-16 14:44 |顯示全部帖子

老公做家務嗎 ?

我老公做小小家務就成日叫辛苦, 仲覺得自已做了很多家務, 其實我做10樣佢只做了2樣, 仲要在我面前不停呻, 好鬼煩, 我寧願他一樣都唔做, 好過成日以為自己做好多。例如, 大家都要返工, 他6時回到家坐到我7:30回家往飯給他吃, 食完也不洗碗, 仲好意思在他父母面前話我成日唔煮飯。
我老豆時常幫我媽咪煮飯, 做家務都冇出過一句聲。


大宅

積分: 1853


發表於 04-4-16 14:56 |顯示全部帖子

Re: 老公做家務嗎 ?

我地兩個都要返工
一,三,五我做
二,四,六.佢做
星期日就一齊做...
老公對老婆要做o既係: 由而家開始只係可以錫我一個, 要縱壞我,唔可以話我 有人恰我要第一時間出黎撐我,我開心你要戥我開心, 我唔開心你要"tum"我開心,唔準恰我鬧我, 發夢都要諗 起我,仲要永遠覺得我最靚 ^O^


別墅

積分: 544


發表於 04-4-16 15:53 |顯示全部帖子

Re: 老公做家務嗎 ?

我唔使返工, 我老公放工回來, 一件家務都唔會做, 可以宵夜食完noddle cup 都唔會放入垃圾桶, 仲要加對筷子, 等我第2朝起身處理, 但係我仲要湊仔


王國長老

積分: 55153

2019新春慶豚圓 2019勳章 好媽媽勳章 王國長老


發表於 04-4-16 15:54 |顯示全部帖子

Re: 老公做家務嗎 ?

Never


男爵府

積分: 6654


發表於 04-4-16 15:59 |顯示全部帖子

Re: 老公做家務嗎 ?

stephanieching,

我諗我真係要感恩, 我老公好肯幫手做家務(唔好意思, 我唔係哂命), 由我地同居到結婚, 到我大肚, 到BB已經出世, 我老公都好自動自覺做家務, 有時仲會爭住做.


大宅

積分: 2760


發表於 04-4-16 16:18 |顯示全部帖子

Re: 老公做家務嗎 ?

he just help me to cook the dinner.


大宅

積分: 4533


發表於 04-4-16 16:19 |顯示全部帖子

Re: 老公做家務嗎 ?

除左煮野食係我一個人搞掂之外,響正常情況底下(不過好小),係我做既!如果我心惰唔好/發脾氣時,我老公就會自己乖乖執屋,開機洗衫/洗碗.........不過如果老爺奶奶上黎之前果晚,我地會非常之合作咁一齊執屋(即係"走鬼"!)要即刻將冰箱入面既"送"毀屍滅跡,飲晒d湯.........
該用戶已被刪除

發表於 04-4-16 16:23 |顯示全部帖子

Re: 老公做家務嗎 ?

提示: 作者被禁止或刪除 內容自動屏蔽


男爵府

積分: 9827


發表於 04-4-16 16:24 |顯示全部帖子

Re: 老公做家務嗎 ?

我老公除了煮晚飯外........有時我煮,就乜都唔做!
沉晚就連佢同個仔食完雪櫃都要我出來收返啲匙入去!!(我係廚房做緊嘢!)


複式洋房

積分: 225


發表於 04-4-16 17:07 |顯示全部帖子

Re: 老公做家務嗎 ?

我老公由星期一至五都差唔多11:30才回家(佢話加班喎),故此由星期一至五都无幫手做家务。星期六就7:00才回家,家务也是无幫手做。星期日早就睡至12:00至1:00,晚則3:00至4:00才起床,晚上要我叫才抹地,叫佢掃完地才抹地,他竟然話抹地就等于掃地,地上的垃圾用手執便行。 叫佢幫我洗煲,結果洗完等于无洗。點解?打開個煲蓋,煲蓋裡面全是粥!佢話唔知煲蓋会有粥!还有許多許多,总之叫佢做多一樣,就多一樣勞氣,结果总是爭執一埸。

家裡操重的工作他也一點不幫忙,叫佢幫我换燈胆,叫到要全部燈胆燒了才換,换完還要說為何我不換。我話这些是男人的工作更是由你去做,他則说換燈胆无分男女,女人也可以做!

我並不是家庭主婦,我也要返回,現在許多家务或操重工作(还有揍仔)不是由我阿媽做就是我做。我真係好唔開心!點解会嫁个这个男人!

我真係想跟他离婚!









:-x :-x :-x


水晶宮

積分: 50447

2019新春慶豚圓


發表於 04-4-16 17:07 |顯示全部帖子

Re: 老公做家務嗎 ?

未生仔同未請工人時, 我老公係一個會打 掃屋企, 煮飯的男人.佢仲會怨我將D野周圍放, 冇手尾. 有o 左個仔同個工人之後, 叫老公煮餐飯都好難. 至於湊仔, 老公只限於開奶 (喂奶都會, 但如果個仔玩奶樽, 唔食, 佢係唔會再喂, ;即係我執手尾. ), 同佢玩. 同個仔換衫出街都會, PROVIDED 我已經將D衫擺晒出黎. 我老公唔會同個仔換尿片, 尤其是有pooh pooh. 佢最怕的. 佢亦唔識同個仔沖涼, 洗奶樽, steam 奶樽. 總之, 工人一放假, 我就take up 晒工人o既duties. 我老公唔覺得佢需要幫手. 真係風水輪流轉.


大宅

積分: 1835


發表於 04-4-16 17:34 |顯示全部帖子

Re: 老公做家務嗎 ?

我老公會洗衫-因為每次佢話教我用洗衣機,我一定話唔識用。
我老公會燙衫-因為我唔識用燙斗。
我老公會抹窗-因為我抹會跌塊布落街。
我老公唔駛我煮飯-因為我唔識煮三個人份量,他亦不想煮完飯要洗碗。



男女平等,我兩個弟婦都是唔駛做,返阿媽屋企食飯都是男人洗碗,女人傾計。


男爵府

積分: 5872


發表於 04-4-16 17:55 |顯示全部帖子

Re: 老公做家務嗎 ?

我結婚前幾個月先同我老公住埋一齊, 佢又係冇乜點做家務, 因為好多時都係我做左...

叫佢掃地, 佢就話, "躂地咁乾淨, 使乜掃呀?" 其實好多塵佢睇唔到而已。
叫佢幫手洗碗, 個碗仲痴住好多泡就話洗完, 佢話佢o係外國讀書時都係咁架喎, "洗潔精係食得架喎" :-x 更加唔會抹乾d碗先擺入廚柜...洗完碗個廚房台面仲成灘水..又要我執手尾抹, 所以索性我做埋..我諗呢d都係佢既陰謀! 洗廁所更加唔會, 佢有句口吻就係: 咁乾淨, 使乜洗呀!

不過有樣野佢會做, 就係放d衫入洗衣機度洗, 跟住晾衫, 同埋一樣野我一定要佢自己做番, 就係熨衫, 事關我至憎至憎熨衫!! 我所有買既衫都幾乎唔使熨的, 如果要熨都比埋我老公熨 我試過有個月手緊, 跟住嗲我老公比錢我使, 佢比左1000蚊我, 咁我就好識做咁幫佢熨左 "兩大件恤衫", 佢就喊咁口話, "500蚊熨一件恤衫, 全球最貴呀~~~"
美甲達人俱樂部私家BlogHERE

Judy's Nail 美甲相集HERE

Judy's Nail Web PageHERE


珊瑚宮

積分: 110435

2019新春慶豚圓 2019勳章 好媽媽勳章 畀面勳章


發表於 04-4-16 18:29 |顯示全部帖子

Re: 老公做家務嗎 ?

我老公係一d家務都唔會做..佢連飲水都要我斟比佢..佢連廚房都唔會入 :-P
不過我係全職媽媽..冇做野...佢就要係出面搵錢比我同bb用..所以我唔多介意佢唔會家務...講真..佢唔做重好..唔好整亂我d野


別墅

積分: 544


發表於 04-4-16 21:13 |顯示全部帖子

Re: 老公做家務嗎 ?

月希,
我都係全識主婦, 但係我覺得湊仔都好辛苦, 所以老公最好都係幫幫好d


珊瑚宮

積分: 110435

2019新春慶豚圓 2019勳章 好媽媽勳章 畀面勳章


發表於 04-4-16 21:54 |顯示全部帖子

Re: 老公做家務嗎 ?

AnnAnn咁你bb幾大丫??
我覺得都ok啦..唔係真係咁辛苦..尤其係我bb對住我笑果時 不過我重有我爸爸一齊住..佢有時都會幫手睇下bb...可能因為都叫有人幫所以唔覺辛苦囉


別墅

積分: 729


發表於 04-4-16 23:57 |顯示全部帖子

Re: 老公做家務嗎 ?

有工人, 所以我同老公都不用做家務, 連湊B都唔使! 好輕鬆 !


男爵府

積分: 5614


發表於 04-4-17 00:46 |顯示全部帖子

Re: 老公做家務嗎 ?

每星期平均煮三至四餐飯,都係由老公負責煮,因為佢好鐘意煮餸架,幾好呀,唔駛我煮,食完有時都會幫我洗埋碗添.


男爵府

積分: 8120


發表於 04-4-17 01:45 |顯示全部帖子

Re: 老公做家務嗎 ?

洗衫,
間唔中煮下飯,
間唔中會做清洁,
間唔中湊下仔!
(間唔中指一星期做1,2次)


別墅

積分: 544


發表於 04-4-17 08:59 |顯示全部帖子

Re: 老公做家務嗎 ?

月希,
我囝囝而家6個幾月大, 仲成日轉身, 但係唔識轉返轉頭, 但係佢自己返身後無幾耐就會喊或叫, 可唔係太鐘意轉身之後的感覺.. 加上佢而家夜晚仲要我起身抱下佢, 拍下佢, 都幾累, 我都有阿媽來睇我, 隔日會來幾個鐘...遇到m 來, 就會好辛苦的 @@ 再加上佢近來食糊仔, 開始唔鐘意飲奶, 有時要成個鐘先飲完6安[email protected]@. 抱住佢都幾累, 佢有成20磅重, 好彩我唔駛點煮飯, 因為我老公成日要出去同客同同事食飯, 但係我一個人係屋企就會好孤單.. 同囝囝講野, 佢又唔知你講什麼, 我就快連廣東話都唔識講, 我老公仲話我點解而家講野好似差了咁多, 但係我都唔想@@

首頁

尾頁

跳至