在職全職今日: 1|主題: 47444

收藏本版

發帖

返回列表

跳至頁

查看: 1568 | 回覆: 3

[全職媽媽] 今日居然同一個婆婆吵大架!

hinhei

男爵府

積分: 9833

發表於 04-4-22 23:15 |顯示全部帖子

今日居然同一個婆婆吵大架!

今日高高興興同個細仔去逛街買嘢.......但去到街市時.....
我是推著車仔的,一位年紀也很大的婆婆轉過來,我巳立即停車,但也輕輕碰到她的腳.當我想道歉時(雖佢係自己特然行咗過來),我只講了個"婆"字,佢就巳經好似痴咗咁破口大罵!一輪嘴咁罵,我便大大聲同佢講我巳經諗住道歉,但你就係咁鬧!
佢又話我死的,又話佢後面無眼,我望住前面都撞到佢.......大佬呀!你特然行咗過來,我都即刻停啦!咁唔小心點到小小姐,又唔覺得佢痛,只係cake一cake隻腳....佢不停咁罵,我就真係火都來!
開始失控,越講越大聲,我諗成個街市都聽到我把聲!
不過我同佢吵嘴都唔係話佢啲乜,只係用返佢啲說話來話返佢.........
婆:[你死架]
我:[係呀死咗來找你呀!]
婆:[你快啲去死啦!]
我:[係呀!咁你去攞把刀插我呀!](隔離就係肉檔,我指住講.]
鬧得兩鬧,跟住這惡婆婆居然用佢手上拿著一袋唔知乜鬼來拍我!
我就叫佢唔好動手動腳,否則報警.佢就大大聲話好,因我撞到佢.......佢都痴!我就話佢知我係唔小心,佢就係特登!佢便立即轉話題!
跟住再鬧了一輪,都係我不停話佢我巳想道歉,佢就發神經係咁罵.佢就不停咁叫我去死,鬧我死八婆等!
後我醒覺佢係一個婆婆,算了吧!便推曦走..........
點知佢真係跟住我後面係咁罵,忍唔住又頂佢幾句,不過巳唔係之前好以儍婆咁大聲.......
婆:[.......你個正八婆!]
我:[係呀,我係八婆呀,咁點呀!]
婆:[你盲架........]
我:[係呀,我盲架!]
總之佢鬧乜我都轉個頭答佢係!
跟住再忍,忍忍忍.........沒出聲,行快兩步先甩到佢!

有無啲咁恐佈亞婆呀!痴線!係咁罵人,又唔係專登,又唔係整傷整痛佢,cake 一 cake 姐!
但過後我又後悔又驚,因自己咁大個人同一個百爺婆嘈!仲要鬼咁大聲,好失禮!自已一生人都得過兩三次同人咁係街破口大罵(另外個啲係同識得的人),今日的我簡直係失控!可能真係(皮質純偏高)....

又覺得自己唔應該同老人家嘈..........
唉!不過真係.......頂佢唔順! :-(

私人傳訊

【嘉嘉】

大宅

積分: 1457

發表於 04-4-23 00:58 |顯示全部帖子

Re: 今日居然同一個婆婆吵大架!

有ｄ阿婆係咁架，「恃老賣老」，我都試過唔小心撞到街上ｄ阿婆一下（我老公成日話我橫衝直撞…），ｄ阿婆「啤啤下」，又口 "up up" 咁，類似係話我行路唔帶眼咁，我見到呢ｄ阿婆，就算想講對唔住都會即係收返！！！你係阿婆我應該要尊重你，但係恃老賣老就唔得！！！

私人傳訊

lovelyanyan

大宅

積分: 1621

發表於 04-4-23 19:47 |顯示全部帖子

Re: 今日居然同一個婆婆吵大架!

係呀,D阿公阿婆成日以為自己老,我哋做後生嘅一定要尊敬佢哋,係唔可以話佢,鬧佢,甚至整親佢,就算你點同佢認錯都覺得你不知所謂,要鬧到比全世界嘅人知你係幾咁唔尊敬D老人家,尊重你係因為我哋有學識,唔尊敬你哋係因為你哋成日恃老賣老,不知所謂 :-x

頌恩99年3月8,穎恩05年5月2,浩宏06年12月31 頌恩穎恩網頁

私人傳訊

hinhei

男爵府

積分: 9833

發表於 04-4-23 22:12 |顯示全部帖子

Re: 今日居然同一個婆婆吵大架!

【嘉嘉】寫道:

有ｄ阿婆係咁架，「恃老賣老」，我都試過唔小心撞到街上ｄ阿婆一下（我老公成日話我橫衝直撞…），ｄ阿婆「啤啤下」，又口 "up up" 咁，類似係話我行路唔帶眼咁，我見到呢ｄ阿婆，就算想講對唔住都會即係收返！！！你係阿婆我應該要尊重你，但係恃老賣老就唔得！！！

你都好呀,靜係口up up.我真係比佢勁鬧呀!
初仲忍佢話佢知我想同佢道歉,講佢知我無心,話佢知係佢特然走咗過來我停唔切..........
佢就一味係咁大鬧,我忍唔住就鬧返佢,仲越鬧越火起,越鬧越大聲,跟住仲指鬼住佢來鬧,因我比較高,佢又細粒!!!

不過始終覺得有點慚愧,佢始終係亞婆~~~~~~~
唉!我諗到佢啲仔女都唔知點頂佢,若然有新抱,個新抱肯定超慘~~~`