我99唔會叫我夾送比佢個仔, 多數都係我自願既~
餐餐飯我都會扮下野夾送比99, 不過真係好累架.... 至慘夾完比佢佢又唔食, 周街派, 剩係食個仔夾比佢果d, 我夾果d就郁都唔郁, 擺到明有野, 但我有一次唔夾呢, 又話我啦!!
反而我老公好細心照顧我, 知我食親魚, 只要有一條幼既魚骨都會梗親, 完全唔識lur骨既人!! 所以每次有魚, 老公都會夾一大舊去自己碗, 去晒骨同皮先比我, 仲會記得淋d豉油比我呢~ 不過我見到99面口有d燶燶地~~ 哈哈~~
仲有我唔會meet蝦meet橙, 呢d野由細到大都係我老豆做, 結左婚就老公做! 但我99又係次次見到都會問我"做乜唔食蝦呀?!"
呢方面我99都算ok, 只係面口燶燶地, 至多都係單打, 我扮聽唔到就算!
但老公有個阿叔就超過份, 去人地婚宴, 我地坐第2主家席, 我老公好順手先夾比我, 再夾送比6299, 個阿叔就大大聲鬧, 話點解唔夾比阿媽先, 阿媽重要過老婆, &%!%!@#!^$^$
我老公唔想嘈交, 就話阿媽老婆一樣重要! 呢個阿叔仲belibala鬧鬧鬧鬧!
而我從頭都尾都唔見佢有對佢阿媽好囉, 叫都冇叫聲, 夾送更加冇啦! 但就係度大大聲話人地唔尊重阿媽!!
於是我就每道菜都企起身, 由麻麻, 6299, 連阿叔, 總之檯面上所有長輩我都夾勻晒, 係道道菜都咁做, 個阿叔先收晒聲!! 之後見我唔止第一道菜, 樣樣都係咁做之後, 冇聲出兼冇引, 佢以為我或我老公會出聲反擊, 以為咁樣可以引證到我地幾不尊重長輩, 點知我反而更加比佢得把口講更尊重!! 於是極冇引地, 最後果2道菜都唔食就走左!!!
我老公非常感激我既做法, 令到個阿叔冇聲出時, 又唔會難為6299同佢, 但佢就話令到我太委屈了~
我雖然都覺得委屈, 但我老公咁樣被個阿叔屈, 令我更唔開心!
之後果晚我地一齊係屋企鬧爆個阿叔, 自娛下就算啦~~
從此之後, 我地再冇同呢個阿叔講過一句說話!! 連佢自己都冇面再出聲話我地好唔叫佢~~ 抵死!!
♡女人想要奢侈品,其實要的是男人的捨得!
♡女人想要你出差的禮物,其實要的是男人的掛念!
♡女人想要生日禮物,其實要的是男人的心思!
♡女人想要擁抱,其實要的是男人的溫暖!
♡女人想要吵架,其實要的是男人的包容!
♡女人想要的一切,無非是要男人在乎她的感覺!