吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 夫婦情感› 可以點做？

夫婦情感今日: 30|主題: 42425

收藏本版

發帖

返回列表

跳至頁

查看: 2165 | 回覆: 10

可以點做？ [複製鏈接]

十月媽咪

男爵府

積分: 9256

1^#

發表於 04-4-29 13:57 |只看該作者

可以點做？

唉！我奶奶早三個禮拜離開左！我老公情緒極度低落，好多時都無乜野講！勸佢睇開ｄ，佢又話嗯！得架喇！
唉！每個星期至見佢一兩日（平日響廣州做野），早兩日見到佢，發覺佢ｄ白頭髮多左好多好多，雖然佢不嬲都多白頭髮，但係真係未見過佢多成咁，仲輕左成廿磅！
唉！睇見都唔知講乜好！如果見佢一次安慰佢一次，又好似成日提住ｄ唔開心野，好多時佢坐響度都喊得出，真係搞到我唔識點同佢溝通！
衰ｄ問句，有冇人有過同樣or大約既經驗，可以分享下嗎？遇到呢ｄ情況，你地會點開解你另一半呀？

私人傳訊

型仔老豆

複式洋房

積分: 124

2^#

發表於 04-4-29 15:04 |只看該作者

Re: 可以點做？

佢媽咪o岩o岩走o左,點都有D唔開心,

放心,時間能沖淡一切,遲下就冇事嫁啦

私人傳訊

stkyo

象牙宮

積分: 206241

牛年勳章 HiPP勳章(1) 2018復活節勳章 15週年勳章親子王國15週年勳章玩具勳章畀面勳章環保接龍勳章大廚勳章親子達人勳章 wyeth冷知識勳章 BK Milk勳章 hashtag影視迷勳章育兒性格勳章認識瑞士牛牛第一回認識瑞士牛牛第二回最關心BB問題熱投勳章開心吸收勳章

3^#

發表於 04-4-29 15:14 |只看該作者

Re: 可以點做？

曾經睇過一份文章話"時間係一塊最好既膠布"，能將人既傷痛慢慢治好，我諗你可以好似平時咁關心佢已經okay，希望你丈夫快D開心番。

私人傳訊

tt2001

大宅

積分: 1111

4^#

發表於 04-4-29 15:38 |只看該作者

Re: 可以點做？

唯有時間！

幾好丫。你老公咁孝順，咁重情。呢D老公通常都係好老公！

私人傳訊

心肝寶貝

大宅

積分: 4297

5^#

發表於 04-4-29 16:29 |只看該作者

Re: 可以點做？

咁 ...... 件事發生後, 您老公有冇喺您面前好大聲咁喊過呀 ! 定係強裝堅強接受呀 ?

我唸返起, 幾年前, 當我老公知道佢個保母死時, (個保母係好錫好錫我老公, 佢死前係住在老人院, 每個星期六, 例必去探佢, 所以, 我哋嘅關係相當之 CLOSE) 佢沒有強忍淚水, 好盡情; 好盡情咁喊咗出嚟, 當時, 我都俾佢嚇一跳, 基本上, 佢對好多事情, 都睇得好開, 但係, 嗰次 ........ 我當時嘜都冇講, 淨係坐喺佢旁邊, 捉實佢隻手, 一路俾紙巾佢抹眼淚, 的而且確, 時間係可以沖淡一切, 但這段時間 ...... 難過 / 傷心 / 心痛; 是必然的.

盡量令到您老公將佢心裡面所想嘅, 講一次出嚟 ! 盡情地大喊出嚟, 或者, 對佢會好 D, 唔好俾佢鬱積在心 ........

私人傳訊

該用戶已被刪除

6^#

發表於 04-4-29 16:37 |只看該作者

Re: 可以點做？

提示: 作者被禁止或刪除內容自動屏蔽

私人傳訊

麟媽媽

王國長老

積分: 82380

好媽媽勳章王國長老

7^#

發表於 04-4-29 17:12 |只看該作者

Re: 可以點做？

我有這個經驗，舊年我老爺過身，當時佢去得好突然，在家中暈左就去了…我老公當日去了北京出差，上機前打去搵爸爸但沒人接聽，以為他出街去了，其實當時已出事…
老公知道後趕第二日機回港，始終見不到最後一面，他十分傷心。你講得沒錯，佢都成日喊出來的，由他吧！真係要時間才可令這事沖淡。初時我沒有特別說什麼，因我也不好受，我老爺是一個很好的人，對我都很好，我只有默默陪住佢。
後來我跟老公說，是否有很多說話想講但沒機會所以很難過？他點點頭，眼淚又大大粒掉下來…我跟他說把心裡想講的說出來吧，也許爸爸會聽到呢！他跟著做，說完好像舒懷了少許。之後我又和他看看舊相簿，我叫他想想和爸爸兒時的快樂片段，而家佢唔係度，但佢地以往的美好回憶無人可帶走嘛！我又問問D相發生緊咩事，佢講下講下咀角都有一點點笑意，他看完又好像好左DD。
比多點時間他，我老爺去了一年有多了，而家我老公都好似無咩野了，只是第一次去拜山都有D眼紅紅…

私人傳訊

十月媽咪

男爵府

積分: 9256

8^#

發表於 04-4-30 09:30 |只看該作者

Re: 可以點做？

麟媽媽:
你既情況同我比較相似，我奶奶過身得又係好突然，當時我老公又係唔響香港，趕到返香港但都見唔到佢阿媽最後一面，所以佢到而家個心都仲係好唔安樂兼好內疚！覺得佢阿媽死得好唔抵，好慘！（係交通意外）所以佢好多時一諗起奶奶睇唔到bb長大，又聽唔到ｂｂ叫佢一聲〔女麻女麻〕就走左，佢就會眼紅紅！搞到我每個星期帶ｂｂ返屋企畀佢見果陣，佢都好辛苦！一方面見到ｂｂ佢好開心（因為ｂｂ成日對住佢笑），另一方面諗起佢阿媽以後都見證唔到ｂｂ既成長，佢又眼紅紅！
唉．．．真係好難搞！希望學其他媽咪所講，時間真係可以沖淡一切啦！
我老爺過身都有兩年半喇，每年清明兼生死忌，我老公都會去拜，去親都好懷緬同佢阿爸一齊既日子的！
不過我睇得出，無論我老公響我面前扮到幾無事都好，我知佢始終都會覺得好遺憾，好內疚的！
我只希望佢凡事都諗得開懷ｄ，唔好樣樣野都耿耿於懷就好喇！

私人傳訊

麟媽媽

王國長老

積分: 82380

好媽媽勳章王國長老

9^#

發表於 04-4-30 14:55 |只看該作者

Re: 可以點做？

原來你老爺都是已過身...我記得當時我跟老公說過，老爺是去了，我亦明白他很後悔，覺得他在生時對他不夠好，現在什麼都補償不到。之後我跟老公說他媽媽還在，應對媽媽多關心些，不是他日佢百年歸老又來後悔嗎？我亦說奶奶見到佢咁都會更難過，所以佢之後見我奶奶都表現得輕鬆點。
但你老爺亦已過身，唔可以咁開解你老公...比多D時間他吧...

私人傳訊

wunma

禁止訪問

積分: 2680

10^#

發表於 04-4-30 16:02 |只看該作者

Re: 可以點做？

提示: 作者被禁止或刪除內容自動屏蔽

私人傳訊

十月媽咪

男爵府

積分: 9256

11^#

發表於 04-4-30 16:42 |只看該作者

Re: 可以點做？

wunma：
其實我而家都係採取緊你既方法，盡量少提，但係怕唔怕佢以為我唔關心佢阿媽呢？問都唔問下！好似好不孝咁！但係問呢，又勾起佢既傷心記憶，真係好矛盾！

麟媽媽：
幾年前佢阿爸唔響度果陣，我未嫁畀佢，不過都用過呢個方法安慰佢，但係而家都唔知講乜好！唯有係盡量令佢開心ｄ，多ｄ同佢講個女既野，例如今日阿囡有乜野進步左，頭髮多左，牙仔爆緊出唻等等．．．我只知道盡量分散佢既注意力，不過好多時佢靜落唻果陣，我知佢成日都偷偷地喊，就算唔喊都眼紅紅，睇見都好唔安樂！

私人傳訊