婆媳關係 今日: 3 | 主題: 27785

積分: 1646

1^#

發表於 08-5-23 13:04 |只看該作者 |倒序瀏覽 |打印

佢地既差勁野真係大把,而有關小b既就包括下面呢d:

1. 我地仲未決定係咪生bb前,我62叫我吾好生!!!佢吾係客觀分析養仔女負擔幾重而叫我地自己計數諗清楚,佢係有次出街食飯後就拉住我猛講:"...而家打工仔好難,負擔重......所以之前我同阿xx(我老公)講叫佢吾好生!!!"佢仲要對住我重覆最尾果句幾次,好似想我即刻say yes應承佢咁!!我當然無俾反應佢!!

我覺得你話而家養仔女要好多$,叫我地自己計下負吾負擔到先生好正常!但點都無可能落order咁叫我地吾好生!!呢d係我地兩公婆既事!!

2. 又係未決定係咪生bb前,我99已經同我媽媽講:"你反正湊開孫(我哥哥個女),第時佢地真係有,你湊埋我果份啦,佢跟你姓都得架!!"我真係覺得最尾果句好過份!!而且雖則佢地話要湊我都吾會俾,但我媽媽守寡多年捱左多年,佢地兩公婆就齊全可以一齊幫手,話哂又係爺爺mama,如果真係要排都應該係你地幫手湊先啦,點解好意思講到卸哂俾我媽媽??

3. 我有左個幾月時因為卵巢有水泡,痛到半夜call白車入院住左幾日,醫生話無辦法,都係唯有等個水泡自己散,除非係吾再陀個bb!!同我99講番e生咁講,佢竟然即刻就話:"咁咪吾好要囉,反正都未成型!!"佢咁都講得出,我真係覺得超離譜!!

坦白講,我而家真係好憎佢地,連我媽媽都好吾鍾意佢地!!佢地講得出d咁既野根本都吾想我生吾"恨"抱孫架啦,但響我老公面前又懶開心咁!!

我生左後會同埋我媽媽一齊住(因為佢會幫我一齊湊bb),我真係好吾想坐月見到佢地,最好以後都吾駛見添!!同佢地接觸親心情都差哂,我媽媽都好吾想見到佢地!!但我真係好怕到時吾駛佢地湊,佢地又得閒,會成日走黎!到時佢地吾幫手不特止,仲要我媽媽招呼服侍佢地,咁真係吾得佢死!!(佢地有次去我媽媽度,99飲完茶拎隻杯入廚房,我62即刻已經鬼咁緊張話:"你放低啦,你吾識洗杯架啦!!"慌死做親佢老婆咁!!幾十歲人又係人阿媽,洗隻杯都吾識??吾該你地講野吾好咁離譜啦!!)

我真係超吾想見佢地呀

,但係咪無藉口吾俾佢地黎呢??

大家有無計??

0 0 0

私人傳訊

cactuschan

別墅

積分: 904

2^#

發表於 08-5-23 13:21 |只看該作者

佢地住得好近你娘家架？
可唔可以叫你老公同佢地講，叫佢地在你坐月期間唔好黎呀...話你岩岩生完情緒會唔好，謝絕探訪啦~
反正佢地講野都唔俾面你~

私人傳訊

060905

男爵府

積分: 6052

3^#

發表於 08-5-23 13:24 |只看該作者

好難阻止，我個時坐月都係唔想見到佢地，因為我大肚個時，同佢地搞到好唔愉快，我個女都就黎兩歲，我到而家對當時都仲係有條刺，我個時有直情唔想佢地抱我個女，但係無做到，個果始終係ＢＢ既爺爺女麻女麻，好難開口，只可以話佢地會阻住你休息，少Ｄ俾佢地上黎，或者佢地想上黎個時你咪話你同ＢＢ訓左覺，唔知幾點先起身，下次先啦。

另外，佢地都唔＂恨＂抱孫，未必會成日上黎，放心。

私人傳訊

Siuchoi

積分: 32052

4^#

發表於 08-5-23 13:48 |只看該作者

樓主~ 你諗得太多了~ 可能佢地跟本唔會上黎睇你同bb~

私人傳訊

OneOneMa

積分: 1038

5^#

發表於 08-5-23 14:43 |只看該作者

讚成魔鬼天使講法... 不過洗腦要慢慢黎... 唔好日日講, 否則會有反效果...
and, 再講埋話你亞媽唔鍾意成日有人走上去攪住晒...
再者, 同你老公講埋, 如果佢地要上去你亞媽屋企度要先打電話俾你亞媽, 唔好自己中上去, 咁樣好冇禮貌... 到時如果佢地真係打到黎, 叫你亞媽聽, 話你瞓緊覺叫佢地唔好上黎住, 等你瞓醒打返俾佢地, 你咪下午好遲先打返俾佢地囉... 再話咁晏唔好上黎勒, 話約聽日咪話聽日唔知幾點會醒, bb 瞓覺時間唔穩定, 佢瞓你都要休息, 話滿月先見囉... 到咗滿月咪同你老公講話唔攪, 佢地問, 就話 "老爺話咩都貴, 之前都叫我地唔好生, 所以而家都係唔攪滿月勒, 費事使錢啦"...

私人傳訊

pino

積分: 1646

6^#

發表於 08-5-23 16:18 |只看該作者

回覆 #2 cactuschan 的文章

吾算住得近架!佢地香港區,我住九龍,不過佢地好得閒!

私人傳訊

pino

積分: 1646

7^#

發表於 08-5-23 16:21 |只看該作者

回覆 #4 moonychan 的文章

最弊我老公到時都放假響度呢,我無得扮無人接電話呀!

私人傳訊

pino

積分: 1646

8^#

發表於 08-5-23 16:24 |只看該作者

060905,Siuchoi,

如果佢地真係唔會上黎睇我同bb就very gd la!!最驚佢地到時得閒到死,又吾駛佢地幫手湊b,就響度扮錫個孫咋!!

d人知道我果個係仔,個個都同我/我媽媽講"咁呀爺爺mama咪好開心囉?"我地真係唯有苦笑!!

私人傳訊

積分: 46804

趣教勳章畀面勳章貢獻勳章大廚勳章遊學勳章冬日勳章春季勳章 BK Milk勳章 hashtag影視迷勳章月餅勳章開心吸收勳章

9^#

發表於 08-5-23 16:29 |只看該作者

咁咪等你老公頂囉. 坦白講, 如果諗住餵人奶, 有D生保人响度都係唔係咁方便, 冇理由次次都要你'lei'入房餵㗎. 初生要成日餵, 冇時停㗎 ~~

同你老公講, 唔方便. 希望佢識做啦 ~~

Please do not quote any information posted by fungwongphie.
不誠實使用電腦會構成罪行，切勿以身試法。
何謂不誠實使用電腦??

私人傳訊

積分: 46804

趣教勳章畀面勳章貢獻勳章大廚勳章遊學勳章冬日勳章春季勳章 BK Milk勳章 hashtag影視迷勳章月餅勳章開心吸收勳章

10^#

發表於 08-5-23 16:31 |只看該作者

Please do not quote any information posted by fungwongphie.
不誠實使用電腦會構成罪行，切勿以身試法。
何謂不誠實使用電腦??

私人傳訊

pino

積分: 1646

11^#

發表於 08-5-23 16:33 |只看該作者

魔鬼天使,

佢知架,不過佢好鬼孝順,成日想維護佢地,又想做和事佬講好說話!e.g.佢阿媽13點姐;佢地講笑/講下姐; 佢地吾識講野姐!!我亦都講過好多次,佢幫佢地解釋咁多我都吾會信!!棧我仲慶!!幾十歲講野都吾識分寸??

同埋我老公成日件事過左就好似無事發生過咁,吾會記得6299講過乜!亦吾會記得自己講過乜!好似有次因為6299又令我地嗌大交,佢事後都好口響話我第時吾駛出去食飯見佢地,佢自己去就得啦!但好似到母親節時,佢咪又係講句:"呢d細野你就吾駛去啦!到大時大節好似團年飯咁你就去啦!"

私人傳訊

pino

積分: 1646

12^#

發表於 08-5-23 16:39 |只看該作者

OneOneMa,

其實係咪可以吾擺滿月呢?6299之前吾知攪乜,已經同老公講開擺滿月酒既野啦!!我地兩家其實親戚吾多,就算係亦吾會請哂,一至兩圍大枱已經ok,但佢地鬼咁騎呢,我真係吾想我d親戚見到佢地囉,棧失禮!!

但小b滿月又無理由吾一家大細食餐飯,食得又無理由吾叫6299(我老公都吾肯啦)......好煩呀!諗起佢地就想

私人傳訊

pino

積分: 1646

13^#

發表於 08-5-23 16:47 |只看該作者

我其實都同老公講過話我坐月吾想見佢地,但佢話好難吾俾佢地黎喎!睇黎佢吾會點頂!

我媽媽就話到時佢地打黎,佢就話好忙,又要照顧我又要照顧小b,吾得閒招呼佢地,話等滿左月先抱去佢地屋企俾佢地見!!不過我媽媽其實係想"大"佢地,特登咁講!!

因為我6299根本從來都吾俾我上佢地屋企(99話佢間屋好亂喎,吾好意思俾我上去),我除左同老公剛拍拖時咁啱佢地吾響度我老公帶我上過去1-2次外,我呢10年黎係一次都無上過佢地屋企架!!呢樣野都係我同媽媽覺得超騎呢既野!!

私人傳訊

積分: 46804

趣教勳章畀面勳章貢獻勳章大廚勳章遊學勳章冬日勳章春季勳章 BK Milk勳章 hashtag影視迷勳章月餅勳章開心吸收勳章

14^#

發表於 08-5-23 17:32 |只看該作者

Please do not quote any information posted by fungwongphie.
不誠實使用電腦會構成罪行，切勿以身試法。
何謂不誠實使用電腦??

私人傳訊