意見反饋
義工

嬰兒食譜 今日: 4|主題: 27040

查看: 1278 | 回覆: 6
好開心,囝囝尋日用10分鐘食曬1碗粥!


男爵府

國民生產總值:6059


發表於 04-5-1 19:09 |顯示全部帖子

好開心,囝囝尋日用10分鐘食曬1碗粥!

囝囝1歲啦,佢一向都唔鍾意食野,次次食粥都用成個幾鐘,唔肯張大個口,食到週地都係,真係餵到我發皮氣,但我尋日同佢去街,餓咗佢4個幾鐘,返到屋企先比粥佢食,佢竟然一啖接一啖咁食,好快就食曬成碗粥啦,果一刻我真係好有滿足感!

今日我又試吓隔4個鐘先比佢食,雖然冇尋日食得咁好,因佢食咗1/3碗就喊,要我比人奶佢飲,我堅持唔比,抱起佢令到佢唔喊住先再食過,佢又食多1/3碗,但我已經好開心,比平時食得快好多!

呢個係一個好開始,我希望可以堅持比囝囝一個固定嘅飲食時間,咁我就唔使咁辛苦!!


男爵府

國民生產總值:7500


發表於 04-5-3 04:48 |顯示全部帖子

Re: 好開心,囝囝尋日用10分鐘食曬1碗粥!

支持你ar!!亦替你開心!!我bb9months,本來好鍾意食粥亦都好快食晒成碗,但近排唔知做乜食親粥都好扭計,好忟!!激死!!宜家先知佢o個時咁乖!!


別墅

國民生產總值:883


發表於 04-5-4 23:39 |顯示全部帖子

Re: 好開心,囝囝尋日用10分鐘食曬1碗粥!

喂!好耐冇見呀~~
你就好啦,你阿b食得咁快,我就慘喇,我阿b依然食粥需時好耐,食得又小,同埋食親都喊!


男爵府

國民生產總值:6059


發表於 04-5-5 22:06 |顯示全部帖子

Re: 好開心,囝囝尋日用10分鐘食曬1碗粥!

youngmi ,
好耐冇見喎,你點呀?成日都唔見你online嘅?
你阿b同我阿b一樣,都係唔鐘意食野,不過佢唔食都冇計,又唔可以迫佢,你試吓煮多啲唔同嘅花款比佢試下啦,可能佢會鍾意呢!



別墅

國民生產總值:883


發表於 04-5-6 03:10 |顯示全部帖子

Re: 好開心,囝囝尋日用10分鐘食曬1碗粥!

850212,
我阿b食親粥都唔肯開口架,有時成個匙x連粥捉住,有時打落去,激到我死死下,有時我要(鏈)住佢個口一路喊一路食!次次食得果幾啖粥,我都唔知有咩可以煲,我黎黎去去都係豬肉,豬骨,魚+菜,冇喇 !


男爵府

國民生產總值:6059


發表於 04-5-6 22:58 |顯示全部帖子

Re: 好開心,囝囝尋日用10分鐘食曬1碗粥!

我阿b都係食親粥都唔肯開口,你所講嘅我都試過,真係餵到我好忟,次次成啖心機煲咗出黎,佢食得果幾啖,攪到我好冇引!
我呢排用番茄+落d粥度,佢好似肯食多幾啖,你都試吓啦!
唉!佢呢幾日都係一時時食得好啲,我有次餓咗佢6個鍾,佢都唔肯食,唯有比奶佢飲囉!今日都唔係食得咁好,食幾啖就喊,成日都食唔到1碗!


民房

國民生產總值:32


發表於 04-5-7 12:13 |顯示全部帖子

Re: 好開心,囝囝尋日用10分鐘食曬1碗粥!

hi,

我bb都係一樣, 以前唔絓鍾意食奶, 但食粥砧同糊都好乖, 雖然唔係好快食晒, 但會自動張開口, 食到一碗有多, 但近來一見到隻碗巳經又喊又忟, 糊都肯食d, 但粥死都唔肯食, 激到我死, 反而奶佢依家又食得幾好, 我真係好忟, 冇晒心機再煲 粥 !!


© Baby-Kingdom.com Limited. All rights reserved.