意見反饋
義工

夫婦情感 今日: 28|主題: 38907

查看: 1796 | 回覆: 5
真係好累.......


大宅

國民生產總值:1286


發表於 04-5-5 16:10 |顯示全部帖子

真係好累.......

我尋晚成晚訓唔著,想了很多也,真的覺得自己實在太累,太累了......我自已日頭要返工,晚上要進修,放學後還要搭車1hr才回到家,還要去奶奶度帶我個囡返屋企訓覺,需我老公呢?我奶奶請著的大陸親戚來,我老公就扑心扑命日日只掛著佢地,1/5早上6點松的,佢就上深圳接那些所謂的親戚,成日一個電話問候下個囡同個老婆都冇,晚晚都係飲酒飲到三更半夜至返屋企,尋晚佢竟然帶著佢地出去飲酒,成晚冇返屋企,又係一個電話都冇......今朝9點才打電話俾我,我沒有聽......下午lunch後,佢又打電話俾我話,今朝打電話俾您,您冇聽.我答佢,唔想聽,之後佢掛線了.對著佢,我真的好累好累 ........


複式洋房

國民生產總值:425


發表於 04-5-5 21:36 |顯示全部帖子

Re: 真係好累.......

Hi KK1706
雖然我的老公現在不是這樣,但我亦明白你内心的感受。嘗試用另一個角度看這件事,了解丈夫整晚沒有回家和來電的原因。
我在未結婚前老公跟同事經常飲酒吹水,那時相方都唔開心。當我细心想,他從沒有向我講過一些工作唔開心的事,但他跟同事飲酒吹水中,便感受到他工作的壓力。
其實他在早上找不到你,在中午再打電話回家,已表示關心你們。要明白每一個人表達方法不同,相方的感受亦不同。


子爵府

國民生產總值:11510


發表於 04-5-5 22:15 |顯示全部帖子

Re: 真係好累.......

其實你要坦白同你老公講番你既感受囉,發佢脾氣自己又諗埋一邊係解決唔到問題架!隻佬鬼知自己衰乜啫(=.= 啲男人係咁死蠢)~!如果發生响我身上,佢唔打電話俾我,我會自己打電話俾佢囉,順便投訴佢唔打電話番嚟報平安,當然語氣唔可以咁硬啦,男人呢家嘢始終受軟唔受硬嘛!等到佢番到屋企,就要搵機會同佢坐低好好傾,要求佢出去WET時都要記得自動自覺打番嚟搵你報平安,唔好咁夜番,老婆會擔心...;有時對住老公真係同湊仔無乜分別,係要我地勞氣(不過响心度而唔係向佢發出嚟),但係兩公婆相處流流長,無謂因為呢啲小事而洩氣囉.大家有咩不滿咪開心見誠好好講,唔好谷住谷住响個心度,你咁樣自己都會唔開心啦,係咪!


子爵府

國民生產總值:13691

BK Milk勳章


發表於 04-5-6 10:14 |顯示全部帖子

Re: 真係好累.......

I AGREE WITH BANDBAND!你可以做主動先,老公夜番你可以CALL佢俾佢知道你既擔心,幾次之後就會自動自覺CALL你報平安,拍拖初時我同朋友去完街都無諗過要CALL老公報平安,後來試得多就識得CALL老公話俾佢知我返到屋企。

貓也好,狗也好,請愛護尊重每個生命體


男爵府

國民生產總值:8075


發表於 04-5-6 10:36 |顯示全部帖子

Re: 真係好累.......

我都好明你感受, 我都覺得你其實都冇咩時候休息. 我隻佬以前都係咁o家, 有一次同佢嗌大交,係因為我個仔得2個月剛剛打完針仲發緊高燒, 我個仔已經成日訓唔到, 點知佢表哥夜晚9點一打黎話出去飲酒傾計, 佢扑都扑唔(設)(平時一出去就朝早5點幾先番), 我發哂牌氣, 佢只係一句話應承左人, 你估我唔知咩, 佢廢事成晚冇得訓. 之後佢出去既時候大家一句都冇講到. 我就o係11點既時候打比佢, 話你12點番唔到黎(搭車只要15分鐘就番到), 我lock門, 你以後都唔洗番黎喇, 之後佢先識驚~話應承我12點前番, 最後雖然遲左5分鐘, 但我都原諒左佢, 佢知自己遲到, 番到黎仲即刻講左好多次SORRY添呀! 至始之後, 佢每一次去飲酒都要我應承, 佢先去得喇. 男人係要嚇下先識驚O家, 唔好成日唔出聲呀, D男人就覺得佢自己O岩哂, 咁你自己就更加辛苦.


大宅

國民生產總值:1286


發表於 04-5-6 12:48 |顯示全部帖子

Re: 真係好累.......

好多謝您地俾我係度申下,我想今晚我會同佢傾下,谷住响個心度,真係好唔開心! 令我成日冇心情做也......


© Baby-Kingdom.com Limited. All rights reserved.