跳至

首頁
12345...17

尾頁
   0


大宅

積分: 4359


發表於 04-5-8 23:54 |顯示全部帖子

日本迷爹d媽咪, 快d 黎喇

好高興. 我己經買過一次悠長假期vcd 及一次dvd. 豈料d 朋友借去後, 就變左"借荊州"喇. 結果, 搵左幾年, 終於今日俾我再次見到買返喇.

話我小氣都係咁話, 今次一於唔再借出. no no no.
津小生及非牟利幼稚園園生的窮媽媽! ;)


男爵府

積分: 7668


發表於 04-5-9 00:00 |顯示全部帖子

Re: 好高興, 買到悠長假期dvd

我都係呀, 無陰公呀!!!
我直頭衰到唔記得借左比邊個呀

算啦, 橫樹都無時間再睇, 我唔會再買架啦.

nicolemummy, 好讚成, [size=large]"唔好再借出呀!"
   


大宅

積分: 4359


發表於 04-5-9 00:02 |顯示全部帖子

Re: 好高興, 買到悠長假期dvd

hi winwin,

多謝你的支持

p.s. 你的煙花相好靚呀!
津小生及非牟利幼稚園園生的窮媽媽! ;)


珊瑚宮

積分: 107784


發表於 04-5-9 00:19 |顯示全部帖子

Re: 好高興, 買到悠長假期dvd

我都係「長假」嘅fans嚟架,尤其d音樂無論現在古典都咁好聽,我睇過五次,但淨得vcd咋,不過已經好滿足啦!

不如,大家交流下鐘意套劇嘜吖!我就好鐘意山口智子果角色,好爽朗樂觀,好記得果場,佢同木村拓哉坐係梳化度,想問清楚佢對大家嘅關係點睇,真係好抵死又戥佢地牙痕,估唔到係鬧架收場,山口智子演技真好!


男爵府

積分: 7668


發表於 04-5-9 00:48 |顯示全部帖子

Re: 好高興, 買到悠長假期dvd

SandyKL,

我最鐘意山口智子成日去雪櫃拎水飲, 就咁用口飲, 阿木村話佢唔衛生, 跟手阿山口智子就話咁樣係間接kiss :-P , 好鬼抵死. .

重有樣野, 唔知大家認唔認同, 鐘意悠長假期d人, 就唔會鐘意松隆子同木村o個套(唔記得mud名).
   


男爵府

積分: 7668


發表於 04-5-9 00:50 |顯示全部帖子

Re: 好高興, 買到悠長假期dvd

多謝妳讚我d相靚 .

nicolemummy 寫道:
hi winwin,

多謝你的支持

p.s. 你的煙花相好靚呀!
   


珊瑚宮

積分: 107784


發表於 04-5-9 01:07 |顯示全部帖子

Re: 好高興, 買到悠長假期dvd

winwin323,

你係唔係話「love generation」?,不過我唔記得好清楚中文譯名,好似係「戀愛世紀」,我都係對果套麻麻地,個故事「龍頭蛇尾」,但首歌就幾好聽,覺得好婆媽,講木村同佢舊女友果段好拖泥帶水同好長,所以唔係咁好睇。

我都好記得佢地飲水果段,攪到木村即刻有遐想,開始撻著咗。另外,我都好鐘意竹野內豐,佢其實仲靚仔過木村,演果樣似果樣,演技好過木村,所以「長假」係我至愛。至於松隆子係套劇冇得發揮,話時話,睇過佢幾套劇,感覺麻麻,日本女演員,我比較鐘意菜菜子,當然仲有山口智子啦!


大宅

積分: 4359


發表於 04-5-9 07:33 |顯示全部帖子

Re: 好高興, 買到悠長假期dvd

我差d唔記得哂d 橋段喇.

不過, 印象最深, 令人難忘既, 係木村最希望在離開山口前, 為她演奏一曲. 木村從未為誰演奏過甚麼, 山口亦不知道. 但從曲中, 大家都在心中感受到, 不用說出來..... 真是最高潮的橋段, 好感動呢! 我也站起來拍掌說:"bravo!"
津小生及非牟利幼稚園園生的窮媽媽! ;)


珍珠宮

積分: 31233

2019新春慶豚圓 醒目開學勳章


發表於 04-5-9 09:50 |顯示全部帖子

Re: 好高興, 買到悠長假期dvd

木村既日劇真係好正架.點都要翻睇幾次先得,最新的Pride大家買左未?雖然收視冇破紀錄,但我都會睇架,上次飛機師既造型真係好掂,無線講過會播架,但又冇左下文,我雖然睇左3次,但電視播的話我都仲會睇.我好自私架,木村既日劇.CD,演唱會,電視節目我都唔會借比任何人.我怕我買唔返呀.每年既演唱會我都好想去現場睇架,可惜女又細,又難買飛,等女女大個D我會帶埋佢一齊去,女女都鐘意木村架,佢話"拓拓"跳舞好有型喎.有冇人好似我咁迷木村架?有冇發覺佢結婚後變左?我依家每星期都追睇佢既節目,雖然個樣冇變,扮鬼扮馬一樣咁好笑,但係有種好怪既感覺,同以前有D唔同咁.話時話就快又開演唱會.今年到依家都仲未公佈詳情既?有冇人知呀?


大宅

積分: 1786


發表於 04-5-9 10:05 |顯示全部帖子

Re: 好高興, 買到悠長假期dvd

我就最鍾意山口係窗口玩"彈波"果度, 套劇好正, 我老公都係因為Lee套戲至開始鍾意睇日劇咋. 不過係n年前啦, 約96年啦.之後仲有睇東京愛的故事....等等


男爵府

積分: 8423


發表於 04-5-9 11:37 |顯示全部帖子

Re: 好高興, 買到悠長假期dvd

我都唔係咁鍾意 睇「戀愛世紀」,其實我覺得呢套劇個內容, 好似 東京爰的故事 ....!

係呢, 我好耐冇買 日劇, 請問而家那裡有得賣..!
我都係鍾意日劇多過韓劇....!


珊瑚宮

積分: 107784


發表於 04-5-9 12:48 |顯示全部帖子

Re: 好高興, 買到悠長假期dvd

nicholemummy,

妳講果幕,我都有同感,想企埋起身嗌"Bravo",果位幕後彈鋼琴嘅仁兄,真係彈得好有感情,正!

係之前講佢地鬧架果幕都好好睇,即係企係會堂出面個大堂度果幕,山口送個幸運符俾木村,但係反而遭受到木村奚落,其實唔知係唔係寫佢地「當局者迷」,根本木村就係因為妒忌及急情,所以先發負氣講埋d hurt山口嘅說話,俾著我係山口,已經知道木村點對自己啦!可能就係咁先令觀眾戥佢地著急,所以引人入勝。


男爵府

積分: 6634


發表於 04-5-9 12:56 |顯示全部帖子

Re: 好高興, 買到悠長假期dvd

我都係最鍾意彈波果場呀,同埋燒煙花果場,我覺得好正,每次我睇木村彈琴比賽佢諗返以前同山口智子一齊既野果時我都會忍唔住喊架,真係好感動,仲有呀,剛剛諗起,木村問山口智子可唔可以錫下佢,山口話"好呀"果幕都係我好鍾意架,講多幾講又想再睇喇!!!
~~最鍚我個寶貝仔仔~~


珊瑚宮

積分: 107784


發表於 04-5-9 12:57 |顯示全部帖子

Re: 好高興, 買到悠長假期dvd

我都想知係邊度可以買到妳地所講嘅日劇?

我都係唔鐘意韓劇,一來d人嘅化妝死板板,二來進展好慢,好悶。我淨係覺得電影「假如愛有天意」好睇之外,其他冇嘜邊套覺得好睇,就算好受歡迎嘅「藍色生死戀」,我都睇睇下唔再睇落去,但係日劇就唔同,每套都覺得唔好睇都有個譜,就算「戀愛世紀」前段講木村同松隆子鬥氣都唔知幾好笑,雖然整體理套劇拍得麻麻地。


男爵府

積分: 7668


發表於 04-5-9 13:12 |顯示全部帖子

Re: 好高興, 買到悠長假期dvd

SandyKL寫道:
winwin323,

你係唔係話「love generation」?,不過我唔記得好清楚中文譯名,好似係「戀愛世紀」..............

另外,我都好鐘意竹野內豐,佢其實仲靚仔過木村.............

至於松隆子係套劇冇得發揮,話時話,睇過佢幾套劇,感覺麻麻..............!


SandyKL,

係呀, 係「戀愛世紀」呀!! 呢套我就麻麻地, 覺得唔係咁好睇. 同時自己有d偏見, 覺得 松隆子 好似模仿緊 山口智子 o係悠長假期咁款.

但係我記得以前公司d女同事, 好似分開2類, 1款係「戀愛世紀」, 另1款係「悠長假期」, 無人 會2套都鍾意.
   


珊瑚宮

積分: 107784


發表於 04-5-9 13:39 |顯示全部帖子

Re: 好高興, 買到悠長假期dvd

Tomkate 寫道:
我都係最鍾意彈波果場呀,同埋燒煙花果場,我覺得好正,每次我睇木村彈琴比賽佢諗返以前同山口智子一齊既野果時我都會忍唔住喊架,真係好感動,仲有呀,剛剛諗起,木村問山口智子可唔可以錫下佢,山口話"好呀"果幕都係我好鍾意架,講多幾講又想再睇喇!!!


我覺得當山口同木村講做嘜自己一個放煙花,唔預佢,跟住木村冇答佢,反而問佢揾佢做嘜,跟住山口略略猶豫咁答,想嚟同你kiss,木村諗都唔諗答好吖,跟住又唔係即刻咀,行去點著煙花先返埋嚟將山口攬埋嚟咀,理幕真係殺死人,睇到我理個已經結婚好耐嘅師奶都覺得感動。

winwin,

好多人將「長假」同「戀愛世紀」比較,可能差不多同期,又係同一作者,所以拉埋一齊講,松隆子比較後生,所以有d後生女鐘意佢架,我個妹二十零歲,都話佢cute,表情可愛喎,我覺得佢果樣較包,雖然外型有d似菜菜子,但係就冇菜菜子果種優雅氣質,而演出又唔及老姐山口咁放,所以唔係好受我理亭師奶歡迎。


大宅

積分: 4359


發表於 04-5-9 22:04 |顯示全部帖子

Re: 好高興, 買到悠長假期dvd

hi sandykl,

我嚮馬鞍山新港城中心第四期既唱片舖買. 有不同的日劇, 但價格不同. long vacation dvd標價hk$160. 其他比較平.

還有, 它說日劇九折.

[quote]
SandyKL 寫道:
我都想知係邊度可以買到妳地所講
津小生及非牟利幼稚園園生的窮媽媽! ;)


珍珠宮

積分: 30588

2019新春慶豚圓 2019勳章 2018復活節勳章 畀面勳章 BK Milk勳章 hashtag影視迷勳章 開心吸收勳章


發表於 04-5-9 22:19 |顯示全部帖子

Re: 好高興, 買到悠長假期dvd

我都係木村迷, 所有佢的劇集我都有買, 我最愛的是Long vacation, 同你們一樣, 我都覺得Love generation麻麻啫! 最近的Pride非常好睇, 我仲一路睇一路喊, 但真係好睇呀! 個女主角個樣仲有d似劉若英+松隆子o添!! 反而上次齣Good luck, 雖然木村真係好型, 但我覺得劇情只是一般!


禁止發言

積分: 8249


發表於 04-5-9 23:11 |顯示全部帖子

Re: 好高興, 買到悠長假期dvd

提示: 作者被禁止或刪除 內容自動屏蔽


禁止發言

積分: 8249


發表於 04-5-9 23:12 |顯示全部帖子

Re: 好高興, 買到悠長假期dvd

提示: 作者被禁止或刪除 內容自動屏蔽

首頁
12345...17

尾頁

跳至