意見反饋
義工

夫婦情感 今日: 114|主題: 38921

12
跳至
查看: 2793 | 回覆: 20
係唔係真的真的可以接受到"浪子回頭"呢?


大宅

國民生產總值:3334

2018勳章 好媽媽勳章


發表於 04-5-9 16:53 |顯示全部帖子

係唔係真的真的可以接受到"浪子回頭"呢?

女人的直覺很厲害! 我發現老公有婚外情時只是剛開始了個多月, 雖然他冇再攪攪震對我好好, 由以前坐梳化大家頭尾分開坐到現在坐在一起好像好好的, 但那份信任始終比不上以往, 最好笑的是他攪攪震的原因是因為婆媳問題, 但婆媳問題早已是六年有多的是, 如果為此為什麼要待現在呢? 我想知你哋又是怎樣重拾回信任的呢?


水晶宮

國民生產總值:70361


發表於 04-5-9 22:08 |顯示全部帖子

Re: 係唔係真的真的可以接受到"浪子回頭"呢?

babyhi:
老實講,我覺得好難,已破壞左的信心好難再重拾,已破壞左的關係亦好難再修補~
我係一個比較執著的人,我覺得搞婚外情呢個行為,我係無辦法可以接受,我同我honey講過如果佢要識第2個女人就一定會失去我~
其實,我覺得你老公話佢搞婚外悄的原因係因為婆媳問題,呢個只係佢揾女人的藉口,佢將佢自己的錯歸究於你,你自己都識講喇"婆媳問題早已是六年有多的是, 如果為此為什麼要待現在呢?"你呢個問題問得好,但應該問你老公,既然早已存在問題,點解唔解決左佢呢???到依架自己出去搞女人就話係你地的問題,真係不知所謂~
p.s我講得比較偏激,如果唔啱聽可以唔聽~


大宅

國民生產總值:1260


發表於 04-5-9 22:21 |顯示全部帖子

Re: 係唔係真的真的可以接受到"浪子回頭"呢?

我就會接受啦,因為人難免會覺得悶寂寞受不著出面的野而想多左,但當佢試過後就知道都係老婆先係最好,反而會對你更好,你米當比個機會佢羅,人誰無錯.


別墅

國民生產總值:544


發表於 04-5-10 09:03 |顯示全部帖子

Re: 係唔係真的真的可以接受到"浪子回頭"呢?

hi babyhi,
我同小manman 都係一樣, 係一個好執著的人, 再加上我的屋企人實在太好, 在任何情況之下都會企在我個邊, 我相信已破壞了的信心同感情都好難重拾


複式洋房

國民生產總值:269


發表於 04-5-10 13:49 |顯示全部帖子

Re: 係唔係真的真的可以接受到"浪子回頭"呢?

小manman & AnnAnn,
唔知啱唔啱,我估你地都未過30,因我覺通常後生的都比較執着,我覺你的見解冇錯,以前我都好似你咁,祇不過,人年紀大了,睇的角度唔同咗,價值觀又改变了,我會原諒佢.


禁止訪問

國民生產總值:20403


發表於 04-5-10 14:00 |顯示全部帖子

Re: 係唔係真的真的可以接受到"浪子回頭"呢?

提示: 作者被禁止或刪除 內容自動屏蔽


別墅

國民生產總值:544


發表於 04-5-10 14:24 |顯示全部帖子

Re: 係唔係真的真的可以接受到"浪子回頭"呢?

我30啦..... @@... 但係囝囝都係得個7個月大...


男爵府

國民生產總值:9420

陪月勳章


發表於 04-5-10 15:02 |顯示全部帖子

Re: 係唔係真的真的可以接受到"浪子回頭"呢?

babyhi,
不要太其望浪子係無得回頭, 只有你接唔接受到.
你俾D時間大家la. 你地雙方都需要時間去接受.
如果你認為佢可以同你一起走一條好長的人生路, 好多野你都會包容佢.


水晶宮

國民生產總值:70361


發表於 04-5-10 15:58 |顯示全部帖子

Re: 係唔係真的真的可以接受到"浪子回頭"呢?

SamuelMama:
我真係未過30呀!!!不過,我都23歲架喇,都唔算細喇!!!
我依架仲未結婚,但我同我honey都有結婚的打算,想係今年結婚,如果可以係年尾就最好喇,因為聖誕節比我的感覺好溫馨又浪漫 :-P


複式洋房

國民生產總值:148


發表於 04-5-11 11:46 |顯示全部帖子

Re: 係唔係真的真的可以接受到"浪子回頭"呢?

babyhi :

我同你一樣,都唔知應唔應該再相信佢,但唔信佢又點可以再開始呢,我可能女人比較小氣,果條刺經常都會"拮"你,令你諗起,所以好痛苦呀!


大宅

國民生產總值:3334

2018勳章 好媽媽勳章


發表於 04-5-11 15:15 |顯示全部帖子

Re: 係唔係真的真的可以接受到"浪子回頭"呢?

可能真是太愛他吧, 以前他的朋友叫他去club或沖涼我都冇問題, 我絕對相信他唔會傷害我, 而家只要有小小事我個心已經好唔舒服, 有時都唔知點先可令他對我專一, 我拍拖時都會一腳搭兩船, 但當我認定了呢個男人為我終身伴侶以及我有兩個寶貝仔女我更加唔會要他們受傷害, 究竟搞三搞四的人點解會咁自私呢?


民房

國民生產總值:78


發表於 04-5-11 16:53 |顯示全部帖子

Re: 係唔係真的真的可以接受到"浪子回頭"呢?

babyhi,
能唔能再接受他, 係視乎你自己愛佢有幾深, 唔關年齡事. 當然, 傷口須要時間治療, 亦要雙方一起治療. 你老公話有第三者原因, 係因為婆媳問題, 這個問題已持續六年, 會唔會佢真係頂唔順, 每個男人都希望個老婆可以孝順自己阿媽, 即使自己阿媽係有問題, 都希望老淒遷就. 我唔知你地婆媳關係去到邊, 嘗試下從這方面下手, 如果唔係有機會案件重演, 藉口都係婆媳問題. 咁就好唔抵!


子爵府

國民生產總值:11510


發表於 04-5-11 17:45 |顯示全部帖子

Re: 係唔係真的真的可以接受到"浪子回頭"呢?

都係嗰句,如果佢依家真心愛護你,就俾機會大家去修補呢段感情.講真,無理由人地真心想改過想對你專一好,但你一次機會都唔俾佢改過嘛~!雙方都有個責任去維繫段感情,始終你地都結咗婚有仔女,有個家庭,無謂因為自己既一時執著或者唔清醒而一手破壞咗個家庭,講真,呢個家唔靜止屬於你同佢,呢個家亦都屬於你既子女,你想改變呢個家,咁你有無問過你仔女願唔願意先???信心唔係一朝一夕可以即刻建立到,係要慢慢培養番出嚟,總之你見你老公準時'交人'又對你好好,你又見唔到佢'行古惑'既,咁咪相信佢,信佢無再搞三搞四囉~!


大宅

國民生產總值:3334

2018勳章 好媽媽勳章


發表於 04-5-11 22:48 |顯示全部帖子

Re: 係唔係真的真的可以接受到"浪子回頭"呢?

我明白其實婆媳問題係好普遍的一回事, 但我沒想過原因竟然是因我第一胎生女而引發出來, 我生完BB佢冇到醫院看我, 出院後坐月吃半生熟腸加福麵, 滿月個老公話個BB出世後令個家多事, 甚至被佢阿媽攪到差點離婚, 出院12日已經出聲話最好一仔一女, OK, 你限仔我後來都生仔啦, 點知入院生BB時都冇薑醋冇去醫院, 我出聲問老公佢竟話佢老母唔知我有BB, 朝朝行出行入你估眼有事咩! 因為佢一個人守大個仔, 我老公常認為冇佢阿媽就冇佢, 而佢阿媽就越玩越大, 我已經與仔女在房吃飯, 之前為仔女隔書房都發神經大吵大鬧, 我仔女在書房溫書佢就趁我老公未放工開大電視機, 我熄佢就開問你頂唔頂得順, 我老公一定唔會為我出半句聲啦! 我話想搬但我老公竟然話寧要阿媽可以唔要仔女, 我知佢是愛我但要佢背上不孝之罪佢一定唔會, 同樣我知我是愛他的要為這個女人放棄個家實在太不值, 每隔一段時間佢老母就攪事, 所以我真的不知可以忍到何時, 我沒有誇大事情全是千真萬碓!


複式洋房

國民生產總值:307


發表於 04-5-12 10:22 |顯示全部帖子

Re: 係唔係真的真的可以接受到"浪子回頭"呢?

Hi,

電視大聲, 你可以很有禮地請她放小聲點.因爲仔女在書房溫書. 人地看電視你突然息左, 她當然很不高興的.

看來你的家庭幸福係於你和奶奶的關係. 你和奶奶鬥氣, 一定是你輸. 不如不要鬥氣, 對她客氣的, 忍讓的, 也不要期望她對你好, 只要你老公對就算, 我想這樣你會開心的.






[, 我仔女在書房溫書佢就趁我老公未放工開大電視機, 我熄佢就開問你頂唔頂得順, 我老公一定唔會為我出半句聲啦! 我話想搬但我老公竟然話寧要阿媽可以唔要仔女, 我知佢是愛我但要佢背上不孝之罪佢一定唔會, 同樣我知我是愛他的要為這個女人放棄個家實在太不值, 每隔一段時間佢老母就攪事, 所以我真的不知可以忍到何時, 我沒有誇大事情全是千真萬碓![/quote]


男爵府

國民生產總值:9420

陪月勳章


發表於 04-5-12 11:55 |顯示全部帖子

Re: 係唔係真的真的可以接受到"浪子回頭"呢?

你的問題不只是第二個女人咁簡單wor.
你現在是否仍然和奶奶一起住? 有無考慮搬一搬出去.或者可以改善你老公對婆媳關係的睇法.


民房

國民生產總值:78


發表於 04-5-12 14:30 |顯示全部帖子

Re: 係唔係真的真的可以接受到"浪子回頭"呢?

原來寡母婆守大個仔, 妳箇中苦況完全明白. 因我grandma都係d咁既人. 細個時我阿媽因為要返工, 我地幾姊弟由grandma湊, 佢成日吼阿媽返左工, 就向我地面前講阿媽壞話, 攪到我地d關係都好差, 駁阿媽咀時就陰陰咀笑, 大個左先知有咁多誤會, 幾無辜呀. 有年我鄉下個阿叔有肝病, 佢突然間話要返鄉下照顧個仔, 唔知幾時返, 咁我老豆咪叫我阿媽唔好做野, 向屋企睇住我地. 冇耐我阿叔死左之後, 佢就返o黎香港, 兩婆媳同一間屋就開始多事, 我阿媽係一個唔識煮飯同做家頭細務既人, 初初更係成日撞板, grandma吼阿媽行開, 佢就多手搞亂佢d野, 咁阿媽同老豆嘈, 話grandma咁咁咁…, grandma不知幾好戲, 扮哂可憐, 老豆就叫我媽就下d老人家, 激到我阿媽死. 在這種吵吵鬧鬧環境過左十幾年, 婆媳終於抄大鑊, 一發不可收拾, 阿媽話忍夠啦, 同老豆講要grandma返鄉下住, 但老豆話阿媽得番佢一個仔, 叫佢走, 好不孝, 重話grandma都七十幾啦, 隨時仙遊, 自始之後, 婆媳如同陌路, 不同桌食飯. 直到我老豆退休, 多左時間係屋企, 開始發覺grandma有d問題, 話佢兩句唔高興, 就重施故技, 玩抗議唔食飯, 將屋企既東西全部攪亂, 最離譜, 將地拖放落個馬桶到, 用個d水o黎抹地, 成間屋都臭哂. 老豆終於頂唔順, 送左佢去老人院.. 我同阿媽有個結論, 發覺d男人成日向出便做野, 根本唔知屋企有咩問題, 同佢地講時又唔相信自己既阿媽會有d咁既行為, 直到親眼見才啞口無言. 即使到現時, 我老豆都會埋怨阿媽唔能夠同grandma好好相處, 令佢做左個不孝子. 妳既情況都幾堪虞, 可唔可以盡量小d留向屋企, 無謂比機會佢攪攪震, 佢見到妳唔開心都唔知幾心涼呀, 附近有冇d社區中心可以比妳d仔女做功課, 有既話妳都可以抖下氣, 唔駛咁辛苦. 記住呀, 妳一定要活得開心, 無論奶奶點激妳都要當冇野, 佢最終係想妳唔開心, 點解要上當, 係咪!


大宅

國民生產總值:3334

2018勳章 好媽媽勳章


發表於 04-5-12 17:08 |顯示全部帖子

Re: 係唔係真的真的可以接受到"浪子回頭"呢?

多謝你的意見, 其實自從個女一個月左右我已經主力在自己媽咪家一起照顧個女, 只是自從個女返小學後為了功課我先把以前在媽咪家中的物件搬回家, 小學有很多測驗和默書, 晚上天要早點睡否則小朋友會捱病又要錢睇醫生, 你老豆都好些, 我老公試過愚孝到相信是我結婚後變了, 試過有一次嘈到夜晚我的大哥和大嫂, 妹妹到我家為我抱不平, 我老公竟然相信佢阿媽話我用洗潔精放食物內毒佢, 其實那時我跟老公及小朋友都是早出晚歸的我何來有空下毒呢? 最心痛的是我望著我老公看著他說我可能是在晚上趁他們睡了才下手, 我真是呆了; 去年沙士期間有一晚我和仔女開開心心在房玩, 我老公放工回家後入房看了我們一會, 轉頭都不知甚麼原因我老公入房罵我欺負佢阿媽, 之後佢阿媽仲嘈到入房, 我對仔女怕得哭起來, 我個心很痛, 我自問真的沒有欺負佢阿媽, 在我生完個女出院後我諗住執拾衣櫃才發現他老母時常入我倆房間, 又把他前妻留下來的胸圍放進衣櫃, 我不知目的是甚麼, 但這件事我老公知的都不敢出聲, 所以我都好想知我係唔係樣衰得咁緊要佢阿媽咁憎我, 我時常怪自己點解會帶他們到這個世界, 我知好影響他們的成長但我冇辦法改變, 我又不能一下子再出來工作, 不過最後我都有提出了離婚, 可能他知我真的去到無法忍受的地步吧, 他承認了自己不懂得處理我和他阿媽的事, 我也說了很多次絕對不是要他責罵佢阿媽, 至少有時知道佢阿媽過份時說點公道話都不是太難吧! 我都知唔會有太大轉變, 只是我真沒想過婆媳問題竟成了他有第三者的借口, 我的感覺知道有問題存在, 亦可能上天可憐我讓我無意中看到另一封電話信發現問題, 我知若夫妻吵架時任合情況下都不可說些傷害對方的話, 但今次我已不理會了, 我從未試過用粗口罵他但我真的很嬲他的借口, 梅艷芳逝世的時間差點是我做出傻事的時間, 我差點把整枝洗潔精飲下, 好在當時我看住一對熟睡了的仔女唔放心留下他們怕他們被人"蝦"才打消了自殺念頭, 我體會到原來自殺真的是一剎那間的事, 我捱過了這關口了, 以後不論任何事情我都不會再咁傻!


男爵府

國民生產總值:9420

陪月勳章


發表於 04-5-12 17:44 |顯示全部帖子

Re: 係唔係真的真的可以接受到"浪子回頭"呢?

babyhi,
文中你提到佢前妻, 你奶奶會唔會比較鐘意佢. 所以未能夠接受你?


民房

國民生產總值:78


發表於 04-5-12 17:54 |顯示全部帖子

Re: 係唔係真的真的可以接受到"浪子回頭"呢?

睇完都戥妳難過, 我絕對相信有d咁變態既家婆. 其實妳老公知道佢阿媽係有心攪事, 但佢冇本事亦都冇勇氣去話自己個阿媽. 所以藉口搞婚外情, 希望有第二個女人得佢阿媽歡心. 唔關妳樣衰問題, 呢d家婆好主觀, 新抱既野, 除非係佢揀, 否則你老公中意既佢都唔會中意. 好似我阿媽, grandma點解咁憎佢, 就係因為老豆無徵求佢同意就結婚, 所以就要玩我阿媽. 我覺得妳既底線唔係向第三者度, 應該同妳老公講清楚奶奶既問題, 如果奶奶無理取鬧時, 叫佢自己好好安撫佢阿媽, 而唔係同佢一齊走入o黎鬧妳, 嚇親d細佬. 妳能夠支持到今日, 好叻呀. 總之以後有咩唔開心, 咪上BK呻下, 等自己舒服d.


12
跳至
© Baby-Kingdom.com Limited. All rights reserved.