夫婦情感

跳至

首頁
1

尾頁
   0


大宅

積分: 4203

畀面勳章


發表於 04-5-11 13:56 |顯示全部帖子

請問我會唔會太小氣?

同奶奶上星期四提早食母親節飯. bb係由奶奶與老爺湊的. 佢地一早已霸定位. 我同老公7:00已到達酒樓, 再要等埋佢個妹. 我同老公到左酒樓先知仲要等佢個妹(我姑仔)個男友. 我老公問奶奶 "佢男友幾點到?". 我奶奶話 "阿妹話佢男友8:30放工." . 我心諗: 唔係掛. 要7:00坐到8:30等佢收工. 仲要搭車黎. 咪有排? 我老公於是問可否食先. 奶奶又話唔好意思. 於是等呀等. 等到8:20分佢黎到. 仲唔叫人, 唔打招呼 (就算新年都係咁) 勁冇禮貌. 我心諗: 佢又唔係你女婿, 做咩要成村人等佢食飯. 黎到仲唔同人打招呼. bb9:30要食奶. 我奶奶又唔帶奶落酒樓. 都唔知想點.
到今時今日, 我仲好嬲點解我要等. 雖然我有諗過自已係唔係小氣, 但確實真係好氣頂!!!


別墅

積分: 943


發表於 04-5-11 14:03 |顯示全部帖子

Re: 請問我會唔會太小氣?

why don't you ask your husband to speak to his sister? If i was his sister, i'm sure i will feel bad. Did the "boy friend" buy anything for your mother-in-law?


子爵府

積分: 14072

2019新春慶豚圓 BK Milk勳章


發表於 04-5-11 14:05 |顯示全部帖子

Re: 請問我會唔會太小氣?

kongkong:
會唔會你奶奶其實係果晚坐落先知你姑仔男友又黎食,所以無預備支奶落街呢?不過你姑仔男友真係無禮貎正所謂“入廟拜神,入屋叫人”,叫人係應有禮貎黎。
貓也好,狗也好,請愛護尊重每個生命體


民房

積分: 75


發表於 04-5-11 15:14 |顯示全部帖子

Re: 請問我會唔會太小氣?

kongkong,
first , 唔好嬲, 盞激親自已.
Actually, this is just a small thing.
(1) 老人家始於年紀大, always 忘記一D野, 下次咪提下佢, 臨出門前 give them a call.
(2) 一家人吃飯, 緊係齊人先食, 尼D係禮貌
(3) 人地無家教唔叫人, 你米大方D成日叫下佢同佢講下野, 佢自然會唔好意思...
(4) 最重要都是你老公同你姑仔有溝通.....邊個邊個來幾點到, 下次自己執生

你已經very simple family, 有D一出來吃飯十幾人又迫又多細路重有排等.....意見又多
Don't angry la


子爵府

積分: 11510


發表於 04-5-11 17:34 |顯示全部帖子

Re: 請問我會唔會太小氣?

係我就無所謂,係佢唔同人打招呼咁無禮貌之嘛,又唔係我地!啲無禮貌既人唔值得我地登佢唔高興~~!咁仲好!奶奶係明眼人,見佢個'未來女婿'咁無禮貌, 日後鍚你地多啲多過鍚佢~!明益您啦~! :-P


大宅

積分: 3502


發表於 04-5-11 19:44 |顯示全部帖子

Re: 請問我會唔會太小氣?

會唔會老人家早左落酒樓呢, 因為你話老人家一早霸定位嘛.. 如果俾我, 我會叫住小食先啦, 沙薑雞腳呀, 雞腎呀.. , 買下雜誌8下啦... 呀, 仲話冇拎奶忝, 就返家拎啦 (假設酒樓應在家附近)

話8:30收工, 8:20到左都算係咁咯.

有冇叫人.. 又唔係我地控制範圍.. 由他吧. 不過如果呀妹係一齊等, 咪問清楚係咪有d誤會啦, 你知老人家有時心急, 可能係佢地早左落去都未定. 如果呀妹同男友一齊來, 咪話, 唉呀, 終於來咯, 我地由7點等到依家咯.. 真係要掌聲鼓勵呀.. 啪啪啪..(當然要睇番你地關係點啦).




複式洋房

積分: 105


發表於 04-5-12 18:57 |顯示全部帖子

Re: 請問我會唔會太小氣?

原來唔係只得我係咁, 我同妳case一樣, 是我個姑仔, 只不過佢同男友係一齊來, 妳都好呀, 起碼人地要返工呀, 但佢地只是去玩, 足足遲到個半鐘, 九個人等二個人, 一句唔好意思就要等個半鐘, 佢阿媽只是一句 :「妳好唔好意思呀, 咁妳有咩表示呀, 佢話 : 我


王國長老

積分: 55171

2019新春慶豚圓 2019勳章 好媽媽勳章 王國長老


發表於 04-5-12 22:28 |顯示全部帖子

Re: 請問我會唔會太小氣?

唔使勞氣喇!你奶奶都未嬲唔好激親自己。
我D妹都係成日遲的,我地都無咩所謂,傾下講下時間過得好快!我成日都會同D遲到大王講早些少,母親節訂了1:30飲茶,我同我幾個妹講訂了1:15,有兩個妹1:45到,另一個2:00先到!我同家姐、媽咪、daddy準時到,但都無所謂,最緊要一家人開心聚埋食一餐o者!


大宅

積分: 1111


發表於 04-5-13 00:27 |顯示全部帖子

Re: 請問我會唔會太小氣?

In this case, I will anger your sister-in-law. No matter her boyfriend's reason is acceptable or not, she won't let everybody wait for long time, she should say something to sooth and let everybody eat law.

She is just a sister-in-law, not a PRINCESS.


大宅

積分: 4203

畀面勳章


發表於 04-5-13 09:55 |顯示全部帖子

Re: 請問我會唔會太小氣?

其實我覺得我姑仔個男友又唔係自己人, 佢地現階段只係同居. 冇咩必要待個幾鐘掛? 我地當晚係響葵涌食飯. 我係住天水圍的. 係要轉車再轉車果隻. bb又冇奶食. 大人第二朝又要番工, 真係好攞命的. 相信媽媽們都知番到屋企仲有一大堆野要做.冇12點都冇得訓. 基本上我好介意佢冇禮貌, 入屋唔叫人. 就算去我屋企都你咁.

不過下次我都會叻d. 抱bb出去行下街先算.


王國長老

積分: 55171

2019新春慶豚圓 2019勳章 好媽媽勳章 王國長老


發表於 04-5-13 10:46 |顯示全部帖子

Re: 請問我會唔會太小氣?

你唔好嬲佢啦,佢又唔係行街四圍去遲到,而係要返工,我覺得真係情有可原,而家香港地真係保住個飯碗緊要。至於佢唔叫人,呢D係個人禮貌問題,咁大個人點教佢,到你個小朋友大D,記住當住佢面教個仔叫人,如果唔係好無禮貌,比D說話佢聽都好!
話時話,知佢收咁夜,點解唔約遲D食飯?


大宅

積分: 1111


發表於 04-5-14 17:14 |顯示全部帖子

Re: 請問我會唔會太小氣?

咁你姑仔當時係乜態度架?吾會吾好意思架咩?吾計佢平時有冇禮貌,有時返工放工D野係好難講,但做佢女友就要識做人D,叫人食先吾好等,甚至帶頭食先,留返D野比男友食麻!呢D都係禮貌lor。就算佢請都係咁話啦,何妨吾係佢請(我唸)!一齊飲茶食飯,在乎大家斜下,要人等到一肚氣,話你吾好意思,(褸)你又吾知,咁食黎做乜?

可能我同我老公都最憎人遲到,同係屋企比較惡,如果比我地冇可能等咁耐,我地肯定走左- 你D時間係時間,我D時間就吾係時間?


大宅

積分: 3465


發表於 04-5-14 19:08 |顯示全部帖子

Re: 請問我會唔會太小氣?

kongkong,

唉~~我係慶祝母親節個日又係食到一肚氣呀。情況同你差唔多。我係預早同我奶奶慶祝。個日係星期四,我地約左係稻香等,你知啦,稻香出名多人,就算book左去到都仲要等位。所以我同個仔首先係七點二十五分去到攞左位先。我奶奶老爺同老公就七點四十五分先到。我一個女人仲要湊埋個仔等佢地已經辛苦,個仔又郁來郁去,真係辛苦過去打杖呀。咁仲有大伯未到。我起初以為佢會八點到啦,點知老公先同我講佢八點才放工(其實佢係放六點,但明知人地要等佢佢都唔肯早到要八點才離開公司),咁八點離開公司由北角坐MTR都好快到灣仔啫,等下等等下等....等到八點四十五分仲未到,咁我同老公講叫佢同奶奶講叫左餸菜先等,因為阿仔都肚餓夠鐘食野,我奶奶唔肯,眼見老爺餓到呆晒,所以唔理奶奶反對叫左碟饅頭食頂住先。跟住我老公已經打左去比佢阿哥問佢幾時到,佢又話好快到,我越等就越面黑,仲要睇我奶奶面色,你地話坐左成個半鐘係酒樓真係坐到腰骨痛呀!我老公仲要迫我奶奶坐係我個仔旁邊喎,睇見佢個樣咁為難真係想帶個仔走呀。到最後等到九點十分大伯終於都黎到,佢一坐底唔好意思都冇講句,只係話駛乜等佢喎,食先啦~~嘩~~究竟攞景定贈慶呀!人地全部人等左佢差唔多兩個鐘講D咁o既野?真係黐黐地線。跟住成晚我都冇睬佢地全家人,全圍檯大家講野唔夠十句說話,我嬲到死~~最後我同老公講,下次再有咁o既聚會我一定不會出席!仔仔當然都唔比佢去!就算要慶祝父親節,都只係會同我老爺奶奶自己去,唔會再叫個位咁架勢o既大伯!! :evil: :evil:
妹妹七個幾月,重21磅


別墅

積分: 772


發表於 04-5-14 23:11 |顯示全部帖子

Re: 請問我會唔會太小氣?

我個姑奶未都係一個大遲到皇后, 每次約會都必定遲, 就算約佢在佢屋企樓下等都可以遲成半個鐘, 都次次唔會SAY SORRY!
試過一次最勁居然兩個鐘多DD, 佢冇野做老公又有車, 都唔明白佢可以成日遲到, 還有奶奶次次都唔會係佢面前話佢! 所以我都好激氣每次食飯帶住BB點可以坐定定咁耐呀! 但我老公永遠都幫佢家姐講話我更加激氣!


水晶宮

積分: 72424

2019新春慶豚圓 2019勳章


發表於 04-5-15 11:49 |顯示全部帖子

Re: 請問我會唔會太小氣?

kongkong:
我覺得你無乜資格話你姑仔個男朋友唔係自己人,就算你依架結左婚,你奶奶一樣都可以當你唔係自己人,或者你奶奶同老爺已肯定左佢係自己人呢???你都識講佢地同居,根本覺得你(新袍)同佢(已認定佢係女婿)根本無分別,咁你點可以話佢唔係自己人呢???既然叫得佢一齊一家人食飯,仲要一大班人等佢,一定當佢係自己人先會咁做喇!!!
而且佢唔叫人,你又唔係佢乜野長輩,你奶奶同老爺都未出聲,你何必咁小器呢???咁小的事你都可以擺係個心咁耐,你咪好唔得閒???take it easy喇!!!


複式洋房

積分: 164


發表於 04-5-18 21:25 |顯示全部帖子

Re: 請問我會唔會太小氣?

小manman,

我認同你講可能佢奶奶果邊認左姑仔個男朋友係自己人,但有一點我唔認同就係無論咩野輩份都好,如果見到人一定要打聲招呼,因為依d先至係最基本禮貌黎,所以我都好明白點解佢會激氣。


伯爵府

積分: 15534

hashtag影視迷勳章 大廚勳章 畀面勳章 BK Milk勳章


發表於 04-5-18 22:04 |顯示全部帖子

Re: 請問我會唔會太小氣?

我覺得kongkong話唔係自己人,可能係佢覺得同居關係隨時會變,可能下一分鐘就已經變左第二個,如果個個佢都要當自己人,咪好唔得閒!!又既然話要等一個佢奶奶應為係自己人既人,但黎到都唔打招呼,咁我覺得作為阿嫂既,的確會幾嬲既,因為呢d叫做尊重,如果佢唔叫自己,咁咪即係當自己透明??最大既問題係,等左一個人咁耐,連最基本既招呼都冇...嬲係正常既,不過唔好記咁耐喇!!
眾裡尋他千百度,驀然回首,那人卻在燈火闌珊處!!
生死有命,富貴由天


大宅

積分: 4203

畀面勳章


發表於 04-5-19 13:24 |顯示全部帖子

Re: 請問我會唔會太小氣?

janet:
你講中我心裡面既野. 唔係我唔想當佢自己人. 只係覺得姑仔都29了. 我都好想佢結婚. 等老爺奶奶安心d. 因為姑仔以前都好任性. 而家同男友一齊先至叫定番d. 如果佢地同居萬一又分開就幣了.......
唔緊要啦. 我而家都唔鬼記得啦. 越老越冇記性添!! :-P


首頁
1

尾頁

跳至