夫婦情感

跳至

首頁
1

尾頁
   0


大宅

積分: 4981

最關心BB問題熱投勳章


發表於 04-5-13 03:55 |顯示全部帖子

男主外,女主內?

係咪所有男人都想自己老婆入得煮房,出得廳堂? 我係指打理成頭家一乾二淨,仲要照顧好D小寶貝,一腳踢搞掂唔好煩佢. 佢放工要去街唔好管佢,唔好問佢幾時返,唔好等佢亦唔好問佢返唔返


大宅

積分: 2443


發表於 04-5-13 09:53 |顯示全部帖子

Re: 男主外,女主內?

我又不覺得所有男人都是那樣,我老公,不想我入太多廚房和太過專注小朋友,間屋亂一兩天不是大不了,不煮一兩天飯不會餓死,反而多鼓勵我多與朋友出街,不要把自己常困在屋內.
他說:我娶過老婆回來不是做頭做尾,如期是這樣不如娶過菲傭,他還說要我要打扮增強自己的信心,人都靚D和開心D!!!!!


子爵府

積分: 11510


發表於 04-5-13 09:59 |顯示全部帖子

Re: 男主外,女主內?

咁都有少少既,只不過我老公見我無精神做家務(我要番工同埋煮飯湊仔...),佢都會幫手做啲,好似噚日咁,佢一條友打理到屋企非常乾淨,洗哂啲碗,吸哂塵掃埋地,仲執枱等...總之我番到屋企就非常乾淨啦~~~!!不過查實男人個人覺得呢啲嘢係女人既責任,呢樣係事實,佢地做唔做係佢地既自由囉...佢地係咁同我講(我老公& FRIENDSSSSS)...=.=


水晶宮

積分: 50456

2019新春慶豚圓


發表於 04-5-13 10:45 |顯示全部帖子

Re: 男主外,女主內?

--------------
我娶過老婆回來不是做頭做尾,如期是這樣不如娶過菲傭,
----------------

我同老公拍拖之初, 佢都係咁講wor, 到結o左婚, 我都唔係點洗做家務同煮飯, 好多時都係佢做, 但係到阿仔出世, 同請o左菲傭之後, 佢真係乜o野都唔會理.

講到去街, 好在, 佢都仲鍾意同我出街, 有時, 我想留o係屋企湊仔, 佢就自己出, 我都冇管佢幾點返屋企.

佢有一樣o野好堅持, 就係出街, 在佢阿媽同朋友面前, 我唔可以唔比面佢.


大宅

積分: 4981

最關心BB問題熱投勳章


發表於 04-5-13 16:27 |顯示全部帖子

Re: 男主外,女主內?

bandband,
"不過查實男人個人覺得呢


男爵府

積分: 5872


發表於 04-5-13 16:42 |顯示全部帖子

Re: 男主外,女主內?

以前未有工人, 我一個人要湊仔、煮飯洗衫執屋一腳踢, 朝七晚十一咁做, 我老公都係放工返到屋企坐係度等食, 食完飯都係坐係度嘆啤酒等我切埋生果, 果時做到喊, 好似抖唔到氣咁, 真係諗起都驚。 所以佢話要生第2個, 我即時話, 你要我生都得, 一定要請工人, 唔請就彩你都傻。

有時問返佢, 冇工人既時候, 我一個人一腳踢, 你返黎剩係等食, 乜你唔覺得我辛苦架咩? 佢可以答: 唔覺喎~真係唔覺喎! :-x :-x :-x
美甲達人俱樂部私家BlogHERE

Judy's Nail 美甲相集HERE

Judy's Nail Web PageHERE


水晶宮

積分: 50456

2019新春慶豚圓


發表於 04-5-13 16:53 |顯示全部帖子

Re: 男主外,女主內?

Chityumama

唔好唔開心先. 其實有好多人都好似你老公咁, 覺得家頭細務同湊小朋友係女人o既天職. 尤其係唔需要返工的媽媽. 如果老公以前細個o個陣時, 佢阿媽都係咁照顧佢, 老公就好理想當然覺得個老婆都應該係咁.

要改變一個人好難的, 倒不如改變自己. 又或者如果經濟許可的話, 請個工人幫輕下自己, 自己會有番多 d私人時間, 冇咁大壓力, 同小朋友, 老公o既關係都可能會有所改善.


大宅

積分: 4981

最關心BB問題熱投勳章


發表於 04-5-13 17:03 |顯示全部帖子

Re: 男主外,女主內?

多謝你們的回覆!

birdbird, 照你咁講,我想我多數會搵番份工,寧願請個人幫我做D屋企o野! 我真係覺得好大壓力, 我同老公講,佢話:你有咩壓力o者?我咪仲大壓力過你!

我希望快D找到新工作,改善


大宅

積分: 4981

最關心BB問題熱投勳章


發表於 04-5-13 17:12 |顯示全部帖子

Re: 男主外,女主內?

Mummy,
我見到你的回覆,一邊睇就一邊喊! 我老公都仲好D, 佢會知我辛苦,但他唔會出聲話你知. 佢係唔係幾識講番D說話tum人o個隻人. 但佢都係覺得呢D係女人的天職! (冇講明但係咁覺得) 咁你現在係咪有兩個小朋友呢? 有冇返工o架? 我想參考


子爵府

積分: 11510


發表於 04-5-13 20:08 |顯示全部帖子

Re: 男主外,女主內?

chityumama,

嗰句'道理'係佢地班男人同我傾開偈自己講出嚟!佢地真係認為家務係女人既職責嚟... :-x 真係大男人~~~!!!


珊瑚宮

積分: 110454

2019新春慶豚圓 2019勳章 好媽媽勳章 畀面勳章


發表於 04-5-13 23:44 |顯示全部帖子

Re: 男主外,女主內?

唔...我諗我老公係咁囉...放工返到屋企就乜都唔理..等食飯..打機..等我切生果餵佢食..叫佢做家務就一定noway..但係就可以叫佢睇住bb..等我可以安心做家務囉...

我重慘..老公基本上係一年做足365日..冇假期..唔駛指意佢每星期有一整日係屋企..可以同我去下街..幫手睇bb等我拾屋...佢d所謂假期係突然有3,4個鐘冇野做...返屋企rest下..或者同我去行下街...

不過佢好好..因為佢鍾意打機..多數放工都係返屋企既..一個月都去唔到4次夜街(落吧,桑拿,唱k)...但係佢平均每日都要做到11,2點 :-(

但係我係d佢幾夜返都好..都會唔訓等佢返黎...就算訓左..聽到佢返黎都會起身陪佢...而佢都好鍾意我咁做..有時我返左外家住(我同老公因生意住係澳門..我外家係hk)...佢就一日幾百個電話打比我..得閒就打...返到屋企又會話..冇左我同bb係屋企等佢..佢好悶 (每次聽到都覺得好開心)


大宅

積分: 4981

最關心BB問題熱投勳章


發表於 04-5-14 00:03 |顯示全部帖子

Re: 男主外,女主內?

hi, 月希,
咁講你都好辛苦, 係澳門又冇屋企人幫,有咩事都唔知搵邊個幫手...你一個人揍BB仲要做晒屋企事,你真係叻! 以前你係咪都係全職housewife? 你唔覺得做了全職hw好困身咩? 有冇想過返番工?


珊瑚宮

積分: 110454

2019新春慶豚圓 2019勳章 好媽媽勳章 畀面勳章


發表於 04-5-14 02:09 |顯示全部帖子

Re: 男主外,女主內?

..唔..我又唔覺得好辛苦喎...因為家務都唔算係好多...可能我懶啦..可以唔日日做既..我都係幾日先做一次 生活都過得幾清閒..平日bb乖既..肯自己玩..我都會上下網...食完午餐會去shopping行街..1,2個鐘..之後返屋企bb訓午覺我就做家務..阿b訓醒就同佢去公園..之後煮飯..日日如是...

冇諗過返番工丫...返工好辛苦既..我又搵得唔多...係屋企湊bb好過 :-P 到佢大d讀書..我重happy..諗住自己都搵d野學下


大宅

積分: 4981

最關心BB問題熱投勳章


發表於 04-5-14 02:47 |顯示全部帖子

Re: 男主外,女主內?

你咁夜都未


珊瑚宮

積分: 110454

2019新春慶豚圓 2019勳章 好媽媽勳章 畀面勳章


發表於 04-5-14 13:03 |顯示全部帖子

Re: 男主外,女主內?

我琴晚等老公返屋企丫嘛 佢琴晚2點幾先返丫>_<

咁你好似係比奶奶迫你要你返工咁喎...好彩我冇奶奶姐 :-P


別墅

積分: 772


發表於 04-5-14 23:38 |顯示全部帖子

Re: 男主外,女主內?

我都係一個人湊仔、煮飯洗衫執屋一腳踢, 我老公都係放工返到屋企坐係度等食, 食完之後就會對住部電腦, 玩到差唔多一兩點就瞓, 佢都唔會同個bb(只有16個月大)玩下, 我覺得佢成日認為自己番工搵錢辛苦, 我在家湊bb做少奶奶, 所以家裡所以事務and湊bb都要我一個人做, 每次我話出街佢都要我帶bb一同才可出, 唔可以留下bb比佢湊, 有時我都覺得好辛苦而且決定生bb都有d錯誤!


禁止訪問

積分: 1160


發表於 04-5-17 01:31 |顯示全部帖子

Re: 男主外,女主內?

提示: 作者被禁止或刪除 內容自動屏蔽
提示: 作者被禁止或刪除 內容自動屏蔽


水晶宮

積分: 72440

2019新春慶豚圓 2019勳章


發表於 04-5-17 17:40 |顯示全部帖子

Re: 男主外,女主內?

小熊貓:
點解你未結婚就要同埋佢屋企一齊住呢???
仲要做埋佢地的家務???點解要咁辛苦自己呀???
你同你男朋友搬出黎住得唔得呀???

首頁
1

尾頁

跳至