夫婦情感

收藏本版
發帖
返回列表
跳至頁

首頁
123

尾頁
   0
ronleung


大宅

積分: 3720


1#
發表於 04-5-26 14:39 |只看該作者

可以靜雞雞離間老公同佢親戚的方法?

同上.
私人傳訊

翠絲


洋房

積分: 366


2#
發表於 04-5-26 16:07 |只看該作者

Re: 可以靜雞雞離間老公同佢親戚的方法?

o下!!!
諗計離間老公同佢親戚?!
點解要咁做呀!!!
我反而想諗計拉回我隻佬同佢屋企人的關係>.<
私人傳訊

^^


男爵府

積分: 7172


3#
發表於 04-5-26 17:43 |只看該作者

Re: 可以靜雞雞離間老公同佢親戚的方法?

如果佢地關係唔好妳咪仲痲煩!
分分鐘睇面色更加多. 我係妳就一於以怨報德, 就算妳老爺/奶奶都唔受, 起碼妳老公會知妳係一個不可多得o既好老婆, 最少有起事上o黎, 妳老公會知妳已盡o左力, 唔會話妳先o痲.
私人傳訊

ronleung


大宅

積分: 3720


4#
發表於 04-5-26 17:59 |只看該作者

Re: 可以靜雞雞離間老公同佢親戚的方法?

我個姑仔好麻煩的. 佢今年足廿四歲了, 幫佢搵正經的工(sales)又唔制, 怕捱怕做, 晚晚著到成隻 X 咁, 死都要留係酒吧做, 又唔知識埋D咩人!
我識佢亞哥個陣, 佢係一個家庭主婦,有個幾個月大的女, 點知佢幾個月後話個老公賭錢唔顧家, 跟住剩係執D金飾呀身份証之類就走左了, 剩低一個八個月大的女, 後來先知原來佢搵返以前的朋友落D識左條仔, 仲比佢老公去搵佢個陣見到佢同人十指緊扣咁走, 後來我地話幫佢出錢比佢外婆湊, 佢都話唔好, 但有日就打比我問我可唔可以幫佢, 因為佢返屋企探個女個陣見到佢前夫條新菜, 驚個女叫第二個做老母喎!（仲以為佢良心發現）好了跟住靜左一排見佢又無溝仔, 以為佢係冷靜下者, 點知原來佢之前識個條仔坐左監, 佢係係度等個監躉出來再續前緣, 係我上年大肚個陣, 成日都聽到佢同條仔大打出手, 一時又話要跳樓一時又話見鬼, 半夜三更就打來, 講真我地第二日又要返工的, 真係唔得佢死, 而且到我差不多生個陣都仲係咁, 半夜又叫我老公去做和事佬,(衰到我煲埋湯叫佢來拎佢都懶的) 好啦, 到我BB出世了. 佢又換畫又跟第二條仔開房成晚唔返仲拎埋人地D錢走, 搞到個監躉shot 左上來我屋企按鐘, 第二日我就請假帶埋個女去搵屋搬了.(我個女都係得60日人仔唔夠, 佢地痴起上來嚇親我個女點算)
佢中間仲有好多衰野, 都係講返昨日先....
佢同我老爺同我老公食LUNCH, 知我老爺上我屋企探個孫又話想上來坐下 (其實佢係想等條仔收工, 因為佢條仔係我屋企附近返工) 但係我搬左之後幾個月, 就連新年都無來過拜年喎, 跟住我老公叫佢問下我先, 佢就發脾氣走左了.

私人傳訊

finger


男爵府

積分: 9521

醒目開學勳章 畀面勳章


5#
發表於 04-5-26 19:07 |只看該作者

Re: 可以靜雞雞離間老公同佢親戚的方法?

其實都係個姑仔麻煩姐, 既然你老公都知道佢既臭史, 咁就小見為妙咯...
http://jackylau.com/FreePhoto/PhotoData/U0047102.gif
私人傳訊

zeke


大宅

積分: 2888


6#
發表於 04-5-27 14:28 |只看該作者

Re: 可以靜雞雞離間老公同佢親戚的方法?

ron,
乜噤耐都無聽過妳提起呀. 唔好嚇親我地個泳泳呀. 同佢死過
/博過呀 :-P
私人傳訊

康仔媽咪


大宅

積分: 1823


7#
發表於 04-5-27 14:33 |只看該作者

Re: 可以靜雞雞離間老公同佢親戚的方法?

反正你姑仔結果都冇上到你屋企, 你唔好勞氣啦, 最緊要你同你老公講清楚, 唔可以比姑仔上你屋企, 其他咪話之佢o羅, 鬼叫o個個始終係你老公個妹咩
希望相信 "快樂不是因為擁有的多，而是因為計較的少。"
私人傳訊

ronleung


大宅

積分: 3720


8#
發表於 04-5-29 12:55 |只看該作者

Re: 可以靜雞雞離間老公同佢親戚的方法?

佢個妹衰到連自己個女發燒入左醫院, 都唔即刻去睇下個女, 要隔兩日先去探, 新年等到成初八先去比利是個女.
佢咁忙的原因就係因為"溫仔", 佢仲可以鬧我老公話我地唔去睇佢個女喎!.
私人傳訊

tkkmama


珍珠宮

積分: 35688


9#
發表於 04-5-29 15:16 |只看該作者

Re: 可以靜雞雞離間老公同佢親戚的方法?

以下純粹個人意見:如果係我一定唔出聲,因為你出聲,遲d老公都會怪你架,而家只有等佢愈來愈過份,你老公都會頂唔順,咁就自然會疏遠佢架啦.
私人傳訊

ronleung


大宅

積分: 3720


10#
發表於 04-5-31 11:39 |只看該作者

Re: 可以靜雞雞離間老公同佢親戚的方法?

其實我開頭都唔出聲的, 甚至煲埋湯水比佢(因為我老爺都對我好好,所以有時我會諗對我姑仔好即係對我老爺好,等我老爺唔駛咁擔心.) 但佢真係越來越黑人憎,我買衫比佢個女,佢一句多謝都無,仲叫我老爺唔好再讚我, 費事我"驕"喎!新年個陣我已經大左肚, 請我老公個亞婆同亞姨一家來食飯, 佢又要我老公三催四請, 跟住仲話我老公扮孝順喎!
總之佢的衰野, 講極都講唔晒!
私人傳訊

笑子


民房

積分: 22


11#
發表於 04-6-1 09:37 |只看該作者

Re: 可以靜雞雞離間老公同佢親戚的方法?

ronleung 寫道:
其實我開頭都唔出聲的, 甚至煲埋湯水比佢(因為我老爺都對我好好,所以有時我會諗對我姑仔好即係對我老爺好,等我老爺唔駛咁擔心.) 但佢真係越來越黑人憎,我買衫比佢個女,佢一句多謝都無,仲叫我老爺唔好再讚我, 費事我"驕"喎!新年個陣我已經大左肚, 請我老公個亞婆同亞姨一家來食飯, 佢又要我老公三催四請, 跟住仲話我老公扮孝順喎!
總之佢的衰野, 講極都講唔晒!


睇咁耐,大概都了解到妳姑仔係咩人.
不過妳都做錯,妳何必要煲湯佢飲,何必要買衫俾佢個女?妳又唔係鍾意呢個人,冇必要討好佢,同佢拉關係.我覺得妳買衫俾佢個女係可以,但要記住係因為妳錫呢個小朋友而買,唔係因為做俾妳姑仔睇. 妳姑仔呢d人,拎去填海吧啦.

仲有一樣錯就係妳諗住離間妳老公同個妹既感情,恕我直言,咁做好小家,妳老公都有眼睇妳姑仔為人,妳勸妳老公幫個妹有限度咁幫就算, 唔需要玩離間.
私人傳訊

Wing-Mamma


複式洋房

積分: 191


12#
發表於 04-6-3 10:18 |只看該作者

Re: 可以靜雞雞離間老公同佢親戚的方法?

ronleung,


以下是我個人愚見 :

1. 根本你個姑仔既為人你老公好清楚亦心中有數. 衹不過呢個係佢親妹, 切肉不離皮. 佢唔可以唔理. 掉轉o個個係你親妹, 由細同你一齊大, 我諗你都唔會忍心唔理佢. 我諗佢都已經好唔開心同好煩惱, 所以你無需再講你姑仔既是非. 袛要有需要時表達下你既擔憂, 因個囡真係太細, 唔想到出左事至黎後悔.

2. 至於你老爺, 因為佢對你好好, 所以你亦不必要再係佢面前提起佢個女, 袛要孝順佢老人家就ok

3. 至於你個姪女 (個姑仔個囡), 我覺得小朋友係無辜. 佢都唔想有個咁既亞媽. 我諗佢都好想有人錫. 咁細個小朋友在成長時候係好需要人關心. 唔係大左好易學壞. 咁到時又多個你姑仔咁既人. 所以如果許可的話. 對個小朋友好d, 關心佢多d.

4. 至於你姑仔, 反正佢已經覺得你唔鍾意佢, 所以無必要刻意逢迎佢, 袛要保持距離, 客客氣氣, 大方得體咁已經 ok.

上述袛屬本人愚見, 如不合聽, 還望見諒.
私人傳訊

ronleung


大宅

積分: 3720


13#
發表於 04-6-3 16:46 |只看該作者

Re: 可以靜雞雞離間老公同佢親戚的方法?

可能我自己細個都試過無左媽咪個種淒涼, 所以我先至覺得我姑仔特別討厭;我好記得我細個媽咪病個陣最唔捨得就係年幼的我, 幾辛苦同病魔摶鬧都係為左睇多我幾年, 我好記得佢話痛到咁不如比我死啦. :-x 但係點解佢咁自私就咁掉低個女, 唔係為左生離死別而係自己的私慾, 我見到佢個女就好似睇到自己細個無媽媽個種賤. 因為我係開刀生我個女, 又係餵人奶的所以唔可以進補得咁厲害, 唯有就係食不斷咁食,我有朋友話我係咁食之後好難收身,但係我情願肥壯D身體好D夠氣夠力湊我個女,我真係唔想自己個女行番自己條路.
生完泳泳(我個寶貝女)六個禮拜後返醫院覆診,點知醫生話泳泳出世個陣個胎盤同個子宮差D分不開(如果真係分不開就要開刀切左個子宮但個時生緊BB充緊血有可能會流血不止) 如果下次生BB都有可能會係咁,個醫生就唔係咁贊成我摶了, 我聽完之後真係呆晒, 因為我一心諗住同泳泳生多個弟妹,等佢第時大個有照應, 點知........... (我媽媽過身之後好彩我仲有個家姐睇下我) 當晚我知道呢個消息已經係屋企痴痴呆呆望住個女, 點知我姑仔仲要招野埋D古惑仔上來按鐘抄佢......
我個時只係摟緊個女喊住同我老公講:我可能只係得一粒女咋,我點都唔可以比人嚇親/傷害到佢,如果搬左,唔可以比你個妹再知道我地住係邊..... 所以我老公先至應承我唔比佢知我地ADD咋.
講真我同我老公其他親戚的關係都幾好, 如果佢個妹的人格唔係差到如此我都唔會咁抗拒佢.
私人傳訊

Wing-Mamma


複式洋房

積分: 191


14#
發表於 04-6-4 17:52 |只看該作者

Re: 可以靜雞雞離間老公同佢親戚的方法?

ronleung,


睇完你既留言, 我覺得你係個好媽媽. 泳泳有你呢個媽媽係佢既福氣. 而你個姪女就無咁幸運. 我個人認為, 其實係咪親生唔係咁重要, 正所謂親娘不及養娘大. 如果可以, 你可否將你姪女當你親生看待 ?? (我並唔係叫你抱埋個姪女返屋企住, 因怕佢亞媽搵到黎你屋企, 咁可能非你所願). 反正你都想幫泳泳搵個伴, 表姐同弟妹都一樣. 可以一齊成長. 對兩個小朋友黎講可能係好事. 我諗將來你個姪女大個女識諗時, 一定會好感激你呢個伯娘. 以上純粹個人意見, 唔好怪我多事.

私人傳訊

ronleung


大宅

積分: 3720


15#
發表於 04-7-1 01:44 |只看該作者

好討厭好鬼憎我個死人姑仔

我發覺自己真係好討厭好鬼憎我個死人姑仔,佢做野真係無腦的, 岩岩先靜左3個禮拜左右又做埋D野令人黑人憎了, 話說我老公岩岩轉左呢份新工個零月已經收工收好夜, 好多時成12點幾先返,等得佢返來食D送飲下湯, 我都係見得個零鐘頭,但我都同自己講佢係做野唔好有D咩疑心令大家鬧交要識體諒佢至好, 做好自己的野例如煲湯煮飯湊囡教工人,又要識得教順下老公個邊D屋企人,例如明日假期特登約埋佢亞婆亞姨一家去飲下午茶跟住上來我屋企食飯,佢亞姨話鐘意飲豬'月市'湯我又去買來煲,跟住又學整齋來招呼婆婆.
好似今晚12點8個字, 我老公打返來話收工,但係佢個死人細妹話好耐無見有D野傾喎, 咁我個死佬又懶有親情咁走去酒吧(因為D懶人係酒呢做拳手的)度搵佢傾計了, 跟住我老公驚我唔信仲叫埋佢細妹打來搵我喎, 仲話我好耐無見佢啦,搵佢傾下計者,唔好亂諗呀,我知女人實會亂諗的. 我真係想講句粗口跟住及線, 簡直就係明知故犯, 概然你都知個亞嫂會亂諗點解都仲要做, 我唔係阻止佢地的兄妹情, 但點解要係半夜成點仲要係酒吧先? 佢自己不知自愛跟佬走,抛夫棄女就好啦, 概然明知的引人反感的, 係咪要搞到個亞哥亞嫂鬧交先開心呀?
私人傳訊

ronleung


大宅

積分: 3720


16#
發表於 04-7-1 03:54 |只看該作者

Re: 好討厭好鬼憎我個死人姑仔

我老公返左來啦,仲成身酒氣又嘔過添,我個姑仔打來同我解釋話酒吧唔夠枱所以叫個亞哥落去喎,原來兩兄妹都係白痴,雖然我老公係好聲好氣但講來講去都話係同一條腸出呀之類,講真,陪埋你玩喎,硬係親生兄妹啦(有邊個男人唔鐘意玩呀)大條道理話搵個妹然後去玩,嘩!大佬你知唔知你結左婚呀,我咁對半夜出去同人旺場傾到三更半夜成身酒氣得唔得先?我仲以為係死人定頃樓咁大件事添,頭先我已經表露左我的不滿,但今晚唔會再講,同個醉酒佬講野只會晒氣.
真係好無奈,自問自己苦心經營自己頭家,但就成日有D唔識諗的人來搞破壞,老公又始終有D心引想去下玩!! 除左服侍個囡之外,其他野我唔會再做得咁細心,有時間留來已用仲好,反正頭先我老公都係話我好唔信佢者,係呢D關頭我的好佢仲鬼記得咩?!
私人傳訊

ronleung


大宅

積分: 3720


17#
發表於 04-7-2 10:12 |只看該作者

Re: 好討厭好鬼憎我個死人姑仔

昨日冷戰左一日,係我個衰佬仲睡緊的時候我已經帶埋亞囡工人出左街了,夜晚先返去煮飯,不過就無同佢講野佢亦唔敢"搭訕",其實我真係好想打電話比我姑仔,同佢講:"唔好再有下次,我今日頭家所擁有的唔係抽奘返來的,男人都係爛玩,尤其是你亞哥個D性格,沈迷你應該比我仲清楚,我唔想第時家嘈屋閉個陣來怨人." 但係事隔2日又打比佢講埋D咁的野,我驚比人話我搞事,小事化大,究竟係先小人後君子好定還是睇定D睇下有無下次先呢?!?!?!?!?!?!
私人傳訊

maggiechow


大宅

積分: 2616


18#
發表於 04-7-2 16:02 |只看該作者

Re: 好討厭好鬼憎我個死人姑仔

Dear Ronleung,

我完全明白你慨心情，我無一個黑人憎姑仔，但有一個無良奶奶，她時時刻刻都係錢，講真，我識隻佬時，她已沖大頭鬼，我心諗，奶奶有錢，唔駛養佢，兩公婆一定ok啦，到我o地話想買結婚，老公問佢借30萬首期，到要落大訂，佢先至話無錢借，初頭話定期又到期，欏o左會無晒息，我o地話會比返佢，佢又借o左比佔外甥做生意，一句到尾，唔肯借，卒之我o地細訂都無埋。再過2年，我地決定先註冊，入紙問政府借首期，到搵到樓，老公話再問佢亞媽借唔借 (我同老公話 ：一定唔借)，結果如我所言。我地唯有供得辛苦D問政府借，後咪我亞媽知道，自動借o左十幾萬，可以同銀行借少D，everything okay，我奶奶等我地住兩2年先第1次到我屋企，仲大大聲話：話.........間屋細到o禁，仲得2間房，點住呀。我即刻講：無錢比首期，又無錢供，係o禁o架啦，有本事你買間我住，何況1間兩公婆，1間比將來BB住，夠啦。(意下無佢份住)，佢當然無聲出啦。

再過多2年幾，我有o左BB，佢得'鵝'一聲，1個月後又問我地要萬5蚊，問佢有咩用，唔答，咪無比佢，點知佢走去當
o左隻結婚介子 (我老公未見過佢老豆)要我地熟返，o禁就無o左萬幾蚊。兩公婆諗佳用D錢幫我補身o架，我地已經比佢攪到身無分文。
仔仔06-12-2003出世
私人傳訊

Wing-Mamma


複式洋房

積分: 191


19#
發表於 04-7-2 20:10 |只看該作者

Re: 好討厭好鬼憎我個死人姑仔

你同你老公無野啦嗎 ? 為左D咁既人同老公嘈好唔抵. 我諗你最好同你老公表明唔高興(不過要大家都心平氣和先喎). 等佢知你諗緊咩唔駛大家估估下. 因為冷戰得耐d男人會覺得係d女人小氣, 小題大做. 咁佢就唔會覺得佢唔恰.

確實, 佢兩兄妹係同一條腸出, 咁佢個妹要見佢亦天公地道. 不過可唔可以早去早返, 唔駛搞到三更至返 ?? 我地唔係唔放心個老公去夜街, 但係屋企有老婆仔囡係咪要照顧下屋企人既感受呢 ?? 去到咁夜, 屋企等o個個會好擔心. 唔知會唔會有咩意外 ?? 等到個老公返到屋企發現佢飲到醉晒, o個老婆會擔心老公既身體喎, 仲有要個等左咁多個鐘頭既人服侍佢, 佢好唔好意思呀 ?? 如果倒轉頭佢係你, 佢會唔會擔心同好嬲呀 ?? 將心比己, 佢應該知道點樣做.
私人傳訊

ronleung


大宅

積分: 3720


20#
發表於 04-7-2 21:45 |只看該作者

Re: 好討厭好鬼憎我個死人姑仔

我覺得呢個世界係唔會有公平囉,點會有將心比已呢樣野,我老公係個種剩係識得叫人體諒而忘記去體諒人個隻,我唔會話佢唔識,不過可能對象唔係我又或者覺得無咁的須要卦? 你講中晒,我已經好明顯表明晒我對佢個妹的所作所為有幾不滿,而佢亦的確係覺得我好小器的.我都有諗過試下自己出去飲下野(酒)等佢返來見到,比佢 feel 下,但諗深一層,明知係衰的唔通同佢兩兄妹鬥衰咩!飲酒又唔係D咩好野,以前出去溝仲飲唔夠咩,我無咁蠢呀,但我亦唔會再成日坐係間屋度囉,得閒帶下亞囡去行下街去游下水或者自己搵D學返下好過(仲要認真減肥添)等我個衰佬唔好以為我同亞囡一定要等佢先過得日神.
私人傳訊


首頁
123

尾頁

跳至頁
返回列表
回覆
發帖

© 2025 Baby-Kingdom.com Limited.

網站： 聯絡管理員 廣告查詢 私隱政策 使用條款 免責聲明 使用意見