吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 懷孕前後› 517浸會開刀分享(長)

懷孕前後今日: 0|主題: 330441

收藏本版

發帖

返回列表

跳至頁

查看: 8793 | 回覆: 54

517浸會開刀分享(長) [複製鏈接]

12 3

shanyuen

別墅

積分: 1000

1^#

發表於 15-6-8 19:42 |只看該作者 |倒序瀏覽 |打印

阿仔出世3個星期，終於有時候靜落黎分享一下今次喺浸會開刀既過程。

因為我揀左517早上開刀,所以要早一日516就要到醫院辦手續，老公同媽咪陪我約晏晝6點左右到醫院，去到二樓婦產科收症室同姑娘講辦入院手續，佢地就叫左我同老公入去填表問我地一d問題。
當時姑娘要我揀既野：我揀左大房(6人房),無join package,揀左喺浸會，阿仔一出世做埋新生代謝測試(費用$1000)，無揀到驗臍帶血，尿喉可提出麻醉藥前or後插。
填左一堆表，簽左好多個名，之後就去磅重，驗小便，入房比姑娘聽胎心跳同埋剃毛之後就入房。

姑娘安排左個窗口位比我，感覺床位空間幾大，當時住6人房，但連埋我得4位產婦入住，全部都係開刀，並都係早一日開左刀，所以，有兩位連床都未落得。另一位就剛剛當日先落得床，所以，成間房得我一個暫時活動自如，所以比較清靜。

入到房後，不繼有人黎搵我，有黎驗血既，派衫及外套，派手帶，派產婦包(孕婦m巾，網褲，沖洗瓶，洗手液，床墊，女性清潔液等等),每張床都已經提供冷熱水壺，一個水杯，電視耳筒，一個隨身小手袋，一把鎖。

所以，實際要帶入去既唔多，主要係拖鞋，有需要既可以帶長褲，護膚品，毛巾，牙刷牙膏，如果會喺醫院沖涼既就拎埋沖涼洗頭用品⋯⋯

因為攪晒所以野都成夜晚7點有多，我老公同媽咪就落去醫院地庫一樓買埋晚餐上黎同我一齊食。

探病時間由7:30-22:00,佢地陪到我近十點我就叫佢地走，我準備瞓覺，由入院到第朝早開刀前(包括半夜),定時定候就有姑娘黎同我聽胎心跳同量血壓，而開刀前既哩一晚，可能心情緊張又或者係咁大個女第一次喺醫院過夜，加上附近床生產完既媽媽，可能生完心情愉快，瞓覺既鼻\'行\'聲係大到，基本上我成晚瞓唔著⋯⋯

要餵奶，待續再打第2朝開刀過程⋯

0 0 0

私人傳訊

咇叮叮

別墅

積分: 684

2^#

發表於 15-6-8 20:11 |只看該作者

回覆：517浸會開刀分享(長)

我518都係浸會開刀喎

私人傳訊

shanyuen

別墅

積分: 1000

3^#

發表於 15-6-8 22:27 |只看該作者

回覆：517浸會開刀分享(長)

經過漫長一夜，朝早8點幾，姑娘已經比晒衫我要我換，之後同我插尿喉，插嗰下係有小小唔舒服，但唔會覺得痛，
9點幾左右，一堆姐姐就好趕咁同我過床，推我落1樓手術室，之後見佢地都係好趕好趕咁，一路推到我喺手術室前，要我簽埋份手術同意書。
之後就入去，入到去，都係一樣，比一堆人推我過去手術枱，之後依然見佢地全部人好似好忙咁，個個快手快腳咁整野，之後麻醉師同我打招呼，佢想同我種豆喺手背度，我記得我話我好怕打針，之後就有個護士幫我擋住麻醉師同我入針個視線，哩下我覺得唔錯，好快種豆支針入左手，無我想像中咁痛，之後好快咁就比麻醉師要我曲埋個身，準備喺我背脊下打麻醉針，一樣入針嗰下其實唔係好痛，之後佢地就叫我要即刻要瞓返直個身，之後我就開始覺得個頭有d暈，有d眼瞓咁，但feel到佢地用冰test緊我雙腳⋯之後就有人拎一大塊布遮住左我前面，我眼前喺係見到塊布，因為好頭暈，我瞓著左咁滯。
無幾耐就聽到bb喊聲，聽到佢地叫\'bb出世啦\'嗰下我仲未回得神返黎，因為仲好頭暈，好想瞓既感覺，之後佢地就拎bb埋黎比我睇，嗰刻開左眼見到一個成身紅紅黑黑既bb,姑娘仲叫我睇下係咪男仔，嗰下實在太暈，我根本都望唔清，但因為我知係仔，所以就答佢係⋯
之後一樣，佢地好快好急咁，同我縫傷口，無幾耐就見佢地收起我眼前塊布，就推返我出甦醒區休息⋯攰左一陣就送返我上我張床。
由我喺自己張床推去手術室，到阿仔出世，足足只係20mins,而由我落手術室再返自己病床，聽屋企人講都只係1個鐘內。

返黎上床，無幾耐就有姑娘推左bb比我睇，仲比bb埋身啜下我乳頭想刺激做奶，之後姑娘幫我同我屋企人一齊同bb 影左幾張相，之後我就臥床休息⋯
因為要瞓床24小時，手術後要6小時後先食得粥水，但其實手術後我已經覺得好肚餓，之後3，4個鐘後，feel到d麻醉藥開始退緊，但嗰陣傷口唔覺痛，反而係子宮收縮既痛強烈好多，我記得返病床無幾耐，就有姑娘過黎同我按摩個肚，喺我個肚大力按左幾下，但嗰幾下簡單痛到想死，之後就feel到有好多血排左出黎⋯⋯
之後哩24小時，不斷臥床開始感覺傷口同子宮收縮既痛（待續)

私人傳訊

M.A.C

伯爵府

積分: 17773

4^#

發表於 15-6-9 00:29 |只看該作者

我曾經產前因為某些問題而入院安胎，咁啱隔離病床既媽媽係第二日開刀生仔，回房後無耐姑娘就黎同佢按肚，佢既叫聲真係好慘架。。。。

私人傳訊

shanyuen

別墅

積分: 1000

5^#

發表於 15-6-9 00:37 |只看該作者

引用：我曾經產前因為某些問題而入院安胎，咁啱隔

原帖由 M.A.C 於 15-06-09 發表
我曾經產前因為某些問題而入院安胎，咁啱隔離病床既媽媽係第二日開刀生仔，回房後無耐姑娘就黎同佢按肚，佢 ...

無錯，按嗰幾下真係勁痛，我嗰陣無預到咁痛，佢一按我忍唔住大叫左出黎

私人傳訊

lazycat317

大宅

積分: 2211

6^#

發表於 15-6-9 02:04 |只看該作者

回覆：517浸會開刀分享(長)

多謝分享，我9月都喺浸會生，睇咗有啲心理準備，雖然都係好驚

私人傳訊

艾妃兒

大宅

積分: 1327

7^#

發表於 15-6-9 02:25 |只看該作者

引用：阿仔出世3個星期，終於有時候靜落黎分享一

原帖由 shanyuen 於 15-06-08 發表
阿仔出世3個星期，終於有時候靜落黎分享一下今次喺浸會開刀既過程。

因為我揀左517早上開刀,所以要早一日5 ...

太好了，有浸會開刀分享，我過多2個月都係入浸會開刀呀。
想問下你浸會係用連扣式m巾？定係黏貼式m巾？
同埋點解要帶長褲？佢地會提供嗎？

另外，最想知係你無join package, 最後埋單幾錢？因為我仲未知join同唔join 嘅分別，謝謝你的分享呀！

私人傳訊

shanyuen

別墅

積分: 1000

8^#

發表於 15-6-9 08:05 |只看該作者

引用：Quote:原帖由+shanyuen+於+15-06-08+發表阿

原帖由 艾妃兒 於 15-06-09 發表
太好了，有浸會開刀分享，我過多2個月都係入浸會開刀呀。
想問下你浸會係用連扣式m巾？定係黏貼式m巾？
同 ...

佢包既係貼既m巾。另外因為佢地比既係餵奶袍，係長裙款，喺病房冷氣算幾大，如果有d媽媽生完怕凍，有需要可以自備長褲著。
我無join package,因為開刀package要住5日4夜，我本身諗住彈性d住4日應該ok,但因為有其他原因我足足住左一個星期，之後我會提到。

就係因為其他原因同住左一星期，最後我埋單7萬9，近8萬

私人傳訊

shanyuen

別墅

積分: 1000

9^#

發表於 15-6-9 08:27 |只看該作者

回覆：517浸會開刀分享(長)

過左6小時，可以食得粥水，因為真係太肚餓，但真係因為傷口同子宮收縮痛，唔係太多郁到，只可以較高張床，叫媽媽餵我食。

間中一直有姑娘黎同我量血壓，定時定候黎同我換m巾,但要有心理準備，自己要用力頂高自己pat pat,嗰下有機會傷口係痛，之後姑娘都建議我喺臥床24小時期間，一定要多d左右轉下個身，咁樣會幫忙惡露排出，同埋等d肌肉郁下，第2朝落床無咁痛⋯
雖然說話係咁講，但對我黎講，過晒麻醉藥，淨係靠吊止痛點滴同食止痛藥係止唔到嗰種痛楚，所以，我唔係好敢郁⋯

到近半夜，唔知咩事，開始feel到強烈痛楚，好明顯唔係子宮收縮既痛，今次feel到係傷口既痛，係覺得好似𠝹損左嗰種痛，咁啱有姑娘入黎同我量血壓，即刻對佢地講，我問，仲有無止痛藥食，佢地過，未夠鐘要食，但醫生無開塞肛止痛藥比我，只係額外開左止痛針，但支針既藥水，同我吊緊既係同一樣野，建議我無謂再桔多自己一針，之後佢就即刻幫我幾包止痛點滴加快左落藥速度，隔左一陣，果然無咁痛，我先勉強可以瞓到覺⋯⋯

第2朝，夠臥床24小時，姑娘黎同我拆尿喉同拆止痛點滴，嗰下我有嘗試同姑娘講，包點滴可唔可以滴晒先拆，我怕拆左我會好痛，好明顯梗係比姑娘拒絕左我要求啦，話叫我始終要面對，無理由呆住包野周圍走。

好吧，其實本身我好忍得痛，連紋身我都覺得唔痛既情況下，我一直覺得開刀傷口應該無乜野既，所以，就比姑娘同我拆晒所有野，等兩個鐘後就可以叫我搵家人陪同下試落床同去小便，因為支止痛點滴拆完2小時內有機會會頭暈，怕我地太快落床，跌到整親傷口⋯

要面對既始終要面對，終於鼓起勇氣試落床，可能真係我太懶，臥床期間無乜郁到，落床嗰下，雙腳根本發唔到力，我屋企人直情要抱住我咁滯比我靠力，我先落到床，落床嗰下，坦白講，堅痛，係真係痛，但落到床企直到個人之後，慢慢瑋步步行下，行鬆返d肌肉，其實個痛楚係可以接受到⋯

因為落得床，浸會每日8am,12pm,4pm,8pm可以去餵奶室度試餵人奶，我4pm嗰轉已經急不及待想去見阿仔⋯⋯

(待續)