心聲留言今日: 1|主題: 17553

收藏本版

發帖

返回列表

跳至頁

查看: 2091 | 回覆: 3

俾老爺激死 [複製鏈接]

Debbie媽

公爵府

積分: 29457

畀面勳章

1^#

發表於 04-6-19 23:11 |只看該作者

俾老爺激死

我老爺舊年沙士其間因為心臟病入院, 好采冇事,但就冇咗份工(揸車),但驗到前列線發大,當時醫生照到話佢有一點腎石,不過醫生有叫佢留醫,因為主要心有事,前列線發大好常見(男人病),所以排期到今年7月尾.

上星期慶祝父親節,佢同我老公講痾尿同痾大時尿道都會出血同右邊睪丸痛,出血我覺得唔係小事,因為我公司係醫療公司,於是問專科醫生, 醫生話有可能是cancer,亦因為前列線發大,引致尿道收窄,痾尿唔暢順,又或者真係有一粒腎石係尿道,痾尿時導致粒腎石磨損尿道,引致痾尿血.....總之就一定要見醫生先可以診斷出咩病

星期四我老公放假同佢去睇徐良柱,跟住要去Lab做驗血,心電圗,超聲波掃描,同腎,輸尿管及膀胱造影.....埋單淨化驗費$5700,(老爺同老公各俾一半)醫生費解490.(老公俾) 不過報告話冇大礙,只是右邊睪丸有小小移位(正常唔會自轉)所以磨擦引致痛,醫生建議佢著三角底防止睪丸移位,唔好再著孖煙囪,另外佢飲埋顯影水都照唔到腎或尿道有石,(不過之前佢話有,醫生話可能北區醫院照得好求其,)所以唔明點解痾尿有血,醫生問佢分唔分到係痾尿定痾大有血,佢就話肯定痾尿,不過唔係次次痾都有血,但如果佢咁肯定,醫生就話要用內窺鏡插入尿道再照,不過心電圗同驗血報告要等星期一先有,所以醫生俾4日藥,星期一覆診.

今晚食緊飯,老爺打電話同我老公講d藥無效,星期一唔去覆診,我問點解,老公話佢驚星期一又要俾多一筆,我話星期一只係睇報告,唔使俾錢,只係俾覆診費$490,同埋我問過同事,前列線發大冇得醫,只能長期食藥去抑制唔好再脹大,到時醫生會寫紙自己出去佩藥, 但佢仍然堅持自己痾尿有血,痛,佢諗住等7月尾睇政府,真係俾佢激死, 大佬痾尿有血,唔係痾大有血(因為有痔瘡都會),而家6月,有排先至痾到7月尾,況且徐良柱係一個幾出名既醫生,又唔會濫收診金,況且診金都合理$490(睇咗約半個鐘) 錢已經俾咗,報告又唔睇,就算7月尾政府都未必同佢做咁多化驗,樣樣都要排,做去除腎石手術要排到11月,都唔知佢要咁多錢黎做咩???

我決定星期一請假同佢一齊覆診