心聲留言 今日: 0 | 主題: 17563

積分: 2373

1^#

發表於 04-6-25 21:02 |只看該作者

朋友，我不是迫你，但....我真的無奈！誰人可以幫我？

大半年前我負債纍纍的時候有個朋友向我借了一筆錢，我知道當期時他丈夫減薪難以維持生計，最後我老公私人向公司借了筆錢給他好讓他渡過這個難關。他說要待他好景時才可以還給我。到今天我亦從沒提他半句。

上兩個月他又要求我們借錢給他，因上次我老公都是問公司借到現在一毫子都無還，今次實在唔好意思再問公司借，初時我都向他道出苦況說今次未能再借出，但他苦苦哀求說今次無這筆錢連工都會無，最後我向他說我問我親戚借住比你先，我都知你的情形，但這筆錢我親戚是用來供樓，希望你月底出糧前可以還比我，等我可比回我親戚供樓。他實牙實齒應承我無問題待他出糧時會還返比我。我都知我朋友慘，我仲同佢講你分二個月還啦我出糧時幫你還小小比我親戚先唔駛他一個月還咁辛苦。

到第一個月，過了還款日子，主動電他......他竟說出糧根本巳經無晒錢真係無能力還，你體諒下！我說這筆錢是千真萬確我親戚的供樓錢當初借比他的時候巳經同他說一定要出糧即刻還返比我親戚；他說沒有問題。如今他說我真的無錢你幫我還住比你親戚先。我都唔知點同我親戚講好，一來自己真係無多餘錢代他還，二來我親戚仲係四五十歲臨老先儲夠錢買樓個隻仲要係

私人傳訊

曾師奶

積分: 726

2^#

發表於 04-6-25 21:14 |只看該作者

Re: 朋友，我不是迫你，但....我真的無奈！誰人可以幫我？

老實講,你朋友都好唔負責任,明知你d錢都係問人借都唔理你,你亦太過好心,如果比我知親戚要o黎供樓的話我就一定唔會博,我以前做過收數公司,眼見唔少人窮起上o黎咩都做得出,唔好話係朋友,就算係親人都冇面俾呀!你唔好再借比佢呀,
你自己都有頭家嫁!

私人傳訊

積分: 2373

3^#

發表於 04-6-25 21:26 |只看該作者

Re: 朋友，我不是迫你，但....我真的無奈！誰人可以幫我？

我依家真係好心痛，因為這段友誼由我自己一手毀滅！

私人傳訊

jasmine媽咪

積分: 823

4^#

發表於 04-6-25 21:54 |只看該作者

Re: 朋友，我不是迫你，但....我真的無奈！誰人可以幫我？

我都有過不少這些經驗!最後結論係:叫人還錢重慘過乞!Longman:呢D朋友要唔要都罷!無需要內疚!!

私人傳訊

曾師奶

積分: 726

5^#

發表於 04-6-25 22:09 |只看該作者

Re: 朋友，我不是迫你，但....我真的無奈！誰人可以幫我？

Longman,

唔好唔開心啦!

私人傳訊

phoebepanpan

公爵府

積分: 27083

好媽媽勳章

6^#

發表於 04-6-25 23:19 |只看該作者

Re: 朋友，我不是迫你，但....我真的無奈！誰人可以幫我？

Longman,
講到錢, 親戚老公都冇情講, 更何況係朋友.
當年你負債纍纍, 實在唔應該幫佢向公司借錢.
相信你都係衰心軟.

錢你已借出, 大概你亦知佢暫時冇得還比你.
你call 佢, 佢當然唔會覆你,
因為佢都唔敢面對你. 向你一次又一次講冇錢還.

你再send SMS message 話比佢知, 你現在既苦況.
希望佢能夠同你一齊解決問題.

私人傳訊

PoohBB

男爵府

積分: 7413

7^#

發表於 04-6-26 00:50 |只看該作者

Re: 朋友，我不是迫你，但....我真的無奈！誰人可以幫我？

講到錢, 親戚老公都冇情講, 更何況係朋友. 真係冇錯
親生子不及近身錢..,
1百幾十, 1次2次都得... 過千就唔好..

你朋友有難,你幫佢, 你有難,佢唔幫....
邊個可意幫你.. ???
除左錢可擺平所有事, 你再借, 佢咪同你friend....

有事時冇人會幫, 除左錢可幫你..

留d錢係自己袋好過,

冇朋友做咪算, 係朋友唔會咁整你..
係度同d媽咪傾計都一樣姐..唔怕冇朋友..

你試下..
(唔好特登同佢講, 想下古仔先...)
話佢知可再借, 是但講d藉口, 真d wor..
因要轉錢, 叫佢還住之前果d先..., 還到幾多都好, 好過冇
如己借$2k, 話可借多$4k, 不過要還左之前果d先....

我己前就試用呢d藉口, 追到d錢返黎..

我想我應該應該不會愛你　
為了要努力　努力的不愛你
所以我讓自己那麼喜歡你
這樣你就不忍心和我分離　
我想我討厭　討厭驕傲的你　
也討厭美好　美好的那個你　
於是我要自己假裝討厭你　
那麼你就捨不得離我而去

私人傳訊

kgpooh2

積分: 2087

8^#

發表於 04-6-26 02:04 |只看該作者

Re: 朋友，我不是迫你，但....我真的無奈！誰人可以幫我？

longman你無做錯,無須自責
我以前阿爸同我講過如果人地問自己借錢,自己有就可以
借幫吓人如自己無千萬不要伐人借錢.
就算係阿哥都係咁佢唔還迫住要自己還你吹佢唔脹因為
借錢個名係自己到時簡直係自己攞野嚟煩.
你不如試吓侮個月差不多出糧日打電話比你朋友叫佢小小
都好分期還,好過1毫都無你要煩吓佢小小如果唔煩佢咁就
自己會仲煩.

私人傳訊

積分: 2373

9^#

發表於 04-6-26 02:54 |只看該作者

Re: 朋友，我不是迫你，但....我真的無奈！誰人可以幫我？

Dear all,

Thanks for all replies !

我依家真係好煩，
錢又無；朋友又無；公司又追數；都唔知點算好！！！
好在都有BK這處好讓我發洩一下，但......發洩完後又要面對返可怕的錢問題。

我現在好嬲我自己，出於所謂好心累到老公現在咁受氣，累到親戚關係破裂，這一切都是我錯。

最傷心是聽到我朋友講你追我都無辦法我真係無錢，你迫我都係無用，仲叫我不如試問其他人可否幫忙！

私人傳訊

arron媽

子爵府

積分: 14944

10^#

發表於 04-6-26 08:02 |只看該作者

Re: 朋友，我不是迫你，但....我真的無奈！誰人可以幫我？

很衷心替你難過!! :-( :-( :-(
當買個教訓, 雖然真係好貴... 我以前都試過, 真係好激心, 但至此的確唔會再借錢比任何人, 你以後亦不會再上同樣的當.

私人傳訊

lemontree

男爵府

積分: 5587

11^#

發表於 04-6-26 10:10 |只看該作者

Re: 朋友，我不是迫你，但....我真的無奈！誰人可以幫我？

其實所謂朋友, 是否可分擔開心痛苦, 並不是將自己的痛苦轉移給你. 友誼是否建立在$上? 你最錯是自己無能力下, 還替他解決問題, 你都無多餘$, 為他左借右借, 影響自己, 家人, 老公公司, 這樣公平嗎?幫朋友是否應量自己能力呢? 我以前都試過為幫人, 借卡數, 要我老公一齊幫佢還, 最後當然朋友都無啦, 不是我嬲佢亦沒有叫佢還, 係佢實在無面見我, 我都以為終有日, 於我有難時, 佢會申出同情之手, 但因一句"施恩莫望報"而打消念頭. 無謂再想咩朋友, 現在想下重有咩辦法解決d$問題啦

私人傳訊

mingb

積分: 1093

12^#

發表於 04-6-26 12:04 |只看該作者

Re: 朋友，我不是迫你，但....我真的無奈！誰人可以幫我？

妳現在唔開心, 就係因為冇左個朋友?

我覺得妳應該為信錯朋友而令到親戚同埋老公麻煩而唔開心, 唔應該再諗果個所謂既朋友, 我明白妳係因為冇乜朋友而唔想破壞呢段友誼, 但係人地有冇當妳係真正朋友? 冇朋友總好過誤交損友.

我個仔好得意架

私人傳訊

ryan-mame

積分: 903

13^#

發表於 04-6-26 12:06 |只看該作者

Re: 朋友，我不是迫你，但....我真的無奈！誰人可以幫我？

tiffany'smum 寫道:
"....叫人還錢重慘過乞!.......

絕對贊成。

所以我自己都好怕有人問我借錢的，因為唔知對方有無得
還，借左又唔知點開口問佢還，所以每次有人問我借錢時，
我老公一定話 "你借俾佢就一定要預佢無得還，如果你覺得
佢無呃你，而佢又真係好需要既，你可以咪借囉。又或者
你唔知點推佢，咪借一半囉，第時無得還都無咁傷，有得
還咪當中六合彩囉。"

Longman,

我覺得你真係好"為"你朋友，你自己錢銀都唔係咁鬆動，
仲要叫老公問公司借錢黎幫佢，但佢竟然咁對你，加上佢
既態度同對話，好明顯佢當你係"水魚"多過朋友。

經一事長一智，唔好唔開心啦，咪當識少個朋友囉，你日日
都煩著佢、call 著佢，要佢還錢，經過呢件事之後，你都唔
會再佢知做知己o架啦，目前最緊要係令佢還錢，再唔係咪
同佢屋企人呀、朋友呀講哂件事出黎。

私人傳訊

該用戶已被刪除

14^#

發表於 04-6-26 15:27 |只看該作者

Re: 朋友，我不是迫你，但....我真的無奈！誰人可以幫我？

提示: 作者被禁止或刪除內容自動屏蔽

私人傳訊